Najə̄ kə́ Majə yā Jeju ń Luk ndang ní 10:13 - Bibəl ta Sar̄

¹³ M-ə́da na rɔ̄ ndoō i kə de kə́ Korajḛḛ gə̄ ō, rɔ̄ ndoō i kə de kə́ Betsaida gə̄ ō! Tɔdɔ̄ yá̰á̰ kə́ yáā gə̄ ń rāān̄ yá̰a̰ loodə́ ní, nə́ngētə́ rāān̄ yá̰a̰ i Tir ō Sidon ō anī, de kə́ kemeé gə̄ a o̰ō̰n̄ kūbə̄ kəhɔ ndoō ō, a ndin̄ kum bū hor tə́ ō i jóó ngá̰ý yā kɔjəń kadə̄ na n-gḛyn̄ tūr̄ háĺdə́.

Bible sar

¹³ M-ə́da na rɔ̄ ndoō i kə de kə́ Korajḛḛ gə̄ ō, rɔ̄ ndoō i kə de kə́ Betsaida gə̄ ō! Tɔdɔ̄ yá̰á̰ kə́ yáā gə̄ ń rāān̄ yá̰a̰ loodə́ ní, nə́ngētə́ rāān̄ yá̰a̰ i Tir ō Sidon ō anī, de kə́ kemeé gə̄ a o̰ō̰n̄ kūbə̄ kəhɔ ndoō ō, a ndin̄ kum bū hor tə́ ō i jóó ngá̰ý yā kɔjəń kadə̄ na n-gḛyn̄ tūr̄ háĺdə́.

Najə̄ kə́ Majə yā Jeju ń Luk ndang ní 10:13 Referans Kwoze

EJEKIEL 26:1

Kutə̄ gō ń ɔyn̄ de gə̄ dɔ gúú tə́ aw̄n̄ sedə́ dɔ ɓē kə́ rang tə́ á rāā ɓāl̄ kutə gidə i kógə̄ḿ kɔ̄ɔ́ ní, Kɔ́ɔ̄ɓē ɔr̄ najə̄ seḿ kə ndɔ̄ kə́ ta kəga dɔ yā nāá, ni ədam̄ na:

1 TIMOTE 4:2

Nin̄ a ndúmə̄n̄ sɔɔ̄ń najə̄ kə́ sor̄ yā ngé gól̄ loo gə̄. Ngé gól̄ loo gə̄ ngeé ń toō ní, dan wurdə́ i kə́ magə́rā kɔ̄ɔ́, tītə̄ kə́ əlan̄ gində̄ horoó adə̄ kərē tá əndān̄ tū tə́ beē.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

Makətūbə̄ yā Job 42:6

Adə̄ m-á̰a̰ rɔ̄ḿ i yá̰á̰ kə́ majaĺ ngá̰ý tə́ ta kumḿ mə̄kɔ́ tə́ ō, m̄-mbātə́ najə̄ kɔrə̄ḿ mə̄kɔ́ ō. Adə̄ m̄-ndi kum bumbə́rú tə́ ō, kum bū tə́ ō.

JEJU TEĒ KUM JA̰A̰ 11:3

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

DANIEL 9:3

Loo ń noō tə́ m̄-*ndi ɓō tām̄ yā Nə́ɓā tə́ ō, m-ə́la kūbə̄ kə́ ndo̰ō̰ huyuyu rɔ̄ḿ tə́ ō, m̄-rāā bū dɔḿ tə́ ō, ba m̄-tūr̄ rɔ̄ḿ kə̄ rɔ̄ Kɔ́ɔ̄ɓē Nə́ɓā tə́ yā ndɔ̄ȳn ō, yā rāān ɓɔ́ ō.

AMOS 1:9

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Penisi gə̄ kə́ Tir dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Ndūdə́ gə̄ ń ənīn̄ adə̄n̄ naā á ɓoodə́ naā tə́ kə Israel tītə̄ kə́ nin̄ i ngákó̰o̰ naā gə̄ beé ní, nin̄ ɓōlə́n̄ gidə alé. Tɔdɔ̄ nin̄ ɔyn̄ de kə́ kem ɓēé gə̄ kə taá malang aw̄ əlan̄də́ jī Edom gə̄ tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.