Najə̄ kə́ Majə yā Jeju ń Luk ndang ní 10:17 - Bibəl ta Sar̄

¹⁷ Ngé kə́ kutə sīrí gidə i jōó gə̄ ní tél reē ugə̄n̄. Rɔ̄də́ nel̄də́ ngá̰ý adə̄ ədan̄ Jeju na: Kɔ́ɔ̄ɓē, dan ń j-əda rīí anī, ndíĺ kə́ majaĺ gə̄ gə̄gē oōn̄ tají ba rāān̄ yá̰á̰ ń j-ədadə́ ní.

Bible sar

¹⁷ Ngé kə́ kutə sīrí gidə i jōó gə̄ ní tél reē ugə̄n̄. Rɔ̄də́ nel̄də́ ngá̰ý adə̄ ədan̄ Jeju na: Kɔ́ɔ̄ɓē, dan ń j-əda rīí anī, ndíĺ kə́ majaĺ gə̄ gə̄gē oōn̄ tají ba rāān̄ yá̰á̰ ń j-ədadə́ ní.

Najə̄ kə́ Majə yā Jeju ń Luk ndang ní 10:17 Referans Kwoze

Makətūbə̄ ń Pol ndang adə̄ Rom gə̄ ní 16:20

Na̰y i ngɔr kadə̄ Nə́ɓā kə́ nge kadə̄ de gə̄ kem sɔl̄ lɔm a rējə̄ Sətan kɔ̄ɔ́ gír njasí tə́. Ādə̄ Kɔ́ɔ̄ɓē yājí Jeju rāā kem majə sesí.

MARK 16:17

Yá̰á̰ kə́ to kɔr kum gə̄ ń a ɔjən̄ kadə̄ Nə́ɓā i kə ngé taā kem gə̄ ní n toó: Nin̄ a tə̄ɓān̄ ndíĺ kə́ majaĺ gə̄ kə rīḿ ō, a ɔrə̄n̄ najə̄ kə ta kə́ kijə gə̄ ō.

Najə̄ kə́ Majə yā Jeju ń Luk ndang ní 9:1

Jeju ɔsə dɔ ngé ndóō yá̰a̰ yān kə́ kutə gidə i jōó gə̄ naā tə́, ba adə̄də́ ndūn ō, tɔ́gə ō, kadə̄ tə̄ɓān̄ ndíĺ kə́ majaĺ gə̄ malang ō, kadə̄ rāān̄ kadə̄ rɔ̄ ngé mo̰y gə̄ ngáā ō.

Najə̄ kə́ Majə yā Jeju ń Luk ndang ní 10:1

Gō yá̰a̰ gə̄ ń noō tə́ anī, Kɔ́ɔ̄ɓē gə̄rā de kə́ rang gə̄ kutə sīrí gidə i jōó, ba əladə́ jōó jōó kété non tə́ kem ɓē gə̄ malang ō, kə gō loo gə̄ ō ń nəkɔ́ a rāā yā kaw̄ tū tə́ ní.

Najə̄ kə́ Majə yā Jeju ń Luk ndang ní 10:9

Ī-tɔ̄lī mo̰y dɔ de kə́ kemeé gə̄ tə́ ba ə́daīdə́ na: Ɓē ko̰o̰ yā Nə́ɓā reē bátə́ ugə̄ rɔ̄də́ tə́.

MATIYE 4:24

Lūlūn ɓār̄ gō nang kə́ Siri tə́ malang, adə̄ de gə̄ reēn̄ kə ngé mo̰y gə̄ ō, ngé rɔ̄ tōr̄ kə́ tayā tayā gə̄ ń i ngé ndíĺ kə́ majaĺ gə̄ ō, ngé kəsō yel̄ gə̄ ō, ngé lígə̄rī gə̄ ō ní rɔ̄n tə́. Ba ni-rāā adə̄ rɔ̄də́ ngáā.

Najə̄ kə́ Majə yā Jeju ń Luk ndang ní 10:20

Ī-lōōī rāā rɔ̄nel̄ tām̄ koō kə́ ndíĺ kə́ majaĺ gə̄ oōn̄ tasí tə́, banī ī-rāāī rɔ̄nel̄ tām̄ yā rīsí gə̄ ń i kə́ ndang kɔ̄ɔ́ dɔ rā̰ tə́ ní.

EPEJƏ 5:24

Ba dan ń ngé taā kem Kərist gə̄ oōn̄ ta Kərist ní, majə kadə̄ dəyá̰ gə̄ rāān̄ tītə̄ ń noō tū yá̰a̰ gə̄ tə́ malang ō kə ngaadə́ gēé.