Najə̄ kə́ Majə yā Jeju ń Luk ndang ní 10:42 - Bibəl ta Sar̄

⁴² Banī yá̰á̰ ń i yá̰á̰ kə́ yā rāā gáŕ ní gír i kógə̄ḿ beē ngóy. I Mari n gə̄rā dāmə̄n kə́ majə tɔȳ madə̄ gə̄ ní, adə̄ deē a taā jīn tə́ alé.

Bible sar

⁴² Banī yá̰á̰ ń i yá̰á̰ kə́ yā rāā gáŕ ní gír i kógə̄ḿ beē ngóy. I Mari n gə̄rā dāmə̄n kə́ majə tɔȳ madə̄ gə̄ ní, adə̄ deē a taā jīn tə́ alé.

Najə̄ kə́ Majə yā Jeju ń Luk ndang ní 10:42 Referans Kwoze

PĀ GƏ̄ 27:4

m̄-dəje Kɔ́ɔ̄ɓē yá̰á̰ kógə̄ḿ ō, m̄-gḛy kənge gáŕ ō. I kadə̄ m̄-ndi kem kújə yā Kɔ́ɔ̄ɓē tə́ kə dɔ ndɔ̄ gə̄ malang ń m̄-ndiń kə kumḿ ní, yā kadə̄ m-á̰a̰ń majə Kɔ́ɔ̄ɓē ō, m-ə̄ndań kumḿ gíŕ kújə yān tə́ ō.

JA̰A̰ 4:14

Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

PĀ GƏ̄ 73:25

Dan ń mā i seí anī, loo kə́ dɔ nang tə́ nelə̄m̄ aĺ ní, i náā kə́ rang yāḿ n m-ā m-ə́ngən dɔ rā̰ tə́ ní? I ḭ̄ ngóy aĺ a?

Najə̄ kə́ Majə yā Jeju ń Luk ndang ní 18:22

Dan ń Jeju oō beé anī, tél ədan na: Na̰yiī yá̰á̰ kógə̄ḿ ɓáý: Ígə́ yá̰a̰ yāí gə̄ malang, ī-nə̄ɓō narən ngé ndoō gə̄, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba gō tə́ anī, ī-reē ún gōḿ.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

PĀ GƏ̄ 17:15

Ba mā m-ā m-á̰a̰ kumií, tɔdɔ̄ i yá̰á̰ kə́ gōtə́. Dan ń m-ā m̄-ndól̄ dɔ ɓīī tə́ anī, m-ā m-á̰á̰ ndílí kadə̄ tɔ̄l̄ ɓōḿ.

MARK 8:36

Ədadə́ na ké i rí bang n a teēī, ḭ̄ deē yá̰á̰ tə́, dan ń ə́ngé yá̰á̰ kə́ dɔ nang tə́ malang, ba ī-tḭ̄ḭ̄ ta rɔ̄í kɔ̄ɔ́ ní wa.

PĀ GƏ̄ 142:5

Á̰a̰ loo kə̄ dām̄ kadəḿ kə́ ko̰ó̰ tə́ ba ə̄ndā ma̰ȳ á̰a̰ā̰: De kógə̄ḿ kə́ gerə̄m̄ gətóo! Loo kə́ rang kə́ kadə̄ m̄-ɓɔ̄ɔ̄ rɔ̄ḿ tū tə́ to̰ ní gətóo. De kə́ usən̄ dɔḿ tə́ gətóo!

NDŪ NAJƏ̄ 30:19

Ɓōólaā m-ún dɔ rā̰ ō, dɔ nang ō, kadə̄ nin̄ i ngé kəda najə̄ kə́ kum tə́ dɔí tə́. Yá̰á̰ ń m-ə̄ndā noí tə́ ní i ndi kə kumuú nin̄ kə yoó ō, i tɔ́r̄ ta nin̄ kə ndɔ̄ĺɔ́ ō. Ā ī-gə̄rā i ndi kə kumuú kadə̄ ī-ndiń kə kumií kə ngání gə̄ ō, ngán kaaí gə̄ ō.

PĀ GƏ̄ 119:30

Mā m̄-ndigə i rāā yá̰á̰ kə́ gōtə́, i ndūí gə̄ ń ḭ̄ ī-ra dɔ tə́ ní n mā m̄-tetə rɔ̄ḿ gō tə́ ní.

