Najə̄ kə́ Majə yā Jeju ń Luk ndang ní 1:71 - Bibəl ta Sar̄

⁷¹ Ni-ənī míndən adə̄jí, əda na n-a n-gān̄g dɔjí jī madə̄ ba̰ā̰jí gə̄ tə́ ō, de gə̄ malang ń imə̄n̄jí ní, na n-a n-taājí jīdə́ tə́ yā kəya̰jí dɔɔ́ ō.

Bible sar

⁷¹ Ni-ənī míndən adə̄jí, əda na n-a n-gān̄g dɔjí jī madə̄ ba̰ā̰jí gə̄ tə́ ō, de gə̄ malang ń imə̄n̄jí ní, na n-a n-taājí jīdə́ tə́ yā kəya̰jí dɔɔ́ ō.

Najə̄ kə́ Majə yā Jeju ń Luk ndang ní 1:71 Referans Kwoze

PĀ GƏ̄ 106:10

Ni ajədə́ jī ngé kim̄də́ gə̄ tə́, ni-taādə́ jī madə̄ ba̰ā̰də́ gə̄ tə́.

JEREMI 23:6

Ɓāl̄ yān tə́ ní, ngán Juda gə̄ a ajən̄ ō, ngán Israel gə̄ a ndin̄ kanjə̄ sōl̄ yá̰á̰ kógə̄ḿ ō. Ōōī rī ń a ɓār̄nən̄neé ní: Kɔ́ɔ̄ɓē i gōtə́ yājí.

NDŪ NAJƏ̄ 33:29

Israel rɔ̄í nelī tɔdɔ̄ i ḭ̄ ngóy n i gír de gə̄ kə́ Kɔ́ɔ̄ɓē ajədə́ ní. Ni-rāā rɔ̄n i der kə́ nge kutə̄ gidií tə́ ō, kaskar kə́ nge tetə rɔ̄ɔ̄ kadī tə́ ō. Dan ń madə̄ ba̰ā̰í gə̄ a reēn̄ rāāī ɓɔ́ tə́ kadə̄ ī-rajədə́ anī, ā ī-njə̄rā loo kə́ kḭḭ kə̄ dɔɔ́ kə́ kem ɓē yādə́ gə̄ tə́.

EJEKIEL 34:28

Nápar de gə̄ a ɓogən̄də́ to̰ aĺ ō, dā̰ kə́ do̰ gə̄ a əsan̄də́ to̰ aĺ ō. Nin̄ a ndin̄ kanjə̄ sōl̄ yá̰á̰ kógə̄ḿ ō, de kə́ yā rāādə́ kadə̄ a ndewn̄ to̰ a gətóo ō.

Najə̄ kə́ Majə yā Jeju ń Luk ndang ní 1:74

yā taājí jī madə̄ ba̰ā̰jí gə̄ tə́ yā kəya̰jí dɔɔ́, kadə̄ jə-rāā kəla j-adə̄n kanjə̄ ɓōĺ.

JEREMI 32:37

M-ā m-ḭ́ḭ sedə́ kə gō ɓē gə̄ malang ń m̄-tə̄ndā m̄-tḭ̄ḭ̄də́ tū tə́ kə wōngōó ō, wōn̄g kə́ ngá̰ý ō, kə́ al̄ naā ngá̰ý ō ní yā kɔsə dɔdə́ naā tə́. M-ā m̄-tél yā reē sedə́ gogə́ loo ń toō tə́ ō, m-ā m-ə̄ndādə́ kadə̄ ndin̄ laā kanjə̄ kadə̄ yá̰á̰ kógə̄ḿ a̰ȳ ndíĺdə́ ō.

EJEKIEL 34:25

M-ā m-ə́hɔ madə̄ naā kem sɔl̄ kə ɓūtə̄ yá̰a̰ kul̄ yāḿ gēé ō, m-ā m̄-rāā kadə̄ dā̰ kə́ do̰ gə̄ a gətóon̄ kɔ̄ɔ́ kem ɓēé ō. Loo ń noō tə́ dā̰ yāḿ gə̄ a ran̄ dəla loo tə́ kanjə̄ sōl̄ yá̰á̰ kógə̄ḿ ō, nin̄ a ɓīīn̄ kə̄ kem túpə́ kámbə gə̄ tə́ ō.

1 JA̰A̰ 3:8

De kə́ nge rāā majaĺ i deē yā diabəl, tɔdɔ̄ diabəl rāā majaĺ i ta kəla gíŕ tə́ beē.

EJEKIEL 38:8

Ndɔ̄ń tə́, gō ɓāl̄ gə̄ kə́ ngá̰ý tə́ ní, m-ā m-ə́laī kadə̄ āw̄ ī-rɔ̄ɔ̄ ɓē kə́ Israel. Kum mbang ngeé ń noō tə́ ní, de kə́ kemeé gə̄ teēn̄ ta rɔ̄ɔ̄ tə́ i sa sat. Nin̄ teēn̄ kɔ̄ɔ́ kem ɓē gə̄ ń ndin̄ kemeé tə́ ní. A kánə̄n̄də́ dɔ mbal̄ gə̄ kə́ Israel tə́ ń de gə̄ gətóon̄ dɔ tə́ i jóó ngá̰ý ní. Dan ń nin̄ teēn̄ kɔ̄ɔ́ dan gír de kə́ rang gə̄ tə́ oy anī, nin̄ malang a ndin̄ kanjə̄ sōl̄ yá̰á̰ kógə̄ḿ.

EJEKIEL 28:26

Nin̄ a ndin̄ loo ń kanjə̄ sōl̄ yá̰á̰ kógə̄ḿ. Nin̄ a rāān̄ kújə gə̄ ō, a ndɔrə̄n̄ kāgə̄ nduú gə̄ ō. Nin̄ a ndin̄ kanjə̄ sōl̄ yá̰á̰ kógə̄ḿ. Tɔdɔ̄ gír de gə̄ ndin̄ kadədə́ gə̄ tə́ á i madə̄ ɓēdə́ kə́ ngé kídə̄də́ gə̄ ní, m-ā m-ún sarya gāngə̄ḿ yā rāań yá̰a̰ sedə́. Loo ń noō tə́ nin̄ a gerə̄n̄ kadə̄ Kɔ́ɔ̄ɓē Nə́ɓā yādə́ i mā.

PĀ GƏ̄ 106:47

Kɔ́ɔ̄ɓē Nə́ɓā yājí, ájə́jí, ɔ́sə njají kə̄ naā tə́ dan nápar de kə́ rang gə̄ tə́. Loo ń noō tə́ j-a jə-tɔ̄yī anī, j-a j-əda rīí kə́ táĺ, j-a j-a̰a̰ yá̰a̰ ta kum naā tə́ tām̄ kɔsə kə́ j-ɔsə gɔnií tə́.

Najə̄ kə́ Majə yā Jeju ń Luk ndang ní 1:68

Kɔ́ɔ̄ɓē ń i Nə́ɓā yā ngán Israel gə̄ ní, asə kadə̄ de gə̄ tɔ̄ȳnən̄! Tām̄ ni-əndā kumən gō gír deē yān gə̄ tə́ ba ajədə́.

2 MBAN̄G 17:39

I Kɔ́ɔ̄ɓē Nə́ɓā yādə́ n kə ndɔ̄ȳnən̄ ní. I ni n na a taādə́ jī madə̄ ba̰ā̰də́ gə̄ tə́ malang yā kəya̰də́ dɔɔ́ ní.