Najə̄ kə́ Majə yā Jeju ń Luk ndang ní 1:17 - Bibəl ta Sar̄

¹⁷ Ni a njə̄rā kété no Nə́ɓā tə́ kə Ndíl yā Nə́ɓā kə́ tɔ́gən i ngá̰ý ń Eli nge koō ta a rāań yá̰á̰ kété ní ō, a tūr̄ kem bɔbə̄ ngán gə̄ kə̄ rɔ̄ ngáńdə́ gə̄ tə́ ō, a rāā kadə̄ ngé mbātə́ najə̄ ta Nə́ɓā tə́ gə̄ gírə̄n̄ yá̰á̰ ń de kə́ súmūú gə̄ a gírə̄n̄ ní ō, yā kadə̄ ngán Israel gə̄ ngá̰ý əndān̄neé dɔ rɔ̄də́ danaá tām̄ yā Kɔ́ɔ̄ɓē tə́.

Bible sar

¹⁷ Ni a njə̄rā kété no Nə́ɓā tə́ kə Ndíl yā Nə́ɓā kə́ tɔ́gən i ngá̰ý ń Eli *nge koō ta a rāań yá̰á̰ kété ní ō, a tūr̄ kem bɔbə̄ ngán gə̄ kə̄ rɔ̄ ngáńdə́ gə̄ tə́ ō, a rāā kadə̄ ngé mbātə́ najə̄ ta Nə́ɓā tə́ gə̄ gírə̄n̄ yá̰á̰ ń de kə́ súmūú gə̄ a gírə̄n̄ ní ō, yā kadə̄ ngán *Israel gə̄ ngá̰ý əndān̄neé dɔ rɔ̄də́ danaá tām̄ yā Kɔ́ɔ̄ɓē tə́.

Najə̄ kə́ Majə yā Jeju ń Luk ndang ní 1:17 Referans Kwoze

MATIYE 11:14

Ba ré ī-ndigiī ger̄ kum najə̄ ń toō anī, Eli ń kadə̄ a reē ní i Ja̰a̰.

Najə̄ kə́ Majə yā Jeju ń Luk ndang ní 1:76

Ba ḭ̄ ngōnə̄ḿ, a ɓāŕnī na i nge koō ta yā Nə́ɓā kə́ dɔɔ́, tɔdɔ̄ ā ī-njə̄rā kété no Kɔ́ɔ̄ɓē tə́ yā rāā gō róbə yān ō,

JA̰A̰ 3:28

Najə̄ ń m-ə́dá ní sḭḭ̄ kɔ́ gə̄ i de kə́ kum tə́ gə̄, m-ə́da na: Mā i Kərist alé, banī əlamə̄n̄ i mbéé kété non tə́.

PĀ GƏ̄ 78:8

Ɓáa nin̄ a ton̄ tītə̄ kaadə́ gə̄ alé. Kaadə́ gə̄ i ngé dɔ ngan̄g gə̄ ō, ngé mbātə́ najə̄ gə̄ ō, ngé kem jōó gə̄ ō, ngé ra dɔ ndūdə́ tə́ kə Nə́ɓāá aĺ gə̄ ō.

1 YÁ̰A̰ GƏ̄ 29:18

Kɔ́ɔ̄ɓē, Nə́ɓā yā kaají Abəraham ō, kaají Isaak ō, kaají Israel ō, ī-rāā ādə̄ ndíl deē yāí gə̄ ndigə yá̰á̰ kə́ beē ngándáńg ō, ī-tūr̄ kemdə́ kə ngangá kum kə̄ rɔ̄í tə́ ō.

JEJU TEĒ KUM JA̰A̰ 20:4

Gō tə́ anī m-á̰a̰ kōr̄ kāgə̄ mbang gə̄. Ba de gə̄ ń reē ndin̄ dɔ tə́ ní, adə̄n̄də́ ta róbə kadə̄ gāngə̄n̄ sarya. Tá m-á̰a̰ de gə̄ ń tə́gān̄ míndə́də́ gángə̄n̄ kə kə̄ngāá tām̄ najə̄ kə́ kum tə́ yā Jeju tə́ ō, tām̄ najə̄ yā Nə́ɓā tə́ ní ō. De gə̄ ń rɔȳn̄ dā̰ ní aĺ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní tə́ aĺ ō, əndān̄ tə́ré yá̰a̰ nodə́ tə́ aĺ ō, jīdə́ tə́ aĺ ō ní, m-á̰á̰də́ ō. Nin̄-tél ndin̄ kə kumdə́ gogə́, ba o̰o̰n̄ ɓē naā tə́ kə Kərist ɓāl̄ dūbú kógə̄ḿ.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

