Najə̄ kə́ Majə yā Jeju ń Luk ndang ní 10:28 - Bibəl ta Sar̄

²⁸ Loo ń noō tə́ Jeju ədan na: Ī-tūr̄ najə̄ ní i gō tə́ bang. Ī-rāā yá̰a̰ gə̄ ń noō, anī ā ī-ndi kə kumií.

Bible sar

²⁸ Loo ń noō tə́ Jeju ədan na: Ī-tūr̄ najə̄ ní i gō tə́ bang. Ī-rāā yá̰a̰ gə̄ ń noō, anī ā ī-ndi kə kumií.

Najə̄ kə́ Majə yā Jeju ń Luk ndang ní 10:28 Referans Kwoze

EJEKIEL 20:11

M-ādə̄də́ ndū najə̄ yāḿ gə̄ ō, jī bēl̄ loo rāā yá̰a̰ yāḿ gə̄ ń deē un gō anī a ndi kə kumneé ní, m-ɔ́jə́də́ adə̄ gerə̄n̄ ō.

LEBI GƏ̄ 18:5

Ī-ngɔ̄mī ndū najə̄ yāḿ gə̄ ō, yá̰a̰ kāgə̄ ɓē ń m-āa m-ɔ́jə́sí ní ō, tām̄ i deē ń əhɔdə́ kemən tə́ rāāń yá̰á̰ ní n a ndi kə kumuú ní. Mā i Kɔ́ɔ̄ɓē.

MATIYE 19:17

Anī Jeju ədan na: Ī-dəjem̄ najə̄ kə́ dɔ yá̰á̰ kə́ majə tə́ i tām̄ rí tə́? De kə́ majə i kógə̄ḿ beē ngóy. Adə̄ ré ī-gḛy kudə tū ndi kə kumuú tə́ ɓáa, ī-rāā gō míndə gə̄.

NEHEMI 9:29

Ī-ra sedə́ ta tél reē gogə́ dɔ ndū najə̄ yāí tə́, banī nin̄ rāān̄ dɔ ngan̄g oōn̄ yá̰a̰ gə̄ ń ə́dádə́ ní alé. Gō míndə gə̄ ń ə́da kadə̄ deē rāā anī a ndi kə kumuú ní, nin̄ mbātə́n̄ rāā kɔ̄ɔ́. Nin̄ dumə̄n̄ naā ō, rāān̄ dɔ ngan̄g ō. Nin̄ mbātə́n̄ koō najə̄ yāí ō kɔ̄ɔ́.

GALATƏ 3:12

Ba ndū najə̄ teē i tū taā kem tə́ alé, banī deē ń rāā yá̰a̰ gə̄ ń ndū najə̄ əda ní, kɔ́ɔ̄ a ndi kə kumneé i kə ta kūl̄də́.

Makətūbə̄ ń Pol ndang adə̄ Rom gə̄ ní 10:4

Tɔdɔ̄ loo ń ndū najə̄ a aw̄ kə de gēé kə̄ tū tə́ ní i Kərist, yā kadə̄ deē malang ń taā kemən ní, kɔ́ɔ̄ téləń de kə́ gōtə́ ta kum Nə́ɓā tə́.

Makətūbə̄ ń Pol ndang adə̄ Rom gə̄ ní 3:19

Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō.

Najə̄ kə́ Majə yā Jeju ń Luk ndang ní 7:43

Simo̰ tél ədan na: Mā m̄-gír̄ kadə̄ i deē ń ni-əya̰ kə̄rā kə́ ngá̰ý adə̄n ní. Jeju ədan na: Ḭ̄ ə́da najə̄ ní i gō tə́ bang.

MARK 12:34

Ba loo ń Jeju a̰a̰ kadə̄ deē ní tél əda najə̄ ní majə kə kum kedēé ní anī, ədan na: Ḭ̄ i sa̰y rɔ̄ Ɓē ko̰o̰ yā Nə́ɓā tə́ alé. Gō najə̄ ń noō tə́ ní, nin̄ malang ɓōlə́n̄ dəjen najə̄ dɔ yá̰á̰ kə́ rang tə́ kɔ̄ɔ́.

EJEKIEL 20:21

Banī ngáńdə́ gə̄ rāān̄ dɔ ngan̄g seḿ. Nin̄ rāān̄ yá̰a̰ gə̄ ń ndū najə̄ yāḿ əda ní aĺ ō, unən̄ gō jī bēl̄ loo rāā yá̰a̰ yāḿ gə̄ aĺ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ kem dəla loo tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

EJEKIEL 20:13

Banī Israel gə̄ mbātə́mə̄n̄ kem dəla loo tə́. Nin̄ unən̄ gō ndū najə̄ yāḿ gə̄ aĺ ō, mbātə́n̄ jī bēl̄ loo rāā yá̰a̰ yāḿ gə̄ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat nja i ngá̰ý. m̄-tél m̄-gír̄ bə̄gā wōn̄g yāḿ kə́ ngá̰ý dɔdə́ tə́ ɓáý kadə̄ oyn̄.

NDŪ NAJƏ̄ 6:24

Əndā dɔjí tə́ kadə̄ j-uniī gō ndū najə̄ gə̄ ń noō malang ō, kadə̄ jə-ɓōlíī ndílən nəkɔ́ Kɔ́ɔ̄ɓē Nə́ɓā yājí ō, yā kadə̄ rɔ̄jí nelə̄ńjí kə ndɔ̄ gə̄ ō, kadə̄ ni ngɔ̄məńjí kadə̄ jə-ndiīneé kə kumjí tītə̄ ń jə-ndiīneé jījí tə́ ɓōólaā toó ō.

Gōsə̄ najə̄ gə̄ 19:16

De ń rāā yá̰á̰ ń Nə́ɓā əda kadə̄ yā rāā ní i de kə́ nge ngɔ̄m̄ rɔ̄n. De kə́ usən dɔ hálən tə́ alé i de kə́ a oy.

Makətūbə̄ ń Pol ndang adə̄ Rom gə̄ ní 7:10

ba mā m-óy kɔ̄ɔ́. Gō míndə́ ń i yá̰á̰ kə́ kadə̄ a rāāī ḭ̄ deē kadə̄ ī-ndi kə kumuú ní, yāḿ mā ɓáa tél i yá̰á̰ kə́ reē kə yoó dɔḿ tə́.