Najə̄ kə́ Majə yā Jeju ń Luk ndang ní 10:20 - Bibəl ta Sar̄

²⁰ Ī-lōōī rāā rɔ̄nel̄ tām̄ koō kə́ ndíĺ kə́ majaĺ gə̄ oōn̄ tasí tə́, banī ī-rāāī rɔ̄nel̄ tām̄ yā rīsí gə̄ ń i kə́ ndang kɔ̄ɔ́ dɔ rā̰ tə́ ní.

Bible sar

²⁰ Ī-lōōī rāā rɔ̄nel̄ tām̄ koō kə́ ndíĺ kə́ majaĺ gə̄ oōn̄ tasí tə́, banī ī-rāāī rɔ̄nel̄ tām̄ yā rīsí gə̄ ń i kə́ ndang kɔ̄ɔ́ dɔ rā̰ tə́ ní.

Najə̄ kə́ Majə yā Jeju ń Luk ndang ní 10:20 Referans Kwoze

JEJU TEĒ KUM JA̰A̰ 20:15

Ba deē ń əngen̄ rīn kem makətūbə̄ ndi kə kumuú tə́ aĺ ní, a ənīnən̄ kum bundūm̄ hor tə́.

JEJU TEĒ KUM JA̰A̰ 20:12

Anī m-á̰á̰ de kə́ koy gə̄, kə́ tɔgə gə̄ ō, kə́ dūú gə̄ ō, ran̄ kə njadə́ dɔɔ́ ta kōr̄ kāgə̄ mbang ní tə́. Teēn̄ kem makətūbə̄ gə̄, banī makətūbə̄ kə́ rang ń i makətūbə̄ ndi kə kumuú ní, i kə́ teē kem ō. Ba gāngə̄n̄ sarya dɔ de kə́ koy gə̄ tə́ sɔɔ̄ń kəla rāādə́ gə̄, kə gō yá̰a̰ gə̄ ń ndangən̄ kem makətūbə̄ gə̄ tə́ ní.

JEJU TEĒ KUM JA̰A̰ 21:27

Yá̰á̰ kə́ yḛr a udə kem ɓē ní tə́ aĺ ō, de kə́ nge rāā yá̰á̰ kə́ majaĺ ngá̰ý ō, de kə́ nge sor̄ ō, a udən̄ kem ɓē ní tə́ aĺ ō. I ngé gə̄ ń ndangən̄ rīdə́ kem makətūbə̄ ndi kə kumuú yā Ngōn̄ Batə̄ tə́ ní ngóy n a udən̄ kem ɓē ní tə́ ní.

HEBƏRO 12:23

Sḭḭ̄ ī-ndɔ́tī i kə̄ rɔ̄ ngé kán̄ naā gə̄ ń i ngáń hágə gə̄ yā Nə́ɓā, kə́ ndangən̄ rīdə́ dɔ rā̰ tə́. Sḭḭ̄ ī-ndɔ́tī i kə̄ rɔ̄ Nə́ɓā nge ngān̄g sarya yā de gə̄ malang tə́ ō, kə̄ rɔ̄ ndíl de kə́ súmūú gə̄ n télən̄ kə́ majə ɔtə̄ kə taá gə̄ tə́ ō.

JEJU TEĒ KUM JA̰A̰ 3:5

Adə̄ deē ń tetə rɔ̄ɔ̄ ní, a əlan̄ kūbə̄ kə́ ndaa rɔ̄n tə́ ō, m-ā m̄-kūsə́ rīn kɔ̄ɔ́ kem makətūbə̄ ndi kə kumuú tə́ aĺ ō, m-ā m-ə́da ta kum Bɔbə́ḿ nin̄ kə deē yān gə̄ kə́ dɔ rā̰ tə́ gə̄ tə́ na ni i deē yāḿ ō.

DANIEL 12:1

Dan ngeé noō tə́ ní Misel i ngār yā de kə́ dɔ rā̰ tə́ gə̄ ō, i nge rɔ̄ɔ̄ dɔ gír deē yāí gə̄ tə́ ō ní, a teē hɔy. I dan kə́ deē a sōlə̄n̄ tə́. Ndɔ̄ ń nápar de gə̄ əlan̄neé gír ndi dɔ nang tə́, bátə́ ugə̄ń kum mbang ngeé ń noō tə́ ní, sōĺ kə́ tītə̄ ń noō gətóó ɓáý. Loo ń noō tə́ de gə̄ malang kə́ dan gír deē yāí gə̄ tə́ ń rīdə́ i kə́ ndang kem makətūbə̄ ndi kə kumuú tə́ ní a ajən̄.

