Najə̄ kə́ Majə yā Jeju ń Luk ndang ní 10:2 - Bibəl ta Sar̄

² Ni ədadə́ na: Kōō kə́ yā kəja əla loo kə̄ nang tə́ tā, banī de kə́ ngé kəjan gə̄ i ngá̰ý aĺ ní, ī-dəjeī kɔ́ɔ̄ kōō ní adə̄ əla kə de gēé kadə̄ əjan̄ kōō yān.

Bible sar

² Ni ədadə́ na: Kōō kə́ yā kəja əla loo kə̄ nang tə́ tā, banī de kə́ ngé kəjan gə̄ i ngá̰ý aĺ ní, ī-dəjeī kɔ́ɔ̄ kōō ní adə̄ əla kə de gēé kadə̄ əjan̄ kōō yān.

Najə̄ kə́ Majə yā Jeju ń Luk ndang ní 10:2 Referans Kwoze

1 TESALONIK 5:12

Ngákó̰ó̰jí gə̄, jə-dəjesí kadə̄ ī-ɓōlíī ndíl de kə́ dɔ dáńsí tə́ gə̄ ń ɔrən̄ sesí ō, Kɔ́ɔ̄ɓē əndādə́ dɔsí tə́ ō, a tāān̄sí ō ní.

MARK 16:15

Ba ədadə́ na: Āwī kə̄ loo gə̄ tə́ malang, ə̄nīī mbēr̄ Najə̄ kə́ Majə ādə̄ de gə̄ malang oōn̄.

2 TIMOTE 4:5

Ba ḭ̄ tā a ə́hɔ rɔ̄í dɔ yá̰a̰ gə̄ tə́ malang. Ī-tə́gā taí dan tápə̄ gə̄ tə́. Ī-rāā kəla kɔjə Najə̄ kə́ Majə, kəla ń Nə́ɓā adī ní.

2 TESALONIK 3:1

Ní, sḭḭ̄ ngákó̰ó̰jí gə̄, ī-ndɔ̄yī tām̄ yājí tə́, yā kadə̄ najə̄ yā Kɔ́ɔ̄ɓē aw̄ń kə̄ loo gə̄ tə́ ō, kadə̄ de gə̄ ɔsən̄ gɔnən tītə̄ kə́ loosí ō.

MARK 13:34

A to tītə̄ deē kógə̄ḿ kə́ aw̄ mbā tə́. Ni əya̰ kújə yān, ba adə̄ ngé kəla yān gə̄ ndūn. Ni-gán̄g kəla adə̄də́ kə dɔdə́ gēé. Ni-əndā dɔ nge ngɔ̄m̄ ta kújə́ tə́ kadə̄ ndi dɔ rɔ̄n tə́.

1 TIMOTE 4:10

Tɔdɔ̄ ré jə-rāāī kəla ngá̰ý ō, jə-rɔ̄ɔ̄ī ō anī, i tām̄ kəndā kə́ j-əndāī kemjí dɔ Nə́ɓā ń ndi kə kumneé tə́ ní. Ni i nge kajə de gə̄ malang, ba kə́ ngá̰ý ɓáa ni a ajə i ngé taā kem gə̄.

KƏLA RĀĀ 22:21

Banī Kɔ́ɔ̄ɓē ədam̄ na: Āw̄ na m-ā m-ə́laī i kə sa̰y, i kə̄ rɔ̄ de gə̄ kə́ nin̄ i Jipə aĺ gə̄ tə́.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

KƏLA RĀĀ 13:4

Barnabas ō Sol ō ń i Ndíĺ kə́ Táĺ n əladə́ ní, aw̄n̄ Selosi. Nin̄-unən̄ to bo loo ń noō tə́, ba aw̄n̄ kumdə́ sɔɔ̄ dor̄ kə́ Sipər.

KƏLA RĀĀ 13:2

Ndɔ̄ kógə̄ḿ tə́ dan ń nin̄-ɔsən̄ dɔdə́ naā tə́ ba rāān̄ kəla adə̄n̄ Kɔ́ɔ̄ɓē ō, ndin̄ ɓō tām̄ yā Nə́ɓā tə́ ō anī, Ndíĺ kə́ Táĺ ədadə́ na kə ɔrə̄n̄ Sol ō Barnabas ō kə əndān̄də́ tayā tām̄ yān tə́, kadə̄ rāān̄ kəla ń na n-ɓāŕdə́ kə rīí ní.

KƏLA RĀĀ 11:19

De gə̄ ń rāān̄ kumdə́ ndoō tə́ dan ń tɔ̄lə̄n̄neé Etiyen tə́ ní, tə̄ndān̄ naā tḭ̄ḭ̄n̄ kə̄ loo gə̄ tə́. Ngé kə́rēý gə̄ dandə́ tə́ aw̄n̄ bátə́ ugə̄n̄ dɔ nang kə́ Penisi tə́ ō, kə́ Sipər tə́ ō, kə́ A̰tiyos tə́ ō. Nin̄-ɔjən̄ de gə̄ najə̄ yā Nə́ɓā, banī ɔjən̄ i Jipə gə̄ ngóy.

