Najə̄ kə́ Majə yā Jeju ń Luk ndang ní 12:19 - Bibəl ta Sar̄

¹⁹ Ba gō tə́ tā anī, m-ā m-ə́da rɔ̄ḿ mə̄kɔ́ na: Á̰a̰ā̰, yá̰a̰ yāí gə̄ kə́ ī-ngɔ̄m̄ i ngá̰ý, adə̄ a rāā seí ɓāl̄ ngá̰ý ní ī-to ōō rɔ̄í ō, ə́sa ō, ā̰ȳ ō, ba ī-rāā rɔ̄nel̄.

Bible sar

¹⁹ Ba gō tə́ tā anī, m-ā m-ə́da rɔ̄ḿ mə̄kɔ́ na: Á̰a̰ā̰, yá̰a̰ yāí gə̄ kə́ ī-ngɔ̄m̄ i ngá̰ý, adə̄ a rāā seí ɓāl̄ ngá̰ý ní ī-to ōō rɔ̄í ō, ə́sa ō, ā̰ȳ ō, ba ī-rāā rɔ̄nel̄.

Najə̄ kə́ Majə yā Jeju ń Luk ndang ní 12:19 Referans Kwoze

Gōsə̄ najə̄ gə̄ 27:1

Ī-lōō tɔ̄ȳ rɔ̄í tām̄ yā ndɔ̄ kə́ bírí tə́, tɔdɔ̄ yá̰á̰ ń a rāā yā rāā yá̰á̰ ní ī-ger̄ alé.

1 KORḚNTƏ 15:32

Rɔ̄ɔ̄ ń m̄-rɔ̄ɔ̄ kə dā̰ gēé kem ɓē kə́ Epejə tə́ ní, ré m̄-ra i dɔ gír̄ yā deē ndul gə̄ tə́ anī a teēm̄ i rí? Ré de gə̄ ń oyn̄ ní a ndólə̄n̄ aĺ anī, ādə̄ j-əsaī ō, j-a̰yī ō, tɔdɔ̄ bírí anī j-a j-ɔyiī.

IJAI 5:11

I yá̰á̰ kə́ to kum kaȳ aĺ kə́ ba̰ý beē, tām̄ yā ngé kḭḭ dɔɔ́ ta gír loo tə́ ɓatə ka̰ȳ ngɔ̄də̄ gō kasə kə́ ngan̄g gə̄ tə́ ō, kasə nduú rāādə́ adə̄ dan ndɔ̄ tɔyɔ́ gə̄gē anī, nin̄ a dáȳn̄ i mbéé ɓáý ō ní!

KOHELET 11:9

Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

JAKƏ 5:5

Sḭḭ̄ ī-ndiī dɔ nang tə́ i dan yá̰á̰ kə́ majə gə̄ tə́ ō, i dan rɔ̄nel̄ tə́ ō, sḭḭ̄ ə̄ndāī mbóĺsí tām̄ yā ndɔ̄ tɔ̄l̄sí tə́ ō.

PILIPƏ 3:19

Ta tɔ̄l̄ tadə́ i kudə ń nin̄ a udən̄ kɔ̄ɔ́ ní. Nə́ɓā yādə́ i kemdə́. Yá̰á̰ ń majə kadə̄ adə̄də́ rɔ̄sɔl̄ ɓá anī nin̄ a ɔjənə̄ń i rɔ̄də́. Nin̄ a gírə̄n̄ i dɔ yá̰á̰ kə́ dɔ nang tə́ laā gə̄ tə́ ngóy ō.

Gōsə̄ najə̄ gə̄ 18:11

Yá̰a̰ kənge yā nge yá̰a̰ kal̄ loo i ɓē kə́ ngan̄g yān, kem gír̄ yān tə́ ní yá̰a̰ kənge yān i ndogə̄ mbal̄ kə́ ngāl̄ kə̄ dɔɔ́.

PĀ GƏ̄ 62:10

A̰á̰ā̰, de gə̄ i nél karī ō, ngé rī ɓār̄ gə̄ i sor̄ karī ō. Ré deē mbɔ̄jə́də́ malang naā tə́ anī, nél ɔȳ tɔȳdə́.

