LEBI GƏ̄ 10:3 - Bibəl ta Sar̄

³ Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

Bible sar

³ Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

LEBI GƏ̄ 10:3 Referans Kwoze

Teē Ngán Israel gə̄ 19:22

Kadə̄ ngé tun̄ yá̰a̰ gə̄ ń asən̄ ndɔ́tə̄ kə̄ rɔ̄n tə́ ní gə̄gē kə ɔrə̄n̄ kam̄də́ kɔ̄ɔ́ tū yá̰á̰ kə́ yḛr tə́, na sōgə́ n-əndadə́.

IJAI 49:3

Ni ədam̄ na: Israel, ḭ̄ i nge kəla yāḿ. M-ā m-ɔ́jə kɔsə gɔn yāḿ i kə ta kūlīí.

LEBI GƏ̄ 21:6

A ɔrə̄n̄ kam̄də́ tām̄ yā Nə́ɓā yādə́ tə́ ō, nujə̄n rīn aĺ ō. Ādə̄ nin̄ i de kə́ táĺ gə̄, tām̄ i nin̄ ń i ngé ndējə̄ Kɔ́ɔ̄ɓē yá̰a̰ tun̄ gə̄ ń i yá̰a̰ kəsa yā Nə́ɓā yādə́ ní.

TƏ́DA 20:12

Banī Kɔ́ɔ̄ɓē əda Moijə nin̄ kə Aaro̰ na: Sḭḭ̄ ī-taāī kemḿ ɔ́jiīń kə̄ ndágá ta kum ngán Israel gə̄ tə́ kadə̄ mā i de kə́ táĺ aĺ ɓá ní, i sḭḭ̄ n ā āwī kə ngé kán̄ naā gə̄ ń toō yā kugə̄ sedə́ dɔ nang ń m-ādə̄də́ tə́ ní alé.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

NDŪ NAJƏ̄ 32:51

Tɔdɔ̄ sḭḭ̄ kə ngōkó̰ó̰í Aaro̰ ī-rāāī yá̰á̰ kə́ gōtə́ aĺ seḿ ta kum ngán Israel gə̄ tə́ Kades, kem dəla loo kə́ Təsin tə́, ta man̄ kə́ Meriba tə́. Ndɔ̄ ń noō tə́ ní sḭḭ̄ ɔ́jiī kə̄ ndágá ta kum ngán Israel gə̄ tə́ kadə̄ mā i de kə́ táĺ alé.

IJAI 52:11

Ngáń gájə́ yá̰a̰ rāā kəla gə̄ ń ngɔ̄mə̄n̄ kə rī rāā kəla yā Kɔ́ɔ̄ɓēé ní, sḭḭ̄ gə̄ ń ī-tél ā āwīneé kə̄ gogə́ ní, āwī, āwī! Ī-teēī kɔ̄ɔ́ Babilon! Ī-lōōī kɔdə yá̰á̰ kógə̄ḿ kə́ yḛr. Dan ń ā ī-teēī kɔ̄ɔ́ kem ɓē ń toō tə́ ní, ādī rɔ̄sí unjə̄ njáý njáý.

PĀ GƏ̄ 89:7

Kɔ́ɔ̄ɓē, de kə́ asə seí gətóo dɔ rā̰ tə́. Dan nə́ɓā gə̄ tə́ ní, nge kə́ to tītə̄ Kɔ́ɔ̄ɓē gətóo.

1 SAMUEL 6:20

Gō tə́ anī ədan̄ na: Kɔ́ɔ̄ɓē Nə́ɓā kə́ táĺ ń toō ké i náā n asə ra ta kumən tə́ wa. Ré ḭḭ loodə́ anī ké a aw̄ i ɓē náāá wa.

LEBI GƏ̄ 21:21

i de kə́ nujə kə́ gír kaa yā Aaro̰ nge tun̄ yá̰á̰ tə́ ní, a reē ta loo tun̄ yá̰á̰ tə́ yā ndējə̄ yá̰a̰ kəsa yā Nə́ɓā yān dɔ tə́ alé.

LEBI GƏ̄ 8:35

Ā ī-ndiī ta kújə kənge naā tə́ ndɔ̄ɔ́ ō, kadaá ō, ndɔ̄ sīrí yā rāań yá̰á̰ ń Kɔ́ɔ̄ɓē əda ní na sōgə́ óyiī. Yá̰á̰ ń Kɔ́ɔ̄ɓē ədam̄ ní n noó.

