Najə̄ kə́ Majə yā Jeju ń Luk ndang ní 10:21 - Bibəl ta Sar̄

²¹ Ndíĺ kə́ Táĺ adə̄ Jeju rɔ̄nel̄ kə́ ngá̰ý kemən tə́ kum mbang nəkɔ́ ń noō tə́, adə̄ Jeju əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō, dɔ nang tə́ ō ní, m̄-tɔ̄yī tām̄ teē ń i teē kum ngé kə́ dūú gə̄ dɔ yá̰á̰ ń ī-mundə̄ ngé kum kedə̄ gə̄ ō, ngé ger̄ yá̰a̰ gə̄ ō ní tə́. Rɔ̄kum, Bɔbə́ḿ, i kem ndaa yāí n rāā adə̄ ī-gḛyń kadə̄ to i tītə̄ ń noō ní.

Bible sar

²¹ *Ndíĺ kə́ Táĺ adə̄ Jeju rɔ̄nel̄ kə́ ngá̰ý kemən tə́ kum mbang nəkɔ́ ń noō tə́, adə̄ Jeju əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō, dɔ nang tə́ ō ní, m̄-tɔ̄yī tām̄ teē ń i teē kum ngé kə́ dūú gə̄ dɔ yá̰á̰ ń ī-mundə̄ ngé kum kedə̄ gə̄ ō, ngé ger̄ yá̰a̰ gə̄ ō ní tə́. Rɔ̄kum, Bɔbə́ḿ, i kem ndaa yāí n rāā adə̄ ī-gḛyń kadə̄ to i tītə̄ ń noō ní.

Najə̄ kə́ Majə yā Jeju ń Luk ndang ní 10:21 Referans Kwoze

2 KORḚNTƏ 4:3

Ré Najə̄ kə́ Majə ń j-ɔjə ní kumən unjə̄ aĺ anī, unjə̄ aĺ i ta kum ngé gə̄ ń nin̄ kɔ́ gə̄ a tḭ̄ḭ̄n̄ ta rɔ̄də́ tə́ ní.

EPEJƏ 1:11

J-əngeī yá̰á̰ ń Nə́ɓā ənī míndən yā kadə̄jí ní, i kə ta kūl̄ ɓoo kə́ jə-ɓooī naā kə Kərist. Tām̄ Nə́ɓā gə̄rājí kété i kə gō ń ni-núməń ní. Ba ni a rāā yá̰a̰ malang i tītə̄ ń ni-gḛyń ní.

EPEJƏ 1:5

Sɔɔ̄ń táŕ kə́ kemən tə́ ní, nəkɔ́ əndā dɔjí danaá kété kadə̄ jə-téliī ngánən gə̄ kə ta kūl̄ Jeju Kərist. Ni-gḛy kadə̄ i tītə̄ ń noō, tɔdɔ̄ nelə̄n.

MARK 10:15

Ādə̄ m-ə́dásí najə̄ kə́ bo ngá̰ý, deē ń a əhɔ Ɓē ko̰o̰ yā Nə́ɓā kə̄ rɔ̄n tə́ tītə̄ ń ngáń kə́ dūú gə̄ a rāān̄neé ní aĺ ní anī, kɔ́ɔ̄ a udə kemeé aĺ bátə́.

MATIYE 21:16

ba dəjen̄ Jeju na ké oō najə̄ ń a ədan̄ noó wa. Anī ni-tél ədadə́ na: A̰á̰ā̰ m-ōō, ba najə̄ ń ndangən̄ na ḭ̄ ī-rāā ādə̄ ngáń kə́ dūú gə̄ ō, ngáń kásə̄ gə̄ ō, ɓōkə́nī tɔ̄ȳ ní, sḭḭ̄ ī-tə́daī nja kógə̄ḿ aĺ a?

MATIYE 16:17

Loo ń noō tə́ Jeju tél ədan na: Ḭ̄ i kə rɔ̄nelēé Simo̰ ngōn̄ Jonas, tɔdɔ̄ i Bɔbə́ḿ kə́ ndi dɔ rā̰ tə́ n teē kumií dɔ yá̰á̰ ń toō tə́ ní, ba i deē ndul alé.

PĀ GƏ̄ 8:2

Kɔ́ɔ̄ɓē, kɔ́ɔ̄jí, rīí majə to ɓōĺ ngá̰ý dɔ nang tə́ malang! Dɔ rā̰ bo ɓá tā ba ḭ̄ ī-bo tɔȳn.

