Najə̄ kə́ Majə yā Jeju ń Luk ndang ní 11:9 - Bibəl ta Sar̄

⁹ Banī mā m-ə́dásí na: Ī-dəjeī anī a adə̄n̄sí ō, ī-sāāī anī ā ə́ngeī ō, ə́ndaī ta róbə anī a teēn̄ yā kadə̄sí ō.

Bible sar

⁹ Banī mā m-ə́dásí na: Ī-dəjeī anī a adə̄n̄sí ō, ī-sāāī anī ā ə́ngeī ō, ə́ndaī ta róbə anī a teēn̄ yā kadə̄sí ō.

Najə̄ kə́ Majə yā Jeju ń Luk ndang ní 11:9 Referans Kwoze

MARK 11:24

I tām̄ ń toō tə́ n m-ə́dásí na yá̰a̰ malang ń ī-dəjeī kə ndɔ̄yɔ̄ɔ́ ní, ī-taāī kem kadə̄ ə́ngeī yá̰á̰ ní kɔ̄ɔ́ anī a reē tām̄ yāsí tə́.

MATIYE 21:22

Yá̰a̰ malang ń ī-dəjeī kə ndɔ̄yɔ̄ɔ́ ní, ré ī-taāī kem anī ā ə́ngeī.

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

JA̰A̰ 15:7

Ré ī-ndiī kemḿ tə́ ō, najə̄ yāḿ ndi kemsí tə́ ō anī, ī-dəjeī yá̰á̰ kə́ kemsí ndigə ɓáa ā ə́ngeī yá̰á̰ ní.

JA̰A̰ 14:13

Ba yá̰a̰ malang ń ā ī-dəjeī kə rīḿ ní, m-ā m̄-rāā, yā kadə̄ Ngōn̄ ɔsəń gɔn Bɔbə̄n.

1 JA̰A̰ 3:22

Ká ré i yá̰á̰ rí gə̄gē n jə-gədeī jīn tə́ anī, j-a j-əngeī. Tɔdɔ̄ jə-rāā yá̰a̰ i kə gō míndəneé ō, jə-rāāī yá̰á̰ kə́ nelə̄n ō.

JAKƏ 1:5

Ba ré deē kógə̄ḿ dansí tə́ nal̄ kum kedə̄ anī, ādə̄ ni-dəje Nə́ɓā ń adə̄ de gə̄ malang yá̰a̰ karī kanjə̄ kəda najə̄ kə́ tōr̄ dɔdə́ tə́ ní, na ni a adə̄n.

PĀ GƏ̄ 118:5

Dan ń yá̰a̰ tɔȳ dɔḿ ní m̄-ɓāŕ Kɔ́ɔ̄ɓē, anī ni ndigəm̄, ni-taā əya̰m̄ dɔɔ́.

JEREMI 29:12

Tā anī, sḭḭ̄ ā ī-ɓārí rīḿ kem ndɔ̄ȳ tə́ ō, ā ī-njə̄rāī mbā kə rīḿ ō, ā ī-ndɔ̄ȳmī ō anī, mā m-ā m̄-rāā yá̰a̰ gə̄ ń ī-dəjeī ní.

HEBƏRO 11:6

Tá kanjə̄ taā kem anī, loo kadə̄ nel̄ Nə́ɓā kə deē ní a gətóo. Tɔdɔ̄ i gáŕ kadə̄ nge ń aw̄ rɔ̄ Nə́ɓā tə́ ngɔr ní taā kem kadə̄ Nə́ɓā ndi noó ō, kadə̄ ni i nge kəndā nja ngé sāān gə̄ ō.

JAKƏ 5:15

Tɔdɔ̄ ré ndɔ̄ȳn̄ sɔɔ̄ń taā ń nin̄-taān̄ kem Nə́ɓā ní anī, nge mo̰y ní a ajə. Kɔ́ɔ̄ɓē a unən yā kudən dɔɔ́ ō, a mā̰ȳ rɔ̄n dɔ yá̰á̰ kə́ majaĺ gə̄ ń ni-rāā tə́ ní ō.

