LEBI GƏ̄ 13:3 - Bibəl ta Sar̄

³ Nge tun̄ yá̰a̰ a əndā ma̰ȳ mo̰y kə́ rɔ̄ deē ní tə́. Ré bḭḭ̄ kə́ tū mo̰y ní tə́ tetə ndaa ō, loo kə́ mo̰y ní rúu kum kə̄ kemeé ō, anī i mo̰y bānjə̄. Ré nge tun̄ yá̰a̰ əndā ma̰ȳ nge mo̰y ní oy anī, a ədan wáńg na ni i de kə́ yḛr.

Bible sar

³ Nge tun̄ yá̰a̰ a əndā ma̰ȳ mo̰y kə́ rɔ̄ deē ní tə́. Ré bḭḭ̄ kə́ tū mo̰y ní tə́ tetə ndaa ō, loo kə́ mo̰y ní rúu kum kə̄ kemeé ō, anī i mo̰y bānjə̄. Ré *nge tun̄ yá̰a̰ əndā ma̰ȳ nge mo̰y ní oy anī, a ədan wáńg na ni i de kə́ yḛr.

LEBI GƏ̄ 13:3 Referans Kwoze

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

HEBƏRO 13:7

Ādə̄ əga kemsí dɔ nge kɔr no ngé kán̄ naā gə̄ yāsí á ɔjən̄sí najə̄ yā Nə́ɓā ní. Ə̄ndāī ma̰ȳ loo ndidə́ dɔ nang tə́ laā ō, ta ngóýdə́ ō, ba ī-ndájī taā kem yādə́.

2 TIMOTE 3:13

Banī de kə́ majaĺ gə̄ ō, ngé gól̄ loo gə̄ ō, a rāān̄ yá̰á̰ kə́ majaĺ i kum kə̄ kété kété ō, nin̄ a gólə̄n madə̄də́ gə̄ ō, a gólə̄n̄də́ nin̄ ō.

1 TIMOTE 1:20

Himene ō, Alekjandər ō, i dan de gə̄ ngeé ń noō tə́. M-ādə̄də́ kə Sətan kadə̄ ndóōn̄ loo ndájə̄ najə̄ dɔ Nə́ɓā tə́ alé.

Makətūbə̄ ń Pol ndang adə̄ Rom gə̄ ní 7:7

Kumən na i rí? I kadə̄ i ndū najə̄ n i yá̰á̰ kə́ majaĺ ní a? I tītə̄ ń noō alé. Banī i ndū najə̄ ngóy n rāā á m̄-gerə̄ń yá̰á̰ ń a ɓārə́n̄ na i yá̰á̰ kə́ majaĺ ní. Tītə̄ ń toō ní ré ndū najə̄ əda na: Ī-ndə̄ngā yá̰a̰ yā madí aĺ anī, mā m-ā m̄-ger̄ kadə̄ ndə̄ngā yá̰a̰ yā naā i yá̰á̰ kə́ majaĺ alé.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

JA̰A̰ 20:23

Ngé gə̄ ń ā ī-māyī rɔ̄sí dɔ majaĺ yādə́ gə̄ tə́ ní, a əngen̄ mā̰ȳ rɔ̄. Ngé gə̄ ń ā ī-mbātíī mā̰ȳ rɔ̄sí dɔdə́ tə́ ní, a əngen̄ mā̰ȳ rɔ̄ alé.

MATIYE 16:19

M-ā m-ādī lakélé ta róbə Ɓē ko̰o̰ kə́ dɔ rā̰ tə́. Yá̰á̰ ń ā ī-do̰ō̰ dɔ nang tə́ ní, a do̰ō̰n̄ dɔ rā̰ tə́ ō, yá̰á̰ ń ā ī-tútə dɔ nang tə́ ní, a tútən̄ dɔ rā̰ tə́ ō.

MALASI 2:7

A̰á̰ā̰, kəla yā nge tun̄ yá̰a̰ i ndóō de gə̄ kadə̄ gerə̄n̄ Nə́ɓā ō, i nge tun̄ yá̰a̰ n de gə̄ a oōn̄ najə̄ kə́ tan tə́, yā gerə̄ń ndū najə̄ ní ō. Tām̄ ni i ngōmbang kəla yā Kɔ́ɔ̄ɓē kə́ bo kə́ tɔ́gən i ngá̰ý.

Makətūbə̄ yā Aje 2:11

Najə̄ ń ni-əda ní n toó: I-mēr̄ ngé tun̄ yá̰a̰ gə̄ gān̄g sarya ń toō:

OJEE 7:9

Tə̄rā gə̄ taān̄ tɔ́gən kɔ̄ɔ́, banī ni a̰ā̰ alé. Dɔn ndaa kɔ̄ɔ́, banī ni ger̄ gō alé.

