LEBI GƏ̄ 2:1 - Bibəl ta Sar̄

¹ Ré deē kógə̄ḿ reē kə kōó yā ndējə̄ Kɔ́ɔ̄ɓē anī, ādə̄ i kōō kə́ rāā ndujə̄ kə́ lándə̄ tə́ ba ɓōkə́n̄ yibə̄ ō, kajaja ō dɔ tə́.

Bible sar

¹ Ré deē kógə̄ḿ reē kə kōó yā ndējə̄ Kɔ́ɔ̄ɓē anī, ādə̄ i kōō kə́ rāā ndujə̄ kə́ lándə̄ tə́ ba ɓōkə́n̄ yibə̄ ō, kajaja ō dɔ tə́.

LEBI GƏ̄ 2:1 Referans Kwoze

JEJU TEĒ KUM JA̰A̰ 8:3

Loo ń noō tə́ de kə́ dɔ rā̰ tə́ kə́ rang reē ra kadə loo tun̄ yá̰á̰ tə́, kə ganáń kə́ rāā kə lɔ́rɔ́. Anī adə̄nən̄ kajaja ngá̰ý kadə̄ ndējə̄ Nə́ɓā, naā tə́ kə ndɔ̄ȳ yā de kə́ táĺ gə̄ malang, dɔ loo tun̄ yá̰á̰ kə́ rāā kə lɔ́rɔ́ ń ra kété no kōr̄ kāgə̄ mbang tə́ ní.

IJAI 66:20

Nin̄ gə̄ ń m-ə́ládə́ ní, a télən̄ yā reē kə ngákó̰ó̰sí gə̄ malang ń ndin̄ ɓē nápar de gə̄ ngeé gə̄ ń noō tə́ ní. A télən̄ yā reē sedə́ i dɔ sə́nda gə̄ tə́ ō, kem púsə gə̄ tə́ ō, kem púsə́ kə́ dɔ kutə̄ gə̄ tə́ ō, dɔ kərō rapáy gə̄ tə́ ō, jámbal gə̄ tə́ ō, bátə́ yā kugə̄ sedə́ dɔ mbal̄ yāḿ kə́ táĺ tə́, bátə́ yā kugə̄ sedə́ Jerusalem. Ngákó̰ó̰sí gə̄ ní a télən̄ i yá̰a̰ ndējə̄ yā ngé gə̄ ń m-ə́ládə́ ní kə́ nin̄ ndējə̄mə̄n̄. M-ā m̄-taā yá̰a̰ ndējə̄ ní i tītə̄ yā nge ń ngán Israel gə̄ reēnəń kem kújə yāḿ tə́, kem səmbē kə́ laa gə̄ kə́ unjə̄n̄ njáý njáý gə̄ tə́ ní.

LEBI GƏ̄ 9:17

Aaro̰ ndējə̄ ndujə̄. Ni-ndégə̄ dɔ ndujə̄ ní adə̄ rosə kem jīn, ba ɓōkə́ horoó dɔ yá̰a̰ tun̄ kə́ dəloí kə́ yā róō horoó kadə̄ Kɔ́ɔ̄ɓē tə́ adə̄ hor o̰o̰.

Makətūbə̄ ń Jud ndang ní 1:20

Banī sḭḭ̄ kó tár yāḿ gə̄, ī-raī dɔ taā kem yāsí tə́ kə háĺ kə́ kɔr̄ kam̄ tām̄ yā Nə́ɓā tə́ ō, ə̄ndāī tɔ́gə́sí dɔ tə́ ī-rāāīneé yá̰a̰ kum kə̄ kété kété ō. Ī-ndɔ̄yī Nə́ɓā kə ta kūl̄ Ndíĺ kə́ Táĺ.