JEREMI 33:3

Ī-ɓārə́m̄ anī, m-ā m̄-ndigiī, m-ā m-ɔ́jiī yá̰á̰ kə́ bo ngá̰ý gə̄ kə́ ton̄ loo ɓɔ̄ɔ̄ rɔ̄ tə́, i yá̰a̰ gə̄ kə́ ī-ger̄ aĺ ɓáý.

PĀ GƏ̄ 34:10

Sḭḭ̄ ń Kɔ́ɔ̄ɓē ɔr̄ kam̄sí tayā tām̄ yān tə́ ní, ī-ɓōlíī ndílən! Tɔdɔ̄ ngé gə̄ ń ɓōlə́n̄ ndílən ní a nalə̄n̄ yá̰á̰ kógə̄ḿ alé.

HEBƏRO 4:16

I beé ní, j-ənī kemjí mámák jə-ndɔ́tīiń kə̄ ta kōr̄ kāgə̄ mbang yā Nə́ɓā tə́, loo ń Nə́ɓā a rajə deē tū tə́ ní tə́. J-a j-əngeī mā̰ȳ rɔ̄ ō, a rajən̄jí ō, i loo ń noō tə́, yā kadə̄ rāān̄neé sejí kum mbang kə́ majə tə́.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

PĀ GƏ̄ 34:4

Ī-ɓoī rɔ̄sí tū yāḿ tə́ ādə̄ j-ɔ́siīneé gɔn Kɔ́ɔ̄ɓē. Jə-ɓoī tají naā tə́ malang jə-tɔ̄yīneé rīn.

JA̰A̰ 4:10

Jeju tél ədan na: Nə́ngētə́ ī-ger̄ yá̰á̰ ń Nə́ɓā a adə̄ de gə̄ karī ní ō, deē ń gədeī man̄ kadə̄ n-a̰ȳ toó ō anī, i ḭ̄ n ā ī-gəden man̄ ní. Ba man̄ ń ni a adī ní i man̄ kə́ a rāā deē kadə̄ ndi kə kumneé.

PĀ GƏ̄ 27:8

Kɔ́ɔ̄ɓē ḭ̄ ə́da na kə jə-tūr̄ kum̄jí kə̄ rɔ̄í tə́! M-ə̄ndā kemḿ dɔ najə̄ ń noō tə́, adə̄ Kɔ́ɔ̄ɓē, m̄-tūr̄ kumḿ kə̄ rɔ̄í tə́.

MATIYE 6:29

ba m-ə́dásí, mban̄g Salomo̰ nəkɔ́ gə̄gē ní, dan ń ni-əngeń kɔsə gɔn ngá̰ý dan yá̰a̰ kənge yān tə́ gə̄gē ō ní, ni-o̰ō̰ kūbə̄ kə́ ɓálən majə tītə̄ hútə̄ ndə́já kógə̄ḿ alé.

2 KORḚNTƏ 6:2

Tɔdɔ̄ Nə́ɓā əda na: Kum mbang ń rāā majə kə deé yāḿ a ɔjəń rɔ̄n kə̄ ndágá tə́ ní, m-ādī yá̰á̰ ń i dəjem̄ ní kadə̄ rɔ̄í nelī. Ndɔ̄ kajə deē tə́ ní, mā m̄-reē m̄-dḭḭ̄. I beé ní, kum mbang kə́ yā kadə̄ deē ndigəń rāā majə yā Nə́ɓā n toó, ndɔ̄ kajə deē n toó.

MARK 13:37

Ba yá̰á̰ ń m-ə́dásí toō, m-ə́da i de gə̄ malang: Ī-ndiī já̰já̰ dɔ rɔ̄sí tə́.

Makətūbə̄ ń Pol ndang adə̄ Rom gə̄ ní 2:7

Ngé gə̄ ń əhɔn̄ ngan̄g ba a sāān̄ kɔsə gɔnən ō kɔr tan ō, a sāān̄ yá̰á̰ kə́ a ndumən̄ aĺ gə̄ ō ní, ni a adə̄də́ ndi kə kumuú kə́ ngándáńg.

PĀ GƏ̄ 27:4

m̄-dəje Kɔ́ɔ̄ɓē yá̰á̰ kógə̄ḿ ō, m̄-gḛy kənge gáŕ ō. I kadə̄ m̄-ndi kem kújə yā Kɔ́ɔ̄ɓē tə́ kə dɔ ndɔ̄ gə̄ malang ń m̄-ndiń kə kumḿ ní, yā kadə̄ m-á̰a̰ń majə Kɔ́ɔ̄ɓē ō, m-ə̄ndań kumḿ gíŕ kújə yān tə́ ō.

DANIEL 9:3

Loo ń noō tə́ m̄-*ndi ɓō tām̄ yā Nə́ɓā tə́ ō, m-ə́la kūbə̄ kə́ ndo̰ō̰ huyuyu rɔ̄ḿ tə́ ō, m̄-rāā bū dɔḿ tə́ ō, ba m̄-tūr̄ rɔ̄ḿ kə̄ rɔ̄ Kɔ́ɔ̄ɓē Nə́ɓā tə́ yā ndɔ̄ȳn ō, yā rāān ɓɔ́ ō.

MATIYE 21:31

Ní, dan ngáń kə́ jōó gə̄ ń toō tə́ ní, i nge kə́ rá n rāā yá̰á̰ ń bɔbə̄n ndigə ní? Nin̄-tél ədan̄ na: I nge kə́ ta kəga dɔ. Anī Jeju ədadə́ na: Ādə̄ m-ə́dásí najə̄ kə́ bo ngá̰ý, ngé táā lambóo gə̄ ō, dəyá̰ ájə́ba gə̄ ō, a ugə̄n̄ kem Ɓē ko̰o̰ yā Nə́ɓā tə́ kété nosí tə́.

IJAI 45:19

M-ɔ̄r̄ najə̄ i loo mundə̄ tə́ alé, i kem kɔgɔ̄ loo kógə̄ḿ kə́ dɔ nang tə́ kə́ risə til tə́ alé. M-ə́dá ngán kaa Jakob gə̄ najə̄ ń toō alé: Ī-sāāmī ɓōdə̄ loo tə́, loo kə́ yá̰a̰ gətóo tū tə́ tə́. Mā Kɔ́ɔ̄ɓē, m-ə́da i yá̰á̰ kə́ gōtə́, yá̰á̰ ń mā m-ə́da najə̄n ní i yá̰á̰ kə́ rɔ̄kum.

JEJU TEĒ KUM JA̰A̰ 2:24

Ba sḭḭ̄ gotə de kə́ Tiyatir gə̄ ń ī-ndigiī yá̰á̰ ndóō ń noō aĺ ō, ī-gerī yá̰á̰ kə́ to loo mundə̄ tə́ yā Sətan tītə̄ ń nin̄-ədanneé ní aĺ ō ní, m-ə̄ndā yá̰á̰ kə́ rang kə́ kɔȳ dɔsí tə́ alé.

PĀ KƏ́ MAJƏ 5:6

m̄-tḛḛ̄ ta róbə m-ādə̄ kó tár yāḿ. Banī kó tár yāḿ tūr̄ rɔ̄n aw̄ kɔ̄ɔ́. m̄-teē m̄-ngɔ̄də̄ gōn, m̄-sāān banī m-ə́ngen alé. m̄-ɓārə́n banī ndigəm̄ alé.

Najə̄ kə́ Majə yā Jeju ń Luk ndang ní 11:10

Tɔdɔ̄ deē ń dəje yá̰á̰ ní kɔ́ɔ̄ a ənge ō, deē ń a sāā yá̰á̰ ní, kɔ́ɔ̄ a ənge ō, deē ń a sāā ní, kɔ́ɔ̄ a ənge ō, nge ń a ənda ta loo ní, a teēn̄ yā kadə̄n ō.