Najə̄ kə́ Majə yā Jeju ń Luk ndang ní 11:49 - Bibəl ta Sar̄

⁴⁹ I tām̄ najə̄ ń noō tə́ n Nə́ɓā əda kə kum kedēé na: M-ā m-ə́la kə ngé koō ta gēé ō, kə ngámbang kəla gēé ō yā kadə̄də́. Nin̄ a tɔ̄lə̄n̄ ngé kə́rēý gə̄ dandə́ tə́ ō, a rāān̄ ngé kə́rēý gə̄ ndoō tə́ ō.

Bible sar

⁴⁹ I tām̄ najə̄ ń noō tə́ n Nə́ɓā əda kə kum kedēé na: M-ā m-ə́la kə *ngé koō ta gēé ō, kə ngámbang kəla gēé ō yā kadə̄də́. Nin̄ a tɔ̄lə̄n̄ ngé kə́rēý gə̄ dandə́ tə́ ō, a rāān̄ ngé kə́rēý gə̄ ndoō tə́ ō.

Najə̄ kə́ Majə yā Jeju ń Luk ndang ní 11:49 Referans Kwoze

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

KOLOSƏ 2:3

Yá̰a̰ kal̄ loo yā kum kedə̄ ō, yā yá̰a̰ ger̄ ō, malang i kə́ ɓɔ̄ɔ̄ rɔ̄n kemən tə́.

EPEJƏ 4:11

Ba yá̰a̰ gə̄ ń ni-adə̄ de gə̄ karī ní, i ngámbang kəla gə̄ ō, ngé koō ta gə̄ ō, ngé kɔjə Najə̄ kə́ Majə yān gə̄ ō, ngé ngɔ̄m̄ yá̰a̰ kul̄ gə̄ ō, ngé ndóō de gə̄ yá̰a̰ ō.

1 KORḚNTƏ 1:24

Banī tām̄ yā ngé gə̄ ń Nə́ɓā ɓāŕdə́ tə́ ní, Jipə gə̄ aké Gərek gə̄ ní, ni i Kərist, adə̄ i tɔ́gə yā Nə́ɓā ō kum kedə̄ yā Nə́ɓā ō.

KƏLA RĀĀ 22:20

Etiyen ń i de kə́ kum tə́ yāí ní, dan ń ɓōkə́n̄ mósən nang tə́ ní, mā i kum tə́ ō. Mā m̄-ndigə najə̄ gō ngé tɔ̄lən gə̄ tə́ ō, m̄-ngɔ̄m̄ kūbə̄ yādə́ gə̄ ō.

KƏLA RĀĀ 8:3

Ba Sol əhɔ rɔ̄n tɔgə a sāā loo nujə Egəlijə kɔ̄ɔ́. Ni túdə̄ kə̄ kem kújə gə̄ tə́, ndɔ́r̄ dəngam gə̄ ō dəyá̰ gə̄ ō kə̄ ndágá ba ɓōkə́də́ dəngáyá.

KƏLA RĀĀ 7:57

Loo ń noō tə́ nin̄-əgan̄ kɔŕ ngá̰ý ba əlan̄ jīdə́ mbīdə́ tə́ utə̄n̄neé kɔ̄ɔ́. Ba malangdə́ gə̄ ní əlan̄ ngɔ̄də̄ dɔn tə́ gidə kógə̄ḿ,

KƏLA RĀĀ 1:8

Banī ā ə́ngeī tɔ́gə́ kógə̄ḿ, dan ń Ndíĺ kə́ Táĺ reē dɔsí tə́ ní. Loo ń noō tə́ ā ī-téliī de kə́ kum tə́ yāḿ gə̄, kem ɓē kə́ Jerusalem tə́ ō, gō nang malang kə́ Jude tə́ ō, gō nang kə́ Samari tə́ ō, bátə́ ta ngóy dɔ nang tə́ ō.

JA̰A̰ 16:2

A tə̄ɓān̄sí kɔ̄ɔ́ kem kújə́ kán̄ naā gə̄ tə́. Tá ɓáý to̰ ní, ndɔ̄ a reē nuú yā kadə̄ náā nəkɔ́ ń a tɔ̄l̄sí ní a gír̄ na n rāā na i kəlā n-adə̄ Nə́ɓā.

Najə̄ kə́ Majə yā Jeju ń Luk ndang ní 24:47

na a ənīn̄ mbēr̄ kə rīneé yā kadə̄ nápar de gə̄ malang kə tūrə̄n̄ háĺdə́ kadə̄ Nə́ɓā māȳń rɔ̄n dɔdə́ tə́ ō, ba a əlan̄ gír na i dɔ ɓē kə́ Jerusalem tə́.

MATIYE 22:6

gotə gə̄ əhɔn̄ ngé kəla gə̄ ní rāān̄də́ yá̰á̰ kə́ majaĺ ngá̰ý pá tá tɔ̄lə̄n̄də́ ō.

JEREMI 7:25

Jóo nəkɔ́ ń kaadə́ gə̄ teēn̄neé kɔ̄ɔ́ kem ɓē kə́ Ejiptə tə́ ní, m-ə́lá ngé kəla yāḿ gə̄ malang ń i ngé koō ta gə̄ ní rɔ̄də́ tə́ kə dɔ ndɔ̄ gə̄, kanjə̄ kɔr ta tə́.

Najə̄ kə́ Majə yā Jeju ń Luk ndang ní 11:48

Dan ń ī-rāāī tītə̄ ń noō ní ɔ́jiī i kə̄ ndágá kadə̄ sḭḭ̄ ī-ndigiī yá̰á̰ ń kaasí gə̄ rāān̄ ní. Tɔdɔ̄ nin̄ i ngé tɔ̄l̄ ngé koō ta gə̄, ba sḭḭ̄ i ngé rāā dɔ ɓádə́də́ gə̄!

KƏLA RĀĀ 11:27

Kem ndɔ̄ gə̄ ngeé ń noō tə́ ní ngé koō ta gə̄ ḭḭn̄ Jerusalem aw̄n̄ A̰tiyos.

JEJU TEĒ KUM JA̰A̰ 16:6

Dan ń nin̄-ɓōkə́n̄ mósə deē yāí gə̄ ō, mósə́ ngé koō ta yāí gə̄ ō nang tə́ ní, i gō tə́ kadə̄ ādə̄də́ mósə kadə̄ a̰ȳn̄.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.