Najə̄ kə́ Majə yā Jeju ń Luk ndang ní 11:36 - Bibəl ta Sar̄

³⁶ Adə̄ ré rɔ̄í malang i kum loo kə́ unjə̄ kow tə́ kanjə̄ kadə̄ núsən kə́rēý sḛ́ý i kum til tə́ anī, rɔ̄í ní a ndi kum loo kə́ unjə̄ kow tə́ kə taá malang i tītə̄ ń hor lámba unjə̄ń dɔí tə́ kow ní.

Bible sar

³⁶ Adə̄ ré rɔ̄í malang i kum loo kə́ unjə̄ kow tə́ kanjə̄ kadə̄ núsən kə́rēý sḛ́ý i kum til tə́ anī, rɔ̄í ní a ndi kum loo kə́ unjə̄ kow tə́ kə taá malang i tītə̄ ń hor lámba unjə̄ń dɔí tə́ kow ní.

Najə̄ kə́ Majə yā Jeju ń Luk ndang ní 11:36 Referans Kwoze

Gōsə̄ najə̄ gə̄ 20:27

Koō deē i hor lámba yā Kɔ́ɔ̄ɓē, ni-a̰a̰ loo bátə́ teē gə́la kem deē tə́.

Gōsə̄ najə̄ gə̄ 6:23

Tɔdɔ̄ yá̰á̰ kə́ kəda kadə̄ yā rāā ní, rāā rɔ̄n i hor lámbá kə́ unjə̄ loo tə́ ō, kɔjə̄ rāā rɔ̄n i loo kə́ unjə̄ kow tə́ ō, ndán̄g loo i yá̰á̰ kə́ a əhɔ əndājí gotoó dɔ róbə ndi kə kumuú tə́ ō.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

2 PIYER 3:18

Banī āwī kum kə̄ kété kété tū kem majə yā Nə́ɓā tə́ ō, tū ger̄ Jeju Kərist ń i Kɔ́ɔ̄ɓē yājí ō nge kajəjí ō ní tə́ ō. Kɔsə gɔn i yān ngɔr ń toō tə́ ō, bátə́ kə̄ no tə́ ō! Adə̄ i tītə̄ ń noō.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

Gōsə̄ najə̄ gə̄ 1:5

Nge kum kedə̄ oō anī ənī kum kedə̄ yān dɔ madə̄ tə́ ō, de kə́ nge ger̄ kum najə̄ oō anī a rāā yá̰a̰ kə gosə̄neé njə̄rā kadə̄ gōtə́ ō.

JAKƏ 1:25

Ba ré deē kógə̄ḿ əndā kumən gír ndū Najə̄ kə́ Majə ɔtə̄ kə taá mámák tə́ adə̄ i ndū najə̄ kə́ a rāā kə deé kadə̄ deē tél kəhɔ rɔ̄n ō, əndā rɔ̄n ta ndū najə̄ ní tə́ ō, ba i kə́ nge koō kadə̄ mān̄ kə nélé tə́ alé ba i nge rāā anī, deē ń noō a ənge rɔ̄nel̄ tū kəla rāān tə́.

HEBƏRO 5:14

Ba yá̰a̰ kəsa kə́ ngan̄g i tām̄ yā de kə́ tɔ́gə gə̄ tə́. Kemdə́ nin̄-ger̄ kɔr̄ kam̄ yá̰á̰ kə́ majə naā tə́ kə yá̰á̰ kə́ majaĺ, tɔdɔ̄ nin̄-rāān̄ yá̰á̰ ń noō adə̄ gerə̄n̄.

EPEJƏ 4:14

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō.

MATIYE 13:52

Loo ń noō tə́ Jeju ədadə́ na: I beé ní, náā nəkɔ́ ń i nge ndóō de gə̄ ndū najə̄ tá tél nge ndóō yá̰á̰ kə́ dɔ Ɓē ko̰o̰ kə́ dɔ rā̰ tə́ ní, ni i tītə̄ kɔ́ɔ̄ kújə́ kə́ a ɔr̄ yá̰á̰ kə́ kijə gə̄gē, kə́ jóo gə̄gē, dan yá̰a̰ kənge yān kə́ gātə̄n i ngá̰ý tə́ beē.

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

IJAI 8:20

ī-tūr̄ ə́dain̄ na: Yá̰á̰ ń kadə̄ deē tél reē dɔ tə́ ní, i yá̰á̰ ndóō yā Kɔ́ɔ̄ɓē ō, i najə̄ yā Kɔ́ɔ̄ɓē ō. Deē ń a əda najə̄ ń noō aĺ ní, a a̰a̰ loo kə́ atə wororo kə́ ta gír loo tə́ alé.

MATIYE 5:15

Deē a əndā hor tū lámbá tə́ i yā sébə kār̄ dɔ tə́ alé, ba i yā naā tū kāgə̄ hor tə́ kadə̄ de gə̄ malang ń ndin̄ kem kújú ní a̰a̰n̄neé loo.

Najə̄ kə́ Majə yā Jeju ń Luk ndang ní 11:35

I beé ní ə̄ndā ma̰ȳ loo kə́ unjə̄ kow kə́ kemií tə́ á̰a̰ā̰ ké i til aĺ wa.

Najə̄ kə́ Majə yā Jeju ń Luk ndang ní 11:37

Dan ń Jeju ɔr̄ najə̄ oy anī, nge ndóō de gə̄ ndū najə̄ gə̄ kógə̄ḿ mērən ta kəsa yá̰a̰ ɓēé looneé. Jeju udə kújə yān tə́ ba aw̄ ndi ta yá̰a̰ kəsa tə́.