1 JA̰A̰ 2:27

Ba Ndíĺ kə́ Táĺ ń ə́ngeī jīn tə́ ní i kemsí tə́, adə̄ ā ī-sāāī kadə̄ i deē kógə̄ḿ tá kə ndóōsí yá̰a̰ alé. Ndíĺ kə́ Táĺ ń ni-adə̄sí ní ndóōsí yá̰a̰ malang. Tá yá̰á̰ ń Ndíĺ kə́ Táĺ ndóōsí ní, i yá̰á̰ kə́ rɔ̄kum ba i sor̄ alé. Adə̄ tītə̄ ń ni ndóōsí yá̰á̰ ní, ī-ndiī kemən tə́.

1 JA̰A̰ 2:20

Banī sḭḭ̄ ə́ngeī Ndíĺ kə́ Táĺ ń Kərist adə̄sí ní ō, sḭḭ̄ malang ī-gerī najə̄ kə́ rɔ̄kum ō.

JA̰A̰ 6:35

Jeju tél ədadə́ na: I mā n i mápá kə́ nge rāā kadə̄ deē ndi kə kumneé ní. Nge ń reē rɔ̄ḿ tə́ anī, ɓō a rāān aĺ bátə́ ō, nge ń taā kemḿ anī, kəndā a rāān aĺ bátə́ ō.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

JOEL 2:14

Majanī Nə́ɓā a tél yā tūr̄ ndūn ō, kemən a sɔl̄ ō, adə̄ a nujə sejí kɔ̄ɔ́ alé. Ni a adə̄jí yá̰a̰ kənge ngá̰ý ō. Adə̄ ā ī-tunī yá̰a̰ ō, ā ī-tə́teī kasə nduú ō, yā kadə̄ Kɔ́ɔ̄ɓē yāsí.

Teē Ngán Israel gə̄ 29:2

Gō tə́ anī ā ún mápá kə́ karī kə́ rāā kanjə̄ kaa mápa ō, mápá kə́ ló̰ȳ kə yibīí kə́ rāā kanjə̄ kaa mápa ō, makəla kə́ kanjə̄ kaa mápa ba rāā yibə̄ dɔ tə́ ō. Ā ī-rāā i kə ndujə̄ gémēé.

JOEL 1:9

De gə̄ ndējə̄n̄ yá̰á̰ aláa tə́tən̄ kasə nduú kem kújə yā Kɔ́ɔ̄ɓē tə́ to̰ alé. Ngé tun̄ yá̰a̰ gə̄ ń i de kə́ bo gə̄ yā Kɔ́ɔ̄ɓē ní əhɔn̄ ndoō.

LEBI GƏ̄ 5:11

Ré deē ní asə kənge dér gutə kə́ jōó gə̄ aké dér dum kə́ jōó gə̄ aĺ anī, ni a adə̄ ndujə̄ kə́ lándə̄ kem lāngá mətá yā tun̄ tām̄ yā majaĺ tə́. Ni a ɓōkə́ yibə̄ dɔ tə́ aĺ ō, a ɓōkə́ kajaja dɔ tə́ aĺ ō, tɔdɔ̄ i yá̰á̰ kə́ yā tun̄ tām̄ yā majaĺ tə́.

TƏ́DA 8:8

Nin̄ a əhɔn̄ man̄g kə́ bəra kógə̄ḿ ō, a unən̄ ndujə̄ kə́ ló̰ȳ kə yibīí ń i yá̰á̰ kə́ yā ndējə̄ dɔ tə́ ní ō. Īkɔ́ ā əhɔ man̄g kə́ bəra kə́ ko̰ jōó ń i man̄g kə́ yā tun̄ tām̄ yā majaĺ tə́ ní ō.

TƏ́DA 18:9

Yá̰a̰ ndējə̄ kə́ táĺ ngá̰ý gə̄ ń róōn̄ núsən yāḿ horoó oy anī a tálnə̄ń yā kadə̄sí ní nin̄ n toó: Yá̰a̰ ndējə̄ gə̄ malang kə́ rāā kə ndujú ō, dā̰ kə́ tun̄ yā kutəń dɔ majaĺ ō, dā̰ kə́ tun̄ yā kəgāń kə̄rā yá̰á̰ kə́ rāā gōtə́ aĺ ō. Yá̰á̰ ndējə̄ kə́ táĺ ngá̰ý gə̄ ń noō a télnə̄ń yā kadə̄sí sḭḭ̄ kə ngání gə̄ ō, ngán kaaí gə̄ ō.

