LEBI GƏ̄ 4:2 - Bibəl ta Sar̄

² kəda ngán Israel gə̄ n: Ré deē kógə̄ḿ rāā yá̰á̰ ń ndū najə̄ yā Kɔ́ɔ̄ɓē ɔgə̄ rāā ní, ba rāā i kə gō ndigə yānneé alé, mān̄ i dɔ ndū najə̄ kógə̄ḿ beē ngóy anī,

Bible sar

² kəda ngán *Israel gə̄ n: Ré deē kógə̄ḿ rāā yá̰á̰ ń ndū najə̄ yā Kɔ́ɔ̄ɓē ɔgə̄ rāā ní, ba rāā i kə gō ndigə yānneé alé, mān̄ i dɔ ndū najə̄ kógə̄ḿ beē ngóy anī,

LEBI GƏ̄ 4:2 Referans Kwoze

HEBƏRO 9:7

Ba i ngol ngé tun̄ yá̰a̰ gə̄ ngóy n i nge kudə kem kújə́ tandā kə́ nge ko̰ jōó tə́ ní. Ni a udə kemeé i nja kógə̄ḿ kem ɓāl̄ kógə̄ḿ, kə mósə dā̰á̰ yā ndējə̄ Nə́ɓā tām̄ majaĺ yān nəkɔ́ tə́ ō, yā ngán Israel gə̄ tə́ ō.

PĀ GƏ̄ 19:12

Kɔ́ɔ̄ɓē, mā nge kəla yāí m̄-ger̄ yá̰a̰ i kə ta kūl̄də́ ō, rāān̄ seḿ ngá̰ý dan ń m-ún gōdə́ ní ō.

LEBI GƏ̄ 4:27

Ré i de kə́ karī kə́ kem ɓēé n mān̄ dɔ ndū najə̄ yā Kɔ́ɔ̄ɓē kə gō kem ndigə yānneé alé, adə̄ rāā yá̰á̰ kə́ ndū najə̄ kógə̄ḿ yā Kɔ́ɔ̄ɓē ɔgə̄ rāā anī, najə̄ i dɔn tə́.

JAKƏ 3:10

Tɔ́r̄ ta ō, ndɔ̄ĺ ō, teēn̄ i tají kə́ kógə̄ḿ beē tə́. Ngákó̰ó̰ḿ gə̄, majə kadə̄ i tītə̄ ń noō alé.

HEBƏRO 5:2

Ngé gə̄ ń gerə̄n̄ yá̰a̰ aĺ ō, ndúmə̄n̄ ō ní, ni a asə ger̄ kum sedə́, tām̄ tɔ́gə gətóo yān nəkɔ́ ngá̰ý ō.

1 TIMOTE 1:13

Mā ń kété m̄-ndájə̄ najə̄ dɔn tə́ ō, m̄-rāā kumən ndoō tə́ ō, m̄-rāān majaĺ ngá̰ý ō ní. Banī Nə́ɓā a̰a̰ kum tō ndoō yāḿ, tām̄ dan ń noō tə́ ní, m̄-taā kem Kərist alé. Tɔdɔ̄ m̄-rāā yá̰a̰ i kə́ de kə́ ger̄ yá̰a̰ aĺ tə́.

1 SAMUEL 14:27

Ba Jonatan ger̄ kadə̄ bɔbə̄n əndā gúu dɔ de gə̄ tə́ kadə̄ túbən̄ alé. Adə̄ ni-əla ta kāgə̄ ń jīn tə́ ní ɔdəń yibə̄ tejə aw̄ń tan tə́. Loo ń noō tə́ kumən a̰a̰ loo ráráńg.

NDŪ NAJƏ̄ 19:4

I deē ń tɔ̄l̄ deē ba i kə gō kem ndigə yānneé aĺ ō, kanjə̄ kimə̄n kemən tə́ kété ō, ní ngóy n a ɓɔ̄ɔ̄ rɔ̄n kem ɓē gə̄ ní tə́ yā kajəń rɔ̄n ní.

LEBI GƏ̄ 4:22

Ré i ngār n mān̄ dɔ ndū najə̄ yā Kɔ́ɔ̄ɓē Nə́ɓā yān ba i kə gō kem ndigə̄ yānneé aĺ gə̄gē, adə̄ ni-rāā yá̰á̰ kə́ ndū najə̄ kógə̄ḿ yā Kɔ́ɔ̄ɓē ɔgə̄ rāā anī, najə̄ i dɔn tə́.

LEBI GƏ̄ 4:13

Ré ngán Israel gə̄ malang n rāān̄ yá̰á̰ kógə̄ḿ kə́ ndū najə̄ yā Kɔ́ɔ̄ɓē ɔgə̄ rāā, ká ré rāān̄ yá̰á̰ ní i kə gō kem ndigə yādə́ aĺ ō, gerə̄n̄ gō aĺ ō, anī nin̄-mānə̄n̄ i dɔ ndū najə̄ kógə̄ḿ yā Kɔ́ɔ̄ɓē tə́, adə̄ najə̄ i dɔdə́ tə́,

TA KƏLA 20:9

Abimelek ɓāŕ Abəraham ədan na: I rí kə́ beé n ī-rāā sejí toō? I rí kə́ tōr̄ n m̄-rāā seí á ī-rāājí ādə̄ jə-rāā majaĺ kə́ bo beé, mā ō, de kə́ kem ɓē ko̰o̰ yāḿ tə́ gə̄ ō ní? Deē a rāā yá̰á̰ kə́ beé seḿ māá alé.

LEBI GƏ̄ 4:1

Kɔ́ɔ̄ɓē mēr̄ Moijə

LEBI GƏ̄ 22:14

Ré de kə́rēý əsa yá̰á̰ kə́ táĺ ní gō ger̄ aĺ tə́ anī, a əgā nge tun̄ yá̰a̰ kə̄rā ō, a ənī manə̄n dɔ tə́ ō.

TƏ́DA 35:11

ī-gə̄rāī ɓē kə́rēý gə̄ kadə̄ télən̄ ɓē ɓɔ̄ɔ̄ rɔ̄ gə̄. Deē ń tɔ̄l̄ deē ba i kə gō kem ndigə yānneé aĺ ní, kɔ́ɔ̄ a a̰ȳ yā kaw̄ ɓɔ̄ɔ̄ rɔ̄n kemeé.

KOHELET 5:6

Najə̄ kə́ kɔr̄ ngá̰ý ō, nī kə́ ngá̰ý ō i yá̰á̰ kə́ kanjə̄ kumən gə̄. I beé ní, ī-ɓōĺ ndíĺ Nə́ɓā.

PĀ GƏ̄ 19:13

I náā n kumən teē dɔ yá̰á̰ kə́ rāā gō ger̄ aĺ tə́ ní? Ī-māȳ rɔ̄í dɔ yá̰á̰ kə́ gōtə́ aĺ ń m̄-rāā ba m̄-ger̄ alé ní tə́.