EJEKIEL 20:41

M-ā m̄-teē sesí kɔ̄ɔ́ dan gír de gə̄ tə́ ō, kem ɓē gə̄ ń ī-tə̄ndāī naā ī-tḭ̄ḭ̄ tū tə́ ní ō, ba m-ā m-ɔ́sə dɔsí naā tə́. Gō tə́ anī, m-ā m̄-rāā kem majə sesí adə̄ m-ā m̄-taā yá̰a̰ tun̄ yāsí kə́ sēēdə́ otə majə gə̄. Ré m̄-rāā yá̰á̰ kə́ tītə̄ ń noō sesí anī, m-ɔ́jə i gotə nápar de gə̄ kadə̄ mā i Nə́ɓā kə́ táĺ.

LEBI GƏ̄ 22:9

Ādə̄ ngé tun̄ yá̰a̰ gə̄ rāān yá̰á̰ gə̄ ń m-ɔ́jə́də́ kadə̄ rāān̄ ní ō, ādə̄ ənīn̄ najə̄ dɔdə́ tə́ tām̄ yā yá̰a̰ kəsa tə́ aĺ ō. Tɔdɔ̄ ré rāān̄ yá̰á̰ kə́ táĺ gə̄ ń noō yá̰á̰ kə́ karī tə́ anī, a oyn̄. Mā i Kɔ́ɔ̄ɓē nge kɔr̄ kam̄də́.

LEBI GƏ̄ 21:17

kəda Aaro̰ ndū najə̄ gə̄ ń toō:

LEBI GƏ̄ 21:15

Na sōgə́ reē kə dəyá̰ kə́ gír kaa de kə́ karī tə́ əlan dan de gə̄ kə́ gír kojə yān tə́. Mā i Kɔ́ɔ̄ɓē, nge kɔr̄ kamə̄n.

LEBI GƏ̄ 21:8

Ā ī-rāā nge tun̄ yá̰a̰ i de kə́ táĺ tə́ tām̄ i ni n i nge kadə̄ Nə́ɓā yāí yá̰a̰ ndējə̄ ní. Ā ī-rāān i de kə́ táĺ tə́, tām̄ mā Kɔ́ɔ̄ɓē nge kɔr̄ kam̄sí ní mā i de kə́ táĺ.

EJEKIEL 42:13

Deē ní ədam̄ na: Kem kújə gə̄ kə́ dām̄ mbɔ́r ɓē kə́ ko̰ó̰ tə́ ō, kə́ dām̄ mbɔ́r ɓē kə́ geleé tə́ ō, ń deē teē tū tə́ anī a ənge i ndágə loo ní, i kem kújə gə̄ kə́ ngɔ̄mə̄n̄ tām̄ yā Nə́ɓā tə́. Ngé tun̄ yá̰a̰ gə̄ ń asən̄ kudə kem loo kə́ táĺ tə́ ní, a əsan̄ yá̰a̰ ndējə̄ kə́ táĺ ngá̰ý gə̄ i loo ń noō tə́. I gáŕ kadə̄ nin̄ a kánə̄n̄ yá̰a̰ ndējə̄ kə́ táĺ ngá̰ý gə̄ i loo ń noō tə́, adə̄ i kadə̄ karī gə̄ ō, dā̰ gə̄ kə́ ndējə̄n̄ tām̄ yā yá̰a̰ tun̄ kə́ tayā tayā gə̄ tə́ kadə̄ Nə́ɓā mā̰yń rɔ̄n ō. Tɔdɔ̄ loo ní i loo kə́ táĺ.

PĀ GƏ̄ 39:9

Ī-gān̄g dɔḿ tū majaĺ yāḿ gə̄ tə́ malang. Ī-lōō kəya̰m̄ kadə̄ mbóo gə̄ əgōmə̄n̄.

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?

MATIYE 10:37

Deē ń tár bɔbə̄n aláa kó̰o̰n tɔȳm̄ ní, kɔ́ɔ̄ asə tél deē yāḿ alé. Deē ń tár ngōnən kə́ dəngam aláa kə́ dəyá̰ tɔȳm̄ ní, kɔ́ɔ̄ asə tél deē yāḿ alé.

EJEKIEL 28:22

Ā ə́dan na: Najə̄ ń Kɔ́ɔ̄ɓē Nə́ɓā ɔr̄ ní n toó: Ḭ̄ ɓē kə́ Sidon, m-ā m̄-rāā yá̰á̰ kə́ tōr̄ seí! I tītə̄ ń noō n m-ā m̄-rāań kadə̄ de gə̄ a̰a̰n̄ kɔsə gɔn yāḿ kem ɓēé ní. M-ā m̄-rāāī yá̰á̰ ń m̄-sāā rāā seí ní. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā. I tītə̄ ń noō n m-ā m-ɔ́jəń kadə̄ Nə́ɓā kə́ táĺ i mā ní.

Makətūbə̄ yā Job 2:10

Job tél ədan na: Ɔ̄r̄ najə̄ tītə̄ mbóo dəyá̰ beē. Ré Nə́ɓā rāā adə̄ jə-ndiī majanī, jə-ndigiī. Ba ré ni-rāā adə̄ jə-ndiī dan yá̰á̰ kə́ to kum kaȳ aĺ tə́ anī, jə-ndigiī aĺ i tām̄ rí tə́? Tū yá̰a̰ gə̄ ń noō tə́ malang ní, najə̄ kə́ majaĺ kógə̄ḿ teē ta Job tə́ alé.

JA̰A̰ 12:28

Bɔbə́ḿ, ɔ́sə gɔn rīí! Anī ndū Nə́ɓā ɓār̄ dɔ rā̰ tə́, əda na: M-ɔ́sə gɔn rīḿ kɔ̄ɔ́ ɓá, ba m-ā m-ɔ́sə gɔnən ɓáý to̰.

1 SAMUEL 3:18

Loo ń noō tə́ Samuel ədan yá̰a̰ malang ń Kɔ́ɔ̄ɓē ɔr̄ seneé ní kanjə̄ mundə̄n yá̰á̰ kógə̄ḿ. Eli əda na: Ni i Kɔ́ɔ̄ɓē. Ādə̄ rāā yá̰á̰ ń ni-a̰a̰ kadə̄ i yá̰á̰ kə́ majə ní.

Teē Ngán Israel gə̄ 14:4

M-ā m̄-rāān kadə̄ a dum̄ naā, adə̄ a ngɔ̄də̄ gōsí. Ba m-ā m̄-tetən rɔ̄ɔ̄ kə deē yān gēé malang kadə̄ m-ɔ́səń gɔn rɔ̄ḿ. Loo ń noō tə́ de kə́ Ejiptə gə̄ a gerə̄n̄ kadə̄ mā i Kɔ́ɔ̄ɓē. Ngán Israel gə̄ rāān̄ yá̰á̰ ń Kɔ́ɔ̄ɓē ɔjədə́ ní.

TA KƏLA 18:25

Tɔ̄l̄ de kə́ súmūú naā tə́ kə nge kem nduluú, kadə̄ yá̰a̰ yā de kə́ súmūú to tītə̄ yā nge kem ndul ní i yá̰a̰ rāāí ḭ̄ alé. Yá̰á̰ kə́ rāā tītə̄ ń noō i yá̰a̰ rāāí ḭ̄ alé. Nge gān̄g sarya dɔ de gə̄ malang kə́ dɔ nang tə́ tə́ a rāā yá̰á̰ kə́ gōtə́ aĺ alé.

2 TESALONIK 1:10

Dan ń a reē anī, deē yān gə̄ a rɔȳnən̄ ō, de gə̄ malang ń taān̄ kemən ní a a̰a̰n̄ majən ō. Ndɔ̄ ń noō tə́ ní sḭḭ̄ i dandə́ tə́ ō, tɔdɔ̄ sḭḭ̄ ī-taāī kem najə̄ ń j-ɔjəsí ní.

JA̰A̰ 14:13

Ba yá̰a̰ malang ń ā ī-dəjeī kə rīḿ ní, m-ā m̄-rāā, yā kadə̄ Ngōn̄ ɔsəń gɔn Bɔbə̄n.

PĀ GƏ̄ 119:120

m̄-ra ta kumií tə́ anī m̄-ndebə kə̄ rɔ̄ḿ gə̄ tə́ malang, tɔdɔ̄ m̄-ɓōĺ ndílí ō, Ndūí gə̄ ń ī-ra dɔ tə́ yā rāā ní adə̄mə̄n̄ ɓōĺ ō.

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.

IJAI 39:8

Ejekias tél əda Ijai na: Najə̄ yā Kɔ́ɔ̄ɓē ń ədam̄ toó i yá̰á̰ kə́ majə. Tām̄ ni gír̄ kadə̄ dan ndiḿ mā kə kumḿ tə́ ní, j-a jə-ndi kə lɔmɔɔ́ ō, yá̰á̰ kógə̄ḿ a rāājí aĺ ō.

