Najə̄ kə́ Majə yā Jeju ń Luk ndang ní 10:14 - Bibəl ta Sar̄

¹⁴ Adə̄ ndɔ̄ sarya tə́ ɓá anī yā de kə́ Tir gə̄ ō, de kə́ Sidon gə̄ ō a to só tə́ ngá̰ý tɔȳ yādə́.

Bible sar

¹⁴ Adə̄ ndɔ̄ sarya tə́ ɓá anī yā de kə́ Tir gə̄ ō, de kə́ Sidon gə̄ ō a to só tə́ ngá̰ý tɔȳ yādə́.

Najə̄ kə́ Majə yā Jeju ń Luk ndang ní 10:14 Referans Kwoze

Makətūbə̄ ń Pol ndang adə̄ Rom gə̄ ní 2:1

Ḭ̄ ń ī-gān̄g sarya ní, ká ḭ̄ i náā gə̄gē a, najə̄ i dɔí tə́. Tɔdɔ̄ ḭ̄ nge gān̄g sarya, dan ń ī-gān̄g sarya dɔ madí tə́ ō, īkɔ́ i rāā yá̰á̰ ń ni-rāā ō ní, īkɔ́ ə́hɔ rɔ̄í kə sarya.

Makətūbə̄ ń Pol ndang adə̄ Rom gə̄ ní 2:27

Deē ngeé ń toō ní əja mɔtən kə́ gō yā dā̰ rɔ̄ tə́ alé, banī ni-rāā yá̰á̰ ń ndū najə̄ əda ní. Loo ń noō tə́ ní, ni a gān̄g sarya dɔí ḭ̄ tə́, tām̄ ḭ̄ ī-rāā yá̰á̰ ń ndū najə̄ əda ní alé. Tá ḭ̄ āw̄ kə makətūbə̄ ndū najə̄ ō, ə́ja mɔtií ō!

JA̰A̰ 3:19

Sarya ní n toó: Loo kə́ unjə̄ kow reē dɔ nang tə́, ba de gə̄ ndigən̄ til tɔȳ loo kə́ unjə̄ kow, tɔdɔ̄ yá̰a̰ rāādə́ i kə́ majaĺ.

AMOS 3:2

Dan gír kojə gə̄ malang kə́ dɔ nang tə́ ní, i sḭḭ̄ ngóy m-ə̄ndā kumḿ gíŕsí tə́ ní. I tām̄ najə̄ ń noō tə́ n m-ā m̄-rāāsí yá̰á̰ kógə̄ḿ, najə̄ yá̰a̰ rāāsí gə̄ malang kə́ majaĺ ngá̰ý tə́ ní.

JOEL 3:4

Mbang a tél loo kə́ risə til nding ō, nāā a tél mósə ō, pá tá kadə̄ ndɔ̄ yā Kɔ́ɔ̄ɓē ń i ndɔ̄ kə́ bo ngá̰ý ō, to ɓōĺ ngá̰ý ō ní ugə̄ ɓáý.

AMOS 1:9

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Penisi gə̄ kə́ Tir dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Ndūdə́ gə̄ ń ənīn̄ adə̄n̄ naā á ɓoodə́ naā tə́ kə Israel tītə̄ kə́ nin̄ i ngákó̰o̰ naā gə̄ beé ní, nin̄ ɓōlə́n̄ gidə alé. Tɔdɔ̄ nin̄ ɔyn̄ de kə́ kem ɓēé gə̄ kə taá malang aw̄ əlan̄də́ jī Edom gə̄ tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

MATIYE 10:15

Ādə̄ m-ə́dásí najə̄ kə́ bo ngá̰ý, ndɔ̄ sarya tə́ anī yá̰á̰ ń a reē dɔ ɓē ń noō tə́ ní, yā nang kə́ Sodom ō Gomor ō i só tə́ ngá̰ý tɔȳ yān.

MATIYE 11:21

Rɔ̄ tō ndoō a reē dɔí tə́, Korajḛḛ! Rɔ̄ tō ndoō a reē dɔí tə́, Betsaida! Tɔdɔ̄ yá̰á̰ kə́ yáā gə̄ ń rāān̄ yá̰a̰ loosí ní, nə́ngētə́ rāān̄ yá̰a̰ i kem ɓē kə́ Tir tə́ ō, Sidon tə́ ō anī, de kə́ kemeé gə̄ a o̰ō̰n̄ kūbə̄ sákə̄ tə́ yā kəhɔń ndoō ō, a ndin̄ kum bū tə́ ō, yā kɔjəń kadə̄ na n-ndigən̄ tūr̄ háĺdə́.