LEBI GƏ̄ 3:1 - Bibəl ta Sar̄

¹ Ré deē kógə̄ḿ gḛ́y ndējə̄ yá̰a̰ kadə̄ tunə̄n̄ tām̄ yā kem kógə̄ḿ tə́ ba i man̄g anī, ādə̄ i man̄g kə́ bəra aláa i kə́ kó̰ó̰ kə́ loon kógə̄ḿ nujə aĺ tá reēń ndējə̄ Kɔ́ɔ̄ɓē tə́.

Bible sar

¹ Ré deē kógə̄ḿ gḛ́y ndējə̄ yá̰a̰ kadə̄ tunə̄n̄ tām̄ yā kem kógə̄ḿ tə́ ba i man̄g anī, ādə̄ i man̄g kə́ bəra aláa i kə́ kó̰ó̰ kə́ loon kógə̄ḿ nujə aĺ tá reēń ndējə̄ Kɔ́ɔ̄ɓē tə́.

LEBI GƏ̄ 3:1 Referans Kwoze

TƏ́DA 6:14

Ni a reē kə yá̰a̰ ndējə̄ yānneé yā kadə̄ Kɔ́ɔ̄ɓē: Bal batə̄ kə́ ɓāl̄ kógə̄ḿ kə́ loon kógə̄ḿ nujə aĺ kadə̄ i yá̰a̰ tun̄ kə́ yā róō horoó ō, mandə̄ batə̄ kə́ ɓāl̄ kógə̄ḿ kə́ loon kógə̄ḿ nujə aĺ kadə̄ i yá̰a̰ tun̄ kə́ tām̄ yā majaĺ tə́ ō, bal batə̄ kə́ loon kógə̄ḿ nujə aĺ kadə̄ i yá̰a̰ tun̄ kə́ tām̄ yā kem kógə̄ḿ tə́ ō.

LEBI GƏ̄ 1:3

Ré yá̰a̰ ndējə̄ yā deē ní i man̄g kə́ yā róō horoó, adə̄ i man̄g kə́ bəra kə́ loon kógə̄ḿ nujə alé. Ni a aw̄ seneé ta kújə kənge naā tə́ kadə̄ Kɔ́ɔ̄ɓē ndigə dā̰ ní pá tá,

1 JA̰A̰ 1:3

Yá̰á̰ ń j-a̰a̰ ō, j-oō ō ní, j-ədasí sḭḭ̄ najə̄n ō, yā kadə̄ ī-rāāī kem kógə̄ḿ sejí dɔ tə́. Ba jə-rāāī kem kógə̄ḿ ní i kə bɔbɔ̄ɔ́ ō, kə ngōnən Jeju Kərist ō.

HEBƏRO 10:22

I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ unjə̄ njáý njáý ō.

AMOS 5:22

Dā̰ kə́ tɔ̄l̄ ba róō horoó kə taá malang gə̄ ō, kan̄ yá̰á̰ kə́ teē dɔ nang tə́ gə̄ ō ń ī-ndējə̄mī ní, nelə̄m̄ alé. Dā̰ kə́ yḛmbə yāsí gə̄ ń ī-tun̄ ādə̄mī ní, ka̰a̰ kə kumḿ gē a m-á̰ā̰ alé.

KOLOSƏ 1:20

yā kadə̄ yá̰a̰ malang kə́ dɔ rā̰ tə́ gə̄gē, dɔ nang tə́ gə̄gē, tél ndin̄ naā tə́ seneé kə ta kūl̄ Ngōnə̄neé ō, tām̄ yā Ngōnən tə́ ō. Loo ń noō tə́ ni-rāā adə̄ lɔm to kə ta kūl̄ mósə Ngōnən ń a̰ȳ tū kāgə̄ kə́ dēsə́ tə́ ní.

MALASI 1:14

Majanī deē kógə̄ḿ aw̄ kə́ dā̰ kə́ majə gə̄ dan yá̰a̰ kul̄ yān gə̄ tə́. Ré deē ní ənī ndūn ō, ndējə̄m̄ dā̰ kə́ majaĺ ō anī, yá̰á̰ kə́ to kum kaȳ aĺ a reē dɔ kɔ́ɔ̄ tə́! Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Mā i mban̄g kə́ bo ō, nápar de gə̄ ɓōlə́n̄ tɔ́gə́ḿ ō.

MALASI 1:8

Dan ń ī-ndējə̄mī dā̰ kə́ kum tɔ̄ɔ̄ ní, i yá̰á̰ kə́ majə a? Dan ń ī-ndējə̄mī dā̰ kə́ nja motə aláa kə́ mo̰y ní, i yá̰á̰ kə́ majə a? I beé ní, āwī kə dā̰ ní ādī nge ko̰o̰ ɓē yāsí! Rɔ̄n a nelə̄n a? A əhɔsí kə̄ rɔ̄n tə́ majə a? Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-dəjesí najə̄ ń noō.

