LEBI GƏ̄ 3:3 - Bibəl ta Sar̄

³ Ba man̄g ngeé ń noō ní yá̰a̰ gə̄ kə́ yā róō horoó kadə̄ Kɔ́ɔ̄ɓē i yibə̄n kə́ gidə tiīn gə̄ tə́ malang ō,

Bible sar

³ Ba man̄g ngeé ń noō ní yá̰a̰ gə̄ kə́ yā róō horoó kadə̄ Kɔ́ɔ̄ɓē i yibə̄n kə́ gidə tiīn gə̄ tə́ malang ō,

LEBI GƏ̄ 3:3 Referans Kwoze

Teē Ngán Israel gə̄ 29:13

Ā ɔ̄r̄ yibə̄n kə́ dɔ tiīn gə̄ tə́ malang ō, wurən ō, mənjon kə́ jōó gə̄ naā tə́ kə yibə̄də́ kə́ gidədə́ tə́ ō, yā róō dɔ loo tun̄ yá̰á̰ tə́.

MATIYE 15:8

De gə̄ ń toō rɔȳmə̄n̄ i kə tadə́ karī, ba kemdə́ i sa̰y rɔ̄ḿ tə́.

Teē Ngán Israel gə̄ 29:22

Ā ɔ́y loo bal batə̄ ní kə́ to yibə̄ gə̄: Kə̄lán ō, yibə̄n kə́ gidə tiīn gə̄ tə́ ō, wurən ō, mənjon kə́ jōó gə̄ naā tə́ kə yibə̄də́ kə́ gidədə́ tə́ ō, ā úń ɓúrən kə́ ko̰ó̰ ō, tɔdɔ̄ i bal batə̄ kə́ yā kəndāń deē kem kəla tun̄ yá̰á̰ tə́.

Makətūbə̄ ń Pol ndang adə̄ Rom gə̄ ní 6:6

Banī majə kadə̄ ī-gerī najə̄ ń toō majə: Əndan̄ háĺjí kə́ jóo kə máyá̰ naā tə́ kə Kərist tū kāgə̄ kə́ dēsə́ tə́, yā kadə̄ tɔ́gə rāā majaĺ yā de kə́ loo kōkə̄ ní teē kɔ̄ɔ́ ō, majaĺ rāāńjí ɓəlo tə́ to̰ aĺ ō.

Makətūbə̄ ń Pol ndang adə̄ Rom gə̄ ní 5:5

Ba deē ń əndā kemən dɔ Nə́ɓā tə́ ní, a ənge rɔ̄sɔl̄ loon tə́ alé, tɔdɔ̄ Nə́ɓā əla tár yān kemjí tə́ i kə ta kūl̄ Ndíĺ kə́ Táĺ ń adə̄jí ní.

MATIYE 13:16

Ba sḭḭ̄ i kə rɔ̄nelēé tɔdɔ̄ kumsí a̰a̰ loo ō, mbīsí oō loo ō.

EJEKIEL 36:26

M-ā m-ādə̄sí ngarā̰ kem kə́ kijə ō, m-ā m-ə́la ndíĺ kə́ kijə kemsí tə́ ō. M-ā m-ɔ̄r̄ ngarā̰ kem kə́ ngan̄g tītə̄ mbal̄ kemsí tə́ kɔ̄ɔ́ ba m-ā m-ādə̄sí kem kə́ ndigə yá̰á̰ ń Nə́ɓā gḛy ní.

IJAI 6:10

Ūtə̄ ta róbə kemdə́ kɔ̄ɔ́, ī-rāādə́ ādə̄ mbīdə́ oō loo aĺ ō, ādə̄ kumdə́ a̰a̰ loo aĺ ō. Ɔ̄gə̄ kumdə́ ka̰a̰ loo ō, ɔ̄gə̄ mbīdə́ koō loo ō, ɔ̄gə̄ kemdə́ ger̄ najə̄ ō, i beé tá a tūrə̄n̄ rɔ̄də́ kə̄ rɔ̄ḿ tə́ aĺ ō, a əngen̄ rɔ̄ ngáā aĺ ō.

Gōsə̄ najə̄ gə̄ 23:26

Ngōnə̄ḿ, ādə̄m̄ kemií, ādə̄ rɔ̄í nelī loo kun gō tóo njaḿ tə́.

PĀ GƏ̄ 119:70

Kemdə́ magə́rā kɔ̄ɔ́, banī nelə̄m̄ mā rāā yá̰á̰ ń ndū najə̄ yāí əda ní ngá̰ý.

NDŪ NAJƏ̄ 30:6

Kɔ́ɔ̄ɓē Nə́ɓā yāsí a ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.

