Najə̄ kə́ Majə yā Jeju ń Luk ndang ní 11:4 - Bibəl ta Sar̄

⁴ Ī-mā̰ȳ rɔ̄í dɔjí tə́ najə̄ majaĺ yājí gə̄ tə́, tɔdɔ̄ jḭḭ kɔ́ gə̄ jə-mā̰ȳ rɔ̄jí dɔ de gə̄ malang ń rāān̄jí yá̰á̰ kə́ gōtə́ aĺ gə̄ ní tə́ ō, ī-lōō kaw̄ sejí ta yá̰a̰ nāā gə̄ tə́ ō.

Bible sar

⁴ Ī-mā̰ȳ rɔ̄í dɔjí tə́ najə̄ majaĺ yājí gə̄ tə́, tɔdɔ̄ jḭḭ kɔ́ gə̄ jə-mā̰ȳ rɔ̄jí dɔ de gə̄ malang ń rāān̄jí yá̰á̰ kə́ gōtə́ aĺ gə̄ ní tə́ ō, ī-lōō kaw̄ sejí ta yá̰a̰ nāā gə̄ tə́ ō.

Najə̄ kə́ Majə yā Jeju ń Luk ndang ní 11:4 Referans Kwoze

MATIYE 26:41

Ī-lōōī ɓīī, ī-ndiī kə kumsí ba ī-ndɔ̄yī tá kadə̄ ə̄sōī kum yá̰a̰ gə̄ ń a nāān̄ de gə̄ tə́ ní alé. Tɔdɔ̄ ndíl deē ndigə rāā yá̰á̰ kə́ majə, ba dā̰ rɔ̄ deē ngan̄g alé.

KOLOSƏ 3:13

Ī-tə́gāī tasí dɔ naā tə́, ba ré de kə́rēý i kə najá kə madə̄neé anī, ī-mā̰yī rɔ̄sí dɔ naā tə́. Tītə̄ ń Kɔ́ɔ̄ɓē mā̰ȳń rɔ̄n dɔsí tə́ ní, ī-rāāī tītə̄ ń noō ō.

MATIYE 18:35

Gō tə́ anī Jeju əda na: Sḭḭ̄ kógə̄ḿ kógə̄ḿ malang ní, ré ī-mā̰yī rɔ̄sí dɔ naā tə́ kə́ rɔ̄kum tə́ aĺ anī, Bɔbə́ḿ kə́ ndi dɔ rā̰ tə́ a rāā sesí i tītə̄ ń noō ō.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

2 TIMOTE 4:18

Kɔ́ɔ̄ɓē a ɔrə̄m̄ kɔ̄ɔ́ kum yá̰a̰ malang kə́ majaĺ tə́ ō. Ni a ajəm̄ tām̄ yā Ɓē ko̰o̰ yān kə́ dɔ rā̰ tə́ ō. Kɔsə gɔn i yān kə dɔ ɓāl̄ gə̄ ɓāl̄ gə̄! Adə̄ i tītə̄ ń noō!

2 TESALONIK 3:3

Banī Kɔ́ɔ̄ɓē i nge ra dɔ ndūn tə́. Ni a mbūsə̄sí ō, a ngɔ̄m̄sí najə̄ yā Nge kem Ndul tə́ ō.

1 KORḚNTƏ 10:13

Yá̰a̰ nāā gə̄ malang ń nāān̄neésí ní, i yá̰a̰ nāā gə̄ kə́ asən̄ gō tɔ́gə deē tə́. Nə́ɓā i de kə́ nge ra dɔ ndūn tə́, adə̄ ni a əya̰ kadə̄ nāā tɔȳ tɔ́gə́sí alé. Ni a adə̄sí tɔ́gə́ kə́ kadə̄ ī-tə́gāīneé tasí ta yá̰a̰ nāā tə́ ō, a rāā ta róbə kə́ kadə̄ ī-teēīneé kɔ̄ɔ́ ta tə́ ō.

JA̰A̰ 17:15

m̄-dəjeī i kadə̄ úńdə́ kɔ̄ɔ́ dɔ nang tə́ alé, banī i kadə̄ ī-ngɔ̄m̄də́ tá kadə̄ nin̄-əsōn̄ jī Sətan tə́ alé.

Najə̄ kə́ Majə yā Jeju ń Luk ndang ní 22:46

Ā ī-ɓīī i rí? Ḭ́ḭī dɔɔ́ ba ī-ndɔ̄yī kadə̄ údiīneé dan yá̰a̰ gə̄ ń a nāān̄sí kadə̄ ə̄sōī tə́ ní alé.

Najə̄ kə́ Majə yā Jeju ń Luk ndang ní 8:13

Ngé gə̄ ń tə́sōn̄ dɔ ngonjə̄ tə́ ní, i ngé gə̄ ń oōn̄ najə̄ yā Nə́ɓā anī taān̄ kə rɔ̄nelēé banī əya̰n̄ najə̄ ní adə̄ əla ngəran kemdə́ tə́ aĺ ní. Nin̄-taān̄ kem i kum mbang kə́ sḛ́ý beē tə́ ngóy. Ba dan ń nge gól̄ loo gə̄ nāādə́ anī, lōōn̄ gír taā kem najə̄ ní tə́ kɔ̄ɔ́.

