Biblia Todo Logo
Bib sou entènèt

- Piblisite -




Najə̄ kə́ Majə yā Jeju ń Luk ndang ní 11:42 - Bibəl ta Sar̄

42 Rɔ̄ ndoō i yāsí sḭḭ̄ Parijiyḛ gə̄! Tām̄ sḭḭ̄ ɔ̄rī dɔ kámbə kotə ō, kámbə ru ō, mbī kámbə́ kə́ tayā tayā gə̄ ō kə́ nge ko̰ kutə ādī Nə́ɓā ō, banī yá̰á̰ kə́ gōtə́ ō, táŕ Nə́ɓā ō, ɓáa usəsí dɔ tə́ alé. Tá i yá̰a̰ gə̄ ń toō n majə kadə̄ ə̄nīī rɔ̄sí rak ī-rāāīdə́ kanjə̄ kəya̰ ngé gə̄ noō kɔ̄ɔ́ ō ní.

Gade chapit la Kopi

Bible sar

42 Rɔ̄ ndoō i yāsí sḭḭ̄ *Parijiyḛ gə̄! Tām̄ sḭḭ̄ ɔ̄rī dɔ kámbə kotə ō, kámbə ru ō, mbī kámbə́ kə́ tayā tayā gə̄ ō kə́ nge ko̰ kutə ādī Nə́ɓā ō, banī yá̰á̰ kə́ gōtə́ ō, táŕ Nə́ɓā ō, ɓáa usəsí dɔ tə́ alé. Tá i yá̰a̰ gə̄ ń toō n majə kadə̄ ə̄nīī rɔ̄sí rak ī-rāāīdə́ kanjə̄ kəya̰ ngé gə̄ noō kɔ̄ɔ́ ō ní.

Gade chapit la Kopi




Najə̄ kə́ Majə yā Jeju ń Luk ndang ní 11:42
22 Referans Kwoze  

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ kámbə kotə yāsí gə̄ ń i kámbə kotə ō, penuwil ō kumḛ̄ḛ ō ní, sḭḭ̄ ɔ̄rī dɔ kə́ nge ko̰ kutə ādī Nə́ɓā. Ba ré i yá̰á̰ kə́ bo bo gə̄ kə́ tū ndū najə̄ tə́, kə́ tītə̄ yá̰á̰ kə́ gōtə́ ō, rāā kem majə ō, ra dɔ ndū kə́ kənī tə́ ō, ɓáa sḭḭ̄ ī-mānī dɔ tə́ kɔ̄ɔ́. Tá i yá̰a̰ gə̄ ń noō n majə kadə̄ ī-rāāīdə́ kanjə̄ kəya̰ gotə gə̄ kɔ̄ɔ́ ní.


Dan ndɔ̄ kə́ sīrí gə̄ tə́ ní, kə́ jōó gə̄ m-ā m̄-*ndiń ɓō tām̄ yāí tə́. Tá yá̰a̰ gə̄ ń m-ə́nge malang ní, m-ɔ̄r̄ dɔ kə́ nge ko̰ kutə m-ādī ɓáý to̰.


Ré deē kógə̄ḿ əda na n-táŕ Nə́ɓā, banī ni-im̄ ngōkó̰o̰n anī, ni i nge sor̄. Tɔdɔ̄ ré deē tár ngōkó̰o̰n ń a̰a̰n kə kumneé ní aĺ anī, Nə́ɓā ń ni-a̰a̰n kə kumneé aĺ ní, loo kadə̄ a tárən i ba̰ý?


m̄-tūr̄ m-ə́dásí na ké deē ndul asə gól̄ Nə́ɓā wa. Ɓá tā ba, sḭḭ̄ ī-gól̄mī! Ī-dəjeī ɓáý to̰ na ké ī-gól̄mī i kə rí wa. m̄-tél m̄-tūr̄sí m-ə́da na i dan ń majə kadə̄ ādə̄mī yá̰a̰ kənge yāsí gə̄ kə́ nge ko̰ kutə gə̄ ō, yá̰a̰ ndējə̄ gə̄ ō ní.


Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.


Rāā yá̰á̰ kə́ gōtə́ ō, kə́ súmūú ō nel̄ Kɔ́ɔ̄ɓē tɔȳ yá̰á̰ kə́ deē tun̄ adə̄n.


Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ī-toī i tītə̄ dɔ ɓádə gə̄ kə́ rāān hō̰rō̰ tū tə́ beē. Adə̄ ré deē a̰a̰ gidə kə́ ndágá ɓáa majə, banī kemdə́ rosə kə kə̄ngā de kə́ koy gə̄ ō, kə yá̰á̰ kə́ yḛr kə́ tayā tayā gə̄ ō.


Banī Samuel əda na: Dā̰ gə̄ kə́ róō horoó ō, yá̰á̰ kə́ tun̄ gə̄ ō ní, nel̄ Kɔ́ɔ̄ɓē tītə̄ ń koō tan nelə̄nneé ní a? Yḛtə alé. Koō ta Kɔ́ɔ̄ɓē majə tɔȳ yá̰á̰ kə́ tun̄ kadən̄ ō, sɔl̄ dɔ majə tɔȳ yibə̄ bal batə̄ gə̄ ō.


Tá m̄-ger̄ kadə̄ tár yā Nə́ɓā i kemsí tə́ alé.


Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.


Ī-rāāī Kɔ́ɔ̄ɓē kə najə̄ kɔr̄sí gēé adə̄ ni ɔr. Sḭḭ̄ ə́daī na ké ī-rāāī i ba̰ý n ni ɔrəń ní wa. Sḭḭ̄ ī-rāāin̄ adə̄ ni ɔr, i dan ń ə́daī na ni na a̰a̰ ngé rāā yá̰á̰ kə́ majaĺ gə̄ na i kə kemən kə́ majaá ní, ni na ndigə najə̄ gō de gə̄ ngeé gə̄ ń noō tə́ ní. Sḭḭ̄ ə́daī ɓáý to̰ na: Ké Nə́ɓā kə́ nge gān̄g sarya kə́ gōtə́ ndi a rāā i rí wa.


Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ngé tun̄ yá̰a̰ gə̄ ní n toó: Ngōn̄ kə́ dəngam rāā háĺ kə́ to hɔ̄r̄mɔ̄ kə bɔbə̄neé ō, nge kəla ɓōĺ ndíl kɔ́ɔ̄n ō. Sḭḭ̄ ī-ɓāŕmī bɔbə̄sí, ba ī-rāāī háĺ kə́ to hɔ̄r̄mɔ̄ seḿ a? Ī-ɓāŕmī kɔ́ɔ̄sí, ba ī-ɓōlíī ndílə́ḿ a? Sḭḭ̄ ī-kídə̄mī, ba ī-dəjeī najə̄ ə́daī na ké jə-kídī i tū rí tə́ wa.


Kəhɔí gō nge ń toō kadə̄ ngan̄g kanjə̄ kadə̄ jīí əya̰ nge ń noō dɔɔ́ i yá̰á̰ kə́ majə. Tɔdɔ̄ deē ń ɓōĺ ndíĺ Nə́ɓā ní a rāā yá̰á̰ kə́ jōó gə̄ ń noō kadə̄ udə gírí.


I gáŕ kadə̄ jə-reē kə ngáń hágə́jí kə́ dəngam gə̄ ō, hágə́ yá̰a̰ kul̄ yājí gə̄ ō, kem kújə yā Kɔ́ɔ̄ɓē tə́ tītə̄ ń ndangən̄neé kem makətūbə̄ ndū najə̄ tə́ ní. Hágə man̄g yājí gə̄ ō, hágə batə̄ yājí gə̄ ō, hágə bə̄yā̰ yājí gə̄ ō ní, j-a jə-reēń kem kújə yā Nə́ɓā yājí tə́ yā kadə̄ ngé tun̄ yá̰a̰ gə̄ ń a rāān̄ kəla kem kújə yā Nə́ɓā yājí tə́ ní.


Swiv nou:

Piblisite


Piblisite