KƏLA RĀĀ 8:4

Ngé gə̄ ń tə̄ndā tḭ̄ḭ̄n̄də́ kə̄ loo gə̄ tə́ ní, unən̄ gō ɓē gə̄ ba ɔjən̄ de gə̄ Najə̄ kə́ Majə.

Najə̄ kə́ Majə yā Jeju ń Luk ndang ní 9:1

Jeju ɔsə dɔ ngé ndóō yá̰a̰ yān kə́ kutə gidə i jōó gə̄ naā tə́, ba adə̄də́ ndūn ō, tɔ́gə ō, kadə̄ tə̄ɓān̄ ndíĺ kə́ majaĺ gə̄ malang ō, kadə̄ rāān̄ kadə̄ rɔ̄ ngé mo̰y gə̄ ngáā ō.

MARK 16:20

Ba nin̄ tā a aw̄n̄ kə̄ loo gə̄ tə́ malang ɔjən̄ najə̄. Kɔ́ɔ̄ɓē rāā kəla sedə́, adə̄də́ tɔ́gə yā rāā yá̰á̰ kə́ to kɔr kum gə̄, yā kadə̄ de gə̄ gerə̄n̄ na najə̄ ń ɔjən̄ ní i najə̄ kə́ rɔ̄kum.

MATIYE 20:1

Tɔdɔ̄ Ɓē ko̰o̰ kə́ dɔ rā̰ tə́ to i tītə̄ de kə́ kə ta kújəneé kə́ teē dəloí ɓatə ɔy de gə̄ kadə̄ aw̄ rāān̄ kəla kem ndɔr̄ kāgə̄ nduú yān tə́ beé.

JAKARI 11:17

I yá̰á̰ kə́ to kum kaȳ aĺ kə́ ba̰ý beē tām̄ yā nge kul̄ yá̰á̰ kə́ ger̄ yá̰a̰ aĺ ngá̰ý, kə́ əya̰ yá̰a̰ kul̄ gə̄ kɔ̄ɔ́ tə́! Ādə̄ ta rɔ̄ɔ̄ tə́ ɓáa jīn kə́ ko̰ó̰ gān̄g kɔ̄ɔ́ ō, kumən kə́ dām̄ kə́ ko̰ó̰ tə́ ɔr̄ kɔ̄ɔ́ ō! Ādə̄ jīn i kə́ tutə njururu malang ō, ādə̄ kumən kə́ dām̄ kə́ ko̰ó̰ tə́ a̰a̰ loo to̰ aĺ ō!

JEREMI 3:15

M-ā m-ādə̄sí ngé kulsí gə̄ kə́ kə gō kemḿ. Nin̄ a ulə̄n̄sí kə gōó ō, a əndān̄ kumdə́ gíŕsí tə́ majə ngá̰ý ō.

PILIPƏ 2:25

M-á̰á̰ ní majə kadə̄ m̄-tél m-ə́la kə ngōkó̰ó̰jí Epapəroditə gogə́ m-ādə̄sí. Ni i madə̄ kəlaḿ ō, madə̄ rɔ̄ɔ̄ḿ ō. Sḭḭ̄ ə́laniī adə̄ reē kə yá̰a̰ gə̄ ń ndoōdə́ rāām̄ ní adə̄m̄.

PILIPƏ 2:21

Gotə de gə̄ malang a sāān̄ i yá̰á̰ kə́ tām̄ yādə́ nin̄ kɔ́ gə̄ tə́, ba i yá̰á̰ kə́ tām̄ yā Jeju Kərist tə́ alé.

1 KORḚNTƏ 12:28

I beé n Nə́ɓā əndāń ngámbang kəla gə̄ kété kem Egəlijə tə́ ní. De gə̄ ń utə̄n̄ gōdə́ ní i ngé koō ta gə̄. Kə́ ko̰ mətá i nge ndóō de gə̄ yá̰a̰ gə̄. Gōdə́ nin̄ tə́ i ngé rāā yá̰á̰ kə́ yáā gə̄. Kutə gō anī i ngé kaw̄ kə tɔ́gə́ kə́ yā rāā kadə̄ rɔ̄ de gə̄ ngáā ō, ngé rāā kə deē madə̄də́ gēé ō, ngé kɔr no madə̄də́ gə̄ ō, ngé kɔr̄ najə̄ kə ta kə́ tayā gə̄ ō.

TƏ́DA 11:17

M-ā m̄-risə yā kɔr̄ najə̄ seí loo ń noō tə́. M-ā m̄-kēgə̄ Ndíĺ ń m-ādī ní sḛ́ý yā kadə̄də́. Loo ń noō tə́ a ngɔ̄mə̄n̄ kósə de gə̄ seí, ba i īkɔ́ n ā ī-rāā kəla kə́ ngan̄g ngá̰ý ń toō kə kérí ní to̰ alé.

KOLOSƏ 1:29

I tām̄ ń toō tə́ n m̄-rāā kəla ō, m̄-rɔ̄ɔ̄ ō kə ta kūl̄ tɔ́gə yā Kərist ní. Tɔ́gə́ ní rāā kəla kə ngangāá kemḿ tə́.

