LEBI GƏ̄ 1:9 - Bibəl ta Sar̄

⁹ Nge ndējə̄ yá̰á̰ ní a tə́go tiīn gə̄ njan gə̄ ō kə maná. Go tə́ anī nge tun̄ yá̰á̰ kógə̄ḿ a róō yá̰a̰ gə̄ ń noō malang horoó dɔ loo tun̄ yá̰á̰ tə́. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

Bible sar

⁹ Nge ndējə̄ yá̰á̰ ní a tə́go tiīn gə̄ njan gə̄ ō kə maná. Go tə́ anī nge tun̄ yá̰á̰ kógə̄ḿ a róō yá̰a̰ gə̄ ń noō malang horoó dɔ *loo tun̄ yá̰á̰ tə́. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

LEBI GƏ̄ 1:9 Referans Kwoze

TA KƏLA 8:21

Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

LEBI GƏ̄ 1:13

Nge ndējə̄ yá̰á̰ ní a tə́go tiīn gə̄ ō, njan gə̄ ō kə maná. Gō tə́ anī nge tun̄ yá̰a̰ a ɔjə Kɔ́ɔ̄ɓē pá tá a róō yá̰a̰ gə̄ ń noō malang horoó dɔ loo tun̄ yá̰á̰ tə́. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

2 KORḚNTƏ 2:15

Tɔdɔ̄ jə-to i tītə̄ sēē ítər kə́ otə majə kə́ Kərist ndējə̄ Nə́ɓā beé. Jḭḭ i sēē ítər tām̄ yā ngé gə̄ ń nin̄ i dɔ róbə kajə tə́ ní ō, tām̄ yā ngé tḭ̄ḭ̄ ta rɔ̄də́ gə̄ tə́ ō.

EJEKIEL 20:41

M-ā m̄-teē sesí kɔ̄ɔ́ dan gír de gə̄ tə́ ō, kem ɓē gə̄ ń ī-tə̄ndāī naā ī-tḭ̄ḭ̄ tū tə́ ní ō, ba m-ā m-ɔ́sə dɔsí naā tə́. Gō tə́ anī, m-ā m̄-rāā kem majə sesí adə̄ m-ā m̄-taā yá̰a̰ tun̄ yāsí kə́ sēēdə́ otə majə gə̄. Ré m̄-rāā yá̰á̰ kə́ tītə̄ ń noō sesí anī, m-ɔ́jə i gotə nápar de gə̄ kadə̄ mā i Nə́ɓā kə́ táĺ.

LEBI GƏ̄ 3:11

Ba nge tun̄ yá̰a̰ a róō yá̰a̰ gə̄ ń noō malang dɔ loo tun̄ yá̰á̰ tə́. Nge ń noō i yá̰á̰ kə́ róō horoó kadə̄ Kɔ́ɔ̄ɓē.

Teē Ngán Israel gə̄ 29:18

Ā ī-róō horoó malang dɔ*lo tun̄ yá̰á̰ tə́. Nge ń noō i yá̰a̰ tun̄ kə́ róō horoó tām̄ yā Kɔ́ɔ̄ɓē tə́ kə́ sēēn nelə̄n.

PILIPƏ 4:18

Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ yá̰a̰ tun̄ kə́ Nə́ɓā ndigə ō, nel̄ kemən ō beé.

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə nduú gə̄ ō loo gə̄ ní tə́ adə̄mə̄n̄neé wōn̄g.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

PĀ GƏ̄ 66:15

m̄-ndējī dā̰ kə́ əndān̄ mbɔ́ĺdə́ gə̄ ō, bal batə̄ gə̄ ō, m̄-tɔ̄l̄ man̄g kə́ bəra ō, bal bə̄yā̰ gə̄ ō, ba m̄-rāā dā̰də́ yā kadə̄ róōn̄ horoó, adə̄ sēēdə́ aw̄ bátə́ ugə̄ rɔ̄í tə́.

PĀ GƏ̄ 51:6

I īkɔ́ ngóy kal kógə̄ḿ beē n m̄-rāā yá̰á̰ kə́ majaĺ seí ní. Mā m̄-rāā yá̰á̰ ń i yá̰á̰ kə́ majaĺ ta kumií tə́ ní. Adə̄ ré ā ə̄ndā najə̄ dɔḿ tə́ anī najə̄ i yāí ō, ā ī-gān̄g sarya ɓáa yá̰á̰ kə́ kadə̄ deē əda dɔí tə́ a gətóo ō.

LEBI GƏ̄ 9:14

Ni-tə́go tiīn gə̄ ō, njan gə̄ ō, ba róōdə́ horoó naā tə́ kə dā̰n gə̄ ní dɔ loo tun̄ yá̰á̰ tə́.

