Najə̄ kə́ Majə yā Jeju ń Luk ndang ní 1:15 - Bibəl ta Sar̄

¹⁵ Tɔdɔ̄ ni a tél de kə́ bo ta kum Kɔ́ɔ̄ɓē tə́. Ni a a̰ȳ kasə kan̄ kāgə̄ nduú aĺ ō, a a̰ȳ kasə kə́ rang kə́ ngan̄g aĺ ō. Ndíĺ kə́ Táĺ a rosən dan ń ni i kem kó̰o̰n tə́ ɓáý ní.

Bible sar

¹⁵ Tɔdɔ̄ ni a tél de kə́ bo ta kum Kɔ́ɔ̄ɓē tə́. Ni a a̰ȳ kasə kan̄ *kāgə̄ nduú aĺ ō, a a̰ȳ kasə kə́ rang kə́ ngan̄g aĺ ō. *Ndíĺ kə́ Táĺ a rosən dan ń ni i kem kó̰o̰n tə́ ɓáý ní.

Najə̄ kə́ Majə yā Jeju ń Luk ndang ní 1:15 Referans Kwoze

JEREMI 1:5

Pá tá kadə̄ m-ə̄ɓāī kem kó̰ó̰í tə́ ní, m̄-gerī kɔ̄ɔ́ ɓá. M-ɔ̄r̄ kamīí m-ə̄ndāī tayā kadə̄ ī-tél nge koō ta tām̄ yā nápar de gə̄ tə́.

EPEJƏ 5:18

Ī-lōōī kadə̄ kasə rāāsí, tām̄ nge ń noō i ta róbə rāā yá̰á̰ kə́ gō tə́ aĺ gə̄. Ba ādī Ndíĺ kə́ Táĺ rosə kemsí.

GALATƏ 1:15

Banī Nə́ɓā rajəm̄, ni-gə̄rām̄ dan ń mā i kem kó̰ó̰ḿ tə́ ɓáý ní, ba ɓārə́m̄ kadə̄ m̄-rāā kəla m-ādə̄n.

KƏLA RĀĀ 2:4

Ndíĺ kə́ Táĺ rosə kemdə́ malang, adə̄ ɔrə̄n̄ ta kə́ tayā tayā gə̄, kə gō ń Ndíĺ kə́ Táĺ adə̄ńdə́ kadə̄ ɔrə̄n̄ ní.

Najə̄ kə́ Majə yā Jeju ń Luk ndang ní 7:33

Tām̄ dan ń Ja̰a̰ Batistə reē ní ni-əsa mápa aĺ ō, a̰ȳ kasə kan̄ kāgə̄ nduú aĺ ō, anī sḭḭ̄ ə́daī na ndíĺ kə́ majaĺ na i kemən tə́.

JOJUE 4:14

Ndɔ̄ ń nuū tə́ Kɔ́ɔ̄ɓē rāā adə̄ Jojue tél de kə́ bo ta kum ngán Israel gə̄ tə́ malang, adə̄ nin̄ ɓōlə́n̄ ndílən kə dɔ ndɔ̄ ndin kə kumuú gə̄ malang tītə̄ ń ɓóĺneé ndíl Moijə kété ní.

Najə̄ kə́ Majə yā Jeju ń Luk ndang ní 7:28

Ādə̄ m-ə́dásí, dan de gə̄ malang ń dəyá̰ gə̄ ojən̄də́ tə́ ní, ni kógə̄ḿ kə́ bo tɔȳ Ja̰a̰ gətóo. Ɓá tā ba de kə́ dūú ngá̰ý kə́ kem Ɓē ko̰o̰ yā Nə́ɓā tə́ bo tɔȳn.

1 YÁ̰A̰ GƏ̄ 17:8

Loo malang ń āw̄ tū tə́ ní mā i seí naā tə́ ō, m̄-rāā adə̄ madə̄ ba̰ā̰í gə̄ gətóon̄ kɔ̄ɔ́ noí tə́ malang ō, m-ā m̄-rāā kadə̄ rīí ɓār̄ tītə̄ yā mban̄g kə́ bo ngá̰ý kə́ dɔ nang tə́ gə̄ ō.

JOJUE 3:7

Kɔ́ɔ̄ɓē əda Jojue na: Ɓōólaā m-ā m-ə́lá gír rāā kadə̄ ī-tél de kə́ bo ta kum ngán Israel gə̄ tə́ malang, kadə̄ gerə̄n̄ na mā i seí naā tə́ tītə̄ ń kété mā i naā tə́ kə Moijə ní.

