Najə̄ kə́ Majə yā Jeju ń Luk ndang ní 11:41 - Bibəl ta Sar̄

⁴¹ I beé ní ādī ngé ndoō gə̄ yá̰a̰ kə́ kem kópə yāsí gə̄ tə́ ō, kə́ kem səmbē yāsí gə̄ tə́ ō, loo ń noō tə́ ɓáa yá̰a̰ malang i kə́ unjə̄ njáý njáý tām̄ yāsí tə́.

Bible sar

⁴¹ I beé ní ādī ngé ndoō gə̄ yá̰a̰ kə́ kem kópə yāsí gə̄ tə́ ō, kə́ kem səmbē yāsí gə̄ tə́ ō, loo ń noō tə́ ɓáa yá̰a̰ malang i kə́ *unjə̄ njáý njáý tām̄ yāsí tə́.

Najə̄ kə́ Majə yā Jeju ń Luk ndang ní 11:41 Referans Kwoze

Najə̄ kə́ Majə yā Jeju ń Luk ndang ní 12:33

Yá̰a̰ yāsí gə̄ ń ə́ngeī ní, ígiīneé ba ādī ngé ndoō gə̄ narən. Ūrī ngong nar kə́ a əsō ngísə aĺ gə̄ tām̄ yāsí tə́ dɔ rā̰ tə́ ō, ī-kánī dūbə̄ yá̰a̰ yāsí gə̄ kə̄ dɔ naā tə́ dɔ rā̰ tə́ ō. Nge ɓogə a aw̄ rɔ̄ tə́ aĺ ō, yō̰ a nujəń aĺ ō.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

TITƏ 1:15

De gə̄ ń nin̄ i de gə̄ kə́ unjə̄n̄ unjə̄ njáý njáý ní, yá̰a̰ malang i yá̰á̰ kə́ unjə̄ unjə̄ njáý njáý tām̄ yādə́ tə́, banī de gə̄ ń nin̄ i de kə́ yḛr gə̄ ō, nin̄ i ngé taā kem aĺ gə̄ ō ní, yá̰á̰ kə́ unjə̄ njáý njáý tām̄ yādə́ nin̄ tə́ gətóo. Tɔdɔ̄ kur̄ dɔdə́ ō, kemdə́ ō, i kə́ yḛr.

HEBƏRO 13:16

Ādə̄ dɔsí ndígə̄nal rāā majə kə deé aĺ ō, rāā kə naá aĺ ō. Tām̄ i yá̰a̰ tun̄ kə́ tītə̄ ń noō gə̄ n nelə̄n̄ Nə́ɓā ní.

KƏLA RĀĀ 10:15

Ba ndū deē ń ɔr̄ najə̄ seneé kété ní tél ɔr̄ najə̄ seneé nja kə́ nge ko̰ jōó ɓáý to̰ ədan na: Yá̰á̰ ń Nə́ɓā əda na i yá̰á̰ kə́ unjə̄ njáý njáý ní, ḭ̄ ī-lōō rāān yá̰á̰ kə́ yḛr tə́.

Najə̄ kə́ Majə yā Jeju ń Luk ndang ní 16:9

Ba mā, ādə̄ m-ə́dásí: Ī-rāāī madə̄ naā kə gúrsə ń i yá̰a̰ yā de kə́ sew aĺ gə̄ ní, yā kadə̄ ré ndɔ̄ ń gətóo jīsí tə́ anī, madə̄sí gə̄ əhɔn̄sí kə̄ rɔ̄də́ tə́ gíŕ kújə tandā gə̄ ń a ton̄ ngándáńg tə́ ní.

DANIEL 4:27

un najə̄ ɔr̄, əda na: Babilon ń ɓē kə́ bo ń m̄-rāān i loo ndi mban̄g tə́ ní n toó. Ni ɔjə kə̄ ndágá kadə̄ tɔ́gə́ḿ i ngá̰ý ō, kadə̄ ko̰o̰ ɓē yāḿ to kɔsə gɔn ngá̰ý ō.

Gōsə̄ najə̄ gə̄ 19:17

Nge ka̰a̰ kum tō ndoō yā de kə́ tɔ́gən gətóo i nge kadə̄ Kɔ́ɔ̄ɓē yá̰a̰ loo tə̄nā tə́, Kɔ́ɔ̄ɓē a télən yā kadə̄ n.

Gōsə̄ najə̄ gə̄ 14:31

Nge rāā de kə́ tɔ́gən gətóo yá̰á̰ kə́ tōr̄ i de kə́ nge tájə̄ Nə́ɓā kə́ nge rāān, banī nge ka̰a̰ kum tō ndoō yā nge ndoō i de kə́ nge rɔȳ Nə́ɓā.

