Najə̄ kə́ Majə yā Jeju ń Luk ndang ní 1:35 - Bibəl ta Sar̄

³⁵ De kə́ dɔ rā̰ tə́ ní tél ədan na: Ndíĺ kə́ Táĺ a reē dɔí tə́ ō, tɔ́gə yā Nə́ɓā kə́ dɔɔ́ a il̄ dɔí tə́ nding ō. I tām̄ najə̄ ń noō tə́ n ngōn̄ ń ā ójən ní i de kə́ táĺ ō, a ɓāŕnən̄ na i Ngōn̄ Nə́ɓā ō ní.

Bible sar

³⁵ De kə́ dɔ rā̰ tə́ ní tél ədan na: *Ndíĺ kə́ Táĺ a reē dɔí tə́ ō, tɔ́gə yā Nə́ɓā kə́ dɔɔ́ a il̄ dɔí tə́ nding ō. I tām̄ najə̄ ń noō tə́ n ngōn̄ ń ā ójən ní i de kə́ *táĺ ō, a ɓāŕnən̄ na i Ngōn̄ Nə́ɓā ō ní.

Najə̄ kə́ Majə yā Jeju ń Luk ndang ní 1:35 Referans Kwoze

MATIYE 1:18

Ojən̄ Jeju Kərist i tītə̄ ń toō beé: Kó̰o̰n Mari i dəyá̰ nong yā Jəjep. Banī loo ń nin̄-taān̄ naā aĺ ɓáý anī, ni ndān̄ ngōn̄ kə ta kūl̄ Ndíĺ kə́ Táĺ.

JA̰A̰ 1:49

Anī Natanayel tél ədan na: Ngoljí, ḭ̄ i Ngōn̄ Nə́ɓā, ḭ̄ i mban̄g yā ngáń Israel gə̄!

JA̰A̰ 1:34

Mā m-á̰a̰ ō, m-ə́da i yá̰á̰ kə́ m-á̰a̰ kə kumḿ ō, kadə̄ ni i Ngōn̄ Nə́ɓā.

Makətūbə̄ ń Pol ndang adə̄ Rom gə̄ ní 1:4

Ta yā Nə́ɓā tə́ ɓáa, Nə́ɓā ɔjə kadə̄ ni i Ngōnən i dan ń ni-ndólən dan de kə́ koy gə̄ tə́ kə tɔ́gə yā Ndíĺ kə́ Tálá ní.

MATIYE 1:20

Dan ń ni a gír̄ najə̄ ń toō kemən tə́ ɓáý anī, de kə́ dɔ rā̰ tə́ yā Kɔ́ɔ̄ɓē rāān kə nīí, ədan na: Jəjep, ngōn̄ kaa Dabid, ī-lōō ɓōĺ kaw̄ kə nə̄yá̰í Mari kújú. Tɔdɔ̄ ngōn̄ ń ni-ndān̄ ní i kə ta kūl̄ Ndíĺ kə́ Táĺ.

MARK 1:24

Jeju kə́ Najaret, yāí i rí sejí? Ī-reē i nujəjí tə́ a? m̄-ger̄ majə kadə̄ ḭ̄ i nge kə́ táĺ yā Nə́ɓā.

MATIYE 27:54

Ngol áskar gə̄ ō, áskar gə̄ ń ngɔ̄mə̄n̄ Jeju seneé ní ō, a̰a̰n̄ dɔ nang ń ndebə ní ō, yá̰a̰ ń rāā yá̰á̰ ní ō anī, ɓōlə́n̄ ngá̰ý ba ədan̄ na: Deē ń toō i Ngōn̄ Nə́ɓā rɔ̄kum!

HEBƏRO 4:15

Jḭḭ̄ i kə ngol ngé tun̄ yá̰a̰ gə̄ kə́ asə ka̰a̰ tápə̄ sejí najə̄ yā rɔ̄ ngan̄g aĺ yājí tə́. Yá̰a̰ malang ń nāājí ní nāān ō, banī rāā majaĺ alé.

Najə̄ kə́ Majə yā Jeju ń Luk ndang ní 1:27

Əlan i rɔ̄ ngōmandə kógə̄ḿ kə́ adə̄nən̄ kə dəngameé kadə̄ taā tə́. Rī dəngam ní na i Jəjep. Ni i de kə́ giŕ kojə yā mban̄g Dabid tə́. Rī ngōmandə ní na i Mari.