LEBI GƏ̄ 8:21

Ni-tə́go tiīn gə̄ ō, njan gə̄ ō, kə maná, ba róōdə́ horoó naā tə́ kə gotə dā̰ batə̄ ní malang dɔ loo tun̄ yá̰á̰ tə́ tītə̄ ń Kɔ́ɔ̄ɓē ədań ní. Nge ń noō i yá̰á̰ kə́ tun̄ kadə̄ Kɔ́ɔ̄ɓē kə́ sēēn nelə̄n.

LEBI GƏ̄ 1:17

Ni a njar yel̄ ní danaá ba a gān̄g naā tə́ alé. Gō tə́ anī nge tun̄ yá̰a̰ a róō yel̄ ní horoó dɔ kīr̄ gə̄ ń i ɓōkə́ dɔ loo tun̄ yá̰á̰ tə́ ní. Nge ń noō i yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

Teē Ngán Israel gə̄ 29:25

Gō tə́ anī ā ī-tél yā taā jīdə́ tə́ yā róō horoó dɔ loo tun̄ yá̰á̰ tə́ naā tə́ kə dā̰ kə́ yā róō horoó kadə̄m̄. Nge ń noō i yá̰á̰ kə́ tun̄ kadə̄ Kɔ́ɔ̄ɓē kə́ sēēn nelə̄n.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

Teē Ngán Israel gə̄ 12:9

Deē a əsa gójə̄ró aĺ ō, a ndīr̄ aĺ ō, ba ā ī-tə́ngāī i mbée kə dɔn gə̄ kə jīn gə̄ kə njan gə̄ kə tiīn gə̄ malang.

LEBI GƏ̄ 4:31

A ɔr̄ yibə̄n malang tītə̄ ń ɔrə̄ń yibə̄ dā̰ kə́ tun̄ tām̄ kem kógə̄ḿ tə́ ní, yā róō horoó dɔ loo tun̄ yá̰á̰ tə́ kadə̄ sēēn nel̄ Kɔ́ɔ̄ɓē. Ré nge tun̄ yá̰a̰ rāā yá̰á̰ kə́ yā kutə̄ń dɔ majaĺ ní oy anī, Nə́ɓā a mā̰ȳ rɔ̄n dɔ deē ní tə́.

TƏ́DA 15:3

ba ā ī-róōī dā̰ horoó yā kadə̄m̄, aláa ā ī-tunī dā̰ kənī ndū, aláa dā̰ kə́ kə gō kem ndigə yāsí, aláa dā̰ kə́ ndɔ̄ rāā nāā tə́ yā kadə̄m̄ anī, ā ī-gērāī i man̄g, aláa i batə̄, aláa i bə̄yā̰ n ā ī-tunī yā kadə̄ sēēn nel̄ Kɔ́ɔ̄ɓē ní.

TƏ́DA 28:11

Kə ndɔ̄ kə́ ta kəga dɔ yā nāā gə̄ malang ní, ā ī-ndējī Kɔ́ɔ̄ɓē dā̰ kə́ loodə́ kógə̄ḿ nujə aĺ gə̄, adə̄ i man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. Ā ī-róōīdə́ horoó.

NDŪ NAJƏ̄ 12:27

Ré i dā̰ kə́ yā róō horoó kə taá malang anī, ā ī-ndējī Nə́ɓā dā̰n ō, mósən ō, dɔ loo tun̄ yá̰a̰ yā Kɔ́ɔ̄ɓē Nə́ɓā yāsí tə́. Ré i dā̰ kə́ yā tun̄ tām̄ yā kem kógə̄ḿ tə́ anī, ā ī-ɓōkíī mósən dɔ loo tun̄ yá̰a̰ yā Kɔ́ɔ̄ɓē tə́ ba ā ə́saī dā̰ ní.

LEBI GƏ̄ 2:2

Kɔ́ɔ̄ a aw̄ń rɔ̄ ngé tun̄ yá̰a̰ gə̄ ń i ngán Aaro̰ gə̄ ní tə́. Nge tun̄ yá̰a̰ a ɔdə dɔ naā tə́ kə yibīí ō, kə kajaja malang ō, kem jīn kógə̄ḿ yā róō dɔ loo tun̄ yá̰á̰ tə́. Nge ń noō i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taá malang. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

LEBI GƏ̄ 2:9

Ni a un dɔ yā róō dɔ loo tun̄ yá̰á̰ tə́. Nge ń noō i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taá malang. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

LEBI GƏ̄ 2:16

Nge tun̄ yá̰a̰ a ɔdə dɔ kōō kə́ ló̰ȳ kə yibīí ní sḛý naā tə́ kə kajaja gēé malang yā róō horoó. Nge ń noō i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taá malang. I yá̰á̰ ndējə̄ kə́ róō horoó kadə̄ Kɔ́ɔ̄ɓē.