OJEE 14:2

Israel, ī-tél ī-reē rɔ̄ Kɔ́ɔ̄ɓē Nə́ɓā yāí tə́. I yá̰a̰ rāāī kə́ gōtə́ aĺ rāāī adə̄ ə̄sō ní.

DANIEL 9:19

Kɔ́ɔ̄ɓē, ī-nēl̄ mbīí, Kɔ́ɔ̄ɓē, ī-mā̰ȳ rɔ̄í dɔjí tə́! Kɔ́ɔ̄ɓē, ī-nēl̄ mbīí majə! Ɓɔ́ Nə́ɓā yāḿ, ī-rāā yá̰á̰ kógə̄ḿ tām̄ yāí īkɔ́ tə́ ba ī-lōō kɔr bā̰ā̰, tɔdɔ̄ ɓārə́n̄ rīí dɔ ɓē yāí tə́ ō, dɔ gír deē yāí gə̄ tə́ ō.

PĀ GƏ̄ 25:18

Á̰á̰ yá̰á̰ kə́ to kum tō ndoō ń rāām̄ ní ō á̰á̰ tápə̄ yāḿ ō, ba ɔ̄r̄ yá̰á̰ kə́ gōtə́ aĺ yāḿ gə̄ kɔ̄ɔ́ malang.

JEJU TEĒ KUM JA̰A̰ 3:10

Ḭ̄ ī-tə́gā taí ba ī-ngɔ̄m̄ najə̄ yāḿ ní, mā m-ā m̄-ngɔ̄mī kum mbang ń yá̰a̰ nāā a reē ń dɔ de gə̄ malang tə́ yā nāań de kə́ dɔ nang tə́ gə̄ ní ō.

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī jākā mbang ń i ndi kə kumuú ní.

PĀ GƏ̄ 121:7

Kɔ́ɔ̄ɓē a ngɔ̄mī ta yá̰á̰ kə́ majaĺ gə̄ tə́ malang, a ngɔ̄mī kadə̄ ī-ndi kə kumií.

PĀ GƏ̄ 25:11

Kɔ́ɔ̄ɓē, i tām̄ yā rīí tə́ n ā ī-mā̰yń rɔ̄í dɔ yá̰á̰ kə́ gōtə́ aĺ yāḿ kə́ ngá̰ý tə́ ní?

1 MBAN̄G GƏ̄ 8:36

ḭ̄ ń ī-ndi dɔ rā̰ tə́ ní ī-nēl̄ mbīí ōoń ndūdə́ ba ī-mā̰ȳ rɔ̄í dɔ majaĺ yādə́ gə̄ tə́, tɔdɔ̄ nin̄ i ngé kəla yāí gə̄ ō, i gír deē yāí gə̄ ō. Ɔ́jə́də́ róbə́ kə́ majə kə́ kadə̄ unən̄, ba gō tə́ anī ī-rāā ādə̄ man̄ edə dɔ nang yāí ń toō ń ādə̄də́ yá̰a̰ haladə́ tə́ ní.

1 MBAN̄G GƏ̄ 8:34

ḭ̄ ń ī-ndi dɔ rā̰ tə́ ní ī-nēl̄ mbīí ōoń ndūdə́ ō, ī-mā̰ȳ rɔ̄í dɔ majaĺ yā Israel gə̄ tə́ ba ī-tél ī-reē sedə́ gogə́ dɔ nang ń ādə̄ kaadə́ gə̄ kété ní tə́, tɔdɔ̄ nin̄ i gír deē yāí gə̄.

TA KƏLA 48:16

kadə̄ de kə́ dɔ rā̰ tə́ ń un yá̰á̰ kə́ majaĺ gə̄ kɔ̄ɔ́ dɔn tə́ ní, kə rāā majə kə ngán gə̄ ń toō. Kadə̄ ɓārə́n̄də́ kə rīneé ō, kə rī kaan Abərahamaá ō, kə rī bɔbə̄n Isaaká ō. Kadə̄ ojən̄ naā ngá̰ý kem ɓēé ō.

Najə̄ kə́ Majə yā Jeju ń Luk ndang ní 11:5

Jeju ədadə́ ɓáý to̰ na: Ré deē kógə̄ḿ dansí tə́ aw̄ kə madə̄n kógə̄ḿ, ba aw̄ rɔ̄ madə̄n ní tə́ dan loo tə́ ədan na: Madə́, ādə̄m̄ mápá tə́ mətá loo tə̄nā tə́.

Najə̄ kə́ Majə yā Jeju ń Luk ndang ní 13:4

Aké de kə́ kutə gidə i sɔ́sɔ́ gə̄ ń kújə kə́ ngāl̄ ɓururu kum kə̄ dɔɔ́ kə́ Siloe tə́ tetə əsō dɔdə́ tə́ adə̄ oyn̄ ní, sḭḭ̄ ī-gírī kadə̄ najə̄ kə́ dɔdə́ tə́ i ngá̰ý mān̄ gotə de kə́ Jerusalem gə̄ malang a?