Najə̄ kə́ Majə yā Jeju ń Luk ndang ní 12:1 - Bibəl ta Sar̄

¹ Kum mbang ngeé ń noō tə́ ní dūbūú de kə́ ngá̰ý gə̄ kánə̄n̄ naā, adə̄ a njə̄rān̄ i dɔ nja naā tə́. Anī Jeju əla gír kɔr̄ najə̄ kə ngé ndóō yá̰a̰ yān gēé, ədadə́ na: Ī-ngɔ̄mī rɔ̄sí majə, ī-lōōī kadə̄ kaa mápa yā Parijiyḛ gə̄ ń i gól̄ loo yādə́ ní ɔdə rɔ̄sí.

Bible sar

¹ Kum mbang ngeé ń noō tə́ ní dūbūú de kə́ ngá̰ý gə̄ kánə̄n̄ naā, adə̄ a njə̄rān̄ i dɔ nja naā tə́. Anī Jeju əla gír kɔr̄ najə̄ kə ngé ndóō yá̰a̰ yān gēé, ədadə́ na: Ī-ngɔ̄mī rɔ̄sí majə, ī-lōōī kadə̄ *kaa mápa yā *Parijiyḛ gə̄ ń i gól̄ loo yādə́ ní ɔdə rɔ̄sí.

Najə̄ kə́ Majə yā Jeju ń Luk ndang ní 12:1 Referans Kwoze

1 PIYER 2:1

Adə̄ majə kadə̄ ə́ya̰ī kem ndul ō, ngam ō, gól̄ loo ō, kəndā naā nii ō, tām̄ kə deé ō, kɔ̄ɔ́.

JAKƏ 3:17

Banī deē ń aw̄ kə kum kedə̄ kə́ dɔɔ́ ní a ngɔ̄m̄ rɔ̄n kanjə̄ rāā yá̰á̰ kə́ majaĺ kógə̄ḿ pá tá ndi kə kem sɔl̄ lɔmɔɔ́ ō, dɔn i kə́ sɔl̄ ō, ndigə najə̄ gō madə̄n gə̄ tə́ láẃ ō, a̰a̰ kum tō ndoō yā de gə̄ ngándáńg ō, kan̄ kə́ majə a rosə kemən ō, ni-ɔr̄ kam̄ de gə̄ aĺ ō, ni gól̄ loo aĺ ō.

Najə̄ kə́ Majə yā Jeju ń Luk ndang ní 12:56

Sḭḭ̄ ngé gól̄ loo gə̄, ré dɔ nang to i ba̰ý anī sḭḭ̄ ī-gerī kum kɔ̄ɔ́ ō, dɔ rā̰ to i ba̰ý anī sḭḭ̄ ī-gerī kum kɔ̄ɔ́ ō. Ba yá̰a̰ gə̄ ń a rāān̄ yá̰a̰ ngɔlaā ní ī-gerī kum aĺ i tām̄ rí tə́?

Makətūbə̄ yā Job 36:13

Banī ngé taā kem aĺ gə̄ ń do̰ō̰n̄ kemdə́ ngan̄g tām̄ wōn̄g rāādə́ ní, dan ń ni tṵ́ṵ̄də́ kə súĺ ní, nin̄ rāānən̄ ɓɔ́ alé.

Makətūbə̄ yā Job 27:8

Dan ń Nə́ɓā gān̄g ta ndɔ̄ yā nge rāā yá̰a̰ gōtə́ aĺ kɔ̄ɔ́, aláa ɔr̄ koōn kɔ̄ɔ́ ní, ni a əndā kemən i dɔ rí tə́ ɓáý?

2 MBAN̄G 7:17

Mban̄g əndā nge kətō der yān ń ni a ndə̄nā rɔ̄n dɔ jīn tə́ ní kadə̄ ngɔ̄m̄ ta róbə ɓē. Banī de kə́ kem ɓēé gə̄ ərenən̄ kadə bápə́ tə́ adə̄ oy tītə̄ ń deē yā Nə́ɓā ədań ní. Ni-əda najə̄ ní i dan ń mban̄g aw̄ń kə̄ rɔ̄n tə́ ní ɓáý.

