Najə̄ kə́ Majə yā Jeju ń Luk ndang ní 10:37 - Bibəl ta Sar̄

³⁷ Nge ndóō de gə̄ ndū najə̄ gə̄ ní tél əda Jeju na: I nge ń rāā kem majə seneé noō n i madə̄n ní. Anī Jeju ədan na: Āw̄ ba ī-rāā tītə̄ ń noō ō.

Bible sar

³⁷ Nge ndóō de gə̄ *ndū najə̄ gə̄ ní tél əda Jeju na: I nge ń rāā kem majə seneé noō n i madə̄n ní. Anī Jeju ədan na: Āw̄ ba ī-rāā tītə̄ ń noō ō.

Najə̄ kə́ Majə yā Jeju ń Luk ndang ní 10:37 Referans Kwoze

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.

1 PIYER 2:21

Tɔdɔ̄ yá̰á̰ kə́ tōr̄ rāā Kərist tām̄ yāsí tə́. Ni-ɔjəsí i yá̰á̰ kə́ kadə̄ ī-ndájī, kadə̄ úniī gō tóon.

2 KORḚNTƏ 8:9

Tɔdɔ̄ sḭḭ̄ ī-gerī yá̰á̰ ń Kɔ́ɔ̄ɓē yājí Jeju Kərist rāā ní: Ni ń ənge yá̰á̰ ngá̰ý ní, tél nge ndoō tām̄ yāsí tə́, kadə̄ ī-téliīneé ngé kənge yá̰á̰ ngá̰ý gə̄ kə ta kūl̄ ndoō ń rāān ní.

MATIYE 23:23

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ kámbə kotə yāsí gə̄ ń i kámbə kotə ō, penuwil ō kumḛ̄ḛ ō ní, sḭḭ̄ ɔ̄rī dɔ kə́ nge ko̰ kutə ādī Nə́ɓā. Ba ré i yá̰á̰ kə́ bo bo gə̄ kə́ tū ndū najə̄ tə́, kə́ tītə̄ yá̰á̰ kə́ gōtə́ ō, rāā kem majə ō, ra dɔ ndū kə́ kənī tə́ ō, ɓáa sḭḭ̄ ī-mānī dɔ tə́ kɔ̄ɔ́. Tá i yá̰a̰ gə̄ ń noō n majə kadə̄ ī-rāāīdə́ kanjə̄ kəya̰ gotə gə̄ kɔ̄ɔ́ ní.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

OJEE 6:6

A̰á̰ā̰, m̄-gḛy i tár, ba i dā̰ kə́ tɔ̄l̄ ba tun̄ alé. m̄-sāā i kadə̄ deē a̰a̰ gerə̄m̄ kadə̄ mā i Nə́ɓā, ba i kadə̄ deē róō dā̰ dɔ loo tun̄ yá̰á̰ tə́ alé.

Gōsə̄ najə̄ gə̄ 14:21

Nge kídə̄ madə̄n i de kə́ nge rāā majaĺ, banī rɔ̄nel̄ i kə de kə́ nge rāā kem majə kə ngé rɔ̄ tō ndoō gēé.

MATIYE 20:28

Yā Ngōn̄ Deē i tītə̄ n noō ō. Ni-reē yā kadə̄ i de gə̄ n rāān̄ kəla yān alé, ba i ni n kadə̄ rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

Najə̄ kə́ Majə yā Jeju ń Luk ndang ní 10:36

Ní, dan de kə́ mətá gə̄ ń noō tə́ ní, i náā n ī-gír̄ kadə̄ i ni n i madə̄ dəngam ń əsō jī ngé ɓogə gə̄ tə́ ní?

Najə̄ kə́ Majə yā Jeju ń Luk ndang ní 10:38

Dan ń Jeju nin̄ kə ngé ndóō yá̰a̰ yān gēé i róbó ní, Jeju udə kem ɓē kógə̄ḿ tə́. Anī dəyá̰ kógə̄ḿ kə́ rīn na i Martə əhɔn mbā ɓēé looneé.