Najə̄ kə́ Majə yā Jeju ń Luk ndang ní 11:2 - Bibəl ta Sar̄

² Anī Jeju ədadə́ na: Ré ā ī-ndɔ̄yī anī, ə́daī na: Bɔbə̄jí, ādə̄ de gə̄ tɔ̄ȳn̄ rīí, ādə̄ Ɓē ko̰o̰ yāí reē ō.

Bible sar

² Anī Jeju ədadə́ na: Ré ā ī-ndɔ̄yī anī, ə́daī na: Bɔbə̄jí, ādə̄ de gə̄ tɔ̄ȳn̄ rīí, ādə̄ *Ɓē ko̰o̰ yāí reē ō.

Najə̄ kə́ Majə yā Jeju ń Luk ndang ní 11:2 Referans Kwoze

KOHELET 5:2

Tɔdɔ̄ sōl̄ kə́ ngá̰ý a reē kə nī kə́ majaĺ gə̄ ō, najə̄ kə́ kɔr̄ ngá̰ý a rāā kadə̄ ḭ̄ deē ɔ̄r̄ najə̄ kə́ to mbóo gə̄ ō.

2 YÁ̰A̰ GƏ̄ 20:6

ba əda na: Kɔ́ɔ̄ɓē, Nə́ɓā yā kaají gə̄, i ḭ̄ n i Nə́ɓā dɔ rā̰ tə́ ō, ī-ndi dɔ ɓē ko̰o̰ gə̄ malang yā nápar de gə̄ tə́ ō ní aĺ a? Tɔ́gí to ō, ī-ngan̄g ō, adə̄ de kə́ asə rɔ̄ɔ̄ seí gətóo.

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

PĀ GƏ̄ 11:4

Kɔ́ɔ̄ɓē ndi kem kújə yān kə́ táĺ tə́. Kōr̄ kāgə̄ mbang yān ndi i dɔ rā̰ tə́. Ni-əndā ma̰ȳ de gə̄ kə kumneé, anī ger̄ kəla rāā deē ndul gə̄ kógə̄ḿ kógə̄ḿ.

JEJU TEĒ KUM JA̰A̰ 20:4

Gō tə́ anī m-á̰a̰ kōr̄ kāgə̄ mbang gə̄. Ba de gə̄ ń reē ndin̄ dɔ tə́ ní, adə̄n̄də́ ta róbə kadə̄ gāngə̄n̄ sarya. Tá m-á̰a̰ de gə̄ ń tə́gān̄ míndə́də́ gángə̄n̄ kə kə̄ngāá tām̄ najə̄ kə́ kum tə́ yā Jeju tə́ ō, tām̄ najə̄ yā Nə́ɓā tə́ ní ō. De gə̄ ń rɔȳn̄ dā̰ ní aĺ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní tə́ aĺ ō, əndān̄ tə́ré yá̰a̰ nodə́ tə́ aĺ ō, jīdə́ tə́ aĺ ō ní, m-á̰á̰də́ ō. Nin̄-tél ndin̄ kə kumdə́ gogə́, ba o̰o̰n̄ ɓē naā tə́ kə Kərist ɓāl̄ dūbú kógə̄ḿ.

1 TESALONIK 1:3

Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.

PILIPƏ 4:20

Kɔsə gɔn i yā Nə́ɓā ń i Bɔbə̄jí ní ngándáńg. Adə̄ i tītə̄ ń noō.

PILIPƏ 1:2

Ādə̄ bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

EPEJƏ 1:2

Ādə̄ Bɔbə̄jí Nə́ɓā, nin̄ kə Kɔ́ɔ̄ɓē Jeju Kərist, rāān̄ kem majə sesí ō, sɔlə̄n̄ kemsí ō.

2 KORḚNTƏ 1:2

Ādə̄ Bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

1 KORḚNTƏ 1:3

Ādə̄ Bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

IJAI 63:16

Tá ḭ̄ i bɔbə̄jí. Kaají Abəraham ger̄ najə̄ yājí kógə̄ḿ alé, Jakob ger̄jí alé. Ba ḭ̄ Kɔ́ɔ̄ɓē ḭ̄ i bɔbə̄jí, nge gān̄g dɔjí, nəkɔ́ ń jóo toó rīí n noó ngándáńg.

PĀ GƏ̄ 57:11

Tɔdɔ̄ kem majə yāí aw̄ bátə́ ugə̄ dɔ rā̰ tə́ ō, ra dɔ ndūí tə́ yāí aw̄ bátə́ ugə̄ rɔ̄ kil̄ man̄ gə̄ tə́ dɔɔ́ ō.

