Najə̄ kə́ Majə yā Jeju ń Luk ndang ní 11:31 - Bibəl ta Sar̄

³¹ Ndɔ̄ sarya tə́ anī mban̄g kə́ dəyá̰ kə́ mbɔ́r ɓē kə́ geleé tə́ a ḭḭ dɔɔ́ naā tə́ kə de kə́ ngɔlaā gēé yā gān̄g sarya dɔdə́ tə́, tɔdɔ̄ ni-ḭḭ ta ngóy dɔ nang tə́ sa̰y nú reē koō kum kedə̄ yā Salomo̰ tə́, ba kə́ tɔȳ Salomo̰ i laā.

Bible sar

³¹ Ndɔ̄ sarya tə́ anī mban̄g kə́ dəyá̰ kə́ mbɔ́r ɓē kə́ geleé tə́ a ḭḭ dɔɔ́ naā tə́ kə de kə́ ngɔlaā gēé yā gān̄g sarya dɔdə́ tə́, tɔdɔ̄ ni-ḭḭ ta ngóy dɔ nang tə́ sa̰y nú reē koō kum kedə̄ yā Salomo̰ tə́, ba kə́ tɔȳ Salomo̰ i laā.

Najə̄ kə́ Majə yā Jeju ń Luk ndang ní 11:31 Referans Kwoze

2 YÁ̰A̰ GƏ̄ 9:1

Mban̄g kə́ dəyá̰ kə́ Saba oō najə̄ yā Salomo̰ anī reē dəjen najə̄ kə́ ngan̄g gə̄ tə́ nāań kum kedə̄ yān. Ni-reē Jerusalem i kə de gēé ngá̰ý gōn tə́ ō, kə jámbal gə̄ kə́ ətōn̄ yá̰á̰ kə́ kotə majə gə̄ ō, lɔ́ŕ kə́ ngá̰ý ō, mbal̄ gə̄ kə́ gātə̄də́ i ngá̰ý gə̄ ō. Dan ń ugə̄ rɔ̄ Salomo̰ tə́ anī dəjen najə̄ gə̄ malang ń ni núm̄ dəjen ní.

Makətūbə̄ ń Pol ndang adə̄ Rom gə̄ ní 2:27

Deē ngeé ń toō ní əja mɔtən kə́ gō yā dā̰ rɔ̄ tə́ alé, banī ni-rāā yá̰á̰ ń ndū najə̄ əda ní. Loo ń noō tə́ ní, ni a gān̄g sarya dɔí ḭ̄ tə́, tām̄ ḭ̄ ī-rāā yá̰á̰ ń ndū najə̄ əda ní alé. Tá ḭ̄ āw̄ kə makətūbə̄ ndū najə̄ ō, ə́ja mɔtií ō!

Najə̄ kə́ Majə yā Jeju ń Luk ndang ní 3:22

adə̄ Ndíĺ kə́ Táĺ jə̄ngā dɔn tə́ kə́ dér ndaa tə́ ō, ndū deē kógə̄ḿ ɓār̄ kə̄ dɔ rā̰ tə́ ō, əda na: Ḭ̄ i ngōn̄ kó tár yāḿ, nelə̄m̄ seí ngá̰ý.

MATIYE 12:42

Ndɔ̄ sarya tə́ anī, mban̄g kə́ dəyá̰ kə́ dām̄ mbɔ́r ɓē kə́ geleé tə́ a ḭḭ yā gān̄g sarya dɔ de kə́ ngɔlaā gə̄ tə́. Tɔdɔ̄ ni-ḭḭ i ta ngóy dɔ nang tə́ nú n-reē koō kum kedə̄ yā Salomo̰ tə́ ní. Ba kə́ tɔȳ Salomo̰ i laā.

JEREMI 3:11

Kɔ́ɔ̄ɓē ədam̄ na: Israel ń i nge túy taā kem yān ní, asə kəda ta kum Juda kə́ nge ra dɔ ndūn tə́ aĺ na ni i de kə́ súmūú.

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

Najə̄ kə́ Majə yā Jeju ń Luk ndang ní 9:35

Anī deē kógə̄ḿ ɔr̄ najə̄ dan kil̄ man̄ tə́ əda na: Ni ń toō i Ngōnə̄ḿ ń m̄-gə̄rān ní, ōōī najə̄ yān!

IJAI 54:17

Yá̰a̰ rɔ̄ɔ̄ gə̄ ń rāān̄ yā kənīīneé rɔ̄ɔ̄ ní, nge kógə̄ḿ kə́ asə rāāī yá̰á̰ kə́ majaĺ gətóo. Ba ré deē kógə̄ḿ ndigə sekíī loo gān̄g sarya tə́ anī, ā ásə kɔjə kadə̄ najə̄ əhɔn. Núsə́ yá̰á̰ ń m̄-ngɔ̄m̄ tām̄ yā ngé kəla yāḿ gə̄ tə́ ní n noó, loo gān̄g ń m̄-gān̄g sarya yādə́ kə gōó ní n noó. Najə̄ ń Kɔ́ɔ̄ɓē əda ní n noó.