HEBƏRO 6:10

Tɔdɔ̄ Nə́ɓā i kə́ gōtə́ aĺ alé. Dɔn a ndígə̄nal kəla gə̄ ń ī-rāāī ní aĺ ō, táŕ kə́ tām̄ yān tə́ ń ɔ́jiī kə̄ ndágá ní aĺ ō. Sḭḭ̄ ɔ́jiī táŕ ní kə̄ ndágá, i kə ta kūl̄ rāā kəlaá kadə̄ de gə̄ yān gə̄. Kəla ní ī-rāāī kété ō, ā ī-rāāī ngɔlaā ɓáý ō.

2 KORḚNTƏ 8:12

Tɔdɔ̄ ré gír̄ kə́ kem deē tə́ ń adə̄ń yá̰á̰ ní i gír̄ kə́ majanī, a ndigən̄ kɔ́ɔ̄ i tām̄ yá̰á̰ kə́ to jīn tə́ tə́, ba i tām̄ yá̰á̰ kə́ gətóo jīn tə́ tə́ alé.

Najə̄ kə́ Majə yā Jeju ń Luk ndang ní 19:8

Banī Jase ḭḭ ra no Jeju tə́, ba ədan na: Kɔ́ɔ̄ɓē kə́ rɔ̄kum tə́ ní, m-ā m-ādə̄ núsə yá̰a̰ kənge yāḿ gə̄ ngé ndoō gə̄. Tá ré m̄-rāā yá̰á̰ kə́ gōtə́ aĺ kə deē kógə̄ḿ anī, m-ā m̄-tél yā kadə̄ kɔ́ɔ̄ yá̰a̰ yān gogə́ kadə̄ mān̄ dɔɔ́ nja sɔ́.

Najə̄ kə́ Majə yā Jeju ń Luk ndang ní 18:22

Dan ń Jeju oō beé anī, tél ədan na: Na̰yiī yá̰á̰ kógə̄ḿ ɓáý: Ígə́ yá̰a̰ yāí gə̄ malang, ī-nə̄ɓō narən ngé ndoō gə̄, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba gō tə́ anī, ī-reē ún gōḿ.

MATIYE 5:42

Deē dəjeī yá̰a̰ a ādə̄n, deē gḛy tə̄nāī yá̰a̰ a, ī-lōō tūr̄ gidií tan tə́.

PĀ GƏ̄ 112:9

Ni-adə̄ ngé rɔ̄ tō ndoō gə̄ yá̰á̰ ngá̰ý. Háĺ kə́ gōtə́ yān to ngándáńg, ni-ɔr̄ dɔn dɔɔ́ kanjə̄ rɔ̄sɔl̄.

PĀ GƏ̄ 41:1

Pā kə́ kem makətūbə̄ yā ngār yā gōsə̄ pā gə̄ tə́, i pā yā Dabid.

EPEJƏ 4:28

Kadə̄ de kə́ ɓogə kété ɓogə to̰ alé, ba rāā kəla kə́ majə kə jīneé, yā kadə̄ ni-əngeń yá̰á̰ kə́ yā kadə̄ ngé gə̄ ń ndoō rāādə́ ní.

KƏLA RĀĀ 11:29

Adə̄ ngé ndóō yá̰a̰ gə̄ ndigən kadə̄ nin̄ kógə̄ḿ kógə̄ḿ ní kə n-adə̄n̄ yá̰á̰ ń tɔ́gə́də́ asə ní, yā kəlań kadə̄ ngákó̰ó̰də́ gə̄ ń ndin̄ gō nang kə́ Jude tə́ ní yā rāań sedə́.

MATIYE 26:11

Tɔdɔ̄ ngé ndoō gə̄ a ndin̄ sesí i kə ndɔ̄ gə̄, ba mā m-ā m̄-ndi sesí kə ndɔ̄ gə̄ alé.

KƏLA RĀĀ 24:17

m̄-gətóo kem ɓē kə́ Jerusalem tə́ asə ɓāl̄ ngá̰ý, ba m̄-tél m-āw̄ gogə́ kemeé i kadə̄ gír deē yāḿ gə̄ yá̰a̰ gə̄ kə́ yā rāań kə ngé ndoō gēé tə́ ō, i kadə̄ Nə́ɓā yá̰a̰ ndējə̄ gə̄ tə́ ō.

Gōsə̄ najə̄ gə̄ 16:6

A ɔrə̄n̄ yá̰a̰ rāā kə́ gōtə́ aĺ kɔ̄ɔ́ i kə kem kə́ majaá ō, kə najə̄ kə́ rɔ̄kumuú ō. Deē a tūr̄ gidən kɔ̄ɔ́ ta yá̰á̰ kə́ majaĺ tə́ i kə ta kūl̄ ɓōĺ ndíĺ Kɔ́ɔ̄ɓēé ō.

MARK 7:19

Tɔdɔ̄ ni ń toō udə i ngarān̄g kemən tə́ alé, ba aw̄ i jɔdəbon tə́, tá kadə̄ teē kɔ̄ɔ́ ta wa tə́. Dan ń Jeju əda beé ní, ɔjə kadə̄ yá̰a̰ kəsa malang i yá̰á̰ kə́ unjə̄ njáý njáý.