Najə̄ kə́ Majə yā Jeju ń Luk ndang ní 1:9 - Bibəl ta Sar̄

⁹ Kə gō ń ngé tun̄ yá̰a̰ gə̄ a rāān̄neé dejə ní, túgə̄n̄ wə̄lā anī, wə̄lā ɔjə i dɔ Jakari kadə̄ róō ndujə̄ yá̰á̰ kə́ kotə majə. Adə̄ ni-udə kújə yā Kɔ́ɔ̄ɓē tə́.

Bible sar

⁹ Kə gō ń *ngé tun̄ yá̰a̰ gə̄ a rāān̄neé dejə ní, túgə̄n̄ wə̄lā anī, wə̄lā ɔjə i dɔ Jakari kadə̄ róō ndujə̄ yá̰á̰ kə́ kotə majə. Adə̄ ni-udə *kújə yā Kɔ́ɔ̄ɓē tə́.

Najə̄ kə́ Majə yā Jeju ń Luk ndang ní 1:9 Referans Kwoze

2 YÁ̰A̰ GƏ̄ 29:11

Ní ngánə́ḿ gə̄, ī-lōōī rāā yá̰a̰ jingəling, tɔdɔ̄ i sḭḭ̄ n Kɔ́ɔ̄ɓē gə̄rāsí kadə̄ ī-raī non tə́ ī-rāāī kəla ādə̄niī ō, kadə̄ sḭḭ̄ i de kə́ bo yān gə̄ ō, kadə̄ ī-róōī ndujə̄ yá̰á̰ kə́ kotə majə ādə̄niī ō ní.

1 YÁ̰A̰ GƏ̄ 23:13

Ngán Amram gə̄ i Aaro̰ nin̄ kə Moijə. Ɔ̄rə̄n̄ kam̄ Aaro̰ əndānən̄ tayā kə ngánən gēé kadə̄ əndān̄ rɔ̄də́ ta kəla kə́ kem loo kə́ táĺ ngá̰ý tə́, kə́ njɔ́ḿ gə̄ tə́. Yá̰a̰ gə̄ ń kadə̄ rāān̄ ní i ndējə̄ Kɔ́ɔ̄ɓē ndujə̄ yá̰á̰ kə́ kotə majə gə̄ ō, rāā kəla kə rīneé ō, tɔ́r̄ tadə́ dɔ de gə̄ tə́ kə rīneé ō.

1 SAMUEL 2:28

Dan de gə̄ kə́ gír ɓē yā ngán Israel gə̄ tə́ malang ní, i kaaí Aaro̰ n m̄-gə̄rān kadə̄ i ni n i nge tun̄ yá̰a̰ yāḿ kə́ kadə̄ al̄ aw̄ dɔ loo tun̄ yá̰a̰ yāḿ tə́ ō, róō kajaja ō, ra ta kumḿ tə́ kə epod. Tá yá̰a̰ malang ń ngán Israel gə̄ a tun̄ adə̄mə̄n̄ ní, m̄-tél kə núsənneé m-ādə̄n ō, m-ādə̄ ngánən gə̄ ō, ngán kaan gə̄ ō.

HEBƏRO 9:6

Dan ń yá̰a̰ gə̄ ń noō malang i kə́ tə́ndādə́ tītə̄ ń noō ní, ngé tun̄ yá̰a̰ gə̄ a udən̄ kem kújə tandā kə́ ta kəga dɔ tə́ i kə dɔ ndɔ̄ gə̄ yā rāań kəla yādə́.

2 YÁ̰A̰ GƏ̄ 26:16

Banī tɔ́gə̄n ní rāān adə̄ ɔjə rɔ̄n, ba kɔjə rɔ̄ yān kə́ kemən tə́ ní aw̄ seneé bátə́ tḭ̄ḭ̄ tan. Ni-rāā háĺ kə́ sew aĺ kə Kɔ́ɔ̄ɓē Nə́ɓā yānneé, udə kem kújə yā Kɔ́ɔ̄ɓē tə́ yā róō kajaja dɔ loo róō ndujə̄ yá̰á̰ kə́ kotə majə tə́ yā kadə̄ Kɔ́ɔ̄ɓē.

1 YÁ̰A̰ GƏ̄ 6:49

Ngán Israel gə̄ adə̄n̄ de kə́ gír kojə yā Lebi tə́ gə̄ ɓē gə̄ ní ō, loo gə̄ kə́ gidə ɓē gə̄ ní tə́ kə́ yā kadə̄ yá̰a̰ kul̄ yādə́ gə̄ əsan̄ yá̰a̰ tū tə́ ō.

MATIYE 27:5

Judas ɓōkə́ nar ní kem kújə́ yā Kɔ́ɔ̄ɓē tə́, ba teē aw̄ ənī kəlā.