JEJU TEĒ KUM JA̰A̰ 18:7

Ī-rāāin̄ yá̰á̰ kə́ tōr̄ gə̄ ō, ī-rāāin̄ ādə̄ əhɔ ndoō ō, ādə̄ asə kə gō kɔr ń ni ɔr ta rɔ̄n ní ō, ādə̄ asə kə gō tə́ndā ń ni tə́ndā yá̰á̰ kə́ majə ngá̰ý yān gə̄ kə ta naá ní ō. Tɔdɔ̄ ni-əda kemən tə́ na n ndi na i kə́ mban̄g kə́ dəyá̰ tə́ ō, ngaan na oy aĺ ō, na n əhɔ ndoō aĺ i kə́ bátə́ gə̄ tə́ ō.

1 PIYER 4:3

Tɔdɔ̄ kété ní sḭḭ̄ úniī kum mbang kə́ təsó ngá̰ý ī-rāāīneé yá̰a̰ tītə̄ ń de kə́ ndágá gə̄ a rāān̄neé ní. Adə̄ sḭḭ̄ ī-rāāī yá̰á̰ kə́ majaĺ gə̄ ń ɓōn i kemsí tə́ ní ō, sḭḭ̄ i ngé kum ndaa yá̰a̰ gə̄ ō, ngé ka̰ȳ kasə kadə̄ rāāsí gə̄ ō, ngé kəsa wa gə̄ ō, ngé ka̰ȳ kasə ngá̰ý loo rɔ̄nel̄ gə̄ tə́ ō, ngé rāā ɓesə̄ kə́ majaĺ ngá̰ý gə̄ ō.

2 TIMOTE 3:4

a télən̄ kɔ̄ɔ́ gír madə̄də́ gə̄ tə́ ō, a rāān̄ yá̰a̰ kanjə̄ gíŕ yá̰a̰ ō, kɔjə rɔ̄ utə̄ kumdə́ kɔ̄ɔ́ ō, a gḛyn̄ Nə́ɓā alé ba a gḛyn̄ i rɔ̄nel̄ yādə́ tá.

OJEE 12:8

Kɔ́ɔ̄ɓē əda na: Epəraim, ḭ̄ āw̄ kə yá̰a̰ mbɔ̄jə́ kɔȳ yá̰á̰ kə́ gōtə́ aĺ jīí tə́. Nelī gól̄ de gə̄ ngá̰ý.

IJAI 22:13

Tá loo i rɔ̄nel̄ ō, i yá̰á̰ kə́ to rɔ̄nel̄ gə̄ ō: De gə̄ tɔ̄lə̄n̄ man̄g gə̄ ō, batə̄ gə̄ ō, əsan̄ dā̰ ō, a̰ȳn̄ kasə nduú ō. Sḭḭ̄ ə́daī na: Ādə̄ j-əsaī ō, j-a̰yī ō, tām̄ j-a j-oyiī bírí!

IJAI 5:8

I yá̰á̰ kə́ to kum kaȳ aĺ kə́ ba̰ý beē tām̄ yā ngé rāā kújə gə̄ kə̄ dɔ naā tə́ tə́, tām̄ yā ngé kɔy ndɔr̄ gə̄ kə̄ dɔ naā tə́ tə́! Ta tɔ̄l̄ ta anī, nin̄ taān̄ loo malang ō, kem ɓē ɓáa i nīń ngóy ō.

Gōsə̄ najə̄ gə̄ 23:5

Kumií a a̰a̰ yá̰a̰ kənge ba sḛy beē a gətóo kɔ̄ɔ́, tɔdɔ̄ ni ger̄ kḭḭ bɔ̄gə̄! Ni a ḭḭ bɔ̄gə̄ kum kə̄ dɔ rā̰ tə́ tītə̄ kə̄rō beé.

Makətūbə̄ yā Job 14:1

Deē ndul ń dəyá̰ ojən ní, ndɔ̄n gə̄ i ngá̰ý aĺ ō, a̰a̰ tápə̄ ngá̰ý ō.

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

1 TIMOTE 5:6

Banī dəyá̰ kə́ ngaa koy ń i nge ngɔ̄də̄ gō yá̰á̰ kə́ nelə̄n gə̄ tə́ ní, ká ré ndi kə kumneé ɓáý gə̄gē anī, ni i kə́ koy kɔ̄ɔ́.