JAKARI 9:15

Kɔ́ɔ̄ɓē kə́ bo kə́ tɔ́gən i ngá̰ý a ngɔ̄m̄ de gə̄ kə́ dan gír deē yān gə̄ tə́. Kɔkərɔ gə̄ kə́ kem bējə̄ gə̄ tə́ ní, nin̄ a nujənə̄ń kɔ̄ɔ́ ō, a tɔ̄ɔ̄n̄ kɔ̄ɔ́ ō. A ɓōkə́n̄ mósə madə̄ ba̰ā̰də́ gə̄ nang tə́ tītə̄ kasə nduú beē. Nin̄ a ɓōkə́n̄ tītə̄ mósə dā̰ kə́ tɔ̄l̄ yā tun̄ beé, kem bay ndējə̄ yá̰á̰ tə́, aláa tītə̄ mósə́ kə́ ɓōkə́ tū gajə gə̄ kə́ kíl loo tun̄ yá̰á̰ tə́ beē.

PĀ GƏ̄ 22:9

Nin̄ ədan̄ najə̄ dɔḿ tə́, ədan̄ na: Ni əya̰ rɔ̄n kem jī Kɔ́ɔ̄ɓē tə́ ní, ādə̄ Kɔ́ɔ̄ɓē ɔrə̄n kɔ̄ɔ́ kum yá̰á̰ kə́ ngan̄g tə́ tā! Kɔ́ɔ̄ɓē tárən ní ādə̄ ajən tā!

1 YÁ̰A̰ GƏ̄ 29:12

Yá̰a̰ kənge ō, kɔsə gɔn ō, ḭḭn̄ i rɔ̄í tə́ ō, i ḭ̄ n ó̰o̰ ɓē dɔ yá̰a̰ gə̄ tə́ malang ní ō. Tɔ́gə ō, ngan̄g ō, i kem jīí tə́. Kɔsə yá̰a̰ kə̄ dɔɔ́ ō, kadə̄ yá̰á̰ tɔ́gə ō, i kəla rāāí.

TA KƏLA 48:19

Ba bɔbə̄n mbātə́ ədan na n-ger̄. N-ger̄ kadə̄ na a tél gír de kə́ ngá̰ý gə̄ ō, na a reē de kə́ bo ō, banī ngōkó̰o̰n kə́ dūú tá na a reē de kə́ bo tɔȳn ō, ngán kemən gə̄ na a télən̄ nápar de kə́ ngá̰ý gə̄ ō.

TA KƏLA 12:2

M-ā m̄-rāā kadə̄ ā ī-tél kaa nápar de kə́ ngá̰ý gə̄. M-ā m̄-rāā majə seí ō, m-ā m̄-rāā kadə̄ rīí ɓār̄ ngá̰ý ō. De gə̄ a tɔ́rə̄n̄ tadə́ dɔ naā tə́ i kə rīí ō.

JA̰A̰ 5:35

Ja̰a̰ i lámbá ń əndān̄ hor tū tə́ a unjə̄ ní, ba sḭḭ̄ ī-ndigiī rāā rɔ̄nel̄ gō hor yān ní tə́ sḛ́ý.

LEBI GƏ̄ 10:9

Ni ō, ngánən gə̄ ō, ní ré na a rāān̄ yā kaw̄ kə̄ kem kújə kənge naā tə́ anī, kə aȳn̄ kasə nduú aĺ ō, kasə kə́ rang aĺ ō, na sōgə́ óyn̄. Nge ń noō na i ndū najə̄ kə́ a to ngándáńg tām̄ yā ngáńdə́ gə̄ tə́ ō, ngán kaadə́ gə̄ tə́ ō.

JEREMI 35:6

Nin̄ tél ədan̄ na: Jḭḭ j-a̰ȳ kasə nduú alé. Kaají Yonadab, ngōn̄ Rekab adə̄jí ndūn əda na: Sḭḭ̄ ō, ngáńsí gə̄ ō ā ā̰yī kasə nduú aĺ bátə́.

Najə̄ kə́ Majə yā Jeju ń Luk ndang ní 1:14

Rɔ̄í a nelī ngá̰ý najə̄ yā ngōn̄ ní tə́ ō, de gə̄ ngá̰ý a rāān̄ rɔ̄nel̄ kojən ō.