Najə̄ kə́ Majə yā Jeju ń Luk ndang ní 1:75 - Bibəl ta Sar̄

⁷⁵ Kadə̄ ta kumən tə́ ɓáa jḭḭ i de kə́ táĺ gə̄ ō, kə́ gōtə́ gə̄ ō, kə dɔ ndɔ̄ gə̄ malang ń jə-ndiń kə kumjí ní.

Bible sar

⁷⁵ Kadə̄ ta kumən tə́ ɓáa jḭḭ i de kə́ *táĺ gə̄ ō, kə́ gōtə́ gə̄ ō, kə dɔ ndɔ̄ gə̄ malang ń jə-ndiń kə kumjí ní.

Najə̄ kə́ Majə yā Jeju ń Luk ndang ní 1:75 Referans Kwoze

EPEJƏ 4:24

Úniī gō hál de kə́ kijə ń Nə́ɓā əndān kadə̄ teēn ní: I de kə́ gōtə́ ō, kə́ táĺ ō, kə́ kə ta kūl̄ najə̄ kə́ rɔ̄kum.

EPEJƏ 2:10

Tɔdɔ̄ i Nə́ɓā n rāājí ní. Ni-rāājí kə ta kūl̄ Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.

2 TIMOTE 1:9

I Nə́ɓā n ajəjí ō, ɓāŕjí kadə̄ jə-téliī deē yān gə̄ ō ní. I kə gō kəla rāājí jḭḭ̄ kɔ́ gɔ̄ɔ́ alé, banī i tām̄ gír̄ ń nəkɔ́ gír̄ kemən tə́ kadə̄ n-rāā beé ní ō, tām̄ kem majə yān tə́ ō. Ni-rāā kem majə ní sejí i kə ta kūl̄ ɓoo kə́ jə-ɓooī naā kə Jeju Kərist, i kété pá tá kadə̄ ni-rāā yá̰a̰ malang ɓáý.

EPEJƏ 1:4

Tɔdɔ̄ kété pá tá kadə̄ Nə́ɓā rāā dɔ rā̰ ō, dɔ nang ō ní, ni-gə̄rājí kɔ̄kə́ yā kadə̄ jḭḭ̄ i deē yān gə̄, kə gō ɓoo kə́ jə-ɓooī naā kə Kərist, yā kadə̄ jḭḭ̄ i de kə́ táĺ gə̄ ō, de kə́ kanjə̄ najə̄ dɔjí tə́ gə̄ ō, kə̄ ta kumən tə́.

1 TESALONIK 4:7

Tɔdɔ̄ Nə́ɓā ɓāŕjí i yā kadə̄ jḭḭ̄ i de kə́ majaĺ tákə̄də́ gə̄ alé, banī kadə̄ jḭḭ̄ i de kə́ háĺjí i háĺ kə́ unjə̄ njáý njáý gə̄.

2 TESALONIK 2:13

Banī jḭḭ ní, majə kadə̄ jə-ndadə̄ Nə́ɓā ngándáńg tām̄ yāsí sḭḭ̄ ngákó̰ó̰jí gə̄ ń Kɔ́ɔ̄ɓē táŕsí ngá̰ý ní tə́. Tɔdɔ̄ Nə́ɓā gə̄rāsí ta kəla gíŕ tə́, i yā kadə̄ ajən̄sí kə ta kūl̄ Ndíĺ ń i nge kɔr̄ kam̄ de gə̄ tayā ní ō, kə ta kūl̄ taā kem najə̄ kə́ rɔ̄kum ō.

1 TESALONIK 4:1

Yā tɔ̄ləń ta ní, ngákó̰ó̰jí gə̄, háĺ kə́ kadə̄ nel̄ Nə́ɓā ní, sḭḭ̄ ī-ndóōī rɔ̄jí tə́, adə̄ i ni n ī-rāāī ní. Ba ngɔlaā ń toō ní jə-dəjesí ō, jə-rāāsí ɓɔ́ kə rī Kɔ́ɔ̄ɓē Jeju ō, kadə̄ ī-rāāī kadə̄ majə tɔȳ kə́ kété.

MATIYE 1:21

Ni a ojə ngōn̄ kə́ dəngam, ba ḭ̄ ā ə̄ndā rīn na i Jeju, tɔdɔ̄ i ni n a ajə gír deē yān gə̄ kum majaĺ yādə́ gə̄ tə́ ní.

NDŪ NAJƏ̄ 6:2

I beé n ā ī-ndóōīneé loo ɓōĺ Ndíĺ Kɔ́ɔ̄ɓē Nə́ɓā yāsí kə dɔ ndɔ̄ gə̄ malang ń ā ī-ndiīneé kə kumsí ní ō, ā ī-ndóōīneé loo ngɔ̄m̄ ndū najə̄ gə̄ ō, yá̰á̰ kə́ yā rāā gə̄ ō ń m-ādə̄sí ní. M-ādə̄sí i sḭḭ̄ ō, ngáńsí gə̄ ō, ngán kaasí gə̄ ō, yā kadə̄ ī-ndiīneé ta kaw̄ jóo.

IJAI 43:21

Gír de gə̄ ń toō ń m̄-rāādə́ tām̄ yāḿ tə́ ní, a ənīn̄ pā yā tɔ̄ȳməń.

JAKARI 8:19

Ndi ń ā ī-*ndiī ɓō tām̄ yā Nə́ɓā tə́ kem nāā kə́ nge ko̰ sɔ́ tə́ ō, mí tə́ ō, kem nāā kə́ nge ko̰ sīrí tə́ ō, kutə tə́ ō ní, ngɔlaā a télən̄ i ndɔ̄ naā gə̄ kə́ rɔ̄nel̄ i ngá̰ý tū tə́ ō, kem de gə̄ a nel̄də́ ngá̰ý tū tə́ ō, tām̄ yā gír de gə̄ kə́ Juda tə́. I beé ní, ī-gḛyiī najə̄ kə́ rɔ̄kum ō, ndi lɔm ō.

Najə̄ kə́ Majə yā Jeju ń Luk ndang ní 1:74

yā taājí jī madə̄ ba̰ā̰jí gə̄ tə́ yā kəya̰jí dɔɔ́, kadə̄ jə-rāā kəla j-adə̄n kanjə̄ ɓōĺ.