LEBI GƏ̄ 3:5

Ba ngé tun̄ yá̰a̰ gə̄ a róōn̄də́ horoó dɔ loo tun̄ yá̰á̰ tə́ naā tə́ kə yá̰a̰ tun̄ kə́ róō horoó kadə̄ Kɔ́ɔ̄ɓē. Nge ń noō i yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

LEBI GƏ̄ 6:14

A ló̰ȳn̄ ndujə̄ ní kə yibīí, ba a ɔbə̄n̄ kem gajoó kadə̄ edə̄. Gō tə́ anī a gángə̄n̄ naā tə́ pá tá a ndējə̄n̄ Kɔ́ɔ̄ɓē kadə̄ sēēn nelə̄n.

LEBI GƏ̄ 8:28

Gō tə́ anī tél taā jīdə́ tə́ kɔ̄ɔ́, róō horoó dɔ loo tun̄ yá̰á̰ tə́ naā tə́ kə dā̰ kə́ yā róō kadə̄ Kɔ́ɔ̄ɓē. Nge ń noō i yá̰a̰ tun̄ kə́ yā kəndāń deē kem kəla tun̄ yá̰á̰ tə́, adə̄ sēēn nel̄ Kɔ́ɔ̄ɓē.

TƏ́DA 28:7

A tə́ten̄ kasə kə́ ngan̄g kə́ asə lāngá kógə̄ḿ kə núsə tām̄ yā ngōn̄ batə̄ kə́ kə ndɔ̄ý tə́ yā ndējə̄ Kɔ́ɔ̄ɓē kem loo kə́ táĺ tə́.

TƏ́DA 28:8

Ngōn̄ batə̄ kə́ nge ko̰ jōó ní a ndējə̄n̄ Kɔ́ɔ̄ɓē i loo sɔlí. A ndējə̄n̄ ndujə̄ ō, a tə́ten̄ kasə kə́ ngan̄g ō dɔ tə́ tītə̄ kə́ kə ndɔ̄ý. I yá̰a̰ kəsa kə́ sēēn sɔl̄ kem Kɔ́ɔ̄ɓē.

1 YÁ̰A̰ GƏ̄ 6:34

Aaro̰ nin̄ kə ngánən gēé rāān̄ i kəla róō dā̰ kə́ tun̄ gə̄ dɔ loo tun̄ yá̰á̰ kə́ róó tə́ ō, i kəla róō ndujə̄ yá̰á̰ kə́ kotə majə gə̄ dɔ loo róō ndujə̄ yá̰á̰ kə́ kotə majə gə̄ tə́ ō. Nin̄ i ngé kəndā kumdə́ gíŕ yá̰a̰ malang kə́ kem loo kə́ táĺ ngá̰ý tə́ ō, ngé rāā yá̰á̰ kə́ yā kadə̄ Nə́ɓā mā̰yń rɔ̄n dɔ majaĺ tə́ tām̄ yā ngán Israel gə̄ tə́ ō. Nin̄-unən̄ i gō yá̰a̰ malang ń Moijə nge kəla yā Nə́ɓā əda ni n rāān̄neé yá̰a̰ gə̄ ń noō ní.

2 YÁ̰A̰ GƏ̄ 4:6

Rāān̄ səmbē kə́ lú gə̄ kutə kógə̄ḿ kə gində̄ nə̄ngá kasaá. Tə́ndān̄ kə́ mí gə̄ dām̄ kújə yā Kɔ́ɔ̄ɓē kə́ ko̰ó̰ tə́ ō, kə́ mí gə̄ dāmə̄n kə́ geleé tə́ ō, i kə rī tə́go yá̰a̰ tə́gon̄ dā̰ kə́ yā róō horoó gə̄ i kem səmbē gə̄ ní tə́, banī ngé tun̄ yá̰a̰ gə̄ a tə́gon̄ rɔ̄də́ i kə man̄ kə́ kem bayaá.

EJEKIEL 40:38

Kem kújə́ kə́rēý i kadə kem kújə́ kə́ ta róbə́ tə́. Deē teē tū tə́ a reē i kem kújə́ kə́ ta róbə́ tə́. Dā̰ gə̄ ń tɔ̄lə̄n̄də́ yā róōdə́ kə taá malang ní, a tə́gon̄də́ i kem kújə ngeé ń noō tə́.