Najə̄ kə́ Majə yā Jeju ń Luk ndang ní 11:39 - Bibəl ta Sar̄

³⁹ Anī Kɔ́ɔ̄ɓē ədan na: Sḭḭ̄ Parijiyḛ gə̄, ī-tə́goī gidə kópə ō, gidə səmbē kə́ laa ō, banī ngur ɓogə i ngá̰ý kemsí tə́ ō, kemsí ndul ngá̰ý ō.

Bible sar

³⁹ Anī Kɔ́ɔ̄ɓē ədan na: Sḭḭ̄ *Parijiyḛ gə̄, ī-tə́goī gidə kópə ō, gidə səmbē kə́ laa ō, banī ngur ɓogə i ngá̰ý kemsí tə́ ō, kemsí ndul ngá̰ý ō.

Najə̄ kə́ Majə yā Jeju ń Luk ndang ní 11:39 Referans Kwoze

JAKƏ 4:8

Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī unjə̄ njáý njáý.

TITƏ 1:15

De gə̄ ń nin̄ i de gə̄ kə́ unjə̄n̄ unjə̄ njáý njáý ní, yá̰a̰ malang i yá̰á̰ kə́ unjə̄ unjə̄ njáý njáý tām̄ yādə́ tə́, banī de gə̄ ń nin̄ i de kə́ yḛr gə̄ ō, nin̄ i ngé taā kem aĺ gə̄ ō ní, yá̰á̰ kə́ unjə̄ njáý njáý tām̄ yādə́ nin̄ tə́ gətóo. Tɔdɔ̄ kur̄ dɔdə́ ō, kemdə́ ō, i kə́ yḛr.

KƏLA RĀĀ 5:3

Anī Piyer ədan na: Ananias, i tām̄ rí tə́ á ī-rāā yá̰á̰ ń Sətan ədaī ní? Ḭ̄ ī-sor̄ Ndíĺ kə́ Táĺ ba ɔ̄r̄ ta nar gír loo yāí ə́ga gidə yāí tə́.

MATIYE 15:19

Tɔdɔ̄ gír̄ kə́ majaĺ gə̄ ō, gír̄ tɔ̄l̄ deē ō, ɓīī kə dəyá̰ kə́ rang, aláa kə dəngam kə́ rang ō, gír̄ rāā háĺ kə́ majaĺ ō, sāā ɓogə ō, tétə̄ najə̄ dɔ deē tə́ ō, ngonjə̄ ō, ḭḭn̄ i dan wur deē tə́.

MATIYE 7:15

Ī-ngɔ̄mī rɔ̄sí tām̄ yā ngé koō ta kə́ rɔ̄kum aĺ gə̄ tə́. A reēn̄ kə̄ rɔ̄sí tə́ a gidədə́ i gidə batə̄ gə̄, ba kemdə́ i kem soó gə̄ kə́ a nārə̄n̄ yá̰a̰ kul̄ gə̄.

Gōsə̄ najə̄ gə̄ 30:12

De kə́rēý gə̄ ndin̄ noó, nin̄ rāān̄ rɔ̄də́ i de kə́ unjə̄n̄ njáý njáý gə̄ tə́ adə̄ nin̄ tə́gon̄ yá̰á̰ kə́ yḛr gə̄ kə́ rɔ̄də́ tə́ kɔ̄ɔ́ alé!

TA KƏLA 6:5

Kɔ́ɔ̄ɓē a̰a̰ kadə̄ kem de kə́ dɔ nang tə́ gə̄ ndul ngá̰ý ō, gír̄ yādə́ i kə́ majaĺ kə ndɔ̄ gə̄ ō.

GALATƏ 1:14

Jipə madə́ḿ gə̄ ń ɓāl̄jí asə naā ní, m̄-rāā kəla m-ādə̄ Nə́ɓā kə gō róbən yā Jipə gēé m̄-tɔȳdə́. Tām̄ o̰o̰m̄ tɔdɔ̄ yá̰a̰ kāgə̄ ɓē yā kaaḿ gə̄ tɔȳ yādə́.

JA̰A̰ 12:6

Ni-əda najə̄ ń noō i tɔdɔ̄ ndigə kə́ ni-ndigə i ngé ndoō gə̄ alé. Ba i tām̄ ni i nge ɓogə. Ni i nge ngɔ̄m̄ ngong nar, adə̄ a ɔy yá̰á̰ kə́ kemeé loo ɓogə tə́.