EJEKIEL 13:9

Ngé koō ta gə̄ ń a ənīn̄ gotə yá̰á̰ kə́ ka̰ā̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ á i yá̰á̰ kə́ rɔ̄kum aĺ gə̄ ō ní, m-ā m-ɔ́jə́ tɔ́gə́ḿ dɔdə́ tə́. Nin̄ i dan ngé kán̄ naā gə̄ yā gír deē yāḿ gə̄ tə́ aĺ ō, a ndangən̄ rīdə́ dan rī ngán Israel gə̄ tə́ aĺ ō, nin̄ a télən̄ yā reē gogə́ dɔ nang yādə́ tə́ aĺ ō. I tītə̄ ń noō n nin̄ a ger̄nəń kadə̄ Kɔ́ɔ̄ɓē Nə́ɓā i mā ní.

Teē Ngán Israel gə̄ 32:32

Ba na n-rāān ɓɔ́, kə mā̰ȳ rɔ̄n dɔdə́ tə́. Ré na mā̰ȳ rɔ̄n dɔdə́ tə́ aĺ anī, kə kūsə́ rīn ń na ndang kem makətūbūú ní kɔ̄ɔ́.

PILIPƏ 4:3

Ba ḭ̄ madə́ḿ kə́ rɔ̄kum, m̄-dəjeī kadə̄ ī-rāā sedə́, tɔdɔ̄ nin̄-rɔ̄ɔ̄n̄ naā tə́ seḿ dɔ Najə̄ kə́ Majə tə́, naā tə́ kə Kəlema ō, madə̄ kəlaḿ kə́ rang gə̄ ō, nin̄ ń rīdə́ i kə́ ndang kem makətūbə̄ ndi kə kumuú tə́ ní.

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

IJAI 4:3

Loo ń noō tə́ ngé gə̄ ń a ndin̄ Jerusalem ní, ngé gə̄ ń a ndin̄ kə kumdə́ ɓáý kem ɓē kə́ Siyo̰ tə́ ní, a ɓārə́n̄də́ na i ngé kə́ ɔrə̄n̄ kam̄də́ tām̄ yā Kɔ́ɔ̄ɓē tə́ gə̄. Kem ɓē kə́ Jerusalem tə́ ɓáa i de gə̄ malang ń Kɔ́ɔ̄ɓē ndang rīdə́ kem makətūbə̄ yān tə́ kadə̄ əngen̄ ndi kə kumuú ní.

PĀ GƏ̄ 69:28

Yá̰á̰ kə́ gōtə́ aĺ gə̄ malang ń nin̄ rāān̄ ní ī-ndang ō, ī-ndigədə́ nin̄ aĺ ō.

MATIYE 10:1

Jeju ɓāŕ ngé ndóō yá̰a̰ yān kə́ kutə gidə i jōó gə̄, ba adə̄də́ tɔ́gə kadə̄ tə̄ɓān̄neé ndíĺ kə́ yḛr gə̄ ō, kadə̄ rāān̄neé kadə̄ rɔ̄ ngé mo̰y gə̄ malang ngáā ō, rɔ̄ de kə́ nujə gə̄ malang tél majə gogə́ ō.

MATIYE 26:24

Ngōn̄ Deē a oy yā kaw̄ tītə̄ ń ndangən̄neé dɔn tə́ kem makətūbə̄ tə́ ní. Banī deē ń a əlan jī de gə̄ tə́ ní, yá̰á̰ kə́ majaĺ ngá̰ý a teē dɔn tə́! Kojə deē ń noō aĺ i só tə́.

MATIYE 27:5

Judas ɓōkə́ nar ní kem kújə́ yā Kɔ́ɔ̄ɓē tə́, ba teē aw̄ ənī kəlā.

JEREMI 17:13

Kɔ́ɔ̄ɓē, ḭ̄ ń Israel gə̄ əndān̄ kemdə́ dɔí tə́ ní, de gə̄ malang ń əya̰nī kɔ̄ɔ́ ní rɔ̄də́ sɔl̄də́ ngá̰ý. Ngé gə̄ ń ɔrə̄n̄ rɔ̄də́ rɔ̄ḿ tə́ kɔ̄ɔ́ ní tadə́ a tḭ̄ḭ̄, tɔdɔ̄ nin̄ əya̰n̄ Kɔ́ɔ̄ɓē ń i ngəra kajə ní kɔ̄ɔ́.

JEJU TEĒ KUM JA̰A̰ 17:8

Dā̰ ń na m-á̰a̰n ní na ndi kété, ba ń toō ɓáa na gətóo kɔ̄ɔ́. Ni a teē bəlo kə́ ngɔ́nən gətóó tə́ yā kaw̄ loo kə́ tan a tḭ̄ḭ̄ kɔ̄ɔ́ tū tə́ tə́. Ba de kə́ dɔ nang tə́ gə̄ ń kété ta kəla gír kəndā dɔ rā̰ ō dɔ nang ō tə́, ndangən̄ rīdə́ kem makətūbə̄ ndi kə kumuú tə́ alé ní, dan ń nin̄ a a̰a̰n̄ dā̰ ní anī, a ɔr kumdə́ ngá̰ý. Tām̄ dā̰ ní ndi kété ō, gətóo kɔ̄ɔ́ ō, banī a tél yā reē ɓáý ō.