EJEKIEL 45:15

Loo ń yá̰a̰ kul̄ gə̄ a aw̄n̄ ko̰ó̰ tū tə́ dɔ nang kə́ Israel tə́ ní, ré batə̄ aláa bə̄yā̰ gə̄ i ɓú jōó tū tə́ anī, ā ə́hɔī dā̰ kógə̄ḿ danaá, yā kadə̄ yá̰a̰ ndējə̄ tə́, adə̄ i yá̰á̰ kə́ yā tun̄ kə taá malang tə́, aláa i tām̄ yā yá̰a̰ tun̄ kə́ tām̄ yā kem kógə̄ḿ tə́. Loo ń noō tə́ ā ə́ngeī mā̰ȳ rɔ̄ kə́ tām̄ yā mān̄ kə́ ī-mānī dɔ ndū Nə́ɓā tə́. I mā Kɔ́ɔ̄ɓē Nə́ɓā n m-ə́da najə̄ ń noō ní.

Gōsə̄ najə̄ gə̄ 7:14

Kété m-ə̄nī ndūḿ m-ādə̄ Nə́ɓā kadə̄ m̄-ndējən yá̰a̰ tun̄ kə́ tām̄ yā kem kógə̄ḿ tə́, ba ɓōólaā m̄-rāā yá̰á̰ ń m-ə̄nī ndūḿ yā rāā ní kɔ̄ɔ́.

1 YÁ̰A̰ GƏ̄ 21:26

Ni-rāā loo tun̄ yá̰a̰ tām̄ yā Kɔ́ɔ̄ɓē tə́ loo ní tə́, ba ndējə̄n yá̰a̰ tun̄ kə́ róō horoó ō, yá̰a̰ tun̄ kə́ tām̄ yā kem kógə̄ḿ tə́ ō dɔ tə́. Gō tə́ anī ni ɓāŕ Kɔ́ɔ̄ɓē, anī Kɔ́ɔ̄ɓē ndigə ɓār̄ yān ba rāā adə̄ hor ḭḭ dɔ rā̰ tə́ reē o̰o̰ yá̰a̰ tun̄ gə̄ ń ton̄ dɔ loo tun̄ yá̰á̰ tə́ ní.

NGÉ SARYA 21:4

Teē kə ndō kə́ noō anī ḭḭn̄ dɔɔ́ kə gír looi ɓatə rāān̄ loo tun̄ yá̰a̰ loo ní tə́, ba róōn̄ dā̰ horoó kə taá malang ō, tunə̄n̄ yá̰a̰ tām̄ yā kem kógə̄ḿ tə́ ō dɔ tə́.

NGÉ SARYA 20:26

Tā anī de kə́ dɔ nang kə́ Israel tə́ gə̄ malang aw̄n̄ Betel. Aw̄ ndin̄ nang tə́ ta kum Kɔ́ɔ̄ɓē tə́ ba nōōn̄. Ndɔ̄ ń noō tə́ ndin̄ ɓō tām̄ yā Nə́ɓā tə́ bátə́ kadə̄ loo tíbə dɔdə́ tə́. Róōn̄ dā̰ horoó kə taá malang ō, tunə̄n̄ yá̰a̰ tām̄ yā kem kógə̄ḿ tə́ ō adə̄n̄ Kɔ́ɔ̄ɓē.

LEBI GƏ̄ 17:5

Ndū najə̄ ní i kadə̄ ngán Israel gə̄ reēnəń kə dā̰ gə̄ ń a sāān̄ tun̄ kem bembeé ní rɔ̄ nge tun̄ yá̰á̰ tə́ ta kújə kənge naā tə́ yā tun̄ tām̄ yā kem kógə̄ḿ tə́.

Teē Ngán Israel gə̄ 29:28

I tām̄ najə̄ ń noō tə́ n ngán Israel gə̄ a ɔrə̄n̄neé loo gə̄ ń noō tū dā̰ gə̄ ń a tɔ̄lə̄n̄ yā tun̄ kadə̄ Kɔ́ɔ̄ɓē tə́ tām̄ yā kem kógə̄ḿ tə́ ní. Nin̄ a ɔrə̄n̄ yā kadə̄ Aaro̰ ō, ngánən gə̄ ō, ngán kaan gə̄ ō ngándáńg.