Najə̄ kə́ Majə yā Jeju ń Luk ndang ní 8:18

I beé ní á̰a̰ī loo koō ń ōōī loo ní majə. Tɔdɔ̄ deē ń i kə yá̰á̰ ní Nə́ɓā adə̄n madə̄ dɔ tə́. Ba deē ń i kə yá̰á̰ aĺ ní, yá̰á̰ ń ni-ɔjəń na i yá̰a̰ yān ní gə̄gē, Nə́ɓā a taā jīn tə́ kɔ̄ɔ́.

Najə̄ kə́ Majə yā Jeju ń Luk ndang ní 12:20

Banī Nə́ɓā əda deē ní na: Ḭ̄ i de kə́ ger̄ yá̰a̰ alé! Ndɔ̄ɔ́ ɓōólaā nəkɔ́ ń toō ā óy kɔ̄ɔ́. Ní, yá̰á̰ ń ī-kán̄ kə̄ naā tə́ tām̄ yāí tə́ ní i náā n a tél kɔ́ɔ̄n tā?

PĀ GƏ̄ 119:111

Yá̰a̰ gə̄ ń ə́dá ní i yá̰a̰ kənge yāḿ gə̄ kə́ njɔ́ḿ gə̄ tə́, nin̄ rāān̄ adə̄ kemḿ nelə̄m̄.

1 KORḚNTƏ 13:3

Ká ré m-ādəń i ngé ɓō gə̄ yá̰a̰ yāḿ malang adə̄ əsan̄ gə̄gē, aláa m-ə̄nań i rɔ̄ḿ horoó adə̄ hor o̰o̰ń gə̄gē, ré m̄-tár aĺ anī, yá̰á̰ kógə̄ḿ kə́ kadə̄ m-ə́ngé gírí gətóo.

Najə̄ kə́ Majə yā Jeju ń Luk ndang ní 12:33

Yá̰a̰ yāsí gə̄ ń ə́ngeī ní, ígiīneé ba ādī ngé ndoō gə̄ narən. Ūrī ngong nar kə́ a əsō ngísə aĺ gə̄ tām̄ yāsí tə́ dɔ rā̰ tə́ ō, ī-kánī dūbə̄ yá̰a̰ yāsí gə̄ kə̄ dɔ naā tə́ dɔ rā̰ tə́ ō. Nge ɓogə a aw̄ rɔ̄ tə́ aĺ ō, yō̰ a nujəń aĺ ō.

KOHELET 12:13

Ta tɔ̄l̄ ta najə̄ malang n toó, ī-ɓōĺ ndíĺ Nə́ɓā ba ī-rāā gō míndə gə̄ ń ni ə́ndā dɔ deē tə́ kadə̄ rāā ní. Yá̰á̰ ń majə kadə̄ de gə̄ malang rāān̄ ní n noó.

Najə̄ kə́ Majə yā Jeju ń Luk ndang ní 16:25

Anī Abəraham tél ədan na: Ngōnə̄ḿ, ādə̄ əga kemií na, dan ń ḭ̄ ī-ndi dɔ nang tə́ ɓáý ní, ḭ̄ ə́ngé yá̰á̰ kə́ majə yāí gə̄ ō, Lajar ní ənge i yá̰á̰ kə́ majaĺ gə̄ ō. Ngɔlaā ní ni-ənge kem sɔl̄ banī yāí i kadə̄ ə́ngé yá̰á̰ kə́ tōr̄.

JOJUE 24:22

Jojue tél əda na: Loo ń noō té ní, i sḭḭ̄ kɔ́ gə̄ n i nge kəda najə̄ kə́ kum tə́ dɔ rɔ̄sí sḭḭ̄ kɔ́ gə̄ tə́ ní tɔdɔ̄ i sḭḭ̄ kɔ́ gə̄ n ī-ndigiī rāā kəla yā Kɔ́ɔ̄ɓē ní. Nin̄ tél ədan̄ na: A̰á̰ā̰, jḭḭ i ngé kəda najə̄ kə́ kum tə́ dɔ rɔ̄jí jḭḭ kɔ́ gə̄ tə́.