JEJU TEĒ KUM JA̰A̰ 19:6

Gō tə́ anī, m-ōō kōō yá̰á̰ kə́ ɓār̄ tītə̄ kōō kósə de kə́ ngá̰ý gə̄ beé ō, tītə̄ man̄ bā kə́ ngá̰ý ō, tītə̄ kōō man̄ kə́ ndang ngá̰ý ō. Kósə de gə̄ ní ədan̄ na: Aleluya! Tɔdɔ̄ Kɔ́ɔ̄ɓē Nə́ɓā yājí kə́ bo kə́ tɔ́gən i ngá̰ý o̰o̰ ɓē.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

1 TESALONIK 1:1

I Pol nin̄ kə Silas ō, Silas ō, Timote ō n əlan̄ kə makətūbə̄ ń toō adə̄n̄ Egəlijə kə́ Tesalonik tə́ ń ɓoon̄ naā kə Bɔbə̄jí Nə́ɓāá ō, kə Kɔ́ɔ̄ɓē Jeju Kərist ō ní. Ādə̄ Nə́ɓā rāā kem majə sesí ō, sɔl̄ kemsí ō.

2 TESALONIK 2:16

Ādə̄ nəkɔ́ Kɔ́ɔ̄ɓē yājí Jeju Kərist ō, Bɔbə̄jí Nə́ɓā ń táŕjí ba rāā kem majə sejí á sɔl̄ kemjí ngándáńg ō, rāā adə̄ j-əndāī kemjí dɔ yá̰á̰ kə́ majə tə́ ō ní,

KOLOSƏ 1:2

j-əla kə makətūbə̄ ń toō j-adə̄ ngákó̰ó̰jí kə́ de gə̄ yā Nə́ɓā ń ndin̄ Kolosə tə́ ní. Nin̄-taān̄ kem Kərist ō. Ādə̄ Bɔbə̄jí Nə́ɓā rāā kem majə sesí ō, sɔl̄ kemsí ō.

Makətūbə̄ ń Pol ndang adə̄ Rom gə̄ ní 8:15

Tām̄ Ndíĺ ń ə́ngeī ní rāāsí adə̄ ī-téliī i ɓəlo gə̄ aĺ ō, rāāsí adə̄ ī-tél ī-ɓōlíī gogə́ aĺ ō. Banī ə́ngeī i Ndíĺ kə́ rāāsí adə̄ ī-téliī ngáń Nə́ɓā gə̄. Tɔdɔ̄ i kə ta kūl̄neé n j-əgaī kɔŕ j-ədaī na: Aba, Bɔbə̄jí ní.

MATIYE 10:32

Deē ń əda ta kum de gə̄ tə́ na ni na i deē yāḿ anī, mā m-ā m-ə́da ta kum Bɔbə́ḿ kə́ ndi dɔ rā̰ tə́ na ni i deē yāḿ ō.

MATIYE 5:16

Ādī loo kə́ unjə̄ kow yāsí unjə̄ ta kum de gə̄ tə́ tītə̄ ń toō ō, kadə̄ ré nin̄-a̰a̰n̄ kəla rāāsí kə́ majə gə̄ anī, ɔsən̄ gɔn Bɔbə̄sí ń ndi dɔ rā̰ tə́ ní.

MATIYE 3:2

tɔdɔ̄ Ɓē ko̰o̰ kə́ dɔ rā̰ tə́ reē ngɔr rɔ̄sí tə́.

HABAKUK 2:14

A̰á̰ā̰, de gə̄ malang a gerə̄n̄ kɔsə gɔn yā Kɔ́ɔ̄ɓē. Kɔsə gɔn ní a taā loo malang dɔ nang tə́, tītə̄ ń man̄ rosəń kem kār̄ bā bo gə̄ tə́ ní.

OJEE 14:2

Israel, ī-tél ī-reē rɔ̄ Kɔ́ɔ̄ɓē Nə́ɓā yāí tə́. I yá̰a̰ rāāī kə́ gōtə́ aĺ rāāī adə̄ ə̄sō ní.

DANIEL 7:27

Ba ko̰o̰ ɓē ō, ndi dɔ yá̰a̰ gə̄ tə́ malang ō, bo yā ɓē ko̰o̰ gə̄ malang kə́ dɔ nang tə́ ō ní, a adə̄n̄ gír de kə́ táĺ gə̄ yā Nə́ɓā kə́ dɔɔ́. Ko̰o̰ ɓē yān i ko̰o̰ ɓē kə́ a to ngándáńg. ngé ndi dɔ ɓē gə̄ tə́ malang a rāān̄ kəla yān ō a oōn̄ tan ō.

