LEBI GƏ̄ 26:3 - Bibəl ta Sar̄

³ Ré úniī gō najə̄ yāḿ gə̄ ō, ī-rāāī yá̰a̰ gə̄ ń m-ə́dásí kadə̄ ī-rāāī ní ō anī,

Bible sar

³ Ré úniī gō najə̄ yāḿ gə̄ ō, ī-rāāī yá̰a̰ gə̄ ń m-ə́dásí kadə̄ ī-rāāī ní ō anī,

LEBI GƏ̄ 26:3 Referans Kwoze

IJAI 1:19

Ré síī ī-ndigiī kadə̄ dɔsí oō loo anī, ā ásiī kəsa yá̰á̰ kə́ majə gə̄ kə́ kem ɓēé.

JEJU TEĒ KUM JA̰A̰ 22:14

Ngé gə̄ ń tə́gon̄ kūbə̄ ngāl̄ yādə́ gə̄ ní, rɔ̄də́ nel̄də́. Tɔdɔ̄ nin̄ a əngen̄ ta róbə kəsa kan̄ kāgə̄ ndi kə kumuú ní ō, a udən̄ kem ɓē ní tə́ kə ta róbə gə̄ ní ō.

NDŪ NAJƏ̄ 7:12

Ré ī-nēlī mbīsí ōōīneé yá̰a̰ gə̄ ń noō ō, ə̄ndāī kumsí gírí ī-rāāī ō anī, Kɔ́ɔ̄ɓē Nə́ɓā yāsí a un ta madə̄ naā ń əhɔ kə kaasí gēé ní sesí ō, a tūr̄ ndūn aĺ ō.

Teē Ngán Israel gə̄ 23:25

Ba ré i mā Kɔ́ɔ̄ɓē Nə́ɓā yāsí ngóy n ā ī-ndɔ̄ȳmī anī, m-ā m̄-rāā majə sesí ō, m-ā m-ādə̄sí yá̰a̰ kəsa ō, man̄ ka̰ȳ ō, m-ā m̄-tə̄ɓā mo̰y kɔ̄ɔ́ dɔsí tə́ ō.

JEREMI 11:4

Najə̄ ń m̄-ndang m-ādə̄ kaasí gə̄ dan ń m̄-teēń sedə́ kɔ̄ɔ́ kem ɓē kə́ Ejiptə tə́ ō, kum hor nō gində̄ tə́ ō ní, m-ə́dá na: Ōōī ndūḿ ō, ī-rāāī yá̰a̰ malang ń m̄-ndang m-ādə̄sí ō. I beé n sḭḭ̄ a ī-téliīneé gír deē yāḿ gə̄ ō, mā mā i Nə́ɓā yāsí ō ní.

JAKARI 8:12

M-ā m̄-rāā kadə̄ lɔm a reē dɔ nang tə́ ō, kāgə̄ nduú gə̄ a anə̄n̄ ō, dɔ nang a teē yá̰a̰ ō, man̄ kə́ dɔ rā̰ tə́ a edə ō. Gír deē yāḿ gə̄ ń teēn̄ ta yo tə́ ní, m-ā m̄-rāā majə sedə́ kə yá̰a̰ gə̄ ń noō malang.

MALASI 3:10

I beé ní, yá̰a̰ kənge yāsí gə̄ kə́ nge ko̰ kutə gə̄ ní, ī-reēīń kə́ rɔ̄kum tə́, kem kújə ngɔ̄m̄ yá̰a̰ kənge tə́, ādə̄ yá̰a̰ kəsa to ngándáńg kem kújə yā Kɔ́ɔ̄ɓē tə́. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Ásiī ndəle gír yā ger̄ kadə̄ m-ə́da i najə̄ kə́ rɔ̄kum. Loo ń noō tə́ ā á̰a̰ī kadə̄ m-ā m̄-teē ta kār̄ man̄ gə̄ kə́ dɔ rā̰ tə́ tām̄ yāsí tə́ ō, m-ā m̄-rāā majə sesí ngá̰ý ō.

LEBI GƏ̄ 19:25

Kem ɓāl̄ kə́ nge ko̰ mí tə́ anī, ā ə́saī kan̄də́. Ré ī-rāāī beé anī, kāgə̄ yāsí gə̄ a anə̄n̄ ngá̰ý kadə̄ ā ə́jaī kə dɔ ɓāl̄ gə̄ kə dɔ ɓāl̄ gə̄. Mā i Kɔ́ɔ̄ɓē Nə́ɓā yāsí.

NEHEMI 1:9

Banī ré gō tə́ jə-tél jə-reē gogə́ rɔ̄í tə́ ba jə-ngɔ̄m̄ gō míndə gə̄ ń ə́dájí kadə̄ jə-rāā ní ō, jə-rāādə́ ō anī, ká ré ɔyn̄jí aw̄n̄ sejí i ta ngóy dɔ rā̰ tə́ gə̄gē anī, ḭ̄ na ā āw̄ gōjí tə́ yā reē sejí loo ń ī-gə̄rā yā kadə̄ rīí i dɔ tə́ ní tə́.

IJAI 30:23

Loo ń noō tə́ Kɔ́ɔ̄ɓē a rāā kadə̄ man̄ edə dɔ kum yá̰a̰ gə̄ ń ī-dubə̄ tə́ ní ō, yá̰a̰ kəsa ń dɔ nang a adī ní a i ngá̰ý ō, a nel̄ ngá̰ý ō. Ndɔ̄ ngeé ń noō tə́ ní, ɓūtə̄ yá̰a̰ kul̄ yāí gə̄ a aw̄n̄ ko̰ó̰ loo kə́ bo tə́.