PILIPƏ 2:30

Tɔdɔ̄ na̰y i sḛ́ý beē kadə̄ ni-oy tām̄ kəla yā Kərist tə́. Ni-ənī rɔ̄n kɔ̄ɔ́ yā rāań kəla ń sḭḭ̄ ásiī rāā tām̄ yāḿ tə́ aĺ ní.

HEBƏRO 3:6

Banī Kərist ra dɔ ndūn tə́ i kə́ loo Ngōn̄ Nə́ɓā kə́ əndānən̄ dɔ kújə yā Nə́ɓā tə́ tə́. Jḭḭ̄ i kújə yān, ré jə-na̰yiī kə̄ loo kənī kemjí mámák tə́ ō, j-ɔriī ta rɔ̄jí tām̄ yā yá̰á̰ ń j-əndāī kemjí dɔ tə́ ō ní tá.

1 TESALONIK 2:9

Ngákó̰ó̰jí gə̄, ādə̄ əga kemsí dɔ kəla ń jə-rāā tə́ ní ō, dɔ kɔr ń j-ɔr sesí tām̄ táŕ kə́ kemjí tə́ ní ō. Dan ń j-ɔjəsí Najə̄ kə́ Majə yā Nə́ɓā ní, jə-rāā kəla ndɔ̄ɔ́ ō, kadaá ō, kadə̄ j-ɔȳń deē kógə̄ḿ dáńsí tə́ alé.

KOLOSƏ 4:12

Epapəras ń i de kə́ loosí ní rāāsí lápə́ya. Nge kəla yā Kərist Jeju ń toō rɔ̄ɔ̄ tām̄ yāsí tə́ kə ndɔ̄yɔ̄ɔ́ yā kadə̄ ī-raī gágájə́ kə́ de kə́ majə ɔtə̄ kə taá gə̄ tə́, kə́ rāān̄ yá̰a̰ gə̄ ń kem Nə́ɓā ndigə ní.

2 KORḚNTƏ 6:1

I beé ní, jḭḭ ń i ngé rāā kəla gə̄ kə Nə́ɓāá ní, j-ɔjə̄sí kadə̄ rajə ń Nə́ɓā rajəsí ní kadə̄ gotə to karī alé.

1 KORḚNTƏ 15:10

Banī Nə́ɓā rāā seḿ adə̄ m̄-tél de kə́ m̄-to beé. Ba rāā ń Nə́ɓā rāā seḿ ní gotə to karī alé, tām̄ m̄-rāā kəla tɔȳ gotə ngámbang kəla gə̄ malang. Kə́ rɔ̄kum tə́ ɓáa i mā alé, banī i rajə kə́ Nə́ɓā rajəm̄.

JAKARI 11:5

Ngé mangdə́ gə̄ tɔ̄lə̄n̄də́, ba ɔjənə̄ń na n rāān̄ yá̰á̰ kógə̄ḿ kə́ majaĺ aĺ ō, ngé gātə̄ sedə́ gə̄ ədan̄ na ādə̄ jə-rāāī Nə́ɓā kə́ra, tām̄ jə-téliī ngé kənge yá̰a̰ gə̄ kɔ̄ɔ́ ō! Ngé kul̄də́ gə̄gē a kumdə́ o̰o̰də́ tām̄ yādə́ tə́ aĺ ō.

1 MBAN̄G GƏ̄ 18:22

Eli əda de gə̄ ɓáý to̰ na: I mə̄kɔ́ ngóy n i nge koō ta yā Kɔ́ɔ̄ɓē kə́ na̰y ní, banī ngé koō ta yā Baal gə̄ nin̄ i deē ɓú sɔ́ kə kutə mí.

TƏ́DA 11:29

Moijə tél ədan na: Ā ī-rāā ni tām̄ yāḿ tə́ a? M-á̰a̰ā̰ ní majə ngá̰ý kadə̄ Kɔ́ɔ̄ɓē adə̄ ngán Israel gə̄ ndílən kadə̄ nin̄ malang télən̄ ngé koō ta yān gə̄.

PILEMO̰ 1:1

I mā Pol ń i dəngáy yā Jeju Kərist ní, jḭḭ kə ngōkó̰ó̰jí Timote, jə-ndang najə̄ ń toō j-əlań j-adī ḭ̄ kó tár yājí Pilemo̰ madə̄ kəlají ō,

PĀ GƏ̄ 68:11

Loo yāí ń nin̄ ndin̄ tū tə́ ní, i ḭ̄ Nə́ɓā kə́ nge kem majə n ī-ngɔ̄m̄ tām̄ yā de kə́ nge rɔ̄ to ndoō tə́ ní.

JEJU TEĒ KUM JA̰A̰ 2:1

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Epejə. Najə̄ ń nge ń əhɔ tə́yō̰ kə́ sīrí gə̄ jī ko̰n tə́ ō, a njə̄rā dan ɗəra hor gə̄ kə́ rāādə́ kə lɔ́rɔ́ tə́ ō əda ní n toó: