LEBI GƏ̄ 2:2 - Bibəl ta Sar̄

² Kɔ́ɔ̄ a aw̄ń rɔ̄ ngé tun̄ yá̰a̰ gə̄ ń i ngán Aaro̰ gə̄ ní tə́. Nge tun̄ yá̰a̰ a ɔdə dɔ naā tə́ kə yibīí ō, kə kajaja malang ō, kem jīn kógə̄ḿ yā róō dɔ loo tun̄ yá̰á̰ tə́. Nge ń noō i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taá malang. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

Bible sar

² Kɔ́ɔ̄ a aw̄ń rɔ̄ *ngé tun̄ yá̰a̰ gə̄ ń i ngán *Aaro̰ gə̄ ní tə́. *Nge tun̄ yá̰a̰ a ɔdə dɔ naā tə́ kə yibīí ō, kə kajaja malang ō, kem jīn kógə̄ḿ yā róō dɔ *loo tun̄ yá̰á̰ tə́. Nge ń noō i yá̰á̰ kə́ ɔjə kadə̄ *yá̰a̰ ndējə̄ ní i kə́ kadə̄ kə taá malang. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

LEBI GƏ̄ 2:2 Referans Kwoze

LEBI GƏ̄ 6:15

Ngōn̄ kaa Aaro̰ ń a urən̄ yibə̄ dɔn tə́ kadə̄ ndi ngol ngé tun̄ yá̰a̰ gə̄ gotə bɔbə̄n tə́ ní, a ndējə̄ Kɔ́ɔ̄ɓē yá̰á̰ kə́ rāā kə kōó ní tītə̄ noō ō. Nge ń noō i yá̰á̰ kə́ yā tīr̄ ngándáńg yā róō horoó kadə̄ Kɔ́ɔ̄ɓē.

LEBI GƏ̄ 5:12

Ni a aw̄ń yā kadə̄ nge tun̄ yá̰a̰. Nge tun̄ yá̰á̰ ní a ɔdə dɔ kadə̄ rosə kem jīn, i yā kojəń kadə̄ yá̰a̰ ndējə̄ ní i kə́ kadə̄ kə taá malang ō, a róō horoó dɔ loo tun̄ yá̰á̰ tə́ naā tə́ kə yá̰á̰ kə́ rang gə̄ kə́ yā róō horoó kadə̄ Kɔ́ɔ̄ɓē ō. Nge ń noō i yá̰á̰ kə́ tun̄ tām̄ yā majaĺ tə́.

KƏLA RĀĀ 10:4

Kɔrney əndā kumən dɔn tə́ ba ɓōĺ rāān adə̄ əda na: I rí Kɔ́ɔ̄ɓē? Nge kəla ní tél ədan na: Nə́ɓā ndigə ndɔ̄ȳ yāí gə̄ ō, ndigə yá̰a̰ gə̄ ń ī-rāań kə ngé ndoō gēé ní ō, dɔn ndígə̄nalií aĺ ō.

LEBI GƏ̄ 24:7

Ā ī-ɓōkə́ kajaja kə́ unjə̄ majə dɔ mápá ní tə́ gír jōó mbak. A róōn̄ kajaja ní horoó kum gotə mápá ní. Nge ń noō i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taā malang.

LEBI GƏ̄ 2:9

Ni a un dɔ yā róō dɔ loo tun̄ yá̰á̰ tə́. Nge ń noō i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taá malang. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

IJAI 66:3

Tá kə́ tām̄ yā yá̰á̰ kə́ yā tun̄ tə́ ní, de gə̄ tɔ̄lə̄n̄ man̄g kə́ bəra gə̄, banī nin̄-ran̄ dɔ tə́ noō tɔ̄lə̄n̄ de gə̄. Nin̄ əjan̄ míndə batə̄ gə̄, banī nin̄ ran̄ dɔ tə́ noō ndējə̄n̄ bísə gə̄. Nin̄-ndējə̄mə̄n̄ yá̰a̰, banī nin̄ ran̄ dɔ tə́ noō ɓōkə́n̄ mósə kosong nang tə́. Nin̄-róōn̄ ndujə̄ yá̰á̰ kə́ kotə majə gə̄ adə̄mə̄n̄, banī nin̄-ran̄ dɔ tə́ noō rɔȳn̄ nə́ɓā kə́ rɔ̄kum aĺ gə̄. Nin̄ gə̄rān̄ i rāā yá̰á̰ kə́ nel̄də́ ō, yá̰á̰ kə́ majaĺ ngá̰ý gə̄ ń noō nel̄də́ ō.

LEBI GƏ̄ 2:16

Nge tun̄ yá̰a̰ a ɔdə dɔ kōō kə́ ló̰ȳ kə yibīí ní sḛý naā tə́ kə kajaja gēé malang yā róō horoó. Nge ń noō i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taá malang. I yá̰á̰ ndējə̄ kə́ róō horoó kadə̄ Kɔ́ɔ̄ɓē.

NEHEMI 13:22

Gō tə́ anī m-ə́dá ngán Lebi gə̄ kadə̄ tə́gon̄ majaĺ kə́ rɔ̄də́ tə́ kɔ̄ɔ́ kadə̄ unjə̄n̄ njáý njáý, ba kə aw̄ kə n gɔ̄mə̄n̄ ta róbə gə̄ kə́ yā kudəń kə̄ kem ɓēé, yā kadə̄ de gə̄ ɓōlə́n̄neé ndɔ̄ sabat ba rāān̄neé ndɔ̄ ní i ndɔ̄ kə́ kɔr̄ kam̄ tām̄ yā Nə́ɓā tə́. Nə́ɓā yāḿ, ādə̄ əga kemií dɔḿ tə́ tām̄ yā nge ń noō tə́ ō, á̰a̰ kum tō ndoō yāḿ tām̄ kem majə yāí kə́ ngá̰ý tə́ ō.

NEHEMI 13:14

Nə́ɓā yāḿ, ādə̄ əga kemií dɔḿ tə́ najə̄ yá̰á̰ ń noō tə́. Ī-lōō kadə̄ dɔí ndígə̄nal háĺ kə́ súmūú ń m̄-rāań kəla tām̄ yā kújə yā Nə́ɓā yāḿ tə́ ō, kəla yān tə́ ō ní.

TƏ́DA 5:18

A tútə nənga dɔ dəyá̰ ní yā kəya̰ dɔɔ́, ba a ənī yá̰a̰ ndējə̄ kə́ tām̄ yā kem tɔ́sə̄ ní tə́ jī dəyá̰ ní tə́. Nge ń noó i yá̰a̰ kɔr̄ gír deē. Nəkɔ́ a əhɔ man̄ kə́ katə̄ kárárá ń, a reē kə ndɔ̄l dɔ deē tə́ ní jīn tə́.

Teē Ngán Israel gə̄ 30:16

Ré ī-taā nar gān̄g dɔ rɔ̄ ní jī ngán Israel gə̄ tə́ oy anī, ā ī-rāań kəla kújə kənge naā yā kadə̄ əgań kemḿ dɔ ngán Israel gə̄ tə́ kadə̄ m̄-ngɔ̄məńdə́.

LEBI GƏ̄ 4:31

A ɔr̄ yibə̄n malang tītə̄ ń ɔrə̄ń yibə̄ dā̰ kə́ tun̄ tām̄ kem kógə̄ḿ tə́ ní, yā róō horoó dɔ loo tun̄ yá̰á̰ tə́ kadə̄ sēēn nel̄ Kɔ́ɔ̄ɓē. Ré nge tun̄ yá̰a̰ rāā yá̰á̰ kə́ yā kutə̄ń dɔ majaĺ ní oy anī, Nə́ɓā a mā̰ȳ rɔ̄n dɔ deē ní tə́.

LEBI GƏ̄ 5:11

Ré deē ní asə kənge dér gutə kə́ jōó gə̄ aké dér dum kə́ jōó gə̄ aĺ anī, ni a adə̄ ndujə̄ kə́ lándə̄ kem lāngá mətá yā tun̄ tām̄ yā majaĺ tə́. Ni a ɓōkə́ yibə̄ dɔ tə́ aĺ ō, a ɓōkə́ kajaja dɔ tə́ aĺ ō, tɔdɔ̄ i yá̰á̰ kə́ yā tun̄ tām̄ yā majaĺ tə́.

TƏ́DA 5:26

Ni a ndégə̄ dɔ ń i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taá malang ní yā róō horoó dɔ loo tun̄ yá̰á̰ tə́. Gō tə́ anī ni a adə̄ dəyá̰ ní man̄ kə́ katə̄ kárárá ní kadə̄ a̰ȳ.

LEBI GƏ̄ 1:9

Nge ndējə̄ yá̰á̰ ní a tə́go tiīn gə̄ njan gə̄ ō kə maná. Go tə́ anī nge tun̄ yá̰á̰ kógə̄ḿ a róō yá̰a̰ gə̄ ń noō malang horoó dɔ loo tun̄ yá̰á̰ tə́. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

LEBI GƏ̄ 1:13

Nge ndējə̄ yá̰á̰ ní a tə́go tiīn gə̄ ō, njan gə̄ ō kə maná. Gō tə́ anī nge tun̄ yá̰a̰ a ɔjə Kɔ́ɔ̄ɓē pá tá a róō yá̰a̰ gə̄ ń noō malang horoó dɔ loo tun̄ yá̰á̰ tə́. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

LEBI GƏ̄ 1:17

Ni a njar yel̄ ní danaá ba a gān̄g naā tə́ alé. Gō tə́ anī nge tun̄ yá̰a̰ a róō yel̄ ní horoó dɔ kīr̄ gə̄ ń i ɓōkə́ dɔ loo tun̄ yá̰á̰ tə́ ní. Nge ń noō i yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.