Najə̄ kə́ Majə yā Jeju ń Luk ndang ní 15:9

Ba dan ń ənge anī, a ɔsə dɔ madə̄n gə̄ ō, madə̄ ɓēn kə́ dəyá̰ gə̄ ō naā tə́, ba a ədadə́ na: Ī-rāāī rɔ̄nel̄ seḿ tɔdɔ̄ m-ə́ngé njáŕ sə́lē arjā̰a̰ yāḿ kə́ kógə̄ḿ ń m̄-tḭ̄ ta ní kɔ̄ɔ́.

Najə̄ kə́ Majə yā Jeju ń Luk ndang ní 15:5

Dan ń ni-aw̄ ba əngen ní anī, a unən kə rɔ̄nelēé yā kəgan dɔ bɔ̄gə̄n tə́.

SOPONI 3:17

Kɔ́ɔ̄ɓē Nə́ɓā yāí i kemií tə́ danaá bang. I ni n i go̰ rɔ̄ɔ̄ kə́ nge tetə rɔ̄ɔ̄ ní. Rɔ̄n nelə̄n ngá̰ý najə̄ yāí tə́. Tár yān adī ndi kə kumuú kə́ kijə. Ni ndām̄ tām̄ yāí tə́ kə kɔŕ rɔ̄nelēé

IJAI 66:1

Najə̄ ń Kɔ́ɔ̄ɓē əda ní n toó: Dɔ rā̰ i kōr̄ kāgə̄ mbang yāḿ ō, dɔ nang i loo ń m-ā m-ə̄ndā njaḿ tū tə́ ní ō. I kújə́ kə́ ba̰ý n sḭḭ̄ ásiī rāā kadə̄m̄ ní? I loo kə́ rá n kə m̄-ndi tū tə́ ní?

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

IJAI 29:14

I tām̄ ń najə̄ ń toō tə́ n m-ā m̄-na̰y kə̄ loo rāā yá̰a̰ gə̄ kə́ kadə̄ ɔr kum gír de gə̄ ń toō tə́ ní. Kumdə́ edə̄ ɓá tā, banī ngé kum kedə̄ gə̄ a gerə̄n̄ yá̰á̰ kógə̄ḿ tū tə́ alé. Kur̄ dɔdə́ i nuú ɓá tā, banī ngé ger̄ yá̰á̰ ngá̰ý yādə́ gə̄ a asən̄ kɔjə kum yá̰á̰ kógə̄ḿ alé.

JA̰A̰ 11:41

Loo ń noō tə́ unən̄ mbal̄ kɔ̄ɔ́. Anī Jeju ənī kumən kə̄ dɔɔ́, ba əda na: Bɔbə́ḿ, m̄-ndadə̄ m-ādī, tɔdɔ̄ ḭ̄ ōō ndūḿ.

IJAI 62:5

Tītə̄ ń balsáa taāń ngōmandə ní, nge tél rāāī gogə́ rang a tél ngaaí i tītə̄ ń noō ō. Tītə̄ ń dəyá̰ kijə i yá̰a̰ rɔ̄nel̄ yā ngaan ní, ā ī-téĺ yá̰a̰ rɔ̄nel̄ yā Nə́ɓā yāí.

IJAI 35:8

Róbə́ kógə̄ḿ kə́ a ɓārə́n̄ na i róbə kə́ yā ɓōĺ gidə a to loo ń noō tə́. De kə́ yḛr a mān̄ tū tə́ alé, róbə́ ní a to i tām̄ yā gír de gə̄ yā Kɔ́ɔ̄ɓē tə́ ngóy. Mbóo de gə̄ a reēn̄ yā tḭ̄ḭ̄ ta rɔ̄də́ tū tə́ alé.

PĀ GƏ̄ 25:14

Kɔ́ɔ̄ɓē ənī kemən adə̄ ngé gə̄ ń ɓōlə́n̄ ndílən ní. Ni-rāā adə̄ gerə̄n̄ madə̄ naā yān.

PĀ GƏ̄ 24:1

Pā yā Dabid. Dɔ nang i yá̰a̰ yā Kɔ́ɔ̄ɓē ō, yá̰a̰ malang kə́ tū tə́ i yān ō. Dɔ nang kə taá malang i yá̰a̰ yā Kɔ́ɔ̄ɓē ō, de kə́ tū tə́ gə̄ malang i deē yān gə̄ ō.

MATIYE 3:7

Dan ń Ja̰a̰ a̰a̰ Parijiyḛ gə̄ ngá̰ý ō, Sadusiyḛ gə̄ ngá̰ý ō, reēn̄ rɔ̄n tə́ kadə̄ n-rāādə́ batém anī ədadə́ na: Sḭḭ̄, gír kaa lī kakə́m gə̄, wōn̄g yā Nə́ɓā ń a reē ní, i náā n ɔjəsí loo ka̰ȳ ta tə́ kɔ̄ɔ́ ní?