Najə̄ kə́ Majə yā Jeju ń Luk ndang ní 16:15

Ba Jeju ədadə́ na: Sḭḭ̄ i ngé kɔjə rɔ̄sí gə̄ ta kum de gə̄ tə́, kadə̄ sḭḭ̄ na i de kə́ súmūú gə̄, ba Nə́ɓā ger̄ kemsí, tɔdɔ̄ yá̰á̰ ń de gə̄ ɔsən̄ kə̄ dɔɔ́ ní i yá̰á̰ kə́ to yḛr kum ngá̰ý ta kum Nə́ɓā tə́.

Najə̄ kə́ Majə yā Jeju ń Luk ndang ní 7:13

Dan ń Kɔ́ɔ̄ɓē a̰a̰n anī kumən o̰o̰n seneé, adə̄ ədan na kə lōō nōō.

SOPONI 3:3

De kə́ bo yān gə̄ ton̄ i tītə̄ ɓɔl gə̄ kə́ a nōōn̄ beé ō, ngé sarya yān gə̄ ton̄ i tītə̄ soó gə̄ kə́ aw̄n̄ ndo̰ó̰ ta loo tíbə́ tə́, ba dəloí anī, yá̰a̰ kəsa yādə́ gətóo kɔ̄ɔ́ beē ō.

EJEKIEL 22:27

Ngār gə̄ kə́ dɔ gír de gə̄ tə́ ton̄ i tītə̄ soó gə̄ kə́ ngé rə́yā̰ dā̰ kəhɔdə́ gə̄ naā tə́ beē kem ɓē kə́ Jerusalem tə́. Nin̄ tɔ̄lə̄n̄ de gə̄ yā ɓogəń yá̰a̰ kənge yādə́ gə̄.

EJEKIEL 22:25

Ngār yādə́ gə̄ ton̄ i tītə̄ ɓɔl gə̄ kə́ a nōōn̄ beé. Dā̰ ń nin̄ əhɔn̄ ní, nin̄ rə́yā̰n̄ naā tə́. Nin̄ tɔ̄lə̄n̄ de gə̄ ō, ɓogən̄ yá̰a̰ kənge gə̄ ō, yá̰a̰ yā madə̄də́ gə̄ ō, rāān̄ adə̄ dəyá̰ kə́ ngaa koy gə̄ i ngá̰ý ō.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

Gōsə̄ najə̄ gə̄ 26:25

Ré ni-ɔr̄ najə̄ kə míndən nelé anī ī-lōō taā kemən, tɔdɔ̄ ni ɓɔ̄ɔ̄ dɔ yá̰á̰ kə́ to yḛr kum gə̄ ngá̰ý tū tə́ noō.

PĀ GƏ̄ 22:13

Ngé rɔ̄ɔ̄ḿ gə̄ ḭḭn̄ seḿ tītə̄ man̄g kə́ bəra gə̄ ō, gīrə̄n̄ gidəḿ əlan̄ ta naā tə́ tītə̄ dā̰ kə́ ngan̄g ngá̰ý gə̄ kə́ dɔ nang kə́ Basan tə́ ō.

2 YÁ̰A̰ GƏ̄ 25:2

Amasia rāā yá̰á̰ kə́ gōtə́ ta kum Kɔ́ɔ̄ɓē tə́ ɓá tā ba i kə kemən kə́ nelən ngá̰ý alé.

2 TIMOTE 3:5

Yá̰a̰ rāādə́ kə́ ndágá ɔjə kadə̄ nin̄ i ngé rāā yá̰a̰ kə gō ń Nə́ɓā ndigə ní, banī nin̄-nējə̄n̄ tɔ́gə́ kə́ tū tə́ kɔ̄ɔ́. Adə̄ ī-tūr̄ gidií kɔ̄ɔ́ ta de gə̄ ń noō tə́.

JA̰A̰ 13:2

Jeju nin̄ kə ngé ndóō yá̰a̰ yān gēé ndi a əsan̄ yá̰á̰ kə́ loo tíbí. Diabəl əndā kem Judas Iskariot ngōn̄ Simo̰ tə́ kɔ̄ɔ́ ɓá kadə̄ əla Jeju jī de gə̄ tə́.

Gōsə̄ najə̄ gə̄ 26:23

De kə́ tan nel̄ ngá̰ý ba kemən majaĺ to i tītə̄ gində̄ arjā̰a̰ kə́ kɔr̄ yedə̄n aĺ ba rāań gidə jóó nánjə beē.

Najə̄ kə́ Majə yā Jeju ń Luk ndang ní 7:19

əladə́ rɔ̄ Kɔ́ɔ̄ɓē tə́ kadə̄ aw̄ dəjenən̄ na ké i ni n i deē ń kadə̄ reē ní aké kə n-ngóōn̄ i de kə́ rang ɓáý wa.