Najə̄ kə́ Majə yā Jeju ń Luk ndang ní 1:74 - Bibəl ta Sar̄

⁷⁴ yā taājí jī madə̄ ba̰ā̰jí gə̄ tə́ yā kəya̰jí dɔɔ́, kadə̄ jə-rāā kəla j-adə̄n kanjə̄ ɓōĺ.

Bible sar

⁷⁴ yā taājí jī madə̄ ba̰ā̰jí gə̄ tə́ yā kəya̰jí dɔɔ́, kadə̄ jə-rāā kəla j-adə̄n kanjə̄ ɓōĺ.

Najə̄ kə́ Majə yā Jeju ń Luk ndang ní 1:74 Referans Kwoze

2 TIMOTE 1:7

Tɔdɔ̄ Nə́ɓā adə̄jí i ndíĺ kə́ yā kadə̄ jə-ɓōlíīneé kum deē alé, ba i kadə̄ j-awīneé kə tɔ́gɔ́ ō, jə-táriīneé de gə̄ ō, jə-gerīneé kəhɔ rɔ̄jí dɔ yá̰á̰ tə́ ō.

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī jākā mbang ń i ndi kə kumuú ní.

HEBƏRO 2:15

Banī Jeju gān̄g dɔ ngé gə̄ ń ndin̄ tītə̄ ɓəlo gə̄ beé kə dɔ ndɔ̄ ndidə́ kə kumdə́ gə̄ malang ní, tɔdɔ̄ nin̄-ɓōlə́n̄ i yo.

Makətūbə̄ ń Pol ndang adə̄ Rom gə̄ ní 8:15

Tām̄ Ndíĺ ń ə́ngeī ní rāāsí adə̄ ī-téliī i ɓəlo gə̄ aĺ ō, rāāsí adə̄ ī-tél ī-ɓōlíī gogə́ aĺ ō. Banī ə́ngeī i Ndíĺ kə́ rāāsí adə̄ ī-téliī ngáń Nə́ɓā gə̄. Tɔdɔ̄ i kə ta kūl̄neé n j-əgaī kɔŕ j-ədaī na: Aba, Bɔbə̄jí ní.

Najə̄ kə́ Majə yā Jeju ń Luk ndang ní 1:71

Ni-ənī míndən adə̄jí, əda na n-a n-gān̄g dɔjí jī madə̄ ba̰ā̰jí gə̄ tə́ ō, de gə̄ malang ń imə̄n̄jí ní, na n-a n-taājí jīdə́ tə́ yā kəya̰jí dɔɔ́ ō.

IJAI 45:17

Banī Kɔ́ɔ̄ɓē ajə gír de gə̄ yā Israel, ni ajədə́ i kə́ njɔ́ḿ gə̄ tə́. A nujən̄də́ to̰ aĺ ō, a əlan̄ rɔ̄sɔl̄ dɔdə́ tə́ to̰ aĺ ō.

Makətūbə̄ ń Pol ndang adə̄ Rom gə̄ ní 6:22

Ba ngɔlaā sḭḭ̄ ī-teēī kɔ̄ɔ́ ɓəlo rāā yá̰á̰ kə́ majaĺ tə́ banī sḭḭ̄ i ɓəlo gə̄ yā Nə́ɓā. Yá̰á̰ ń ə́ngeī tū tə́ ní i háĺsí ń ɔjə kadə̄ sḭḭ̄ i de kə́ táĺ gə̄ ní. Ta tɔ̄l̄ tasí anī ā ə́ngeī i ndi kə kumuú kə́ ngándáńg.

PĀ GƏ̄ 119:134

Ī-taām̄ jī ngé rāā kumḿ ndoō tə́ gə̄ tə́, anī m-ā m̄-rāā yá̰a̰ gə̄ ń ī-ra kə de gēé ta rāā ní.

IJAI 43:21

Gír de gə̄ ń toō ń m̄-rāādə́ tām̄ yāḿ tə́ ní, a ənīn̄ pā yā tɔ̄ȳməń.

JAKARI 8:19

Ndi ń ā ī-*ndiī ɓō tām̄ yā Nə́ɓā tə́ kem nāā kə́ nge ko̰ sɔ́ tə́ ō, mí tə́ ō, kem nāā kə́ nge ko̰ sīrí tə́ ō, kutə tə́ ō ní, ngɔlaā a télən̄ i ndɔ̄ naā gə̄ kə́ rɔ̄nel̄ i ngá̰ý tū tə́ ō, kem de gə̄ a nel̄də́ ngá̰ý tū tə́ ō, tām̄ yā gír de gə̄ kə́ Juda tə́. I beé ní, ī-gḛyiī najə̄ kə́ rɔ̄kum ō, ndi lɔm ō.

Najə̄ kə́ Majə yā Jeju ń Luk ndang ní 1:73

Tɔdɔ̄ kété ní Nə́ɓā ənī míndən adə̄ kaají Abəraham

Najə̄ kə́ Majə yā Jeju ń Luk ndang ní 1:75

Kadə̄ ta kumən tə́ ɓáa jḭḭ i de kə́ táĺ gə̄ ō, kə́ gōtə́ gə̄ ō, kə dɔ ndɔ̄ gə̄ malang ń jə-ndiń kə kumjí ní.

2 MBAN̄G 17:39

I Kɔ́ɔ̄ɓē Nə́ɓā yādə́ n kə ndɔ̄ȳnən̄ ní. I ni n na a taādə́ jī madə̄ ba̰ā̰də́ gə̄ tə́ malang yā kəya̰də́ dɔɔ́ ní.