LEBI GƏ̄ 3:16

Nge tun̄ yá̰a̰ a róō yá̰a̰ gə̄ ń noō malang dɔ loo tun̄ yá̰á̰ tə́. Nge ń noō i yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n. Loo bə̄yā̰ ní kə́ to yibə̄ gə̄ malang i tām̄ yā Kɔ́ɔ̄ɓē tə́.

LEBI GƏ̄ 1:8

A tə́nīn̄ dā̰ kə́ tɔ́r̄ gə̄ ní ō, yibə̄n ō kum hor tə́.

LEBI GƏ̄ 1:12

Ni a tɔ́r̄ dā̰n ō, gān̄g dɔn ō, a ɔr̄ yibə̄n ō. Gō tə́ anī nge tun̄ yá̰á̰ kógə̄ḿ a tə́nī dā̰ kə́ tɔ́r̄ gə̄ ní ō, dɔn ō, yibə̄n ō, kīr̄ tə́.

LEBI GƏ̄ 3:2

Ni a əndā jīn dɔ tə́ pá tá a əja kɔ́ɔn ta kújə kənge naā tə́ ɓáý. Nge tun̄ yá̰a̰ gə̄ ń i ngán Aaro̰ gə̄ ní a sə̄kān̄ mósən kadə̄ gīr̄ gidə loo tun̄ yá̰a̰.

LEBI GƏ̄ 3:4

mənjon kə́ jōó gə̄ kə yibə̄də́ kə́ gidədə́ tə́ ō, yibə̄n kadə kemən gə̄ tə́ ō, wurən ō. A ɔr̄ wurən i naā tə́ kə mənjon gēé.

1 SAMUEL 2:15

Kə́rēý gə̄ anī pá tá kadə̄ róōn̄ yibə̄ dā̰ ń tɔ̄lə̄n̄ yā tun̄ ní, ngōn̄ nge kəla yā nge tun̄ yá̰a̰ a reē ba a əda deē ń a tun̄ yá̰á̰ ní na: Ādə̄m̄ dā̰ kə́ yā tə́ngā tām̄ yā nge tun̄ yá̰á̰ tə́. Ni a taā dā̰ kə́ ndīr̄ jīí tə́ aĺ bátə́. Ni-ndigə i dā̰ kə́ mbōl̄ ngóy.

LEBI GƏ̄ 4:10

A ɔr̄ yá̰a̰ gə̄ ń noō yā róō horoó dɔ loo tun̄ yá̰á̰ tə́, tītə̄ ń ɔrəń kə́ tū man̄g kə́ bəra kə́ tɔ̄l̄ ba tun̄ tām̄ yā kem kógə̄ḿ tə́ ní.

LEBI GƏ̄ 7:5

Nge tun̄ yá̰a̰ a róōdə́ horoó dɔ loo tun̄ yá̰á̰ tə́. I yá̰á̰ kə́ róō horoó kadə̄ Kɔ́ɔ̄ɓē. Nge ń noō i dā̰ kə́ tun̄ yā kəgāń kə̄rā yá̰á̰ kə́ gōtə́ aĺ kə́ deē rāā.

LEBI GƏ̄ 7:30

Nəkɔ́ a reē kə yibə̄n gə̄ kə́ yā róō horoó yā kadə̄ Kɔ́ɔ̄ɓē kə gō looneé tə́.

LEBI GƏ̄ 9:10

Ni-róō yibə̄ dā̰ ní ō, mənjon gə̄ ō, wurən ō, dɔ loo tun̄ yá̰á̰ tə́ tītə̄ ń Kɔ́ɔ̄ɓē ədań Moijə ní.

LEBI GƏ̄ 16:25

A róō yibə̄ dā̰ gə̄ ń ni tun̄ tām̄ yā majaĺ tə́ ní dɔ loo tun̄ yá̰á̰ tə́.

EJEKIEL 44:15

Dan ń Israel gə̄ əya̰mə̄n̄ mā ń i Kɔ́ɔ̄ɓē ní kɔ̄ɔ́ ní, ngé tun̄ yá̰a̰ gə̄ kə́ gír yā Lebi tə́ ń Sadok ojədə́ ní, rāān̄ kəla kə́ kem loo yāḿ kə́ táĺ tə́, i tām̄ najə̄ ń noō tə́ n i nin̄ ngó̰y n a asən̄ reē rāā kəla kadə̄m̄ ní. Nin̄ a asən̄ ndējə̄m̄ yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō. I mā Kɔ́ɔ̄ɓē Nə́ɓā n m-ə́da najə̄ ń noō kə̄ ndágá ní.