Teē Ngán Israel gə̄ 24:5

Gō tə́ anī ɔr̄ balsáa kə́ Israel gə̄ tə́ adə̄ ndējə̄n̄ Kɔ́ɔ̄ɓē yá̰a̰ tun̄ kə́ róō horoó ō, yá̰a̰ tun̄ kə́ tām̄ yā kem kógə̄ḿ tə́ ō.

Teē Ngán Israel gə̄ 20:24

Ā ī-rāāī loo tun̄ yá̰a̰ kə nángāá yā kadə̄m̄. A ī-ndējə̄mī yá̰a̰ tun̄ kə́ róō horoó gə̄ ō, yá̰a̰ tun̄ gə̄ kə́ tām̄ yā kem kógə̄ḿ tə́ ō, i dɔ loo tun̄ yá̰á̰ ní tə́. I batə̄ yāsí gə̄ ō, bə̄yā̰ yāsí gə̄ ō, man̄g yāsí gə̄ ō n ā ī-tɔ̄lī yā tun̄ dɔ tə́ kadə̄m̄ ní. Loo gə̄ ń m-ā m̄-rāā kadə̄ əga kemsí dɔḿ tə́ tū tə́ ní, m-ā m-āw̄ rɔ̄sí tə́ yā rāā majə sesí tū tə́.

LEBI GƏ̄ 3:6

Ré yá̰a̰ tun̄ yā de kə́ tām̄ yā kem kógə̄ḿ tə́ i batə̄ aláa i bə̄yā̰ anī, ādə̄ i kə́ bal aláa i kə́ kó̰ó̰ kə́ loon kógə̄ḿ nujə alé.

LEBI GƏ̄ 9:18

Ni-əja kɔ́ɔ man̄g kə́ bəra ō, kɔ́ɔ bal batə̄ ō ń ngán Israel gə̄ reēnəń yā tun̄ tām̄ yā kem kógə̄ḿ tə́ ní. Ngánən gə̄ reēn̄ kə mósə́də́ adə̄nən̄. Ni-taā mósə́ ní sə̄kā adə̄ gīr̄ gidə loo tun̄ yá̰a̰.

TƏ́DA 15:8

Ré i man̄g kə́ bəra n deē róō horoó aláa tun̄ tām̄ ndūn kə́ ənī tə́, aláa tām̄ yā kem kógə̄ḿ tə́ adə̄m̄ anī,

NDŪ NAJƏ̄ 12:27

Ré i dā̰ kə́ yā róō horoó kə taá malang anī, ā ī-ndējī Nə́ɓā dā̰n ō, mósən ō, dɔ loo tun̄ yá̰a̰ yā Kɔ́ɔ̄ɓē Nə́ɓā yāsí tə́. Ré i dā̰ kə́ yā tun̄ tām̄ yā kem kógə̄ḿ tə́ anī, ā ī-ɓōkíī mósən dɔ loo tun̄ yá̰a̰ yā Kɔ́ɔ̄ɓē tə́ ba ā ə́saī dā̰ ní.

EJEKIEL 43:27

Dan ń gír ndɔ̄ kə́ sīrí gə̄ ní gān̄g anī, ndɔ̄ kə́ nge ko̰ sɔ́sɔ́ ō, gotə ndɔ̄ gə̄ ń a utə̄n̄ gō ō ní, ngé tun̄ yá̰a̰ gə̄ a ndējə̄n̄ yá̰a̰ tun̄ kə́ kə taá gə̄ ō, yá̰a̰ tun̄ gə̄ kə́ tām̄ yā kem kógə̄ḿ tə́ ō, dɔ loo tun̄ yá̰á̰ tə́ tām̄ yā ngán Israel gə̄ tə́. Loo ń noō tə́ m-ā m-ɔ́jə kem majə yāḿ kə́ tām̄ yāsí tə́ kə̄ ndágá. Najə̄ ń Kɔ́ɔ̄ɓē Nə́ɓā əda kə̄ ndágá wáńg ní n noó.

LEBI GƏ̄ 1:10

Ré i batə̄ aláa i bə̄yā̰ n deē a ndējə̄ róōn̄ tām̄ yā Kɔ́ɔ̄ɓē tə́ anī, ādə̄ i kə́ bal kə́ loon kógə̄ḿ nujə aĺ tá.

LEBI GƏ̄ 9:4

Kə reēn̄ kə man̄g kə́ bəra kógə̄ḿ ō, bal batə̄ kógə̄ḿ ō, yā tun̄ tām̄ yā kem kógə̄ḿ tə́ ta kum Kɔ́ɔ̄ɓē tə́ ō, kə ndujə̄ kə́ lóȳ kə yibīí yā ndējə̄ ō, tɔdɔ̄ ɓōólaā Kɔ́ɔ̄ɓē na a ndɔ̄bə̄də́ kadə̄ a a̰a̰nən̄.