Najə̄ kə́ Majə yā Jeju ń Luk ndang ní 1:13 - Bibəl ta Sar̄

¹³ Banī de kə́ dɔ rā̰ tə́ ní ədan na: Jakari, ī-ɓōĺ alé, tɔdɔ̄ Nə́ɓā oō ndɔ̄ȳ yāí. Nə̄yá̰í Elijabet a ojə ngōn̄ kə́ dəngam yā kadī, ba ā ə̄ndā rīn na i Ja̰a̰.

Bible sar

¹³ Banī *de kə́ dɔ rā̰ tə́ ní ədan na: Jakari, ī-ɓōĺ alé, tɔdɔ̄ Nə́ɓā oō ndɔ̄ȳ yāí. Nə̄yá̰í Elijabet a ojə ngōn̄ kə́ dəngam yā kadī, ba ā ə̄ndā rīn na i Ja̰a̰.

Najə̄ kə́ Majə yā Jeju ń Luk ndang ní 1:13 Referans Kwoze

KƏLA RĀĀ 10:31

ba ədam̄ na: Kɔrney, Nə́ɓā oō ndɔ̄ȳ yāí ō, dɔn ndígə̄nal rāā ń ī-rāā kə ngé ndoō gēé ní aĺ ō.

1 SAMUEL 2:21

Kɔ́ɔ̄ɓē dḭḭ̄ Ana adə̄ ojə ngáń kə́ dəngam gə̄ mətá ō, kə́ dəyá̰ gə̄ jōó ō ɓáý to̰. Ba Samuel ń ni i ngōn̄ ní tɔgə kə̄ ta kum Kɔ́ɔ̄ɓē tə́.

PĀ GƏ̄ 113:9

Ni-əndā dəyá̰ kə́ kujə kújə ngaawaá, ba rāān adə̄ téĺ kó̰ó̰ ngán gə̄ kə́ rɔ̄n nelə̄n. Aleluya!

TA KƏLA 25:21

Isaak rāā Kɔ́ɔ̄ɓē ɓɔ́ tām̄ yā nə̄yá̰n tə́, tɔdɔ̄ nə̄yá̰n i dəyá̰ kə́ kujə. Anī Kɔ́ɔ̄ɓē a̰a̰ kum tō ndoō yān, adə̄ nə̄yá̰n Rebeka un mósə ngōn̄, ndān̄ i ndəngā gə̄.

Najə̄ kə́ Majə yā Jeju ń Luk ndang ní 2:21

Ojənən̄ rāā ndɔ̄ sɔ́sɔ́ anī ndɔ̄ kəja mɔtən asə. Nin̄-əndān̄ rīn na i Jeju. I rī ngeé ń kó̰o̰n ndānən aĺ ɓáý anī de kə́ dɔ rā̰ tə́ əndā dɔn tə́ ní.

PĀ GƏ̄ 118:21

Kɔ́ɔ̄ɓē, m-ā m̄-ɓōkíī tɔ̄ȳ tām̄ ī-ndigə ɓār̄ yāḿ, m̄-tetə rɔ̄ɔ̄ i kə ta kūlīí.

TA KƏLA 18:14

Yá̰á̰ kə́rēý kə́ dum̄ Nə́ɓā i noó a? Ɓāl̄ kə́ gogə́ tə́ m-ā m̄-tél yā reē ɓēé looí, ɓáa Sara a aw̄ kə ngōn̄ kə́ dəngam kógə̄ḿ jīn tə́.

MATIYE 14:27

Banī Jeju ɔr̄ najə̄ sedə́ kə̄ ta jī tə́ beē, ədadə́ na kə əhɔn̄ kemdə́ ngan̄g na i ni ba kə lōōn̄ ɓōĺ.

TA KƏLA 17:19

Nə́ɓā tél ədan na: Rɔ̄kum, nə̄yá̰í Sara a ojə ngōn̄ kə́ dəngam seí kadə̄ ā ə̄ndā rīn na i Isaak. M-ā m-ə́hɔ madə̄ naā seneé ō, kə ngán kaan gēé gotən tə́ ō. I madə̄ naā kə́ a to ngándáńg.

