Najə̄ kə́ Majə yā Jeju ń Luk ndang ní 1:33 - Bibəl ta Sar̄

³³ Ni a o̰o̰ ɓē dɔ gír kojə yā Jakob tə́ ngándáńg ō, gír ko̰o̰ ɓē yān dan a gān̄g aĺ ō.

Bible sar

³³ Ni a o̰o̰ ɓē dɔ gír kojə yā Jakob tə́ ngándáńg ō, gír ko̰o̰ ɓē yān dan a gān̄g aĺ ō.

Najə̄ kə́ Majə yā Jeju ń Luk ndang ní 1:33 Referans Kwoze

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

HEBƏRO 1:8

Banī tām̄ yā ngōn̄ Nə́ɓā tə́ ɓáa Nə́ɓā əda na: Kōr̄ kāgə̄ mbang yāí ḭ̄ Nə́ɓā i kə́ kəndān kadə̄ ndi ngándáńg. Ḭ̄ ā ó̰o̰ ɓē yāí i kə yá̰a̰ rāā kə́ gōtə́.

DANIEL 7:27

Ba ko̰o̰ ɓē ō, ndi dɔ yá̰a̰ gə̄ tə́ malang ō, bo yā ɓē ko̰o̰ gə̄ malang kə́ dɔ nang tə́ ō ní, a adə̄n̄ gír de kə́ táĺ gə̄ yā Nə́ɓā kə́ dɔɔ́. Ko̰o̰ ɓē yān i ko̰o̰ ɓē kə́ a to ngándáńg. ngé ndi dɔ ɓē gə̄ tə́ malang a rāān̄ kəla yān ō a oōn̄ tan ō.

2 SAMUEL 7:16

De kógə̄ḿ dan de gə̄ kə́ gír kojə yāí tə́ a o̰o̰ ɓē gotií tə́ ngándáńg, tɔdɔ̄ yá̰a̰ a yéȳ ko̰o̰ ɓē kə́ gír kojə yāí tə́ alé.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

PĀ GƏ̄ 45:6

Ādə̄ kum gərā yāí kə́ ta katə gə̄ əlan̄ ɓōĺ kə́ ngá̰ý kem de gə̄ tə́ ō, ādə̄ gərā yāí gə̄ tɔ́sə̄n̄ kújə́ mósə madə̄ ba̰ā̰í gə̄ ō.

MISE 4:7

Ngé gə̄ ń əngen̄ do ní, m-ā m̄-rāādə́ kadə̄ a télən̄ i gír de gə̄ kə́ a ndin̄ kə kumdə́. A̰á̰ā̰, ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-rāādə́ kadə̄ a télən̄ i nápar de gə̄ kə́ tɔ́gə́də́ i ngá̰ý. Loo ń noō tə́ mā Kɔ́ɔ̄ɓē m-ā m̄-tél i mban̄g yādə́, dɔ mbal̄ bo kə́ Siyo̰ tə́, i kum mbang ngeé ń noō tə́ ō, i kə́ njɔ́ḿ gə̄ tə́ ō.

DANIEL 7:18

Gō tə́ anī ngé kə́ táĺ gə̄ yā Nə́ɓā kə́ dɔɔ́ sa̰y ngá̰ý a əngen̄ ko̰o̰ ɓē ō, a ngɔ̄mə̄n̄ ko̰o̰ ɓē ní tām̄ yādə́ tə́ kə́ njɔ́ḿ gə̄ tə́ ō.

GALATƏ 3:29

Tɔdɔ̄ sḭḭ̄ malang i de kə́ kógə̄ḿ beē gə̄, sɔɔ̄ń ɓoo kə́ ī-ɓooī naā kə Kərist. Adə̄ ré sḭḭ̄ i de gə̄ yā Kərist anī, sḭḭ̄ i gír kaa yā Abəraham ō, ngé kənge yá̰a̰ gə̄ ń Nə́ɓā ənī míndən yā kadə̄də́ ní ō.

Makətūbə̄ ń Pol ndang adə̄ Rom gə̄ ní 9:6

Adə̄ yá̰á̰ ń Nə́ɓā ənī míndən yā rāā ní, ni-rāā aĺ i mbée a? Najə̄ m̄-sāā kəda ní n noó alé. Tɔdɔ̄ de gə̄ malang ń nin̄ i gír yā Israel tə́ ní, nin̄ i Israel kə́ rɔ̄kum gə̄ malang alé.

GALATƏ 6:16

De gə̄ malang ń unən̄ gō róbə́ ń toō, kə deē yā Nə́ɓā gēé ní, ādə̄ Nə́ɓā adə̄də́ kem sɔl̄ lɔm ō, a̰a̰ kum tō ndoō yādə́ ō.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

MATIYE 1:1

Makətūbə̄ gír kaa Jeju Kərist n toó: Ni i ngōn̄ kaa Dabid kə́ ngōn̄ kaa Abəraham.

ABƏDIAS 1:21

Nin̄ a tetən̄ rɔ̄ɔ̄ ō, a alə̄n̄ dɔ mbal̄ Siyo̰ tə́ ō. Nin̄ a ndin̄ i loo ń noō tə́ n a o̰ō̰n̄neé ɓē dɔ ɓē kə́ Edom tə́ ní. Kɔ́ɔ̄ɓē a ndi mban̄g!

2 SAMUEL 7:13

I ni n a rāā kújə yāḿ ní, ba mā m-ā m̄-rāā kadə̄ kōr̄ kāgə̄ yān a ndi ngan̄g ngándáńg.

PĀ GƏ̄ 89:4

Ḭ̄ ə́da na ə́hɔ madə̄ naā kə deē ń ī-gə̄rān ní, ī-túbə kə rɔ̄í ādə̄ nge kəla yāí Dabid, ə́da na:

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

IJAI 16:5

Loo ń noō tə́ ngōn̄ kaa Dabid a ndi dɔ kōr̄ kāgə̄ mbang yā Dabid tə́, ko̰o̰ ɓē yān a too ngándáńg kə ta kūl̄ kem majə yāí. Ni a to tītə̄ nge gān̄g sarya kə́ əndā kumən gír ɓōĺ ndū najə̄ tə́ ō, təngā loo gān̄g sarya kə́ gōtə́ tə́ ō.

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

DANIEL 4:34

Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.

DANIEL 6:26

Gō tə́ anī mban̄g Darius ndang najə̄ ń toō əlań adə̄ de gə̄ ń gíŕdə́ ō nápardə́ ō ta yādə́ ō i tayā tayā á ndin̄ dɔ nang tə́ malang ní: m̄-ndə̄ngā kadə̄ ī-ndiī lápə́ya ngá̰ý!

Najə̄ kə́ Majə yā Jeju ń Luk ndang ní 1:34

Anī Mari əda de kə́ dɔ rā̰ tə́ ní na: m̄-ger̄ dəngam aĺ ɓáý ní yá̰á̰ ní a rāā yá̰a̰ i ba̰ý?