Najə̄ kə́ Majə yā Jeju ń Luk ndang ní 11:22 - Bibəl ta Sar̄

²² Ba ré de kə́ dəngam kə́ rang kə́ ngan̄g tɔȳn reē tetən rɔ̄ɔ̄ anī, a taā yá̰á̰ rɔ̄ɔ̄ yān gə̄ ń əndā tɔ́gən dɔ tə́ ní ō, a nə̄ɓō yá̰a̰ kənge yān gə̄ ń ɔy ní kɔ̄ɔ́ malang ō.

Bible sar

²² Ba ré de kə́ dəngam kə́ rang kə́ ngan̄g tɔȳn reē tetən rɔ̄ɔ̄ anī, a taā yá̰á̰ rɔ̄ɔ̄ yān gə̄ ń əndā tɔ́gən dɔ tə́ ní ō, a nə̄ɓō yá̰a̰ kənge yān gə̄ ń ɔy ní kɔ̄ɔ́ malang ō.

Najə̄ kə́ Majə yā Jeju ń Luk ndang ní 11:22 Referans Kwoze

IJAI 53:12

I tām̄ najə̄ ń toō tə́ n m-ə̄ndān dan de gə̄ kə́ boon̄ tɔȳn̄ madə̄də́ gə̄ tə́ ní. Ni ō, ngé gə̄ ń tɔ́gə́də́ tɔȳ yā madə̄də́ gə̄ ní ō, a kēgə̄n̄ naā yá̰a̰ kənge gə̄ yā madə̄ ba̰ā̰. Tām̄ ni-ndigə koy kə gō kem ndigə yān nəkɔ́ ō, ndigə kadə̄ ni i dan ngé gān̄g róbə gə̄ tə́ ō. A̰á̰ā̰, ni un majaĺ yā de kə́ ngá̰ý gə̄ dɔn tə́ ō, udə dan najə̄ yā de gə̄ kə́ najə̄ i dɔdə́ tə́ yā rāā kadə̄ majə ō.

IJAI 27:1

Ndɔ̄ ngeé ń noō tə́ ní, Kɔ́ɔ̄ɓē a un kaskar yān kə́ bo ō, to ɓōĺ ō, ngan̄g ō, yā rāań yá̰á̰ kə́ tōr̄ kə Lebiatan ń i lī kə́ nge ka̰ȳ ní, Lebiatan ń i lī kə́ kumən edə̄ ngá̰ý ní. Ba dā̰ kə́ majaĺ ngá̰ý kə́ kum bā bo tə́ ngeé ń toō ní a tɔ̄lən.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

1 JA̰A̰ 4:4

Sḭḭ̄ ngánə́ḿ kə́ dūú gə̄, sḭḭ̄ ń i yā Nə́ɓā ní, ī-tetiī ngé koō ta kə́ rɔ̄kum aĺ gə̄ ń noō rɔ̄ɔ̄ kɔ̄ɔ́. Tɔdɔ̄ nge ń ndi kemsí tə́ ní bo tɔȳ nge ń ndi dɔ nang tə́ ní.

1 JA̰A̰ 3:8

De kə́ nge rāā majaĺ i deē yā diabəl, tɔdɔ̄ diabəl rāā majaĺ i ta kəla gíŕ tə́ beē.

KOLOSƏ 2:15

Nə́ɓā taā tɔ́gə kɔ̄ɔ́ jī ngé ko̰o̰ ɓē gə̄ tə́ ō, jī ngé tɔ́gə gə̄ tə́ ō, i tītə̄ ń noō. Ngōnən ń tetədə́ rɔ̄ɔ̄ ní, ni-aw̄ sedə́ adə̄ njə̄rān̄ gōn tə́ tītə̄ ɓəlo gə̄, adə̄ de gə̄ malang a̰a̰n̄də́.

Teē Ngán Israel gə̄ 15:9

Madə̄ ba̰ā̰jí gə̄ ədan̄ na n-a n-ngɔ̄də̄n̄jí yā kəhɔjí, na n-a n-kēgə̄n̄ naā yá̰a̰ kənge yājí gə̄, na n-a n-ɔyn̄ kadə̄ mān̄ dɔ ɓōn kə́ kemdə́ tə́, na n-a n-ró̰ȳn̄ kaskar yādə́ gə̄ kem hɔ̄pə̄n tə́, na n-a n-tetən̄ jīdə́ dɔjí tə́.

Najə̄ kə́ Majə yā Jeju ń Luk ndang ní 11:21

Ré de kə́ dəngam kə́ ngan̄g kə́ aw̄ kə yá̰a̰ rɔ̄ɔ̄ gēé ngɔ̄m̄ kújə yān anī, yá̰á̰ kə́ yā kɔdə rɔ̄ yá̰a̰ kənge yān a gətóo.

Najə̄ kə́ Majə yā Jeju ń Luk ndang ní 11:23

Deē ń i seḿ aĺ ní kɔ́ɔ̄ i madə̄ ba̰ā̰ḿ ō, deē ń kán̄ yá̰a̰ kə̄ naā tə́ seḿ aĺ ní kɔ́ɔ̄ a tə̄ndā a tḭ̄ḭ̄ i mbée ō.

EPEJƏ 6:11

Ə́laī yá̰a̰ rɔ̄ɔ̄ malang yā Nə́ɓā rɔ̄sí tə́, kadə̄ ásiīń ra ngan̄g ta yá̰á̰ ń diabəl a rāā tə́ ní.

EPEJƏ 6:13

Tām̄ najə̄ ń noō tə́ ní, ə́laī yá̰a̰ rɔ̄ɔ̄ yā Nə́ɓā rɔ̄sí tə́, yā kadə̄ ndɔ̄ kə́ majaĺ tə́ anī ī-raīń ngan̄g ō, ī-raī dɔɔ́ ō, dan ń ī-tetiī rɔ̄ɔ̄ gə̄ malang ní.