Najə̄ kə́ Majə yā Jeju ń Luk ndang ní 1:6 - Bibəl ta Sar̄

⁶ Nin̄ jōó mbak i de kə́ súmūú gə̄ ta kum Nə́ɓā tə́. Gō míndə gə̄ malang yā Kɔ́ɔ̄ɓē ō, yá̰a̰ malang ń Kɔ́ɔ̄ɓē əda kadə̄ yā rāā ō ní, nin̄-tetən̄ rɔ̄də́ gō tə́ rāān̄ kə gōó majə, adə̄ najə̄ gətóo dɔdə́ tə́.

Bible sar

⁶ Nin̄ jōó mbak i de kə́ súmūú gə̄ ta kum Nə́ɓā tə́. Gō míndə gə̄ malang yā Kɔ́ɔ̄ɓē ō, yá̰a̰ malang ń Kɔ́ɔ̄ɓē əda kadə̄ yā rāā ō ní, nin̄-tetən̄ rɔ̄də́ gō tə́ rāān̄ kə gōó majə, adə̄ najə̄ gətóo dɔdə́ tə́.

Najə̄ kə́ Majə yā Jeju ń Luk ndang ní 1:6 Referans Kwoze

TA KƏLA 7:1

Kɔ́ɔ̄ɓē əda Noe na: Údiī kem to boó, ḭ̄ ō, deē yāí gə̄ malang ō, tɔdɔ̄ i ḭ̄ ngóy n i de kə́ súmūú ta kumḿ tə́ dan de kə́ dɔ nang tə́ gə̄ tə́.

TA KƏLA 17:1

Abəram rāā ɓāl̄ kutə ndōhó gidə i ndōhó anī, Kɔ́ɔ̄ɓē ndɔ̄bə̄n ədan na: Mā i Nə́ɓā kə́ bo kə́ tɔ́gə́ḿ i ngá̰ý. Ī-njə̄rā ta kumḿ tə́ ō, ādə̄ najə̄ gətóo dɔí tə́ ō.

PILIPƏ 2:15

Yā kadə̄ sḭḭ̄ i de kə́ kanjə̄ najə̄ dɔsí tə́ gə̄ ō, kə́ ūnjī njáý njáý gə̄ ō, ngáń Nə́ɓā kə́ yá̰á̰ kə́ majaĺ sḛ́ý gətóo dɔdə́ tə́ gə̄ kə́ ndin̄ dan de kə́ súmūú aĺ gə̄ tə́ ō, dan de kə́ nujə kɔ̄ɔ́ gə̄ kə́ dɔ nang ń toō tə́ ō. Majə kadə̄ sḭḭ̄ ī-ndə́lēī dandə́ tə́ tītə̄ tə́yō̰ gə̄ kə́ dɔ rā̰ tə́ beē,

KƏLA RĀĀ 24:16

I tām̄ najə̄ ń noō tə́ n m-ā m-ə́hɔń rɔ̄ḿ tɔgə ngándáńg kadə̄ najə̄ gətóoń dɔḿ tə́ ta kum Nə́ɓā tə́ ō, ta kum de gə̄ tə́ ō ní.

1 MBAN̄G GƏ̄ 9:4

Ré Salomo̰ na njə̄rā kə̄ non tə́ tītə̄ ń bɔbə̄n Dabid na njə̄rań kété ní kə kem kə́ rɔ̄kum ō, kə háĺ kə́ súmūú ō, ré na rāā yá̰a̰ malang ń n-ədan kadə̄ rāā ní ō, rāā yá̰á̰ ń ndū najə̄ yān əda ní ō, rāā yá̰a̰ kə gō jī loo rāā yá̰á̰ ń ni n-ɔjə ní ō anī,

1 TESALONIK 3:13

Ādə̄ ni-rāā adə̄ kemsí ra ngan̄g, yā kadə̄ sḭḭ̄ i de kə́ táĺ gə̄ ō, de kə́ najə̄ gətóo dɔdə́ tə́ gə̄ ō, ta kum Bɔbə̄jí Nə́ɓā tə́, dan ń Kɔ́ɔ̄ɓē yājí Jeju a reē kə deē yān gēé malang ní. Adə̄ i tītə̄ ń noō!

