Najə̄ kə́ Majə yā Jeju ń Luk ndang ní 11:29 - Bibəl ta Sar̄

²⁹ Dan ń kósə de gə̄ kánə̄n̄ naā ngá̰ý kə̄ dɔ Jeju tə́ anī ni-ɔr̄ najə̄ əda na: De kə́ ngɔlaā gə̄ majən̄ alé. Nin̄-sāān̄ ka̰a̰ yá̰á̰ kə́ ɔjə kadə̄ i Nə́ɓā ń rāā yá̰a̰! Banī yá̰á̰ kə́ rang kə́ Nə́ɓā a rāā yā kɔjəńdə́ yá̰a̰ gətóo, i yá̰á̰ kə́ yáā yā Jonas tá ngóy.

Bible sar

²⁹ Dan ń kósə de gə̄ kánə̄n̄ naā ngá̰ý kə̄ dɔ Jeju tə́ anī ni-ɔr̄ najə̄ əda na: De kə́ ngɔlaā gə̄ majən̄ alé. Nin̄-sāān̄ ka̰a̰ yá̰á̰ kə́ ɔjə kadə̄ i Nə́ɓā ń rāā yá̰a̰! Banī yá̰á̰ kə́ rang kə́ Nə́ɓā a rāā yā kɔjəńdə́ yá̰a̰ gətóo, i yá̰á̰ kə́ yáā yā Jonas tá ngóy.

Najə̄ kə́ Majə yā Jeju ń Luk ndang ní 11:29 Referans Kwoze

Najə̄ kə́ Majə yā Jeju ń Luk ndang ní 11:16

Kə́ madə̄ gə̄ nāānən̄, dəjenən̄ kadə̄ rāā yá̰á̰ kə́ yáā kógə̄ḿ yā kɔjəń kadə̄ tɔ́gə yān ní i tɔ́gə́ kə́ ḭḭ i rɔ̄ Nə́ɓā tə́.

1 KORḚNTƏ 1:22

Jipə gə̄ dəjen̄ kadə̄ rāān̄ yá̰a̰ gə̄ kə́ ɔjən̄ kəla rāā Nə́ɓā kə̄ ndágá ō, Gərek gə̄ a sāān̄ i kum kedə̄ ō.

Najə̄ kə́ Majə yā Jeju ń Luk ndang ní 12:1

Kum mbang ngeé ń noō tə́ ní dūbūú de kə́ ngá̰ý gə̄ kánə̄n̄ naā, adə̄ a njə̄rān̄ i dɔ nja naā tə́. Anī Jeju əla gír kɔr̄ najə̄ kə ngé ndóō yá̰a̰ yān gēé, ədadə́ na: Ī-ngɔ̄mī rɔ̄sí majə, ī-lōōī kadə̄ kaa mápa yā Parijiyḛ gə̄ ń i gól̄ loo yādə́ ní ɔdə rɔ̄sí.

JA̰A̰ 8:44

Bɔbə̄sí i diabəl, ba ī-ndigiī i rāā yá̰á̰ ń kem bɔbə̄sí gḛy ní. Ni i nge tɔ̄l̄ de gə̄ i ta kəla gíŕ tə́ nú bátə́ ngɔlaā. Usən dɔ najə̄ kə́ rɔ̄kum tə́ alé, tɔdɔ̄ najə̄ kə́ rɔ̄kum gətóo kemən tə́. Loo ń a tə́da najə̄ kə́ sor̄ gə̄ anī, ɔr̄ i najə̄ yān nəkɔ́. Tɔdɔ̄ ni i nge sor̄ ō, ni i bɔbə̄ sor̄ ō.

JA̰A̰ 6:30

Anī nin̄-tél ədan̄ na: Yá̰á̰ kə́ yáā ń ā ī-rāā yā kadə̄ j-a̰a̰ tá jə-taāń kemií ní i rí? Kəla rāāí i rí?

JA̰A̰ 2:18

Anī Jipə gə̄ dəjenən̄ na: Yá̰a̰ kə́ yáā ń ā ī-rāā yā kɔjəńjí tɔ́gə yāí ā ī-rāań yá̰a̰ tītə̄ ń noō ní i rí?

Najə̄ kə́ Majə yā Jeju ń Luk ndang ní 11:50

Adə̄ ngé koō ta gə̄ ń əlan̄ gír tɔ̄l̄də́ i ta kəla gíŕ yá̰a̰ gə̄ tə́ nú ní, a dəjen̄ de kə́ ɓōólaā gə̄ mósə́də́,

Najə̄ kə́ Majə yā Jeju ń Luk ndang ní 9:41

Anī Jeju əda na: Sḭḭ̄ de kə́ kōnīí laā kə́ ngé taā kem aĺ gə̄, kə́ ngé rāā yá̰a̰ majaĺ gə̄, kə m̄-ndi sesí ō, kə m̄-tə́gā taḿ dɔsí tə́ ō i bátə́ ta kə́ rá? Gō tə́ anī ni-tél əda dəngam ní na: Ī-reē kə ngōnīí ní kə̄ laā.

MARK 8:38

Tɔdɔ̄ deē ń rɔ̄n sɔlə̄n tām̄ yāḿ tə́ ō, tām̄ najə̄ yāḿ gə̄ tə́ ō, dan gír de kə́ ɓāl̄ ń toō tə́ gə̄ kə́ nin̄ i ngé rāā rāȳ gə̄ ō, kə́ ngé kəhɔ ta Nə́ɓā aĺ gə̄ ō ní anī, rɔ̄ Ngōn̄ Deē a sɔlə̄n tām̄ yān tə́, dan ń a tél yā reē dan kɔsə gɔn yā Bɔbə̄n tə́ naā tə́ kə de kə́ dɔ rā̰ tə́ kə́ táĺ gə̄ ní.

MATIYE 3:7

Dan ń Ja̰a̰ a̰a̰ Parijiyḛ gə̄ ngá̰ý ō, Sadusiyḛ gə̄ ngá̰ý ō, reēn̄ rɔ̄n tə́ kadə̄ n-rāādə́ batém anī ədadə́ na: Sḭḭ̄, gír kaa lī kakə́m gə̄, wōn̄g yā Nə́ɓā ń a reē ní, i náā n ɔjəsí loo ka̰ȳ ta tə́ kɔ̄ɔ́ ní?

EJEKIEL 24:24

Dan ń Ejekiel rāā yá̰a̰ beé ní, tāāsí i najə̄ yā yá̰á̰ ń a rāā yā reē ní. Ā ī-rāāī yá̰a̰ i tītə̄ yān jéjé. Ba ré yá̰á̰ ní reē ugə̄ anī, ā ī-gerī kadə̄ Kɔ́ɔ̄ɓē Nə́ɓā i mā.

JONAS 1:1

Ndɔ̄ kógə̄ḿ tə́ anī, Kɔ́ɔ̄ɓē əda Jonas kə́ ngōn̄ Amitay na: