Najə̄ kə́ Majə yā Jeju ń Luk ndang ní 1:20 - Bibəl ta Sar̄

²⁰ Banī ḭ̄ ī-taā kem najə̄ yāḿ ń a rāā yá̰a̰ i kə kum mbangneé ní alé. I beé ní kəlā ndo̰o̰í a do̰ō̰ naā adə̄ ā ásə kɔr̄ najə̄ alé, bátə́ ndɔ̄ ń yá̰a̰ gə̄ ń noō a rāān̄neé yá̰á̰ tə́ ní.

Bible sar

²⁰ Banī ḭ̄ ī-taā kem najə̄ yāḿ ń a rāā yá̰a̰ i kə kum mbangneé ní alé. I beé ní kəlā ndo̰o̰í a do̰ō̰ naā adə̄ ā ásə kɔr̄ najə̄ alé, bátə́ ndɔ̄ ń yá̰a̰ gə̄ ń noō a rāān̄neé yá̰á̰ tə́ ní.

Najə̄ kə́ Majə yā Jeju ń Luk ndang ní 1:20 Referans Kwoze

EJEKIEL 3:26

M-ā m̄-rāā kadə̄ ndo̰í a tə́ya̰ kem taí tə́, kadə̄ gír kəla ndo̰í do̰ō̰ naā yā kadə̄ ā ɔ̄r̄ najə̄ alé, adə̄ ā ásə́ ndán̄g gír de kə́ ngé dum̄ naā gə̄ ń noō to̰ alé.

EJEKIEL 24:27

Ndɔ̄ ngeé ń noō tə́ ní, gír kəlā ndo̰í a do̰ō̰ naā to̰ alé, ā ī-tél yā kɔr̄ najə̄ gogə́, adə̄ ā ɔ̄r̄ najə̄ kə deē ń teē ta yo tə́ ní. Ā ī-tél i de kə́ nge tāā ngán Israel gə̄, loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

JEJU TEĒ KUM JA̰A̰ 3:19

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

Najə̄ kə́ Majə yā Jeju ń Luk ndang ní 1:22

Ba dan ń ni teē anī asə kɔr̄ najə̄ sedə́ alé. Loo ń noō tə́ nin̄-gerə̄n̄ kadə̄ ni-a̰a̰ yá̰á̰ kógə̄ḿ kem kújə yā Kɔ́ɔ̄ɓē tə́. Ni ɔjədə́ yá̰a̰ i kə jīneé tá ba asə kɔr̄ najə̄ sedə́ alé.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

2 TIMOTE 2:13

Ré jḭḭ̄ jə-raī dɔ ndūjí tə́ aĺ anī, ni a ra dɔ ndūn tə́, tɔdɔ̄ ni-asə rāā yá̰á̰ kə́ rang kum gotə yá̰á̰ ń tan əda ní alé.

Najə̄ kə́ Majə yā Jeju ń Luk ndang ní 1:45

Rɔ̄nel̄ i kə dəyá̰ ń taā kem ní. Tɔdɔ̄ yá̰á̰ ń Kɔ́ɔ̄ɓē əla ədan najə̄n ní a rāā yá̰a̰ rɔ̄kum.

MARK 16:14

Gō tə́ anī, ni-teē hɔy kə̄ rɔ̄ ngé kə́ kutə gidə i kógə̄ḿ gə̄ tə́, dan ń ndi a əsan̄ yá̰á̰ ní. Ni ibədə́ tām̄ taā kem najə̄ aĺ yādə́ tə́ ō, tām̄ kem ngan̄g yādə́ tə́ ō.

MARK 9:19

Anī Jeju tél ədadə́ na nin̄ i gír kojə kə́ taā kem aĺ gə̄, ké i bátə́ ta kə́ rə́ngáý tə́ n kadə̄ n-ndiń sedə́ ō, kə n-tə́gań tan dɔdə́ tə́ ō ní wa. Əda na kə reēn̄ kə ngōn̄ ní rɔ̄n tə́ laā.

2 MBAN̄G 7:19

nge kətō der yā mban̄g əda deē yā Nə́ɓā na ká ré Kɔ́ɔ̄ɓē mbutəń i ko̰rō̰ kújə gə̄ dɔ rā̰ tə́ gə̄gē anī, najə̄ ń ə́da noó na a reē yā kudə gírí nəkɔ́ a? Ba Elije tél ədan na: Majə, ā á̰a̰ā̰ kə kumií ba a ɔdə taí alé.

2 MBAN̄G 7:2

Nge kətō der yā mban̄g ń mban̄g ndə̄nā rɔ̄n dɔ jīn tə́ ní tél əda deē yā Nə́ɓā na: Ká ré Kɔ́ɔ̄ɓē mbútəń i ko̰rō̰ kújə gə̄ dɔ rā̰ tə́ gə̄gē anī, yá̰á̰ ń ə́da noō a reē yā kudə gíŕ nəkɔ́ a? Anī Elije tél ədan na: Majə, ā á̰a̰ā̰ kə kumií ba a ɔdə taí alé.

TƏ́DA 20:12

Banī Kɔ́ɔ̄ɓē əda Moijə nin̄ kə Aaro̰ na: Sḭḭ̄ ī-taāī kemḿ ɔ́jiīń kə̄ ndágá ta kum ngán Israel gə̄ tə́ kadə̄ mā i de kə́ táĺ aĺ ɓá ní, i sḭḭ̄ n ā āwī kə ngé kán̄ naā gə̄ ń toō yā kugə̄ sedə́ dɔ nang ń m-ādə̄də́ tə́ ní alé.

Teē Ngán Israel gə̄ 4:11

Kɔ́ɔ̄ɓē tél əda Moijə na ké i náā n i nge kəɓā ta deē ní wa. Ké i náā n i nge rāā kadə̄ gír kəlā ndo̰ deē do̰ō̰ naā aláa kadə̄ deē téĺ mbíkī ní wa, kadə̄ kum deē a̰a̰ loo aláa kadə̄ deē tél mundō ní wa. Ké i ni Kɔ́ɔ̄ɓē aĺ wa.

Makətūbə̄ ń Pol ndang adə̄ Rom gə̄ ní 3:3

Ba ré ngé kə́rēý gə̄ dandə́ tə́ ngɔ̄mə̄n̄ najə̄ gə̄ ń toō aĺ anī, kə yā kəda na i rí? Kadə̄ Nə́ɓā na a ndi dɔ míndən tə́ alé tām̄ nin̄ na ngɔ̄mə̄n̄ najə̄ yān gə̄ alé a?

DANIEL 10:15

Dan ń deē ní a ɔr̄ najə̄ gə̄ ń noō seḿ ní, m-ə́la dɔḿ nang tə́ kɔ̄ɔ́ ō, m-ɔ̄r̄ najə̄ aĺ ō.

Najə̄ kə́ Majə yā Jeju ń Luk ndang ní 1:19

Anī de kə́ dɔ rā̰ tə́ ní tūr̄ ədan na: Mā i Gabəriyel, nge ra ta kum Nə́ɓā tə́ yā kaw̄ń kəla yān. Nə́ɓā əlam̄ kadə̄ m̄-reē m-ɔ̄r̄ najə̄ seí ō, kadə̄ m̄-reē kə Najə̄ kə́ Majə ń toō m-ə́daī ō.

Najə̄ kə́ Majə yā Jeju ń Luk ndang ní 1:21

Kósə de gə̄ ra a ngóōn̄ Jakari ō, ɔr kumdə́ tām̄ ni-na̰y ngá̰ý kem kújə yā Kɔ́ɔ̄ɓē tə́ ō.

Najə̄ kə́ Majə yā Jeju ń Luk ndang ní 1:64

Anī kə̄ ta jī tə́ noō ta Jakari ndɔ̄bə̄ ō, gír kəlā ndo̰n tútə ō, adə̄ a ɔr̄ najə̄ ō, tɔ̄ȳ Nə́ɓā ō.