Najə̄ kə́ Majə yā Jeju ń Luk ndang ní 12:17 - Bibəl ta Sar̄

¹⁷ Anī deē ní dəje rɔ̄n najə̄ əda na: Loo kə́ kadə̄ m̄-kánəń kōō yāḿ malang gətóo ní kə m̄-rāā i ba̰ý tā?

Bible sar

¹⁷ Anī deē ní dəje rɔ̄n najə̄ əda na: Loo kə́ kadə̄ m̄-kánəń kōō yāḿ malang gətóo ní kə m̄-rāā i ba̰ý tā?

Najə̄ kə́ Majə yā Jeju ń Luk ndang ní 12:17 Referans Kwoze

MATIYE 5:42

Deē dəjeī yá̰a̰ a ādə̄n, deē gḛy tə̄nāī yá̰a̰ a, ī-lōō tūr̄ gidií tan tə́.

IJAI 58:7

I kadə̄ ī-kēgə̄ mápa yāí ādə̄ deē ń ɓō rāān ní, i kadə̄ ngé ndoō gə̄ ń kújə yādə́ gətóó ní loo kadə̄ tonə̄ń, i kadə̄ ngé gə̄ ń kūbə̄ yādə́ gətóó ní kūbə̄ kadə̄ əlan̄ rɔ̄də́ tə́, i kadə̄ ī-tūr̄ gidií kɔ̄ɔ́ ta de kə́ ngōkó̰ó̰í tə́ alé.

1 JA̰A̰ 3:16

Jḭḭ̄ jə-gerī tár i kə ta kūl̄ yá̰á̰ ń toō: Jeju Kərist oy i tām̄ yājí tə́. Ní, majə kadə̄ jḭḭ̄ j-oyiī tām̄ yā ngákó̰ó̰jí gə̄ tə́ ō.

Makətūbə̄ ń Pol ndang adə̄ Rom gə̄ ní 12:13

Ādī de gə̄ yā Nə́ɓā yá̰á̰ ń ndoōn rāādə́ ní. Ī-lōōī gír kəhɔ mbā gə̄ kə̄ rɔ̄sí tə́ alé.

KƏLA RĀĀ 16:30

Ni teē sedə́ ndágá ba dəjedə́ na: Kɔ́ɔ̄ḿ gə̄, i rí n kə m̄-rāā tá kadə̄ m-ájəń ní?

Najə̄ kə́ Majə yā Jeju ń Luk ndang ní 19:17

Ni ədan na: Majə! Ḭ̄ i nge kəla kə́ majə, tá dan ń ḭ̄ ī-ra dɔ ndūí tə́ tām̄ yá̰á̰ kə́ ngá̰ý aĺ gə̄ tə́ ní, m-ādī kadə̄ ó̰o̰ ɓē gə̄ kutə.

Najə̄ kə́ Majə yā Jeju ń Luk ndang ní 18:22

Dan ń Jeju oō beé anī, tél ədan na: Na̰yiī yá̰á̰ kógə̄ḿ ɓáý: Ígə́ yá̰a̰ yāí gə̄ malang, ī-nə̄ɓō narən ngé ndoō gə̄, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba gō tə́ anī, ī-reē ún gōḿ.

Najə̄ kə́ Majə yā Jeju ń Luk ndang ní 16:9

Ba mā, ādə̄ m-ə́dásí: Ī-rāāī madə̄ naā kə gúrsə ń i yá̰a̰ yā de kə́ sew aĺ gə̄ ní, yā kadə̄ ré ndɔ̄ ń gətóo jīsí tə́ anī, madə̄sí gə̄ əhɔn̄sí kə̄ rɔ̄də́ tə́ gíŕ kújə tandā gə̄ ń a ton̄ ngándáńg tə́ ní.

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

KƏLA RĀĀ 2:37

Dan ń de gə̄ oōn̄ najə̄ ń noō ní, kemdə́ əgadə́ biting biting, adə̄ dəjen̄ Piyer ō gotə ngámbang kəla gə̄ ō najə̄ ədan̄ na: Ngákó̰ó̰jí gə̄, yá̰á̰ ń kadə̄ jə-rāā ní i rí?

Najə̄ kə́ Majə yā Jeju ń Luk ndang ní 16:3

Deē ní əda kə̄ kemən tə́ na: Ń toō ní, kɔ́ɔ̄ḿ a ɔrə̄m̄ kɔ̄ɔ́ kem ngɔ̄m̄ yá̰a̰ gə̄ tə́ ní, kə m̄-rāā i rí tā? Kə m̄-ndɔr̄ i mbée a? Mā tɔ́gə́ḿ kə́ yā ndɔrə̄ń gətóo ō. Kə m̄-gəde i yá̰a̰ a? Rɔ̄ḿ sɔlə̄m̄ ngá̰ý loon tə́ ō.

Najə̄ kə́ Majə yā Jeju ń Luk ndang ní 12:33

Yá̰a̰ yāsí gə̄ ń ə́ngeī ní, ígiīneé ba ādī ngé ndoō gə̄ narən. Ūrī ngong nar kə́ a əsō ngísə aĺ gə̄ tām̄ yāsí tə́ dɔ rā̰ tə́ ō, ī-kánī dūbə̄ yá̰a̰ yāsí gə̄ kə̄ dɔ naā tə́ dɔ rā̰ tə́ ō. Nge ɓogə a aw̄ rɔ̄ tə́ aĺ ō, yō̰ a nujəń aĺ ō.

Najə̄ kə́ Majə yā Jeju ń Luk ndang ní 12:29

I beé ní sḭḭ̄, ī-lōōī sāā yá̰á̰ ń kadə̄ ə́saī ní ō, kadə̄ ā̰yī ní ō, ī-lōōī ka̰a̰ woy woy najə̄n tə́ ō.

Najə̄ kə́ Majə yā Jeju ń Luk ndang ní 12:22

Gō tə́ anī Jeju əda ngé ndóō yá̰a̰ yān gə̄ na: I tām̄ najə̄ ń noō tə́ n m-ə́dásí na kə ī-lōōī sōl̄ najə̄ yā yá̰á̰ kə́ kadə̄ ə́saī tə́ tá kadə̄ ī-ndiīneé kə kumsí ō, najə̄ yā kūbə̄ kə́ yā kadə̄ ō̰ō̰ī tə́ ō ní.

Najə̄ kə́ Majə yā Jeju ń Luk ndang ní 11:41

I beé ní ādī ngé ndoō gə̄ yá̰a̰ kə́ kem kópə yāsí gə̄ tə́ ō, kə́ kem səmbē yāsí gə̄ tə́ ō, loo ń noō tə́ ɓáa yá̰a̰ malang i kə́ unjə̄ njáý njáý tām̄ yāsí tə́.

Najə̄ kə́ Majə yā Jeju ń Luk ndang ní 10:25

Deē kógə̄ḿ kə́ nge ndóō de gə̄ ndū najə̄ gə̄ ḭḭ dɔɔ́ ba dəje Jeju najə̄ yā nāānneé, əda na: Ngoləḿ, yá̰á̰ ń kadə̄ m̄-rāā tá m̄-ndiń kə kumḿ ngándáńg ní i rí?

Najə̄ kə́ Majə yā Jeju ń Luk ndang ní 3:11

Ni tūr̄ ədadə́ na: Deē ń kūbə̄ yān i jōó anī, ādə̄ adə̄ deē ń nal̄ ní kógə̄ḿ ō, deē ń i kə yá̰a̰ kəsaá ní ādə̄ rāā tītə̄ ń noō ō.

KOHELET 11:2

Ī-kēgə̄ ādə̄ de gə̄ sīrí aláa de gə̄ sɔ́sɔ́, tɔdɔ̄ yá̰á̰ kə́ to kum kaȳ aĺ ń a reē kə̄ dɔ dɔ nang tə́ ní ḭ̄ ī-ger̄ alé.

MATIYE 16:7

Anī nin̄-gírə̄n̄ kemdə́ tə́ ədan̄ na majanī na i tām̄ mápá ń na n-unən̄ jīdə́ tə́ aĺ ní.

Najə̄ kə́ Majə yā Jeju ń Luk ndang ní 12:16

Loo ń noō tə́ ni-un kūjə́ najə̄ kógə̄ḿ, ədadə́ na: Dɔ nang yā de kə́ nge yá̰a̰ kənge kógə̄ḿ teēn kōō ngá̰ý.

Najə̄ kə́ Majə yā Jeju ń Luk ndang ní 12:18

Gō tə́ anī ni-əda kə̄ kemən tə́ na: Yá̰á̰ ń m-ā m̄-rāā ní n toó: M-ā m̄-bótə̄yō̰ mō̰ȳ yāḿ gə̄ kɔ̄ɔ́ ba m-ā m-ə̄jō kə́ rang kə́ bo tɔȳdə́ gə̄ yā kánəń kōō yāḿ malang kə yá̰a̰ kənge yāḿ gēé kemeé.