KOLOSƏ 1:12

Ā ī-ndadī Bɔbə̄jí Nə́ɓā kə rɔ̄nelēé, tɔdɔ̄ ni-rāā adə̄ ásiī kənge yá̰a̰ naā tə́ kə ngé yān gēé kem Ɓē ko̰o̰ yān kə́ loo unjə̄ kow tū tə́ tə́.

PĀ GƏ̄ 111:10

Ɓōĺ ndíl Kɔ́ɔ̄ɓē i ta kəla gír kum kedə̄. Ngé ɓōĺ ndíĺ Kɔ́ɔ̄ɓē gə̄ malang ɔjən̄ kə̄ ndágá kadə̄ nin̄ i de kə́ ngé ger̄ najə̄ gə̄. Tɔ̄ȳ yā Kɔ́ɔ̄ɓē to ngándáńg.

2 TIMOTE 2:21

Deē ń nəkɔ́ tə́gó yá̰á̰ kə́ yḛr gə̄ ń noō rɔ̄n tə́ kɔ̄ɔ́ ní, ni a téĺ jóó kə́ to rɔȳ ō, kə́ ɔrə̄n̄ kam̄ tayā tām̄ yā Nə́ɓā tə́ ō, kə́ to rāā kəla tām̄ yā ngolən tə́ ō, kə́ əndān̄ dɔ danaá tām̄ yā kəla malang kə́ majə tə́ ō.

IJAI 29:24

Ngé gə̄ ń kété gerə̄n̄ kəndā ma̰ȳ yá̰a̰ aĺ ní, a əlan̄ gír ger̄ kəndā ma̰ȳ yá̰a̰. Ngé gē ń kété a tə́dan̄ i tām̄ dɔ yá̰a̰ gə̄ tə́ malang ní, a ndigən̄ kadə̄ ndóōn̄də́ yá̰a̰.

Makətūbə̄ ń Pol ndang adə̄ Rom gə̄ ní 9:23

Nə́ɓā gḛy i kɔjə kɔsə gɔn yān kə́ to ɓōĺ ngá̰ý tām̄ yājí jḭḭ̄ ń kumən o̰o̰n sejí ō, jḭḭ̄ ń nəkɔ́ əndājí dɔ jīn kadə̄ j-udiī kem kɔsə gɔn yān tə́ ní ō.

KƏLA RĀĀ 10:33

M-ə́la kəla gōí tə́ kə̄ ta jī tə́ beē, adə̄ ī-reē ní ī-rāā i yá̰á̰ kə́ majə ngá̰ý. Kə́ ngɔr ń toō tə́ ɓáa jə-ndi malang ta kum Nə́ɓā tə́ laā, yā koō yá̰a̰ malang ń Kɔ́ɔ̄ɓē ədaī na kə ə́dájí ní.

JA̰A̰ 1:34

Mā m-á̰a̰ ō, m-ə́da i yá̰á̰ kə́ m-á̰a̰ kə kumḿ ō, kadə̄ ni i Ngōn̄ Nə́ɓā.

JA̰A̰ 1:13

Ojən̄də́ i kə gō ndigə yā mósə aĺ ō, yā dā̰ rɔ̄ aĺ ō, yā deé aĺ ō, banī i kə gō ndigə yā Nə́ɓā.

Najə̄ kə́ Majə yā Jeju ń Luk ndang ní 1:16

Ni a tél kə ngán Israel gə̄ ngá̰ý yā reē sedə́ gogə́ rɔ̄ Kɔ́ɔ̄ɓē ń i Nə́ɓā yādə́ ní tə́.

MATIYE 14:4

Tɔdɔ̄ Ja̰a̰ ədan na: Taā Herodiad nə̄yá̰ ngōkó̰ó̰í ní i yá̰á̰ kə́ ndū najə̄ yā Nə́ɓā ɔgə̄ kɔ̄ɔ́.

