Najə̄ kə́ Majə yā Jeju ń Luk ndang ní 11:32 - Bibəl ta Sar̄

³² Ndɔ̄ sarya tə́ anī de kə́ Ninibə gə̄ a ḭḭn̄ dɔɔ́ naā tə́ kə de kə́ ngɔlaā gēé yā gān̄g sarya dɔdə́ tə́, tɔdɔ̄ nin̄ tūrə̄n̄ háĺdə́ dan ń oōn̄ najə̄ yā Nə́ɓā ń Jonas ɔjədə́ ní, ba kə́ tɔȳ Jonas i laā.

Bible sar

³² Ndɔ̄ sarya tə́ anī de kə́ Ninibə gə̄ a ḭḭn̄ dɔɔ́ naā tə́ kə de kə́ ngɔlaā gēé yā gān̄g sarya dɔdə́ tə́, tɔdɔ̄ nin̄ tūrə̄n̄ háĺdə́ dan ń oōn̄ najə̄ yā Nə́ɓā ń Jonas ɔjədə́ ní, ba kə́ tɔȳ Jonas i laā.

Najə̄ kə́ Majə yā Jeju ń Luk ndang ní 11:32 Referans Kwoze

HEBƏRO 7:26

Adə̄ ngol ngé tun̄ yá̰a̰ gə̄ kə́ majə tām̄ yājí tə́ i Jeju. Ni i de kə́ táĺ ō, najə̄ gətóo dɔn tə́ ō, yá̰á̰ kógə̄ḿ kə́ majaĺ tákə̄n aĺ ō. Ɔr̄nən̄ kɔ̄ɔ́ dan ngé rāā majaĺ gə̄ tə́ ō, un aw̄n̄ seneé dɔɔ́ dɔ rā̰ tə́ ō.

Najə̄ kə́ Majə yā Jeju ń Luk ndang ní 11:31

Ndɔ̄ sarya tə́ anī mban̄g kə́ dəyá̰ kə́ mbɔ́r ɓē kə́ geleé tə́ a ḭḭ dɔɔ́ naā tə́ kə de kə́ ngɔlaā gēé yā gān̄g sarya dɔdə́ tə́, tɔdɔ̄ ni-ḭḭ ta ngóy dɔ nang tə́ sa̰y nú reē koō kum kedə̄ yā Salomo̰ tə́, ba kə́ tɔȳ Salomo̰ i laā.

JONAS 4:9

Nə́ɓā dəje Jonas na ké wōn̄g ń ni-rāā tām̄ yā kāgə̄ tə́ ní ké i gōtə́ wa. Anī Jonas tél ədan na: A̰á̰ā̰, m̄-rāā wōn̄g i gōtə́ ō, m̄-ndə̄ngā yo i gōtə́ ō!

JONAS 3:5

De kə́ Ninibə gə̄ taān̄ kem najə̄ yā Nə́ɓā kə̄ ta jī tə́ noō. Nin̄-*ndin̄ ɓō tām̄ yā Nə́ɓā tə́. Ngé kənge yá̰a̰ gə̄ gə̄gē, ngé ndoō gə̄ gə̄gē, nin̄ o̰ō̰n̄ kūbə̄ kəhɔ ndoō.

JONAS 3:4

Jonas udə kem ɓēé. Ni-njə̄rā ndɔ̄ kógə̄ḿ kə taá. Ni-əda de gə̄ na: Na̰y i ndɔ̄ kutə sɔ́ yā kadə̄ a nujən̄ ɓē kə́ Ninibə kɔ̄ɔ́!

MATIYE 12:39

Jeju tél ədadə́ na: De kə́ ngɔlaā gə̄ ń i de kə́ majaĺ gə̄ ō, i ngé kəhɔ gō Nə́ɓā aĺ gə̄ ō ní, dəjen̄ yá̰á̰ kə́ to kɔr kum a? A ɔjə̄n̄də́ yá̰á̰ kə́ to kɔr kum kə́ rang alé, ba i yā Jonas nge koō ta ngóy.

MATIYE 12:41

Ndɔ̄ sarya tə́ anī, de kə́ Ninibə gə̄ a ḭḭn̄ yā gān̄g sarya dɔ de kə́ ngɔlaā gə̄ tə́. Tɔdɔ̄ dan ń Jonas ɔjə najə̄ ní Ninibə gə̄ tūrə̄n̄ háĺdə́. Ba kə́ tɔȳ Jonas i laā.