1 KORḚNTƏ 15:3

Yá̰á̰ ń m-ɔ́jə́sí ta kəga dɔ no yá̰á̰ gə̄ tə́ malang ní, i yá̰á̰ ń ɔjəmə̄n̄ mā kə̄ kété ō ní. Ɔjəmə̄n̄ kadə̄ Kərist oy tām̄ majaĺ yājí tə́, i kə gō najə̄ ń ndangən̄ kem makətūbə̄ yā Nə́ɓā tə́ ní.

KƏLA RĀĀ 21:20

Dan ń nin̄-oōn̄ najə̄ yān oy anī, ɓōkə́n̄ Nə́ɓā tɔ̄ȳ ba tél ədan̄ Pol na: Ngōkó̰ó̰jí, īkɔ́ á̰a̰ā̰, de gə̄ dūbú ngá̰ý dan Jipə gə̄ tə́ taān̄ kem. Tá nin̄ malang ní i de gə̄ kə́ o̰o̰də́ tɔdɔ̄ ndū najə̄ gə̄ ngá̰ý.

Najə̄ kə́ Majə yā Jeju ń Luk ndang ní 11:44

Rɔ̄ ndoō i yāsí! Tām̄ sḭḭ̄ ī-toī i tītə̄ dɔ ɓádə gə̄ ń deē a̰ā̰ alé ba njə̄rā dɔ tə́ ní!

Najə̄ kə́ Majə yā Jeju ń Luk ndang ní 6:17

Jeju risə sedə́ kɔ̄ɔ́ dɔ mbalá ba reē dəba loo kógə̄ḿ kə́ dūnə̄n asə naā tə́. Kósə́ ngé ndóō yá̰a̰ yān gə̄ ō, kósə́ ngán Israel gə̄ kə́ ḭḭn̄ nang kə́ Jude tə́ ō, Jerusalem ō, kem ɓē gə̄ kə́ kadə bā bo tə́ adə̄ i Tir ō Sidon ō i loo ngeé ń noō tə́.

Najə̄ kə́ Majə yā Jeju ń Luk ndang ní 5:15

Rī Jeju ɓār̄ ba tél ɓār̄ ɓáý to̰, adə̄ kósə de gə̄ ngá̰ý kánə̄n̄ naā yā koō najə̄ kɔrə̄n ō, yā kadə̄ ni-rāādə́ kadə̄ rɔ̄də́ ngáā ō.

Najə̄ kə́ Majə yā Jeju ń Luk ndang ní 5:1

Ndɔ̄ kógə̄ḿ tə́ Jeju ra kadə bā kə́ Jenejaret tə́, anī kósə de gə̄ reēn̄ rɔ̄n tə́ koō najə̄ yā Nə́ɓā tə́. Nin̄-ndan̄ dɔn tə́ jululu.

IJAI 33:14

Kem ɓē kə́ Siyo̰ tə́ ní, de gə̄ ń najə̄ əhɔdə́ ní, ndíĺdə́ a̰ȳ ō, ɓōĺ rāā de kə́ majaĺ gə̄ adə̄ nin̄ ndewn̄ ō. Nin̄ dəjen̄ najə̄ ədan̄ na: I náā kə́ danjí tə́ n asə ra kadə hor kə́ a o̰o̰ ń toō tə́ ní? I náā kə́ danjí tə́ n asə ra kadə ta ndo̰ hor kə́ a oy aĺ ń toō tə́ ní?

HEBƏRO 12:22

Banī sḭḭ̄ ī-ndɔ́tī i kə̄ kadə mbal̄ kə́ Siyo̰ tə́ ō, i kə̄ kadə̄ ɓē yā Nə́ɓā kə́ ndi kə kumneé tə́ ō. Adə̄ i kə̄ kadə Jerusalem kə́ dɔ rā̰ tə́ ń de kə́ dɔ rā̰ tə́ gə̄ kə́ dūbú ngá̰ý i kemeé ní tə́.