Najə̄ kə́ Majə yā Jeju ń Luk ndang ní 21:34

Ī-ndiī já̰já̰ dɔ rɔ̄sí tə́, ba ī-lōōī kəya̰ kadə̄ rāā nāā gə̄, kə kasə rāā gə̄, kə sōlə̄m̄ kə́ dɔ nang tə́ gə̄, rāān̄ ndíĺsí adə̄ ɔȳ nding, na sōgə́ ndɔ̄ sarya ní əhɔsí dɔ jīsí tə́,

Najə̄ kə́ Majə yā Jeju ń Luk ndang ní 16:19

Dəngam kógə̄ḿ kə́ ənge yá̰á̰ ngá̰ý ō, o̰ō̰ kūbə̄ kə́ kərē ning ō, sɔl̄ lɔ́ḿ lɔ́ḿ gə̄ ō, a əsa i yá̰á̰ kə́ majə majə gə̄ kə dɔ ndɔ̄ gə̄ ō, ndi kem ɓē kógə̄ḿ tə́ noō.

HABAKUK 1:16

Nin̄-tunə̄n̄ yá̰a̰ adə̄n̄ réng yādə́ gə̄ ō, róōn̄ ndujə̄ yá̰á̰ kə́ kotə majə rɔȳn̄neédə́ ō. Tām̄ nin̄-əhɔn̄ kānjə̄ ngá̰ý ō, əsan̄ yá̰á̰ kə́ nel̄ tadə́ ō, i kə ta kūl̄də́.

PĀ GƏ̄ 49:18

Tɔdɔ̄ dan ń a oy ní a un yá̰á̰ kógə̄ḿ yā kaw̄ń aĺ ō, yá̰a̰ kənge yān kə́ ngá̰ý a aw̄ gōn tə́ ɓádá aĺ ō.

1 SAMUEL 30:16

Adə̄ deē ní ɔr no Dabid aw̄ seneé gō Amalek gə̄ tə́. Dan ń əngen̄də́ ní tḭ̄ḭ̄n̄ naā i kə̄ loo gə̄ tə́ n ndi a əsan̄neé yá̰a̰ ō a̰ȳn̄neé yá̰a̰ ō rāānneé rɔ̄nel̄ yá̰a̰ kənge kə́ ngá̰ý ń ɔyn̄ dɔ nang yā Pilistin gə̄ tə́ ō Juda gə̄ tə́ ō ní.

Gōsə̄ najə̄ gə̄ 10:2

Yá̰á̰ kə́ kənge kə ta róbə́ kə́ gōtə́ aĺ a rāā majə kə deé alé, banī háĺ kə́ gōtə́ a ɔr deē ta yo tə́.

KOHELET 2:24

Yá̰á̰ kə́ majə tām̄ yā deē tə́ gətóo, ngá̰ý anī i kəsa yá̰a̰ ō ka̰ȳ ō, i kadə̄ kem deē nelə̄n loo rāā kəla yān tə́ ō ngóy. Mā m-á̰a̰ kadə̄ nge ń noō i Nə́ɓā n i nge kadə̄ deē kə jīneé ō.

IJAI 56:12

Nin̄ ədan̄ na: Ī-reēī, j-aw̄ jə-sāāī kasə nduú. J-a j-a̰yī kasə kə́ ngan̄g gə̄. Bírí anī, a to i tītə̄ kə́ ɓōólaā ɓáý: Gotə kasə nduú na̰y i ngá̰ý.

AMOS 6:13

Sḭḭ̄ ī-rāāī rɔ̄nel̄ tetə rɔ̄ɔ̄ yāsí kə́ Loo Dabar ń i ɓē ń ni i yá̰á̰ kógə̄ḿ aĺ ní. Sḭḭ̄ ə́daī na: Jə-taā ɓē kə́ Karnaim i kə ta kūl̄ tɔ́gə́jí rɔ̄kum, ɓē ń tɔ́gə i tū tə́ ní.

Najə̄ kə́ Majə yā Jeju ń Luk ndang ní 12:18

Gō tə́ anī ni-əda kə̄ kemən tə́ na: Yá̰á̰ ń m-ā m̄-rāā ní n toó: M-ā m̄-bótə̄yō̰ mō̰ȳ yāḿ gə̄ kɔ̄ɔ́ ba m-ā m-ə̄jō kə́ rang kə́ bo tɔȳdə́ gə̄ yā kánəń kōō yāḿ malang kə yá̰a̰ kənge yāḿ gēé kemeé.

Gōsə̄ najə̄ gə̄ 14:24

Yá̰a̰ kənge i jākā mbang yā ngé kum kedə̄ gə̄, yā de kə́ mbóo gə̄ i kur̄ dɔ kə́ gətóó ngándáńg.