AMOS 4:12

Israel, i tām̄ najə̄ ń noō tə́ n ā á̰á̰ yá̰á̰ ń m-ā m̄-rāā seí ní. Sɔɔ̄ ń yá̰á̰ ń m-ā m̄-rāā yā rāā seí ní, ī-rāā gō rɔ̄í tá kadə̄ ī-ndɔ̄də̄məń mā Nə́ɓā yāí.

PĀ GƏ̄ 10:17

Kɔ́ɔ̄ɓē, ngé tél kə rɔ̄də́ kə̄ nang tə́ gə̄ ní, ḭ̄ ādə̄də́ yá̰á̰ ń ɓōn i kemdə́ tə́ ní. Ī-rāā ādə̄ kemdə́ tetə kə̄ nang tə́ ō, ī-nēl̄ mbīí ōoń ɓār̄ yādə́ ō,

2 YÁ̰A̰ GƏ̄ 29:36

Yá̰á̰ ń Nə́ɓā rāā tām̄ yā ngán Israel gə̄ tə́ ní adə̄ Ejekias rɔ̄nel̄ ō, adə̄ ngán Israel gə̄ malang rɔ̄nel̄ ō, tɔdɔ̄ rāān̄ yá̰á̰ ní i kə̄ ta jī tə́ kanjə̄ kadə̄ deē nɔ̄m̄ kemən kété.

1 MBAN̄G GƏ̄ 21:20

Akab əda Eli na: Madə̄ ba̰ā̰ḿ, ī-téĺ ə́ngem̄ gogə́ ɓáý ḿ? Eli tél ədan na: m̄-tél m-ə́ngeī gogə́ ɓáý to̰ i tām̄ ə́ya̰ rɔ̄í ī-rāań yá̰á̰ kə́ majaĺ ta kum Kɔ́ɔ̄ɓē tə́.

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

1 JA̰A̰ 2:28

I beé ní, ngánə́ḿ kə́ dūú gə̄, ī-ndiī kemən tə́, yā kadə̄ ndɔ̄ ń ni a teē hɔy tə́ anī, jə-ndiī kanjə̄ sōl̄ yá̰á̰ kógə̄ḿ ō, kanjə̄ kadə̄ jḭḭ̄ i sa̰y rɔ̄n tə́ kə rɔ̄sɔlɔ̄ɔ́ ndɔ̄ télən tə́ ō.

MATIYE 3:4

Ja̰a̰ ní o̰ō̰ i kūbə̄ bḭḭ̄ jámbal ō, əhɔ ɓōdə̄n i kə ndārá ō. Yá̰a̰ kəsa yān i yim̄ gə̄ ō, mbar̄ tejə kə́ bembeé ō.

2 MBAN̄G 1:16

Eli əda mban̄g na: Kɔ́ɔ̄ɓē əda na ə́la de gə̄ koō taá rɔ̄ Baal Jebul nə́ɓā kə́ Ekəron tə́, tītə̄ kə́ Nə́ɓā kə́ yā kadə̄ deē aw̄ koō taá rɔ̄n tə́ gətóo Israel tə́ beē ɓá ní, tə̄rá ń ī-to dɔ tə́ toō ā ḭ́ḭ kɔ̄ɔ́ dɔ tə́ karī alé a oy gáŕ.

1 MBAN̄G GƏ̄ 18:18

Eli tél ədan na: I mā n i nge reē kə yá̰á̰ kə́ majaĺ dɔ ɓē kə́ Israel tə́ ní alé, i sḭḭ̄ kə ngééí gēé! Tɔdɔ̄ ī-rāāī gō míndə́ ń Kɔ́ɔ̄ɓē ədasí kadə̄ ī-rāāī ní alé, ba ī-ndɔ̄yī ɓesə̄ Baal gə̄.

1 SAMUEL 7:5

Gō tə́ anī Samuel əda na: Ādī Israel gə̄ kánə̄n̄ naā malang Misəpa na m-ā m̄-ndɔ̄ȳ Kɔ́ɔ̄ɓē tām̄ yāsí tə́ loo ń noō tə́.

MATIYE 3:3

Ijai nge koō ta ɔr̄ najə̄ yā Ja̰a̰ ngeé ń toō kété əda na: Deē kógə̄ḿ un ndūn kə̄ dɔɔ́ ɔrə̄ń najə̄ kem dəla loo tə́ əda na: Ī-rāāī róbə yā Kɔ́ɔ̄ɓē, ī-rāāī ngáń róbə yān gə̄ ādə̄ ran̄ súmūú.