GALATƏ 2:20

m̄-ndi kə kumḿ ɓá tā ba i mā alé, i Kərist n ndi kə kumneé kemḿ tə́ ní. Tɔdɔ̄ ndiḿ kə́ deē ndul tə́ kə́ ngɔr ń toō tə́ ní, m-ndi i kə ta kūl̄ taā kə́ m̄-taā kem Ngōn̄ Nə́ɓā kə́ tárəm̄, tɔdɔ̄ ni-adə̄ rɔ̄n kum gotəḿ.

KƏLA RĀĀ 8:36

Dan ń unən̄ róbə́ á ugə̄n̄ loo ń man̄ i tū tə́ ní tə́ anī de kə́ bo ní əda na: Man̄ n toó ō ba i rí n ɔgə̄ kadə̄ ī-rāām̄ batém ní?

Makətūbə̄ yā Job 25:4

Loo kadə̄ najə̄ yā deē i gōtə́ banī yā Nə́ɓā i kə́ gōtə́ aĺ ní i ba̰ý? Deē ń dəyá̰ ojən ní, loo kadə̄ əda na ni na i de kə́ unjə̄ njáý njáý ní i ba̰ý?

JA̰A̰ 20:31

Banī ndangən̄ ngé gə̄ ń toō i yā kadə̄ ī-taāī kem kadə̄ Jeju i Kərist, ni i Ngōn̄ Nə́ɓā. Ba ré sḭḭ̄ ī-taāī kemən anī, ā ə́ngeī ndi kə kumuú kə ta kūl̄neé.

MARK 1:1

Ta kəla gír Najə̄ kə́ Majə yā Jeju Kərist Ngōn̄ Nə́ɓā.

PĀ GƏ̄ 2:7

Yá̰á̰ ń Kɔ́ɔ̄ɓē ndang kadə̄ yā rāā ní m-ā m-ə̄nī mbērən, ni ədam̄ na: Ḭ̄ i ngōnə̄ḿ, ɓōólaā ní, mā i Bɔbí.

Makətūbə̄ yā Job 14:4

I náā n asə rāā kadə̄ yá̰á̰ kə́ unjə̄ njáý njáý teē tū yá̰á̰ kə́ majaĺ tákə̄ tə́ ní? De kə́ asə rāā nge ń noō gətóo.

EPEJƏ 2:3

Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.

MATIYE 14:33

De gə̄ ń ndin̄ kem toó ní ɔsən̄ nodə́ nang tə́ no Jeju tə́, ba ədanən̄ na: Ḭ̄ i Ngōn̄ Nə́ɓā rɔ̄kum!

MATIYE 4:3

Loo ń noō tə́ diabəl reē rɔ̄n tə́ ngɔr ba ədan na: Ré ḭ̄ i Ngōn̄ Nə́ɓā anī, ə́da kūbə̄rū mbal̄ gə̄ ń toō ādə̄ télən̄ mápa.

PĀ GƏ̄ 51:5

Tɔdɔ̄ yá̰á̰ kə́ gōtə́ aĺ gə̄ ń m̄-rāā ní m̄-ger̄. Yá̰á̰ kə́ majaĺ ń m̄-rāā ní to ta kumḿ tə́ ngándáńg.

Makətūbə̄ yā Job 15:16

Anī deē ndul ń i yá̰á̰ kə́ to yēńg ō, nujə kɔ̄ɔ́ ō, rāā yá̰á̰ kə́ gōtə́ aĺ láẃ ngá̰ý tītə̄ loo ka̰ȳ man̄ beé ō ní, yān i kə́ to ráá aĺ a?

Najə̄ kə́ Majə yā Jeju ń Luk ndang ní 1:34

Anī Mari əda de kə́ dɔ rā̰ tə́ ní na: m̄-ger̄ dəngam aĺ ɓáý ní yá̰á̰ ní a rāā yá̰a̰ i ba̰ý?

Najə̄ kə́ Majə yā Jeju ń Luk ndang ní 1:36

Á̰a̰ā̰, ngeeí Elijabet ń de gə̄ ədan̄ na i dəyá̰ kə́ kujə ní, ndān̄ ngōn̄ dɔ ɓə́gan tə́ rāā nāā mehḛ́ kɔ̄ɔ́.