Najə̄ kə́ Majə yā Jeju ń Luk ndang ní 1:79 - Bibəl ta Sar̄

⁷⁹ Yā kadə̄ ngé gə̄ ń ndin̄ tilií ō, ndíl yo tə́ ō ní a̰a̰n̄neé loo ō, yā kɔjəń njají loo njə̄rā dɔ róbə kem sɔl̄ tə́ ō.

Bible sar

⁷⁹ Yā kadə̄ ngé gə̄ ń ndin̄ tilií ō, ndíl yo tə́ ō ní a̰a̰n̄neé loo ō, yā kɔjəń njají loo njə̄rā dɔ róbə kem sɔl̄ tə́ ō.

Najə̄ kə́ Majə yā Jeju ń Luk ndang ní 1:79 Referans Kwoze

IJAI 9:2

Kɔ́ɔ̄ɓē, ḭ̄ ī-rāā ādə̄ nin̄ ndin̄ majə ngá̰ý, ḭ̄ ī-rāā adə̄ rɔ̄nel̄ yādə́ i ngá̰ý kum kə̄ kété kété. Nin̄ rāān̄ rɔ̄nel̄ ta kumií tə́ tītə̄ rɔ̄nel̄ kə́ ndɔ̄ sāā kōō tə́ beē, tītə̄ kɔŕ rɔ̄nel̄ kə́ loo kēgə̄ naā yá̰a̰ kənge yā madə̄ ba̰ā̰ gə̄ kə́ rɔ̄ɔ̄ tetədə́ tə́ beē.

MATIYE 4:16

gír de gə̄ ń ndin̄ kum til tə́ ní, a̰a̰n̄ loo kə́ unjə̄ kow ngá̰ý. Ngé gə̄ ń ndin̄ ɓē ń yo o̰o̰ ɓē dɔ tə́, adə̄ loo kə́ tū tə́ risə til nding ní, loo a unjə̄ kow dɔdə́ tə́.

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

EPEJƏ 5:8

Jóó ní sḭḭ̄ i kum til tə́, ba ngɔlaā sḭḭ̄ i kum loo kə́ unjə̄ kow tə́, sɔɔ̄ń ɓoo kə́ ī-ɓooī naā kə Kɔ́ɔ̄ɓēé. I beé ní, ī-rāāī yá̰a̰ tītə̄ ngáń kə́ kum loo kə́ unjə̄ kow tə́ gə̄.

IJAI 42:7

De gə̄ ń kumdə́ a̰a̰ loo aĺ ní ā ī-teē kumdə́, ā ī-teē kə dəngáy gēé kɔ̄ɔ́ kem kújə dəngáy yādə́ tə́, ngé gə̄ ń ndin̄ kum til tə́ a ngóōn̄ ní, ā ī-teē sedə́ kɔ̄ɔ́ kem kújə yādə́ tə́.

JA̰A̰ 12:46

m̄-reē dɔ nang tə́ i kə́ loo kə́ unjə̄ kow tə́, yā kadə̄ náā nəkɔ́ ń taā kemḿ anī, ndi kum til tə́ alé.

JA̰A̰ 8:12

Jeju ɔr̄ najə̄ kə kósə de gēé ɓáý to̰, ədadə́ na: Mā i loo kə́ unjə̄ kow yā de kə́ dɔ nang tə́ gə̄. Nge ń a un gōḿ anī, a njə̄rā kum til tə́ alé, ba a ənge loo kə́ unjə̄ kow kə́ rāā kadə̄ deē a ndi kə kumneé.

JA̰A̰ 9:5

Dan ń mā i dɔ nang tə́ ní, mā i loo kə́ unjə̄ kow yā de kə́ dɔ nang tə́ gə̄.

PĀ GƏ̄ 107:14

Ni teē sedə́ kɔ̄ɔ́ kum til tə́ ō, taādə́ jī yo tə́ ō, gán̄g kəlā gə̄ ń tṵ́ṵ̄n̄neédə́ ní kɔ̄ɔ́ ō.

PĀ GƏ̄ 107:10

Ngé kə́rēý gə̄ ndin̄ i kum til tə́ kem jī yo tə́, nin̄ i dan kum ko̰o̰ tə́ ō, tṵ́ṵ̄n̄də́ i kə kəlā gindīí ō.

IJAI 49:9

M-ə́da dəngáy gə̄, m-ə́dá ngé gə̄ ń ndin̄ kum til tə́ ní na: Ī-teēī, ī-reēī kum loo kə́ unjə̄ kow tə́! Nin̄ a əngen̄ yá̰a̰ kəsa kə gō kadə róbó, a asən̄ kəsa yá̰a̰ dɔ ngán mbal̄ gə̄ tə́ malang.

JA̰A̰ 1:9

Najə̄ ní i loo kə́ unjə̄ kow kə́ rɔ̄kum. Ni-reē dɔ nang tə́ adə̄ unjə̄ dɔ de gə̄ tə́ malang.

PĀ GƏ̄ 23:4

Kɔ́ɔ̄ɓē, ká ré m̄-njə̄rā i wól loo kə́ loo ndul tū tə́, aké yo i tū tə́ gə̄gē anī, m̄-sōl̄ yá̰á̰ kógə̄ḿ alé, tɔdɔ̄ ḭ̄ i seḿ. M-ə̄nā kemḿ tɔdɔ̄ kāgə̄ kə́ jīí tə́ ō, tɔ́gə yāí ō a rāān̄ seḿ.