EJEKIEL 44:23

Ngé tun̄ yá̰a̰ gə̄ a ndóōn̄ gír deē yāḿ gə̄ kadə̄ gerə̄n̄ kɔr̄ kam̄ yá̰á̰ kə́ yā ɓōĺ gidə naā tə́ kə yá̰á̰ kə́ karī ō, kadə̄ gerə̄n̄ kɔr̄ kam̄ yá̰á̰ kə́ unjə̄ njáý njáý naā tə́ kə yá̰á̰ kə́ yḛr ō.

EJEKIEL 16:30

Á, tɔ́gí gətóó ngá̰ý al̄ naā! Najə̄ ń mā Kɔ́ɔ̄ɓē Nə́ɓā m-ə́dá ní n noó. Dan ń ī-rāā yá̰a̰ gə̄ ń noō malang ní, ī-rāā i yá̰a̰ rāā ájə́ba kɔ̄r̄ kə́ tɔȳ ájə́ba madə̄n gə̄.

LEBI GƏ̄ 13:2

Ré rɔ̄ deē agə̄, aláa mo̰y rāā ndārə̄n aláa yá̰a̰ teē tū tə́ ndə́lē wor wor, adə̄ yá̰á̰ ní rāā rɔ̄n i mo̰y kə́ rɔ̄ deē tə́ kə́ tītə̄ mo̰y bānjə̄ anī a reēn̄ seneé rɔ̄ Aaro̰ nge tun̄ yá̰á̰ tə́ aláa rɔ̄ ngōn̄ Aaro̰ kógə̄ḿ tə́.

LEBI GƏ̄ 10:10

I beé tá na a ger̄nəń kɔr̄ kam̄ yá̰á̰ kə́ yā ɓōĺ gidə ō, yá̰á̰ kə́ karī ō, yá̰á̰ kə́ yḛr ō, yá̰á̰ kə́ unjə̄ njáý njáý ō.

TA KƏLA 13:3

Ni-ḭḭ gō nang kə́ Negeb tə́ njə̄rā bátə́ ugə̄ Betel, loo ń udə kújə tandā yān tū tə́ kété tə́ ní, i dɔ dán Betel nin̄ kə Ai tə́.

LEBI GƏ̄ 13:4

Ré mo̰y ní ndə́lē ba ndaa put put ō, rúu kum kə́ kemeé aĺ ō, bḭḭ̄ kə́ tū tə́ tetə ndaa aĺ ō anī, nge tun̄ yá̰a̰ a ɔr̄ deē ní yā kəndān kə kérneé ndɔ̄ sīrí.

LEBI GƏ̄ 5:3

Aláa ré deē kə́rēý ɔdə yá̰á̰ kə́ yḛr kə́ rɔ̄ deē tə́, gō ger̄ aĺ tə́, i yá̰á̰ kə́ ré ɔdə rɔ̄ deē anī deē a tél de kə́ yḛr, tá ré ger̄ gō anī, najə̄ i dɔn tə́.

LEBI GƏ̄ 13:8

Ré nge tun̄ yá̰a̰ əndā ma̰ȳ a̰a̰ kadə̄ mo̰y ní aw̄ kum kə̄ kété anī, a əda nge mo̰y ní wáńg na ni de kə́ yḛr tɔdɔ̄ mo̰y ní i mo̰y bānjə̄.

LEBI GƏ̄ 13:10

Nge tun̄ yá̰a̰ a əndā ma̰ȳ mo̰y ní. Ré rɔ̄ deē ní agə̄ ba ndaa ō, bḭḭ̄ kə́ tū tə́ tetə ndaa ō, dā̰n sə̄lā mba kə̄ ndágá ō anī,

LEBI GƏ̄ 13:20

A əndā ma̰ȳ mo̰y ní, ba ré a̰a̰ kadə̄ loo ń adə̄ ní rúu kum kə̄ kemeé ō, bḭḭ̄ kə́ tū tə́ tetə ndaa ō anī, ni a əda nge mo̰y ní wáńg na ni i de kə́ yḛr. Tɔdɔ̄ mo̰y kə́ tītə̄ mo̰y bānjə̄ teē gotə ngaw ní tə́ ní.

LEBI GƏ̄ 14:37

A əndā ma̰ȳ mə̄rō ní. Ré to tītə̄ yá̰á̰ kə́ lu ba rāā ɓáĺ mbī kāgə̄ aláa kərē suk suk ō, rāā ɓəlo kadə̄ bɔr tə́ ō anī,

LEBI GƏ̄ 14:54

Ndū najə̄ kə́ dɔ mo̰y kə́ tītə̄ mo̰y i bānjə̄ tə́, adə̄ i básḛý ō,

LEBI GƏ̄ 14:56

yá̰á̰ kə́ agə̄ deē ō, rɔ̄ de kə́ ḭḭ kɔ̄ɔ́ ō, rɔ̄ de kə́ ndə́lē wor wor ō n noó.