Najə̄ kə́ Majə yā Jeju ń Luk ndang ní 1:64 - Bibəl ta Sar̄

⁶⁴ Anī kə̄ ta jī tə́ noō ta Jakari ndɔ̄bə̄ ō, gír kəlā ndo̰n tútə ō, adə̄ a ɔr̄ najə̄ ō, tɔ̄ȳ Nə́ɓā ō.

Bible sar

⁶⁴ Anī kə̄ ta jī tə́ noō ta Jakari ndɔ̄bə̄ ō, gír kəlā ndo̰n tútə ō, adə̄ a ɔr̄ najə̄ ō, tɔ̄ȳ Nə́ɓā ō.

Najə̄ kə́ Majə yā Jeju ń Luk ndang ní 1:64 Referans Kwoze

Najə̄ kə́ Majə yā Jeju ń Luk ndang ní 1:20

Banī ḭ̄ ī-taā kem najə̄ yāḿ ń a rāā yá̰a̰ i kə kum mbangneé ní alé. I beé ní kəlā ndo̰o̰í a do̰ō̰ naā adə̄ ā ásə kɔr̄ najə̄ alé, bátə́ ndɔ̄ ń yá̰a̰ gə̄ ń noō a rāān̄neé yá̰á̰ tə́ ní.

JEREMI 1:9

Kɔ́ɔ̄ɓē əla jīn ɔdəń taḿ. Ni ədam̄ na: Ń toō m-ə̄ndā najə̄ yāḿ taí tə́.

EJEKIEL 33:22

Kété pá tá kadə̄ deē ní reē ugə̄ ní, Kɔ́ɔ̄ɓē rāā adə̄ m̄-ger̄ gō tɔ́gən, tām̄ ni-rāā adə̄ m̄-tél m-ɔ̄r̄ najə̄ gogə́. Dan ń teē kə ndɔ̄ kə́ noō dəloí á deē ní reē ugə̄ ní, gír kəlā ndo̰ḿ do̰ō̰ naā to̰ alé, adə̄ m-ɔ̄r̄ najə̄.

PĀ GƏ̄ 51:15

Ngé mān̄ dɔ ndū najə̄ yāí gə̄ ní, m-ā m̄-ndóōdə́ gō róbə yāí gə̄. Loo ń noō tə́ ngé rāā majaĺ gə̄ a télən̄ yā reē gogə́ rɔ̄í tə́.

MATIYE 9:33

Loo ń Jeju tə̄ɓā ndíĺ kə́ majə aĺ ní kɔ̄ɔ́ anī, deē ní əla gír kɔr̄ najə̄. Ɔr kum kósə de gə̄ ngá̰ý adə̄ ədan̄ na: Jóo toō deē a̰a̰ yá̰á̰ kə́ beē dɔ nang kə́ Israel tə́ aĺ ɓáý.

EJEKIEL 3:27

Ba ré m-ā m-āw̄ kə yá̰á̰ kógə̄ḿ yā kədadə́ kə ta kūlīí anī, m-ā m̄-rāāī ásə kɔr̄ najə̄ gogə́. Loo ń noō tə́ ā ə́dádə́ na: Najə̄ ń Kɔ́ɔ̄ɓē Nə́ɓā əda ní n toó. Ngé kə́rēý gə̄ a oōn̄ ō, ngé kə́rēý gə̄ a mbātə́n̄ koō ō. Tām̄ nin̄ i gír de kə́ ngé dum̄ naā gə̄.

IJAI 12:1

Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

EJEKIEL 29:21

Dan ngeé ń noō tə́ ní, m-ā m̄-rāā kadə̄ ngán Israel gə̄ əngen̄ tɔ́gə́ ngá̰ý. Ba ḭ̄ Ejekiel, m-ā m-ādī tɔ́gə kadə̄ ā ɔ̄rəń najə̄ sedə́. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

Teē Ngán Israel gə̄ 4:11

Kɔ́ɔ̄ɓē tél əda Moijə na ké i náā n i nge kəɓā ta deē ní wa. Ké i náā n i nge rāā kadə̄ gír kəlā ndo̰ deē do̰ō̰ naā aláa kadə̄ deē téĺ mbíkī ní wa, kadə̄ kum deē a̰a̰ loo aláa kadə̄ deē tél mundō ní wa. Ké i ni Kɔ́ɔ̄ɓē aĺ wa.