DANIEL 7:18

Gō tə́ anī ngé kə́ táĺ gə̄ yā Nə́ɓā kə́ dɔɔ́ sa̰y ngá̰ý a əngen̄ ko̰o̰ ɓē ō, a ngɔ̄mə̄n̄ ko̰o̰ ɓē ní tām̄ yādə́ tə́ kə́ njɔ́ḿ gə̄ tə́ ō.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

DANIEL 2:28

Banī Nə́ɓā kógə̄ḿ kə́ nge teē kə gíŕ yá̰á̰ kə́ to loo mundə̄ tə́ gēé ndi dɔ rā̰ tə́ noō. I ni n ɔjə mban̄g Nabukodonosor yá̰á̰ kə́ ndɔ̄ń tə́ ń a rāā yā reē ní. Nī ń rāāī dan ń ī-to ā ī-ɓīī ní n toó:

EJEKIEL 36:23

Nápar de gə̄ kídə̄n̄ rīḿ i najə̄ yāsí sḭḭ̄ tə́. I beé ní, m-ā m-ɔ́jə́də́ kadə̄ mā i Nə́ɓā kə́ bo ō, kə́ táĺ ō. Ba i sḭḭ̄ n m-ā m-úńsí yā rāań yá̰á̰ ń noō ní. Loo ń noō tə́ nápar de gə̄ ngeé ń noō a gerə̄n̄ kadə̄ i mā Kɔ́ɔ̄ɓē Nə́ɓā n m-ə́da najə̄ ń noō ní.

PĀ GƏ̄ 108:5

Tɔdɔ̄ kem majə yāí bo tɔȳ dɔ rā̰ ō, najə̄ yāí kə́ rɔ̄kum aw̄ bátə́ ugə̄ rɔ̄ kil̄ man̄ gə̄ tə́ ō.

PĀ GƏ̄ 103:20

Sḭḭ̄ de kə́ dɔ rā̰ tə́ gə̄ yā Kɔ́ɔ̄ɓē ń tɔ́gə́sí i ngá̰ý ō, ā ī-rāāī yá̰a̰ gə̄ ń ni ədasí kadə̄ ī-rāāī ní ō, ōōī tan ō ní, ī-ɓōkə́niī tɔ̄ȳ.

2 MBAN̄G 19:19

Banī ḭ̄ Kɔ́ɔ̄ɓē Nə́ɓā yājí, ī-taājí jī Senakerib tə́ ə́yá̰jí dɔɔ́. Loo ń noō tə́, Kɔ́ɔ̄ɓē, de kə́ kem ɓē ko̰o̰ gə̄ kə́ dɔ nang tə́ gə̄ malang a gerə̄n̄ kadə̄ i ḭ̄ ngóy n i Nə́ɓā ní.

1 MBAN̄G GƏ̄ 8:43

ḭ̄ Kɔ́ɔ̄ɓē ń ī-ndi dɔ rā̰ tə́ ní ōō najə̄ yā kɔ́ɔ̄. Ī-rāā yá̰a̰ malang ń dəjeī ní ādə̄ gír de kə́ dɔ nang tə́ gə̄ malang ger̄ə̄n̄neé rīí ba ɓōlíīn̄neé tītə̄ ń Israel deē yāí gə̄ a ɓōlíīn̄neé ní ō, kadə̄ gerə̄n̄neé kadə̄ rīí ɓār̄ dɔ kújə́ ń toō ń m̄-rāā tə́ ní ō.

LEBI GƏ̄ 22:23

Man̄g, aláa batə̄, aláa bə̄yā̰ ń njan kógə̄ḿ ngāl̄ tɔȳ madə̄ gə̄ aké gində̄ gō madə̄ gə̄ tə́ ní, ā ī-tun̄ kə gō kem ndigə̄ yāí karī. Ba ré ī-tun̄ i tām̄ míndí kə́ ənī tə́ anī, a nel̄ Kɔ́ɔ̄ɓē alé.

LEBI GƏ̄ 10:3

Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

GALATƏ 1:4

Jeju Kərist, i nge ń adə̄ rɔ̄n kə gō kem ndigə yā Bɔbə̄jí Nə́ɓāá tām̄ yā majaĺ yājí gə̄ tə́, yā kɔrə̄ńjí kɔ̄ɔ́ dan yá̰á̰ kə́ majaĺ kə́ dɔ nang tə́ laā tə́ ní.

Makətūbə̄ ń Pol ndang adə̄ Rom gə̄ ní 1:7

Ní, m-ə́la kə makətūbūú m-ādə̄sí, sḭḭ̄ kó tár yā Nə́ɓā gə̄ ń ī-ndiī Rom á Nə́ɓā ɓāŕsí kadə̄ ī-téliī ngé yān gə̄ ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

Najə̄ kə́ Majə yā Jeju ń Luk ndang ní 11:1

Ndɔ̄ kə́rēý tə́ Jeju ndi a ndɔ̄ȳ Nə́ɓā loo kógə̄ḿ tə́. Dan ń ni-ndɔ̄ȳ oy anī, nge ndóō yá̰a̰ yān kógə̄ḿ ədan na: Kɔ́ɔ̄ɓē, ɔ́jə́jí loo ndɔ̄ȳ tītə̄ ń Ja̰a̰ ɔjəń ngé ndóō yá̰a̰ yān gə̄ ní.