Najə̄ kə́ Majə yā Jeju ń Luk ndang ní 11:28 - Bibəl ta Sar̄

²⁸ Banī Jeju tél əda na: Ɓá tā ba i ngé koō najə̄ yā Nə́ɓā ba rāā yá̰á̰ ń Nə́ɓā əda ní gə̄ n i ngé rɔ̄nel̄ kə́ rɔ̄kum gə̄ ní!

Bible sar

²⁸ Banī Jeju tél əda na: Ɓá tā ba i ngé koō najə̄ yā Nə́ɓā ba rāā yá̰á̰ ń Nə́ɓā əda ní gə̄ n i ngé rɔ̄nel̄ kə́ rɔ̄kum gə̄ ní!

Najə̄ kə́ Majə yā Jeju ń Luk ndang ní 11:28 Referans Kwoze

Najə̄ kə́ Majə yā Jeju ń Luk ndang ní 8:21

Banī ni-tūr̄ ədadə́ na: I ngé koō najə̄ yā Nə́ɓā ba rāā yá̰á̰ ń Nə́ɓā əda ní gə̄ n i kó̰ó̰ḿ gə̄ ō, ngákó̰ó̰ḿ gə̄ ō ní.

PĀ GƏ̄ 112:1

Aleluya! Rɔ̄nel̄ i kə deē ń ɓōĺ ndíl Kɔ́ɔ̄ɓē ō, nelə́n kə gō míndən gēé ō ní.

JA̰A̰ 13:17

Kə́ ngɔr ń toō tə́ ní ī-gerī yá̰á̰ ní kɔ̄ɔ́, ba ré ī-rāāī beé anī, rɔ̄sí a nel̄sí.

PĀ GƏ̄ 128:1

Pā kə́ yā kaw̄ń kə̄ loo kə́ táĺ tə́. De gə̄ malang ń ɓōlə́n̄ ndíĺ Kɔ́ɔ̄ɓē ō, unən̄ gō róbə yān gə̄ ō ní rɔ̄də́ nel̄də́!

JEJU TEĒ KUM JA̰A̰ 22:14

Ngé gə̄ ń tə́gon̄ kūbə̄ ngāl̄ yādə́ gə̄ ní, rɔ̄də́ nel̄də́. Tɔdɔ̄ nin̄ a əngen̄ ta róbə kəsa kan̄ kāgə̄ ndi kə kumuú ní ō, a udən̄ kem ɓē ní tə́ kə ta róbə gə̄ ní ō.

Gōsə̄ najə̄ gə̄ 8:32

Ba ngɔlaā ní, ngánə́ḿ gə̄, ōōī najə̄ yāḿ. Ré úniī kɔjə̄ yāḿ ī-rāāīneé yá̰a̰ anī rɔ̄sí a nel̄sí!

Gōsə̄ najə̄ gə̄ 19:16

De ń rāā yá̰á̰ ń Nə́ɓā əda kadə̄ yā rāā ní i de kə́ nge ngɔ̄m̄ rɔ̄n. De kə́ usən dɔ hálən tə́ alé i de kə́ a oy.

JEJU TEĒ KUM JA̰A̰ 1:3

Deē ń tə́da makətūbə̄ ń toō ō, de gə̄ ń oōn̄ najə̄ kə́ Nə́ɓā əndā ta deē tə́ ń toō ō, ba ngɔ̄mə̄n̄ yá̰á̰ ń ndangən̄ kemeé ní, rɔ̄də́ nel̄də́. Tɔdɔ̄ kum mbang ń kadə̄ yá̰a̰ gə̄ ń noō rāān̄neé yá̰á̰ ní dɔ i ngɔr.