Makətūbə̄ yā Job 1:1

Kété ní dəngam kógə̄ḿ ndi dɔ nang kə́ Us tə́, a ɓāŕnən̄ na i Job. Ni i de kə́ najə̄ gətóo dɔn tə́. I de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

1 JA̰A̰ 2:3

Ré jə-rāāī yá̰a̰ kə gō míndəneé anī, i nge ń noō n ɔjə kadə̄ jə-ger̄niī ní.

2 PIYER 3:14

Kó tár gə̄, i tām̄ najə̄ ń noō tə́ n majə kadə̄ ə́hɔī rɔ̄sí tɔgə kadə̄ majaĺ tákə̄sí aĺ ō, kadə̄ najə̄ gətóo dɔsí tə́ ta kum Nə́ɓā tə́ ō, kadə̄ ī-ndiī kə kem kə́ sɔl̄ lɔmɔɔ́ ō, pá tá kadə̄ ndɔ̄ ní ugə̄ ɓáý ní.

Makətūbə̄ yā Job 1:8

Anī Kɔ́ɔ̄ɓē dəjən na: Á̰a̰ nge kəla yāḿ Job a? De kə́ tītə̄n gətóo dɔ nang tə́. Ni i de kə́ najə̄ gətóo dɔn tə́ ō, i de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

1 JA̰A̰ 3:7

Ngánə́ḿ kə́ dūú gə̄, ādī deē kógə̄ḿ rāāsí ādə̄ ī-ndúmī alé. Deē ń rāā yá̰á̰ kə́ gōtə́ ní, i de kə́ gōtə́ tītə̄ ń Jeju Kərist i de kə́ gōtə́ ní.

1 JA̰A̰ 2:29

Ré ī-gerī kadə̄ ni i de kə́ gōtə́ anī, náā nəkɔ́ ń rāā yá̰á̰ kə́ gōtə́ ní, i de kə́ Nə́ɓā ojən.

KOLOSƏ 1:22

ngɔlaā lɔm to dɔ dáńsí tə́ kə Nə́ɓāá, sɔɔ̄ń koy ń Kərist oy ní. Adə̄ sḭḭ̄ i deē yān kə́ táĺ gə̄ kə́ najə̄ gətóo dɔsí tə́ ō, yá̰a̰ rāāsí kə́ majaĺ gətóo ō.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

1 KORḚNTƏ 11:2

m̄-tɔ̄ȳsí, tɔdɔ̄ tū yá̰a̰ gə̄ tə́ malang ní əga kemsí dɔḿ tə́ ō, yá̰a̰ gə̄ ń m-ɔ́jə́sí kə̄ kété ní sḭḭ̄ úniī gō ō.

KƏLA RĀĀ 23:1

Pol əndā kumən dɔ ngé sarya kə́ bo gə̄ tə́ ba əda na: Ngákó̰ó̰ḿ gə̄, hálə́ḿ ń m̄-mgɔ̄m̄ ta kum Nə́ɓā tə́ bátə́ ɓōólaā ní, kemḿ ɔjəm̄ ngōn̄ yá̰á̰ kógə̄ḿ sḛ́ý kə́ majaĺ dɔ tə́ alé.

PĀ GƏ̄ 119:6

Loo ń noō tə́ ré m̄-tél m-á̰a̰ gō míndí gə̄ malang gogə́ rang anī rɔ̄ḿ a sɔlə̄m̄ alé.

Makətūbə̄ yā Job 9:2

Rɔ̄kum, m̄-ger̄ kadə̄ to i tītə̄ ń noō. Loo kadə̄ najə̄ yā deē i gōtə́ banī yā Nə́ɓā i gōtə́ aĺ ní i ba̰ý?

2 MBAN̄G 20:3

Kɔ́ɔ̄ɓē ādə̄ əga kemií na m̄-njə̄rā kə̄ ta kumií tə́ i kə háĺ kə́ gōtə́ ō, kə kem kə́ súmūú ō, m̄-rāā yá̰á̰ kə́ nelī ō. Gō tə́ anī Ejekias nōō ngá̰ý kə man̄ kumneé.

TA KƏLA 6:9

Gotə najə̄ yā Noe n toó: Noe i de kə́ súmūú ō, najə̄ gətóo dɔn tə́ dan de kə́ ɓāl̄ yān tə́ gə̄ tə́ ō. Ni njə̄rā kə Nə́ɓāá.

