LEBI GƏ̄ 2:4 - Bibəl ta Sar̄

⁴ Ré ī-reē kə yá̰a̰ ndējēé ba i yá̰á̰ kə́ kəla púŕ tə́ anī, ādə̄ i mápá kə́ kanjə̄ kaa mápa kə́ ló̰ȳ kə yibīí, aláa i makəla kə́ kanjə̄ kaa mápa kə́ rāā yibə̄ dɔ tə́ tá.

Bible sar

⁴ Ré ī-reē kə yá̰a̰ ndējēé ba i yá̰á̰ kə́ kəla púŕ tə́ anī, ādə̄ i mápá kə́ kanjə̄ kaa mápa kə́ ló̰ȳ kə yibīí, aláa i makəla kə́ kanjə̄ *kaa mápa kə́ rāā yibə̄ dɔ tə́ tá.

LEBI GƏ̄ 2:4 Referans Kwoze

Teē Ngán Israel gə̄ 29:2

Gō tə́ anī ā ún mápá kə́ karī kə́ rāā kanjə̄ kaa mápa ō, mápá kə́ ló̰ȳ kə yibīí kə́ rāā kanjə̄ kaa mápa ō, makəla kə́ kanjə̄ kaa mápa ba rāā yibə̄ dɔ tə́ ō. Ā ī-rāā i kə ndujə̄ gémēé.

PĀ GƏ̄ 22:14

Ton̄ tītə̄ ɓɔl kɔ̄r̄ gə̄ kə́ a nōōn̄ ō, teēn̄ nga ngá̰də́ taḿ tə́ ō.

1 PIYER 2:22

Ni-rāā yá̰á̰ kógə̄ḿ kə́ majaĺ aĺ ō, deē oō najə̄ kə́ to gól̄ loo sḛ́ý tan tə́ aĺ ō.

1 PIYER 2:1

Adə̄ majə kadə̄ ə́ya̰ī kem ndul ō, ngam ō, gól̄ loo ō, kəndā naā nii ō, tām̄ kə deé ō, kɔ̄ɔ́.

HEBƏRO 7:26

Adə̄ ngol ngé tun̄ yá̰a̰ gə̄ kə́ majə tām̄ yājí tə́ i Jeju. Ni i de kə́ táĺ ō, najə̄ gətóo dɔn tə́ ō, yá̰á̰ kógə̄ḿ kə́ majaĺ tákə̄n aĺ ō. Ɔr̄nən̄ kɔ̄ɔ́ dan ngé rāā majaĺ gə̄ tə́ ō, un aw̄n̄ seneé dɔɔ́ dɔ rā̰ tə́ ō.

JA̰A̰ 12:27

Ngɔlaā ní ndílə́ḿ ndi kə gōó to̰ alé, ba kə m-ə́da na i rí tā. Kə m-ə́da na: Bɔbə́ḿ, ɔ̄rə̄m̄ kɔ̄ɔ́ kum mbang ń toō tə́ a? Ba i tām̄ yā kum mbang ngeé ń toō tə́ mandang n m̄-reēń ní.

JA̰A̰ 3:34

Tɔdɔ̄ nge ń i Nə́ɓā n əlan ní, Nə́ɓā adə̄n Ndíl i kanjə̄ mbɔ̄jə́ ka̰ā̰, adə̄ a əda i najə̄ yā Nə́ɓā.

MATIYE 26:38

Anī ni-ədadə́ na rɔ̄n na nelə̄n kə rɔ̄neé aĺ tītə̄ kə́ yā kadə̄ n-oy kɔ̄ɔ́ beē. Kə ndin̄ loo ń toō tə́ laā, kə lōōn̄ ɓīī ba kə́ ndin̄ kə kumdə́ seneé.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

LEBI GƏ̄ 10:12

Moijə əda Aaro̰ nin̄ kə ngánən kə́ jōó gə̄ ń nayn̄ ní na: Ndujə̄ kə́ ndējə̄ Nə́ɓā ní, ré ndégən̄ dɔ kə́ yā róō horoó kadə̄ Kɔ́ɔ̄ɓē oy anī, kə unən̄ gotə ɔ̄rən̄ mápá tə́ kanjə̄ rāā kaa mápa tū tə́, ba kə ə́san̄ kadə loo tun̄ yá̰á̰ tə́, tɔdɔ̄ i yá̰á̰ kə́ táĺ ngá̰ý,

EJEKIEL 46:20

Ni ədam̄ na: I loo ń ngé tun̄ yá̰a̰ gə̄ a ndīrə̄n̄ dā̰ kə́ tɔ̄l̄ tun̄ kəgāń kə̄rā yá̰á̰ kə́ gōtə́ aĺ ō, tām̄ yā majaĺ tə́ ō ní n noó. Nin̄ a ndīrə̄n̄ dā̰ kə́ tɔ̄l̄ ndējə̄ i loo ń noō tə́ ō, yā kadə̄ aw̄n̄ kə dā̰ gə̄ ní kem loo kə́ táĺ kə́ gidə tə́ ndágá aĺ ō, yā kadə̄ ɔr̄nəń kam̄ gír de gə̄ aĺ ō.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

LEBI GƏ̄ 7:12

Ré deē kógə̄ḿ ndējə̄ dā̰ kə́ yā tun̄ tɔ̄ȳnəń anī, deē ní a adə̄ mápá kə́ rāā kanjə̄ kaa mápa ō, makəla kə́ kanjə̄ kaa mápa ba rāā yibə̄ dɔ tə́ ō, ndujə̄ kə́ lándə̄ kə́ ló̰ȳ kə yibīí tá kɔr̄ mápá tə́ ō, dɔ dā̰ ní tə́.

LEBI GƏ̄ 6:17

Kɔ́ɔ̄ɓē mēr̄ Moijə

LEBI GƏ̄ 1:11

Ni a ra i dām̄ loo tun̄ yá̰á̰ kə́ dām̄ mbɔ́r ɓē kə́ ko̰ó̰ tə́ n a əjań kɔ́ɔn ta kum Kɔ́ɔ̄ɓē tə́ ní. Ngé tun̄ yá̰a̰ gə̄ a sə̄kān̄ mósən dɔ loo tun̄ yá̰á̰ tə́ kadə̄ gīr̄ gidə.

Teē Ngán Israel gə̄ 16:31

Ngán Israel gə̄ əndān̄ rī yá̰a̰ kəsa ní na i mána. Yá̰á̰ ní to i tītə̄ kum kór beé ba ndaa ō, nel̄ tītə̄ makəla kə́ rāā kə yibə̄ tejeé ō.

Teē Ngán Israel gə̄ 12:8

Ndɔ̄ɔ́ ndɔ̄ ń noō tə́ a tə́ngān̄ dā̰ ní yā kəsa kə mápá kə́ rāā kanjə̄ kaa mápa ō, kə mu kə́ katə̄ gə̄ ō.

TƏ́DA 6:15

A adə̄ mápá kə́ rāā kə ndujə̄ kə́ lándāá kanjə̄ kaa mápa kem keē kógə̄ḿ ō, mápá kə́ rāā kə ndujə̄ kə́ ló̰ȳ kə yibīí ō, makəla gə̄ kə́ rāān̄də́ kanjə̄ kaa mápa ba tə́ten̄ yibə̄ dɔ tə́ ō, ndujə̄ ō, kasə nduú kə́ tām̄ yā yá̰á̰ kə́ yā tun̄ gə̄ tə́ ō.