Teē Ngán Israel gə̄ 14:17

Na n-a n-rāā kadə̄ de kə́ Ejiptə gə̄ rāān̄ dɔ ngan̄g adə̄ na a udən̄ gōdə́ tə́ kum bā tə́. Loo ń noō tə́ na n-a n-tetə Parao̰ rɔ̄ɔ̄ kə deē yān gēé malang, púsə rɔ̄ɔ̄ yān gē, ngé kal̄ sə́nda yān gē, yā kɔsəń gɔnən nəkɔ́ Kɔ́ɔ̄ɓē.

Teē Ngán Israel gə̄ 30:30

Ā úr yibə̄ ní dɔ Aaro̰ tə́ ō, dɔ ngánən gə̄ tə́ ō, yā kɔrə̄ń kam̄də́ tayā kadə̄ rāān̄neé kəla tun̄ yá̰a̰ adə̄mə̄n̄.

TƏ́DA 16:5

Gō tə́ anī əda Kore kə́ ngé kə́ gōn tə́ gə̄ malang na: Bírí kə ndɔ̄ý anī Kɔ́ɔ̄ɓē a ɔjə dɔ deē ń i yān ō, kə́ táĺ ō, kə́ ni ndigən kadə̄ aw̄ rɔ̄n tə́ ō ní. Deē ń Kɔ́ɔ̄ɓē a gə̄rān ní, Kɔ́ɔ̄ɓē a ndigə kadə̄ deē ní aw̄ rɔ̄n tə́.

PĀ GƏ̄ 148:14

Ni-tél əla go̰ kem deē yān gə̄ tə́. I yá̰á̰ kə́ majə kadə̄ deē yān gə̄ malang ń i ngán Israel gə̄ ní ɓōkə́nən̄ tɔ̄ȳ najə̄n tə́, i nin̄ n i gír de kə́ ngɔr rɔ̄n tə́ gə̄ ní! Aleluya!

EJEKIEL 38:16

Israel gə̄ ń i gír deē yāḿ gə̄ ní, ā ī-reē yā kənīdə́ rɔ̄ɔ̄ ō, ā ī-taā loo ɓē yādə́ tə́ tītə̄ kil̄ man̄ kə́ taā loo dɔ nang tə́ beé ō. Dan i ngá̰ý pá tá yá̰a̰ gə̄ ń noō a rāān̄ yá̰á̰ ɓáý. M-ā m-ə́laī kadə̄ āw̄ ə̄nī ɓē yāḿ rɔ̄ɔ̄. Loo ń noō tə́ nápar de gə̄ a gerə̄n̄ kadə̄ Nə́ɓā kə́ táĺ i mā. Ba i Gog n m-ā m-úniī yā kɔjəńdə́ nge ń noō ní.

EJEKIEL 40:46

Kem kújə́ ń tan i kə̄ dām̄ mbɔ́r ɓē kə́ ko̰ó̰ tə́ ní, i tām̄ yā ngé tun̄ yá̰a̰ gə̄ ń a rāān̄ kəla ta loo tun̄ yá̰á̰ tə́ ní. Dan de gə̄ kə́ gír ɓē yā Lebi tə́ ní, i ngé gə̄ ń i Sadok n ojədə́ ní ngóy n asən̄ kudə kem loo kə́ táĺ tə́, yā rāā kəla kadə̄ Kɔ́ɔ̄ɓē ní.

Teē Ngán Israel gə̄ 19:24

Anī Kɔ́ɔ̄ɓē əda Moijə na kə risə kə aw̄, ba kə tél kə reē gogə́ kə Aaro̰ó̰ dɔ mbalá. Ba kadə̄ ngé tun̄ yá̰a̰ gə̄ ō, ngán Israel gə̄ ō, kə bə̄gān̄ naā kə alə̄n̄ dɔ mbalá kum kə̄ rɔ̄n tə́ alé, na sōgə́ n-əndadə́.

PĀ GƏ̄ 39:10

M-ūtə̄ taḿ kɔ̄ɔ́, m-ā m-ə́da najə̄ to̰ alé, tɔdɔ̄ i ḭ̄ n ī-rāā yá̰á̰ ní.

PĀ GƏ̄ 93:5

Yá̰a̰ gə̄ ń ī-ndang kadə̄ yā rāā ní i yá̰á̰ kə́ rɔ̄kum gə̄. Kɔ́ɔ̄ɓē, yá̰á̰ malang kə́ táĺ əhɔn̄ naā kə kújə yāí kə ndɔ̄ gə̄ ndɔ̄ gə̄.