Najə̄ kə́ Majə yā Jeju ń Luk ndang ní 2:32

Ni i loo kə́ unjə̄ kow tām̄ yā nápar de kə́ rang gə̄ tə́ ō, a ɔsə gɔn Israel ń i gír deē yāí gə̄ ní ō.

JEREMI 2:6

Nin̄ mbātə́n̄ kəda na: Kɔ́ɔ̄ɓē ń teē sejí kɔ̄ɔ́ kem ɓē kə́ Ejiptə tə́ ō, ni i nge ɔr̄ nojí kem dəla loo tə́ ō, dɔ nang kə́ i kə̄sā gə̄ ō, i mbḛ̄ gə̄ ō n i tū tə́ ō, kem ɓē kə́ loo laa ō, ndíl yo ō, i tū tə́ ō, kem ɓē ń deē kógə̄ḿ kə́ mān̄ tū tə́ gətóo ō, kem ɓē ń deē kógə̄ḿ kə́ ndi tū tə́ gətóo ō ní i rá?

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

Makətūbə̄ ń Pol ndang adə̄ Rom gə̄ ní 3:17

Róbə́ ń i róbə kem sɔl̄ lɔm ní, nin̄-gerə̄n̄ alé.

JEREMI 6:16

Najə̄ ń Kɔ́ɔ̄ɓē əda ní n toó: Ī-dəbaī kum róbə gə̄ tə́, ba á̰a̰ī loo, ī-dəjeī najə̄ kə́ dɔ róbə́ kə́ jóó ngá̰ý gə̄ tə́. I róbə́ kə́ rá n i róbə́ kə́ majə ní? Ī-njə̄rāī tū tə́ anī, ā ə́ngeī loo kə́ kadə̄ ī-taāīneé koō. Ba nin̄ ədan̄ na: J-a jə-njə̄rā tū tə́ alé.

IJAI 59:8

Sḭḭ̄ ī-gerī róbə kem sɔl̄ alé, loo ń sḭḭ̄ ī-njə̄rāī tū tə́ ní, deē a ənge yá̰á̰ kə́ súmūú tū tə́ alé. Sḭḭ̄ ī-rāāī róbə yāsí gə̄ ādə̄ rugən̄ ō, deē ń un róbə yāsí ní a ənge kem sɔl̄ aĺ bátə́ ō.

IJAI 48:22

Kɔ́ɔ̄ɓē əda na: Ndi majə kə́ tām̄ yā de kə́ majaĺ gə̄ tə́ gətóo.

PĀ GƏ̄ 44:19

J-əya̰ gōí aĺ ō, jə-tɔ̄ kɔ̄ɔ́ dɔ róbə yāí tə́ aĺ ō.

PĀ GƏ̄ 25:12

Deē ń ɓōĺ ndíĺ Kɔ́ɔ̄ɓē ní, ni a ɔjən róbə́ ń kadə̄ a un ní.

Gōsə̄ najə̄ gə̄ 3:17

Róbə yān i róbə́ kə́ nel̄ ō, i róbə́ kə́ lɔm i tū tə́ ō.

Makətūbə̄ yā Job 10:22

I ɓē kə́ ta gír loo kə́ tū tə́ i loo kə́ ndɔ̄ɔ́ kə́ risə til nding. I ɓē kə́ ndíl yo utə̄ dɔ yá̰á̰ kə́ ka̰a̰ gō naā aĺ gə̄ kə́ tū tə́ kɔ̄ɔ́ ō, loo kə́ kadá kə́ tū tə́ i tītə̄ loo kə́ ndɔ̄ɔ́ kə́ risə til nding ō.

IJAI 48:17

Najə̄ ń nge gān̄g dɔí, Kɔ́ɔ̄ɓē, Nə́ɓā kə́ táĺ yā Israel, əda ní n toó: Nə́ɓā yāí i mā Kɔ́ɔ̄ɓē. I yá̰á̰ kə́ majə tām̄ yāí tə́ tɔȳ gotə gə̄ n m̄-ndóōī ní. I mā n i nge kɔriī ta róbə dɔ róbə́ ń ā ī-njə̄rā tū tə́ ní.

Gōsə̄ najə̄ gə̄ 8:20

Mā m-ún i róbə́ yá̰á̰ kə́ gōtə́, róbə́ kə́ a rāān̄ yá̰a̰ tū tə́ i kə gōó.

Makətūbə̄ yā Job 3:5

Ādə̄ loo kə́ ndul ō, loo kə́ risə til nding kə́ ɓádá ō, dəjen̄ ndɔ̄ ní ba taān̄. Ādə̄ kil̄ man̄ kə́ ndul ndí ndḭ́ i dɔ ndɔ̄ ní tə́! Ādə̄ loo kə́ risə til nding əla ɓōĺ kemən tə́!

KƏLA RĀĀ 10:36

Najə̄ ń Nə́ɓā ɔr̄ kə ngán Israel gēé ní sḭḭ̄ ī-gerī, ədadə́ i Najə̄ kə́ Majə kə́ dɔ kem sɔl̄ lɔm tə́ kə ta kūl̄ Jeju Kərist ń i Kɔ́ɔ̄ɓē yā de gə̄ malang ní.