JOJUE 24:15

Ba ré rāā kəla yā Kɔ́ɔ̄ɓē nel̄sí aĺ anī, ī-gə̄rāī ɓesə̄ gə̄ ń ī-ndigiī rāādə́ ní ɓōólaā. Ré i ɓesə̄ gə̄ ń kaasí gə̄ a rāān̄ dan ń ndinə̄ń gidə bā Opəratə tə́ ní n nel̄sí sedə́ anī, ī-gə̄rāīdə́ ō, ré i ɓesə̄ gə̄ yā Amor gə̄ ń ī-ndiī dɔ nang yādə́ tə́ toō n nel̄sí sedə́ anī, ī-gə̄rāīdə́ ō. Banī mā ō, de kə́ kem ndogə̄ yāḿ tə́ gə̄ ō, j-a jə-rāā i kəla yā Kɔ́ɔ̄ɓē.

PĀ GƏ̄ 119:173

Ə́la jīí ā̰ȳm̄neé mbērē tə́, tɔdɔ̄ m̄-gḛy rāā yá̰a̰ gə̄ ń ī-ra kə de gēé ta rāā ní.

GALATƏ 5:6

Tām̄ yā ngé gə̄ ń ɓoon̄ naā kə Kərist Jeju ní, kəja mɔtə aáā, kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.

Najə̄ kə́ Majə yā Jeju ń Luk ndang ní 16:2

Ni ɓārə́n ba dəjen na: I najə̄ kə́ ba̰ý n m-ōō dɔí tə́ toō? Ī-tə́da kɔ̄r̄ yá̰a̰ yāí gə̄ ń ī-ngɔ̄m̄ ní ādə̄ m-á̰a̰ā̰, tɔdɔ̄ ngɔlaā ní gír gān̄g tā, ḭ̄ ā ī-ngɔ̄m̄ yá̰a̰ yāḿ to̰ alé.

Najə̄ kə́ Majə yā Jeju ń Luk ndang ní 10:39

Dəyá̰ ní aw̄ kə ngōkó̰o̰n kógə̄ḿ kə́ dəyá̰ kə́ rīn na i Mari. Ni kə́ Mari ngeé ń toō ndi nang tə́ nja Kɔ́ɔ̄ɓē tə́ a oōń najə̄ kɔrə̄n.

Najə̄ kə́ Majə yā Jeju ń Luk ndang ní 11:1

Ndɔ̄ kə́rēý tə́ Jeju ndi a ndɔ̄ȳ Nə́ɓā loo kógə̄ḿ tə́. Dan ń ni-ndɔ̄ȳ oy anī, nge ndóō yá̰a̰ yān kógə̄ḿ ədan na: Kɔ́ɔ̄ɓē, ɔ́jə́jí loo ndɔ̄ȳ tītə̄ ń Ja̰a̰ ɔjəń ngé ndóō yá̰a̰ yān gə̄ ní.

JA̰A̰ 6:27

Ī-lōōī rāā kəla tām̄ yā yá̰a̰ kəsa kə́ a nujə kɔ̄ɔ́ tə́, banī ī-rāāī kəla tām̄ yā yá̰a̰ kəsa kə́ a to tām̄ yā ndi kə kumuú kə́ ngándáńg tə́. Yá̰a̰ kəsa nge ń noō ní Ngōn̄ Deē a adə̄sí, tɔdɔ̄ i ni n Bɔbə̄n Nə́ɓā ɔjə kə̄ ndágá kadə̄ n-əla seneé rɔ̄kum ní.

JA̰A̰ 11:1

Deē kógə̄ḿ i mo̰y, rīn na i Lajar kə́ Betani, ɓē yā Mari nin̄ kə ngōkó̰o̰n Martə tə́.

JA̰A̰ 11:19

adə̄ Jipə gə̄ ngá̰ý reēn̄ rɔ̄ Martə nin̄ kə Mari tə́ yā sɔl̄ kemdə́ tām̄ yā ngōkó̰ó̰də́ tə́.

JA̰A̰ 12:3

Anī Mari un ítər kə́ rāān̄ kə mu náŕ kə́ unjə̄ njáý njáý, kə́ gātə̄n i ngá̰ý, kə́ ndi ɓōdə̄ lítər kógə̄ḿ, ur gidə nja Jeju tə́ ba ɔl̄ kə nənga dɔneé, adə̄ usə ítər ní taā kem kújə.