TƏ́DA 28:5

A ndējə̄n̄ Kɔ́ɔ̄ɓē ngán batə̄ gə̄ ní i naā tə́ kə ndujə̄ kə́ asə lāngá mətá, kə́ ló̰ȳ kə yibə̄ olibə kə́ kásə̄ kə́ asə lāngá kógə̄ḿ kə núsə.

TƏ́DA 29:18

Ā ī-ndējī Kɔ́ɔ̄ɓē ndujə̄ ō, kasə nduú kə́ yā tə́te ō, kə dɔ dā̰ gə̄ ń noō kə gō looneé.

IJAI 43:23

Tá ī-reē kə ngán batə̄ gə̄ ī-tɔ̄l̄ ādə̄m̄ alé, dan ń ā ī-ndējə̄də́ ní ḭ̄ ɔ́sə gɔnəḿ alé. m̄-rāāī ɓəlo tə́ kə ta kūl̄ ra seí ta ndējə̄m̄ yá̰a̰ alé. m̄-rāāī adə̄ kɔr rāāī kə ta kūl̄ dəjeī kajaja alé.

LEBI GƏ̄ 6:7

Ndū najə̄ kə́ dɔ kōō kə́ ndējə̄ tə́ n toó: I ngán Aaro̰ gə̄ n a ran̄ ta loo tun̄ yá̰á̰ tə́ yā ndējə̄ Kɔ́ɔ̄ɓē kōō ní.

LEBI GƏ̄ 9:4

Kə reēn̄ kə man̄g kə́ bəra kógə̄ḿ ō, bal batə̄ kógə̄ḿ ō, yā tun̄ tām̄ yā kem kógə̄ḿ tə́ ta kum Kɔ́ɔ̄ɓē tə́ ō, kə ndujə̄ kə́ lóȳ kə yibīí yā ndējə̄ ō, tɔdɔ̄ ɓōólaā Kɔ́ɔ̄ɓē na a ndɔ̄bə̄də́ kadə̄ a a̰a̰nən̄.

LEBI GƏ̄ 14:10

Kə́ ndɔ̄ kə́ nge ko̰ sɔ́sɔ́ anī, ni a əhɔ bal batə̄ kə́ loon kógə̄ḿ nujə aĺ gə̄ jōó ō, mandə batə̄ kə́ ɓāl̄ kógə̄ḿ kə́ loon kógə̄ḿ nujə aĺ ō, a reē kə ndujə̄ kə́ ló̰ȳ kə yibīí kem lāngá ndōhó yā ndējə̄ ō, yibə̄ kə́ ndi ɓōdə̄ lāngá ō,

LEBI GƏ̄ 24:7

Ā ī-ɓōkə́ kajaja kə́ unjə̄ majə dɔ mápá ní tə́ gír jōó mbak. A róōn̄ kajaja ní horoó kum gotə mápá ní. Nge ń noō i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taā malang.

EJEKIEL 46:20

Ni ədam̄ na: I loo ń ngé tun̄ yá̰a̰ gə̄ a ndīrə̄n̄ dā̰ kə́ tɔ̄l̄ tun̄ kəgāń kə̄rā yá̰á̰ kə́ gōtə́ aĺ ō, tām̄ yā majaĺ tə́ ō ní n noó. Nin̄ a ndīrə̄n̄ dā̰ kə́ tɔ̄l̄ ndējə̄ i loo ń noō tə́ ō, yā kadə̄ aw̄n̄ kə dā̰ gə̄ ní kem loo kə́ táĺ kə́ gidə tə́ ndágá aĺ ō, yā kadə̄ ɔr̄nəń kam̄ gír de gə̄ aĺ ō.