MATIYE 28:5

De kə́ dɔ rā̰ tə́ ní əda dəyá̰ gə̄ na: Sḭḭ̄ ī-lōōī ɓōĺ, m̄-ger̄ kadə̄ ā ī-sāāī i Jeju ń əndanən̄ kə máyá̰ tū kāgə̄ kə́ dēsə́ tə́ ní.

DANIEL 10:12

Ni ədam̄ ɓáý to̰ na: Daniel, ī-lōō ɓōĺ! Tɔdɔ̄ əla gír ndɔ̄ ń ī-gḛy gerə̄ń kum yá̰a̰ gə̄ ń rāān̄ yá̰a̰ ō, ī-gḛy sɔlə̄ń dɔí kə̄ kə̄ no Nə́ɓā yāí tə́ ō ní, Nə́ɓā oō ndɔ̄ȳ yāí adə̄ m̄-reē i tām̄ najə̄ kɔrīí tə́.

NGÉ SARYA 6:23

Banī Kɔ́ɔ̄ɓē ədan na: Ādə̄ kemií sɔl̄, ī-ɓōl alé na ā óy alé.

TA KƏLA 17:10

Yá̰á̰ ń m-ə̄ndā dɔsí tə́ kə ngán kaaí gēé kadə̄ ī-rāāī ní n toó: Dəngam gə̄ malang a əjan̄ mɔtədə́.

Najə̄ kə́ Majə yā Jeju ń Luk ndang ní 1:30

Anī de kə́ dɔ rā̰ tə́ ní ədan na: Mari, ī-ɓōĺ alé, tɔdɔ̄ Nə́ɓā rajiī.

IJAI 8:3

Gō tə́ anī m-āw̄ m̄-ɓīī kə nge koō ta kə́ dəyá̰ ń i nə̄yá̰ḿ ní. Ni ndān̄ ngōn̄, ba ojə ngōn̄ kə́ dəngam. Anī Kɔ́ɔ̄ɓē ədam̄ na: Ə̄ndā rīn na i kaw̄ láẃ nār̄ yá̰a̰, kɔy yá̰a̰ kənge dɔ gúú tə́.

OJEE 1:6

Gomer ndān̄ ngōn̄ ɓáý to̰ ba ojə ngōn̄ kógə̄ḿ kə́ dəyá̰. Anī Kɔ́ɔ̄ɓē əda Ojee na kə əndā rī ngōn̄ ní na i Loo Ruhama ń kumən na i tárəm̄ alé ní. Tɔdɔ̄ m-ā m̄-ɔ́jə́ tár kə̄ ndágá tām̄ yā de gə̄ kə́ Israel tə́ to̰ alé, m-ā m̄-táŕdə́ to̰ aĺ i kə́ bátə́ gə̄ tə́.

OJEE 1:4

Anī Kɔ́ɔ̄ɓē əda Ojee na kə əndā rīn na i Isreel, tɔdɔ̄ sḛ́ý laā anī, m-ā m̄ rɔ̄ɔ̄ kə kojə yā mban̄g Yehu najə̄ yā mósə́ ń ɓōkə́n̄ nang tə́ wól loo kə́ Jisreel tə́ ní. M-ā m̄-nujə ko̰o̰ ɓē yā mban̄g kə́ dɔ nang kə́ Israel tə́ kɔ̄ɔ́.

MARK 16:6

Ī-lōōī kadə̄ ndíĺsí a̰ȳ. Ā ī-sāāī i Jeju kə́ Najaret ń əndanən̄ kə máyá̰ tū kāgə̄ kə́ dēsə́ tə́ ní. Ni-oy ba ndól̄ kɔ̄ɔ́, gətóo laā, á̰a̰ī loo ń ənīnən̄ tū tə́ ní n toó.

MATIYE 1:21

Ni a ojə ngōn̄ kə́ dəngam, ba ḭ̄ ā ə̄ndā rīn na i Jeju, tɔdɔ̄ i ni n a ajə gír deē yān gə̄ kum majaĺ yādə́ gə̄ tə́ ní.

Najə̄ kə́ Majə yā Jeju ń Luk ndang ní 1:14

Rɔ̄í a nelī ngá̰ý najə̄ yā ngōn̄ ní tə́ ō, de gə̄ ngá̰ý a rāān̄ rɔ̄nel̄ kojən ō.