Najə̄ kə́ Majə yā Jeju ń Luk ndang ní 12:18 - Bibəl ta Sar̄

¹⁸ Gō tə́ anī ni-əda kə̄ kemən tə́ na: Yá̰á̰ ń m-ā m̄-rāā ní n toó: M-ā m̄-bótə̄yō̰ mō̰ȳ yāḿ gə̄ kɔ̄ɔ́ ba m-ā m-ə̄jō kə́ rang kə́ bo tɔȳdə́ gə̄ yā kánəń kōō yāḿ malang kə yá̰a̰ kənge yāḿ gēé kemeé.

Bible sar

¹⁸ Gō tə́ anī ni-əda kə̄ kemən tə́ na: Yá̰á̰ ń m-ā m̄-rāā ní n toó: M-ā m̄-bótə̄yō̰ mō̰ȳ yāḿ gə̄ kɔ̄ɔ́ ba m-ā m-ə̄jō kə́ rang kə́ bo tɔȳdə́ gə̄ yā kánəń kōō yāḿ malang kə yá̰a̰ kənge yāḿ gēé kemeé.

Najə̄ kə́ Majə yā Jeju ń Luk ndang ní 12:18 Referans Kwoze

JAKƏ 3:15

Kum kedə̄ ń toō i kum kedə̄ kə́ ḭḭ i dɔɔ́ alé, banī i kum kedə̄ kə dɔ nang tə́ ō, i yā deē ndul ō, yā ndíĺ kə́ majaĺ gə̄ ō.

JAKƏ 4:15

I só tə́ kadə̄ ə́daī na: Ré Kɔ́ɔ̄ɓē ndigə anī, j-a jə-rāāī beé aláa i beé,

Najə̄ kə́ Majə yā Jeju ń Luk ndang ní 18:6

Anī Kɔ́ɔ̄ɓē tél əda dɔ tə́ na: Ōōī najə̄ ń nge gān̄g sarya kə́ gōtə́ aĺ ń toō əda ní, ādī udə mbīsí tə́ majə.

Najə̄ kə́ Majə yā Jeju ń Luk ndang ní 12:21

Gō tə́ anī Jeju əda na: De kə́ nge kán̄ yá̰a̰ kənge kə̄ dɔ naā tə́ tām̄ yān nəkɔ́ tə́ banī ta kum Nə́ɓā tə́ anī ni i de kə́ ənge yá̰a̰ aĺ ní, yá̰á̰ ń a rāān ní n noō.

Najə̄ kə́ Majə yā Jeju ń Luk ndang ní 18:4

Ba dəngam ní ɔdə aĺ kə́ nja naā tə́ nja naā tə́ dan i ngá̰ý. Ba gō tə́ anī əda kə̄ kemən tə́ na: Ká mā na m̄-ɓōĺ ndíĺ Nə́ɓā aĺ gə̄gē ō, usəm̄ dɔ de gə̄ tə́ aĺ gə̄gē ō anī i karī.

PĀ GƏ̄ 17:14

Ī-tɔ̄l̄də́ kə kaskar yāí ādə̄ gətóon̄ kɔ̄ɔ́ dan de gə̄ tə́. Ī-tɔ̄l̄də́ kə jīí! Ādə̄ yá̰a̰ kəndā nja yādə́ i kadə̄ gətóon̄ kɔ̄ɔ́ dɔ nang tə́! Ī-rāā ādə̄ a̰ȳn̄ man̄ kə́ katə̄ kárárá ń ī-ngɔ̄m̄ tām̄ yādə́ tə́ ní. ādə̄ ngáńdə́ gə̄ a̰ȳ ndānə̄n̄ ba əya̰n̄ gotə əndān̄ ngán kaadə́ gə̄!

MATIYE 6:26

Á̰a̰ī yel̄ kə́ dɔɔ́ gə̄: Nin̄-dubə̄n̄ kōō aĺ ō, əjan̄ kōō aĺ ō, ɔyn̄ kōō kə̄ kem mōyō̰ó̰ aĺ ō, banī Bɔbə̄sí ń ndi dɔ rā̰ tə́ ní adə̄də́ yá̰a̰ kəsa! Sḭḭ̄ ī-tɔyī yel̄ gə̄ sa̰y ngá̰ý aĺ a?

Najə̄ kə́ Majə yā Jeju ń Luk ndang ní 12:17

Anī deē ní dəje rɔ̄n najə̄ əda na: Loo kə́ kadə̄ m̄-kánəń kōō yāḿ malang gətóo ní kə m̄-rāā i ba̰ý tā?

Najə̄ kə́ Majə yā Jeju ń Luk ndang ní 12:19

Ba gō tə́ tā anī, m-ā m-ə́da rɔ̄ḿ mə̄kɔ́ na: Á̰a̰ā̰, yá̰a̰ yāí gə̄ kə́ ī-ngɔ̄m̄ i ngá̰ý, adə̄ a rāā seí ɓāl̄ ngá̰ý ní ī-to ōō rɔ̄í ō, ə́sa ō, ā̰ȳ ō, ba ī-rāā rɔ̄nel̄.

Najə̄ kə́ Majə yā Jeju ń Luk ndang ní 12:24

Á̰a̰ī ká̰ā̰ gə̄, nin̄-dubə̄n̄ kōō aĺ ō, əjan̄ kōō aĺ ō, nin̄-əngen̄ loo kə́ yā ngɔ̄məń kōō aĺ ō, mō̰ȳ yādə́ gətóo ō, banī Nə́ɓā adə̄də́ yá̰a̰ kəsa! Tá gātə̄sí sḭḭ̄ tɔȳ yā yel̄ gə̄ sa̰y ngá̰ý!

JAKƏ 4:13

Ba ngɔlaā sḭḭ̄ ń ə́daī na ɓōólaā, aláa bírí anī ā āwī kem ɓē ń noō tə́ ō, ā ī-ndiī tū tə́ ɓāl̄ kógə̄ḿ ō, ā ī-rāāī gātə̄ kadə̄ ā ə́ngeī nar ō,