Najə̄ kə́ Majə yā Jeju ń Luk ndang ní 11:19 - Bibəl ta Sar̄

¹⁹ Ba ré mā m̄-tə̄ɓā ndíĺ kə́ majaĺ gə̄ i kə tɔ́gə́ kə́ Beljebul adə̄m̄ anī, ngé ndóō yá̰a̰ yāsí gə̄ ní a tə̄ɓān̄də́ i kə tɔ́gə yā náāá tā? I beé ní i nin̄ kɔ́ gə̄ n a télən̄ ngé gān̄g sarya dɔsí tə́ gə̄ ní.

Bible sar

¹⁹ Ba ré mā m̄-tə̄ɓā ndíĺ kə́ majaĺ gə̄ i kə tɔ́gə́ kə́ Beljebul adə̄m̄ anī, ngé ndóō yá̰a̰ yāsí gə̄ ní a tə̄ɓān̄də́ i kə tɔ́gə yā náāá tā? I beé ní i nin̄ kɔ́ gə̄ n a télən̄ ngé gān̄g sarya dɔsí tə́ gə̄ ní.

Najə̄ kə́ Majə yā Jeju ń Luk ndang ní 11:19 Referans Kwoze

Najə̄ kə́ Majə yā Jeju ń Luk ndang ní 9:49

Ja̰a̰ un najə̄ ɔr̄, əda na: Ngoljí, j-a̰a̰ deē kógə̄ḿ a tə̄ɓā ndíĺ kə́ majaĺ gə̄ kə rīí ba jə-nāā kɔgə̄n, tɔdɔ̄ ni-un gōí sejí alé.

Makətūbə̄ ń Pol ndang adə̄ Rom gə̄ ní 3:19

Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō.

Najə̄ kə́ Majə yā Jeju ń Luk ndang ní 19:22

Ngār ní ədan na: Ḭ̄ i nge kəla kə́ majaĺ. M-ā m̄-gān̄g sarya dɔí tə́ i kə gō najə̄ gə̄ ń teēn̄ taí ḭ̄ kɔ́ tə́ ní. Adə̄ m-ā m-ún yá̰á̰ kə́ m-ə̄nā aĺ ō, m-ə́ja kōō kə́ m̄-dubə̄ aĺ ō,

Makətūbə̄ yā Job 15:6

I najə̄ kə́ taí īkɔ́ tə́ n gān̄g sarya dɔí tə́ ní, ba i mā alé. I najə̄ kɔrīí n əndā najə̄ dɔí tə́ ní.

MATIYE 4:24

Lūlūn ɓār̄ gō nang kə́ Siri tə́ malang, adə̄ de gə̄ reēn̄ kə ngé mo̰y gə̄ ō, ngé rɔ̄ tōr̄ kə́ tayā tayā gə̄ ń i ngé ndíĺ kə́ majaĺ gə̄ ō, ngé kəsō yel̄ gə̄ ō, ngé lígə̄rī gə̄ ō ní rɔ̄n tə́. Ba ni-rāā adə̄ rɔ̄də́ ngáā.

MATIYE 10:25

Ré nge ndóō yá̰a̰ reē to tītə̄ nge kɔjən yá̰a̰ ō, nge kəla reē to tītə̄ kɔ́ɔ̄n ō ɓáa asə beé. Dan ń ɓārə́n̄ kɔ́ɔ̄ kújə na i Beljebul ní, a ədan̄ najə̄ kə́ tōr̄ ngá̰ý tɔȳ nge n noō ɓáý dɔ de gə̄ kə́ kem kújə yān tə́.

KƏLA RĀĀ 19:13

Jipə kə́rēý gə̄ kə́ ngé kɔr̄ gō ɓē tə̄ɓań ndíĺ kə́ majaĺ gə̄ nāān̄ ɓāŕ rī Kɔ́ɔ̄ɓē Jeju dɔ ngé ndíĺ kə́ majaĺ gə̄ tə́ ō, nin̄-ədan̄ na: Ī-teē kɔ̄ɔ́ kə ta kūl̄ rī Jeju ń Pol ɔjə najə̄ yān ní!