Najə̄ kə́ Majə yā Jeju ń Luk ndang ní 16:15

Ba Jeju ədadə́ na: Sḭḭ̄ i ngé kɔjə rɔ̄sí gə̄ ta kum de gə̄ tə́, kadə̄ sḭḭ̄ na i de kə́ súmūú gə̄, ba Nə́ɓā ger̄ kemsí, tɔdɔ̄ yá̰á̰ ń de gə̄ ɔsən̄ kə̄ dɔɔ́ ní i yá̰á̰ kə́ to yḛr kum ngá̰ý ta kum Nə́ɓā tə́.

NDŪ NAJƏ̄ 5:33

I róbə́ ń Kɔ́ɔ̄ɓē Nə́ɓā yāsí njar nosí tə́ ní n ā úniī kə ndɔ̄ gə̄ ní, yā kadə̄ ī-ndiīneé kə kumsí ō, rɔ̄sí nelə̄ńsí ō, ī-ndiīneé ta kaw̄ jóo dɔ nang ń ā ī-taāī tə́ ní ō.

1 MBAN̄G GƏ̄ 15:5

Tɔdɔ̄ Dabid rāā yá̰á̰ kə́ gōtə́ ta kum Kɔ́ɔ̄ɓē tə́ kə ndɔ̄ gə̄ malang ń ndiń kə kumneé tə́ ní ō, un rón kɔ̄ɔ́ dan yá̰á̰ kógə̄ḿ kə́ Kɔ́ɔ̄ɓē ədan tə́ aĺ ō. Ba yá̰á̰ kə́ majaĺ ń rāā ní i najə̄ yā Uri kə́ Het ní ngóy.

Najə̄ kə́ Majə yā Jeju ń Luk ndang ní 1:7

Banī nin̄-ojən̄ ngōn̄ alé, tɔdɔ̄ Elijabet i dəyá̰ kə́ kujə ō, nin̄ jōó mbak tɔgən̄ ɓə́gá ngá̰ý kɔ̄ɔ́ ō.

Najə̄ kə́ Majə yā Jeju ń Luk ndang ní 2:25

Dan ngeé ń noō tə́ ní dəngam kógə̄ḿ ndi Jerusalem noó, rīn na i Simeo̰. Ni i de kə́ súmūú ō, i de kə́ ɓōĺ ndíĺ Nə́ɓā ō. Ni a ngóō i ta ndɔ̄ ń Israel gə̄ a əngen̄neé kem sɔl̄ ní ō, Ndíĺ kə́ Táĺ i dɔn tə́ ō.

KƏLA RĀĀ 2:25

Dabid əda najə̄ yān kété na: M-á̰á̰ Kɔ́ɔ̄ɓē ta kumḿ tə́ kə dɔ ndɔ̄ gə̄, tɔdɔ̄ ni i dɔ jī ko̰ḿ tə́ kadə̄ yá̰á̰ yéȳm̄ alé.

KƏLA RĀĀ 8:21

Kum yāí ō, yá̰a̰ kəngeí ō, gətóon̄ tū najə̄ ń toō tə́. Tɔdɔ̄ kemií i súmūú ta kum Nə́ɓā tə́ alé.

Makətūbə̄ ń Pol ndang adə̄ Rom gə̄ ní 8:4

Ni-rāā tītə̄ ń noō i yā kadə̄ yá̰á̰ kə́ gōtə́ ń ndū najə̄ əndā dɔ de gə̄ tə́ ní, i kə́ rāā tɔ̄l̄ ta kemjí jḭḭ̄ ń jə-ndiī i kə gō yā dā̰ rɔ̄ɔ́ to̰ alé, banī i kə gō yā Ndíĺ kə́ Táĺ ní.

2 YÁ̰A̰ GƏ̄ 17:4

Banī sāā i nja Kɔ́ɔ̄ɓē Nə́ɓā yā kaan gə̄. Ni-rāā i gō míndə gə̄ ń Kɔ́ɔ̄ɓē Nə́ɓā yā kaan gə̄ əda kadə̄ yā rāā ní, banī ni-rāā yá̰a̰ gə̄ ń a rāān̄ Israel tə́ ní alé.